YouVersion Logo
Search Icon

انجیل یوحنا 10

10
از چاکه شوانه اسم
1«حقیقتا، شاما نه واجم، اَ کسی که بَرِنه دِمَشی پَسان آخور دله؛ بلکم دیوارنه اَشی کفا تا علوده راهینه بایه دله، دزد و راهزن اِسه. 2امّا اَ کسی که برنه دله بایه، پَسان شوانه اِسه. 3دربان، بره چوه را آکره و پَسه چه صصه اَشنونده؛ اَ اِشتن پسان چوان نامنه داد کره، و اَوان برآوره بر. 4وختی همه‌ی اِشتن پَسان برآوره بر، چوان پرانِنه شی و پَسه چه پشدنه شینده، چون چَه صصه آزاننده. 5اَوان خلک پشه نیشینده، بلکم اَوک دِوَزنده، چون خلکان صصه آنزاننده.»
6عیسی اِم مثلشه چوان را باتا، ولی اَوان نزانسه که اَوانه چِه واتر.
7پس عیسی هنی اَوان نه باتشه: «حقیقتا، شاما نه واجم، از پَسان را، ’بَر‘ اِسم؛ 8کسانی که چِمن پرانتر آمیینده، همبلنه دزد و راهزن اِسنده، اما پسه چوان صصشان گوش آنکه. 9از ’بر‘ اِسم؛ هر کسی چِمن رانه بایه دله نجات پیدا کره، آیه دله و شی بر و واشه جار پیدا کره. 10دزد فقط آیه که بدزه و بوکوشه و نابود بکره؛ از آمییم تا اَوه زندگی بدارنده و اَوک فراوانی نه بدارنده.
11«از چاکه شوانه اِسم. چاکه شوانه اِشتن جانه پَسان راک نَیه. 12مزدور، ایگله شوانه نییه و پسه نی چَه کین نینده، وقتی بینه که ورگ آمییر، پسان هرزه و دِوَزه و وَرگه حمله کریه و اَوان لاشت آکریه. 13مزدور دِوَزه، چون که مزدوره و پَسان فکرک نییه. 14از چاکه شوانه اِسم. از چِمن پَسان آزانم و چِمن پسه نی من آزاننده، 15اَجوره زه که پِه من آزانه و از پییر آزانم. از چِمن جانه پسان راک نَیم. 16از هنی علوده پسان نی دارم که اِم آخور کین نینده. اَوان نی گه بوعرم و اَوه چِمن صصه گوش آدینده. تا اَدمی ایگله سوری بیبینده ایگله شوانه نه. 17پِه، چِمه واسنه مَنه خشه که از چِمن جانه آدَیم تا اَوان پس اَرگیرم. 18هیچکس اَوه منک اَنرگیره، بلکم از چِمن مِیلنه اَوه آدیم. اختیار دارم اَوه آدیم و اختیار دارم اَوه هنی پس اَرگیرم. اِم حکمم چِمن پییرکم اَرکته.»
19اِم لاوان واسنه، هنی یهودیان میانک اختلاف دگس. 20پر کسه اَوانک باتشانه: «اَ دیوزده و دلویه؛ چیه را چَوه لاوان گوش آدیا؟» 21امّا بعضی باتشانه: «اِمه ایگله دیوزده لاوَه نینده. مگم دیو تانه کور آدمان چَشمه آکره؟»
از و په ایگله اِسمان
22عیده وقفِ موقع اورشلیم شهرک آرسه به. زمستان بِه 23و عیسی معبد دِلَک، سلیمان پادشاه ایوانک مِترده. 24یهودیان چَوه دویره بیدا آبنده و باتشانه: «تا کینی رایره آما شک و تردیدک نیا بداری؟ اگم مسیح موعود اِستش، آچق آمانه باجه.» 25عیسی جواو بدا: «شامانه باتِمه، امّا باور نکرا. اَ کارانی که از چِمن پییر نامنه کرم، چِمن درباره شهادتی دینده. 26امّا شاما ایمان ناورا، چون چِمن پسانک نییران. 27چِمن پَسه چِمن صصه گوش آدینده، از اَوان آزانم و اَوه چِمن پَشه آینده. 28از اَوان زندگی ابدی بَخشِم، و اَوه هرگز هلاک نیبینده. کسی نتانه اَوان چِمن دسک اَرگیره. 29چِمن پِه که اَوش من بخشسنده همانک پیله تره، و هیچ کس نتانه اَوان چِمن پییر دسک اَرگیره. 30از و په ایگله اِسمان.»
31اَدمی هنی یهودیان سِگشان اَکته تا اَوه سِگ ددار بکرنده. 32عیسی اَواننه باتشه: «چِمن پییر طرف نه پر چاک کارم شامام آمانسنده. چوان کامینه واسنه رایرانه من سِگ ددار بکرا؟» 33یهودیان جواو آداشانه: «چاکه کار واسنه ته سِگ ددار نکرام، بلکم چِمه واسنه که کفر واتری، چون انسانش و اِشتن نه خدا واتری.» 34عیسی چوان جواوش بدا: «مگم شاما توراتک نیویشته بییه نی که ”واتمه، شاما خدایان اِسران“ ؟ 35اگم خدا کسانینه که چَوه کلامه اَوان آرسه، ”خدایان“ واتر- و هیچ کامین مقدس نیویشته باطل نیبینده - 36چُنجوره تانا کسی نه که پِه وقف کردشه و خرسانسشه به ام دنیا، باجا ”کفر واتری“ فقط چِمه واسنه که باتِمه خدا زا اسم؟ 37اگم چِمن پییر کاران انجام نِدیم، پس من ایمان موعرا. 38امّا اگم اَوان انجام دَیم، حتی اگم من ایمان ناورا، اَ کاران ایمان بورا، بِزانا و بفهما که په منک اِسه و از پییرک.» 39اَدمی هنی رایشان به عیسی دستگیر بکرنده، امّا عیسی چوان دستک دوشته.
40چاوش هنی بشه اُردن رباره اَدیم، اَگا که یحیی پرانتر غسل تعمیدش دسه بشه و اَگارک بندرس. 41خیلی کسه بامنده چوه وَر. اَوان واترده: «یحیی هیچ علامت و معجزه ایشی نکرده، امّا هر چی اِم مردک درباره باتشه، راست بِه.» 42و خیلی کسه اَگارک عیسی شان ایمان بوعرده.

Highlight

Share

ਕਾਪੀ।

None

Want to have your highlights saved across all your devices? Sign up or sign in