انجیل لوقا 14
14
اینفره شفا مقدس شنبه روجک
1یهودیان مقدسه شنبه روجک، عیسی غذا خَردنه را بشه ایگله فریسیان فرقه عالمه پیله تره کییَه. اَوه دِقتنه چوه ویراجین بنده. 2اَگا ایگله مردکی اِس به که چوه جانه اُ آورده به. 3عیسی اَ فریسیان و شریعت قاضیان کِش آپَرسس: «مریضان شفادین مقدسه شنبه روجک جایزه یا نه؟» 4اَوان جوابی ندا. پَس عیسی اَ مریضه دسش بِکَته و شفاش بِدا و مُرخصش بکه. 5چاوَش اَوان دیَشته و آپَرسسشه: «آیا شاما دِلَک کسی اِسه که شنبه روجک چَوه زا یا گُوعَه چا دلک دِگِنیه اَلبَحل اَوه چاک بمراوَره؟» 6اَوان اِم سواله را جوابی شان نداشتِه.
ویوه جشنه مثال
7وقتی عیسی بینده که همه‌ی میهمانه تَقَلا کَردَرِنده که مَجلسه سرین وَرک بنشنده اِم مَثَلِشه چوان را بیزیا: 8«هر وقت وِیوَه ای دعوت بِبِران، مجلسه کفایینَه سَرک منشا، چون ممکنه ایگِله میهمانی بایه که شاماک مهم تر بیبی. 9کییَه صاحاب شاماک آخازه که شاما اِشتن یاگا اَوه آدَیا. اَدمی گَه تور اَگِنا و بیزا و مجلس جیرین وَرک بنشا! 10پس وقتی ته دَعوت کَرِنده میهمانی، بِشه و مجلسه جیرین وَرک بِنش تا وقتی که کییَه صاحاب بایه و باجه: «چِمن رَفق، بو کفایینَه سَرِک بنش.» اَدمی، مهمانان پَرانک شاما سربلند با. 11چون هر کی تقلّا بِکره اِشتن پیله آمانه، خوار آبی، اَمّا کسی که اِشتن فروتن بِکره، سربلند بی.»
پیله میمانی مثال
12چاوَش عیسی کییَه صاحاب نه باته: «هر وخت سور یا میهمانی آدَیی اِشته رَفِقان و بِراران و فامیلان و پولداره قونشوانر دَعوت مَکه، مبادا اَوه نی ته دعوت بکرنده و ایزه ته اِشته عوضه اَرگیری. 13بَلکم وختی مهمانی دَیی، فقیران و لنگان و شلان و کوران دَعوت بکه 14اَدمی ته خسه بخت بی؛ چون اَوه چی ای نِدارنده که چَوه عوض ته آدینده، و ته صالح آدَمان قیامتک اِشته عوضه اَرگیری.»
15ای نفر اَوانک که سِفره سَرک نشته به، وختی اِم لاوَآنِش بشنوسه، باتشه: «خَسه ببا اَ کسی که خدا پادشاهی سفره سَرک بنِشه و غذا بخره.» 16عیسی چَه جوابک باته: «ای نفر پیله مهمانییشی بِدا و پِر آدمش دعوت بکردنده. 17میهمانی موقع، اِشتن نوکرش بخرسانس تا مهمانانه باجه،” بایا که همه چی حاضره.“ 18امّا همان ایگله بهانه ای بوعَرد. اوّلی باته: ”ای تیکه زمینی خِریَمِه گَه بیشیم اَوه بینم. خواهش کَرم چِمن عذره قبول بکَه 19دومی باته: ”از پنج جِفت گوعِم خرییَه، و اِسا گه بیشیم تا اَوان امتحان بکرم. ته خواهش کَرم چِمن عذره قبول بکه.“ 20سومی نی باته: ”تازه زنم برده و چِمه واسنه نِتانم بایم.“ 21اَ نوکر آگردس و اِم چیان اِشتن ارباب راش باته. اَرباب عصبانی آبه و اَوِنَش باته: البحل بشه میدانان و شهره کوچه آنک فقران و فلجان و شلان و کوران بوعه چِمن ور. 22نوکرِه باته: ”ارباب، اِشته فرمانم انجام بدا، اَما حلا یاگا اِسه.“ 23پس چه اربابه باته: ”اِسا بشه جادهانک و کوره راهاک هر کی وینی مِندتِنه بوعَر چِمن کییَه تا فِت آبی. 24شامانه واجم هیچ کامین اَ دعوت بیاره، چِمن مهمانی مزه نچشنده.
مسیحه شاگرد بییَن چه بهایی داره
25پره جماعتی عیسی همراه بنده. عیسی آگردس و اَوانش باته: 26«هر کی چِمن وَر بایه و اِشتن پییر و ما و زلی و خُوردوخال و خوعه و برارانک حتی اِشتن جانِک دس اَمگیره نتانه چِمن شاگرد بیبی. 27و هر کی اِشتَن عذابه صلیبه اَمَگیره و چِمن پَشَدنه مایه نتانه چِمن شاگرد بییَن. 28اگم کسی شاما دِلَک رایش بیبی ایگله برجی رچ آکره، مگم اوّل نِنشه چَوه خرجه حساب نکره که بینه تانه اِم کاره اُوجره یا نه؟ 29چون اَگم چَوه پاکاره بِکَنه امّا مَتانه اَوه اُوجردن، هر کی اَوه بینه چَوه را خُوره، 30و واجنده: ”اِم مردکه ساختمانِش بینا بِکه، ولی نتانسشه اَوه اُوجره! “
31یا کامین پادشاه که عَلوده پادشاهینه رایشه جنگ بِکره، بی اِم که اول بِنِشه و فکر بِکره که بینه آیا دَه هزار گِله سربازنه تانه ایگله بیست هزار نفریه لشکرنه بجنگه؟ 32و اَگم مَتانه، حَلا پر مانده دشمن سر آرسه، اِشتن نماینده خِرسانه که آپرسه چنجوره بی صلح کردن. 33چِمان شوارین، اَگم شاما همه‌ی دارایک دَس اَمگیرا، نتانا چِمن شاگرد ببا.
فاسده نِمک
34«نمک چاکه، ولی اَگم نِمَک اِشتن مزه از دَس آدیه، چنجوره هنی سور آبی؟ 35اِم نمک نه خاکه بدرد خره، و نه حتی زمینه کوده را بدرد خره؛ اَوه گه فقط فِر آدَیی. هر کی گوش اَشنوسنه را داره چِمن لاوان گوش آدیه.»
Currently Selected:
انجیل لوقا 14: TIT
Highlight
Share
ਕਾਪੀ।
Want to have your highlights saved across all your devices? Sign up or sign in
@ 2024 Korpu Company
انجیل لوقا 14
14
اینفره شفا مقدس شنبه روجک
1یهودیان مقدسه شنبه روجک، عیسی غذا خَردنه را بشه ایگله فریسیان فرقه عالمه پیله تره کییَه. اَوه دِقتنه چوه ویراجین بنده. 2اَگا ایگله مردکی اِس به که چوه جانه اُ آورده به. 3عیسی اَ فریسیان و شریعت قاضیان کِش آپَرسس: «مریضان شفادین مقدسه شنبه روجک جایزه یا نه؟» 4اَوان جوابی ندا. پَس عیسی اَ مریضه دسش بِکَته و شفاش بِدا و مُرخصش بکه. 5چاوَش اَوان دیَشته و آپَرسسشه: «آیا شاما دِلَک کسی اِسه که شنبه روجک چَوه زا یا گُوعَه چا دلک دِگِنیه اَلبَحل اَوه چاک بمراوَره؟» 6اَوان اِم سواله را جوابی شان نداشتِه.
ویوه جشنه مثال
7وقتی عیسی بینده که همه‌ی میهمانه تَقَلا کَردَرِنده که مَجلسه سرین وَرک بنشنده اِم مَثَلِشه چوان را بیزیا: 8«هر وقت وِیوَه ای دعوت بِبِران، مجلسه کفایینَه سَرک منشا، چون ممکنه ایگِله میهمانی بایه که شاماک مهم تر بیبی. 9کییَه صاحاب شاماک آخازه که شاما اِشتن یاگا اَوه آدَیا. اَدمی گَه تور اَگِنا و بیزا و مجلس جیرین وَرک بنشا! 10پس وقتی ته دَعوت کَرِنده میهمانی، بِشه و مجلسه جیرین وَرک بِنش تا وقتی که کییَه صاحاب بایه و باجه: «چِمن رَفق، بو کفایینَه سَرِک بنش.» اَدمی، مهمانان پَرانک شاما سربلند با. 11چون هر کی تقلّا بِکره اِشتن پیله آمانه، خوار آبی، اَمّا کسی که اِشتن فروتن بِکره، سربلند بی.»
پیله میمانی مثال
12چاوَش عیسی کییَه صاحاب نه باته: «هر وخت سور یا میهمانی آدَیی اِشته رَفِقان و بِراران و فامیلان و پولداره قونشوانر دَعوت مَکه، مبادا اَوه نی ته دعوت بکرنده و ایزه ته اِشته عوضه اَرگیری. 13بَلکم وختی مهمانی دَیی، فقیران و لنگان و شلان و کوران دَعوت بکه 14اَدمی ته خسه بخت بی؛ چون اَوه چی ای نِدارنده که چَوه عوض ته آدینده، و ته صالح آدَمان قیامتک اِشته عوضه اَرگیری.»
15ای نفر اَوانک که سِفره سَرک نشته به، وختی اِم لاوَآنِش بشنوسه، باتشه: «خَسه ببا اَ کسی که خدا پادشاهی سفره سَرک بنِشه و غذا بخره.» 16عیسی چَه جوابک باته: «ای نفر پیله مهمانییشی بِدا و پِر آدمش دعوت بکردنده. 17میهمانی موقع، اِشتن نوکرش بخرسانس تا مهمانانه باجه،” بایا که همه چی حاضره.“ 18امّا همان ایگله بهانه ای بوعَرد. اوّلی باته: ”ای تیکه زمینی خِریَمِه گَه بیشیم اَوه بینم. خواهش کَرم چِمن عذره قبول بکَه 19دومی باته: ”از پنج جِفت گوعِم خرییَه، و اِسا گه بیشیم تا اَوان امتحان بکرم. ته خواهش کَرم چِمن عذره قبول بکه.“ 20سومی نی باته: ”تازه زنم برده و چِمه واسنه نِتانم بایم.“ 21اَ نوکر آگردس و اِم چیان اِشتن ارباب راش باته. اَرباب عصبانی آبه و اَوِنَش باته: البحل بشه میدانان و شهره کوچه آنک فقران و فلجان و شلان و کوران بوعه چِمن ور. 22نوکرِه باته: ”ارباب، اِشته فرمانم انجام بدا، اَما حلا یاگا اِسه.“ 23پس چه اربابه باته: ”اِسا بشه جادهانک و کوره راهاک هر کی وینی مِندتِنه بوعَر چِمن کییَه تا فِت آبی. 24شامانه واجم هیچ کامین اَ دعوت بیاره، چِمن مهمانی مزه نچشنده.
مسیحه شاگرد بییَن چه بهایی داره
25پره جماعتی عیسی همراه بنده. عیسی آگردس و اَوانش باته: 26«هر کی چِمن وَر بایه و اِشتن پییر و ما و زلی و خُوردوخال و خوعه و برارانک حتی اِشتن جانِک دس اَمگیره نتانه چِمن شاگرد بیبی. 27و هر کی اِشتَن عذابه صلیبه اَمَگیره و چِمن پَشَدنه مایه نتانه چِمن شاگرد بییَن. 28اگم کسی شاما دِلَک رایش بیبی ایگله برجی رچ آکره، مگم اوّل نِنشه چَوه خرجه حساب نکره که بینه تانه اِم کاره اُوجره یا نه؟ 29چون اَگم چَوه پاکاره بِکَنه امّا مَتانه اَوه اُوجردن، هر کی اَوه بینه چَوه را خُوره، 30و واجنده: ”اِم مردکه ساختمانِش بینا بِکه، ولی نتانسشه اَوه اُوجره! “
31یا کامین پادشاه که عَلوده پادشاهینه رایشه جنگ بِکره، بی اِم که اول بِنِشه و فکر بِکره که بینه آیا دَه هزار گِله سربازنه تانه ایگله بیست هزار نفریه لشکرنه بجنگه؟ 32و اَگم مَتانه، حَلا پر مانده دشمن سر آرسه، اِشتن نماینده خِرسانه که آپرسه چنجوره بی صلح کردن. 33چِمان شوارین، اَگم شاما همه‌ی دارایک دَس اَمگیرا، نتانا چِمن شاگرد ببا.
فاسده نِمک
34«نمک چاکه، ولی اَگم نِمَک اِشتن مزه از دَس آدیه، چنجوره هنی سور آبی؟ 35اِم نمک نه خاکه بدرد خره، و نه حتی زمینه کوده را بدرد خره؛ اَوه گه فقط فِر آدَیی. هر کی گوش اَشنوسنه را داره چِمن لاوان گوش آدیه.»
Currently Selected:
:
Highlight
Share
ਕਾਪੀ।
Want to have your highlights saved across all your devices? Sign up or sign in
@ 2024 Korpu Company