انجیل مرقس 8
8
عیسی چهار هزار نفره غذا دییه
1اَ روجانک، هنی پِر جماعتی عیسی دویره بیدا آبنده. وختی که چیزی نداشتشانه بخرنده، عیسی اِشتن شاگردش داد بکردنده و اَواننه بِاتشه: 2«چِمن دله اِم جماعته را سوتَرییَه، چون اِسا سُه روجه مَنَنده و چی ای خردنه را ندارنده. 3اگم اَوان وَشیر بخرسانم تا بیشینده اِشتن کییه، راک ضعف کرنده. بعضی از اَوه دوره رانه آمینده.» 4شاگرده عیسی شان جواب بدا: «اِم دور افتاده یاگاک کاردنه کسی تانه اِم مردمه سیر کردنه را نان بوعره؟» 5عیسی آپرسس: «چند گِله نان دارا؟» باتشانه: «هفت گله نان.» 6اَدمی عیسی جماعتش دستور بدا تا گله سرک بنشنده. چاوش هفت گله نانش اَکَته و شکر کردنه پش، اَوش پاره بکردنده، اِشتن شاگردش آدا تا مردم پرانک بنینده؛ شاگرده نی اَوان بناشانه جماعت پرانک. 7چند گِله ویلیه مایی نی داشتشانه. پس عیسی اَوش نی برکت آداه، و باتشه تا اَوان نی بِنَینده مردمه پرانک. 8همه بِخردشانه و سیر آبنده و شاگرده هفت گله سَبَ فت اَ غذا ماندشان بیدا آکته. 9اَگارک تقریبا چهار هزار نفر بِنده. چاوش عیسی جماعتش بخرسانس بیشینده. 10و البحل اِشتن شاگرداننه بنشته قایقه دلک و بِشه منطقه‌ی دَلمانوتَه.
فریسیان ایگه آسمانیه نشانه آخازنده
11فَریسی فرقه علما بامنده عیسی وَر و اَونه بحثشان بکرده. اَوه عیسی امتحان کردنه را، اَوک ایگله آسمانیه نشانه‌ای آخاشتشانه. 12عیسی، دِلِنه آهیشی بکشسه و باتشه: «چیه را اِم نسله نشانه پشه گردنده؟ حقیقتن، شامانه واترم، هیچ نشانه‌ای اِم نسله آدییه نیبی.» 13اَ چوان وَرنه بشه و هنی قایقک بنشته، بشه اُوعه اَ طرفه را.
فریسیان و هیرودیسه خمیر مایه
14شاگرده ویرشان برکرده به که اِشتن نه نان اَگیرنده، و قایقک فقط ایگله نانشان داشته. 15عیسی اَوانش هشدار بدا و بِاتشه: «ویراجین ببا و فَریسیان و هیرودیسه خمیرمایک دوری بِکَراه.» 16شاگرده هندیگرنه چِمه درباره که نان ندارنده بحشان کردرده. 17عیسی که اِمش زانسه، اَواننه باتشه: «چیه را چِمه درباره که نان ندارا هندیگرنه بحث کَردرا؟ آیا حلا نزانا و درک نکرا؟ مگم شاما دلَه سِگِ کا؟ 18چَشم دارا و نیوینا؟ گوش دارا و نشنوسرا؟ ویرران نییه؟ 19وقتی اَ پنج گله نانم، پنج هزار نفره را پاره بکه، چند گله سَبه فت اَ نانه خوردانک ران بیدا آکته؟» اَوان باتشانه: «دونزده گله سَبه.» 20«و وقتی اَ هفت گله نانم چهار هزار نفره را پاره بکه، چند گله سَبه فت اَ نانه خوردان کران بیدا آکته؟» اَوان باتشانه: «هفت گله سَبه.» 21عیسی اَواننه باتشه: «حلا درک نکردرا؟»
عیسی، بیت صیداک ایگله کوره مردکه شفا دییه
22اَوه آرسسنده بِیت‌صِیْدا، چند نفر ایگله کورَه مردکی بوعردشانه عیسی ور، و عیسی شان مندت بکرده چَه سر دس اَنیه. 23عیسی اَ کوره مردکه دسش بِکَته و اَوش دِهِنه ببرده بر. چاوش چَوه چشمان سر چافش آشانده و اِشتن دسِش چَوه سرک اَنانده و آپرسسشه: «چی ایی ویندری؟» 24اَ مردک اِشتن کَلش راست آکه و باتشه: «مردمه ویندرم ولی اَوان دارانی شوارنده که مترنده.» 25هنی عیسی اِشتن دسِش چَوه چشمان سرک اَنانده. و مردکه چَشمه آبنده، چَوه چشمان سو آگردس، و همه چیش واضح ویندرده. 26عیسی اَوش بخرسانس چوه کییه و بِاتشه: «حتی دِه دله دِمَش.»
پِطرُسه اعتراف عیسی درباره
27عیسی اِشتن شاگردان نه بشه قیصریه فیلیپی اطرافه دِهان را. راک، اِشتن شاگردانکش آپرسسه: «مردم واترنده از کی اِسِم؟» 28جواو آداشانه: «بعضی واترنده یحیای تعمیددهندیش، عداه ای نی واترنده ته ایلیای پیغمبرش و عده ای دیگر نی واترنده ایگله پیغَمبرانک اِسش.» 29عیسی اَوانک آپرسسشه: «امّا شاما واترا از کی اِسم؟» پِطرُسه جواو بدا: «ته مسیح موعود اِسش.» 30عیسی اَوانِش پِر قدغن بکردنده که چَوه درباره کسینه چی ای مواجنده.
عیسی پیشگویی درباره اِشتن مردن و زنده آبینه
31اَ موقع عیسی چَوان تعلیم دینش شروع بکه که انسان زا گه پر عذاب بکشه و شیخان و سران کاهنان و تورات معلمینه طرفه نه رد بیبی، کوشته بیبی و سُه روجه پَش زنده آبی. 32عیسی اِمش اَواننه واضح باته. پِطرُس، عیسیش ببرده کناری را و چَوه راش غیض بکه. 33امّا عیسی آگردس، اِشتن شاگردان دیشتشه و پِطرُسه را غیضش بکه و باتشه: «منک دور آبش، ای شیطان! چون اِشته فکره انسانینده، نه خدایی.»
34اَدمی عیسی جماعتش اِشتن شاگردانه داد بکردنده اِشتن وَر و اَواننه باتشه: «اگم کسی بِگَوشه چِمن پیرو بیبی، گه اِشتن دس اَگیره، اِشتن عذاب و مرگه صلیبه اَگیره و چِمن پشدنه بایه. 35چون هر کی بِگَوه اِشتن جانه نجات بدیه، اَوه از دس دَیه، امّا هر کی چِمن واسنه و انجیل واسنه اِشتن جانه فدا بکره، اَوه نجات دیه. 36چون انسان را چِه فایده داره که تمان دنیا بداره، امّا اِشتن جانه از دست بِدَیه؟ 37انسان اِشتن جانه عوض چه تانه آدییه؟ 38چون هر کسی اِم زناکار و گناهکاره نسله میانَه، منک و چِمن لاوانک عار بداره، انسان زا نی اَدمی که اِشتن آسمانییه پییَر شکوه جلالک، مقدس فرشتانه آیه، اَوک عار داره.»
Currently Selected:
انجیل مرقس 8: TIT
Highlight
Share
ਕਾਪੀ।
Want to have your highlights saved across all your devices? Sign up or sign in
@ 2024 Korpu Company