Buća e Apostolurenđe 2

O Sveto Duxo uljol pe sikade

1Kana avilo o đive i Pedesetnica – pinda (50) đive pali Pasha, savore sesa katane ko jekh than. 2Tari jekh drom šundilo zvuko taro nebo sar kana phurdol bari balval thaj i balval pherda sa o ćher kaj bešle. 3Tegani sikadile lenđe sar jagale čhiba save uladile thaj ulile pe svakoneste po jekh. 4Pherdile savore Svetone Duxosa thaj lije te vaćaren avere čhibencar, sar lenđe o Duxo dija te vaćaren.

5Ano Jerusalim sesa devlikane Judejcura save avile tare sa e narodura talo nebo. 6Kana šunde gova zvuko, ćidije pe e manuša. Sesa zbunime, golese so dži jekh šunda kaj e sikade vaćaren ke lesi čhib.

7Divisajle thaj čudisajle. Jekh avere pučlje: “Dikh, naj li sa kala manuša so vaćaren tari Galileja? 8Sar onda amen savore šuna sar vaćaren ki amari čhib kaj sam bijande? 9Maškar amende si e Parćanura, e Međanura, e Elamcura, e manuša andari Mesopotamija, andari Judeja thaj andari Kapadokija, andari Ponta thaj andari Cikni Azija, 10andari Frigija thaj andari Pamfilija, andaro Egipat thaj tare Libijska phuva paši Kirina, putnikura andaro Rim 11(e Jevreja thaj e manuša save irisade pe ko jevrejsko pačajipe), e manuša taro Krit thaj Arapura. Amen savore šuna len sar vaćaren ke amare čhiba tare bare buća e Devlese!”

12Savore divisajle thaj sesa zbunime thaj jekh avere pučlje: “So kava značil?”

13Al avera asaje thaj vaćarde: “Gugli mol pilje. Von matile!”

O Petar propovedil

14O Petar iklilo katane e dešujekhe (11) apostolurencar thaj zurale vaćarda e manušenđe: “Manušalen, Jevrejonalen thaj savore save bešen ano Jerusalim! Šukar šunen me lafura thaj kava te džanen: 15Kala manuša naj mate sar so tumen den gođi, golese so si enja o sato ki sabalin. 16Nego kava si gova so vaćarda o proroko o Joilo:

17Vaćarol o Gospod:

‘Ane palune đivesa

ka čhuvav mingro Duxo pe sa e manuša.

Tumare čhave i čheja ka prorokujin,

tumare terne ka dićhen vizije

thaj tumare purane ka dićhen sune.

18Ane gola đivesa ka čhuvav mingro Duxo

pe me sluge thaj pe me sluškinje,

thaj ka prorokujin.

19Ka sikavav e čudura upre ko nebo

thaj znakura tele ki Phuv:

rat, jag thaj oblako taro čuro.

20O kham ka ćerdol kalo

thaj o čhon sar rat lolo

angleder so avol o baro thaj veličanstveno Đive e Gospodeso.

21Thaj dži jekh savo rodol e Gospodeso alav,

ka avol spasimo.’

22Izraelcuralen, šunen kala lafura: O Isus o Nazarećanino sasa manuš save o Dol potvrdisada maškare tumende zorasa thaj čudurencar thaj znakurencar save ćerda o Dol prekal leste tumenđe, sar so džanen i korkore. 23Gova manuš o Isus, sasa predajimo ane tumare vasta e Devlese odlukasa thaj e Devlese anglune zamislime planesa. Tumen, ano pomoć e abandžijengo, kovisaden le ko krsto thaj mudarden le. 24Al o Dol vazdija le tare mule thaj oslobodisada le tare dukha e merimase, golese so naštine o meripe te ićarol le. 25Golese o David vaćarol lestar:

‘Dikhav kaj si o Gospod uvek angle mande,

golese so ačhol paše mi desno rig te ma perav.

26Golese mingro ilo radujil pe

thaj mi čhib dol vika taro radost,

čak i mingro telo ka avol ani nada,

27golese so ni ka ačhave mingri duša ano sveto e mulengo,

ni ka mućhe ćiro Sveco te ćernjol.

28Sikadan manđe e droma e džuvdimase

thaj ka phere man baxtasa anglo ćiro prisutnost.’

29Phralalen, putarde thaj čače šaj vaćarav tumenđe kaj amaro paradad o David mulo, sasa prahome thaj leso limori si maškar amende dži kava đive. 30Al o David sasa proroko thaj džanglja kaj o Dol sovljasa vaćarda lese kaj jekhe tare lese potomkura ka čhuvol ke leso presto. 31Vov angleder gova dikhlja thaj phenda tare Hristeso uštipe tare mule:

‘ni ačhada le ano sveto e mulengo

thaj leso telo ni ćernilo’.

32Kava proročanstvo vaćarol taro Isus save o Dol vazdija tare mule a amen savore gova dikhljam. 33O Dol vazdija e Isuse ko počasno than ki desno rig thaj primisada taro Dad e Svetone Duxo savo sasa lese obećimo. Vov čhuta pe amende kava so akana dićhen thaj šunen. 34Golese so o David ni uštilo ko nebo, a vov korkoro phenda:

‘Vaćarda o Gospod e Gospodese mingrese:

Beš manđe ki desno rig,

35sa dži kaj ni čhuvav

ćire dušmajen tale ćire pingre.’

36Golese šukar te džanol sa o Izraelsko narodo kaj gole Isuse kas tumen čhuten ko krsto, o Dol ćerda te avol Gospod thaj Hrist.”

37Kana kava šunde e manuša, dukhaja len ano ilo thaj pučlje e Petre thaj avere apostoluren: “Phralalen, so te ćera?”

38O Petar phenda lenđe: “Pokajin tumen tare tumare grehura thaj savore te krstin tumen ano alav e Isuseso e Hristeso. Gija tumare grehura ka aven oprostime thaj ka primin e Svetone Duxo sar poklon. 39Golese gova obećanje si tumenđe thaj tumare čhavenđe thaj sa e durutnenđe saven ka dol vika ke peste o Gospod, o Dol amaro.”

40Thaj bute avere lafurencar opomenisada thaj molisada len vaćarindoj: “Spasin tumen taro sudo savo avol pe kava rumimo bijandipe!”

41Tegani krstisajle kola save pačaje o lafi. Gija ane gova đive paše trin milje (3 000) duše pridružisajle e pačavnenđe. 42Ačhile ustrajna ano sikajipe e apostolurengo, ano ćidinipe, ano phađipe o mangro thaj ani molitva.

E pačavnengo džuvdipe

43Ane sa e duše avili i dar, golese so o Gospod ćerda but čudura thaj znakura prekal e apostolura. 44A sa save pačaje sesa katane thaj sa so sasa len sasa zajedničko. 45Bićinena sa po barvalipe thaj ulade kolenđe kase trubul. 46Svako đive ćidije pe katane ano Hram. Ane ćhera ćidije pe te len i Gospodnjo večera thaj xalje mangro baxtasa thaj čačukane ilencar. 47Hvalisade e Devle thaj poštujisade len sa e manuša. A o Gospod svako đive anola lenđe kolen so spasina pe.

Currently Selected:

Buća e Apostolurenđe 2: GSP

Highlight

ਕਾਪੀ।