Zohan 19
19
Isuo Khrōsa Āntār ranga Anbetōk
Mt 27:15-31; Mk 15:6-20; Lk 23:13-25
1 #
Dān 25:3; Isa 50:6; Mt 27:26 Hatuk Pilat-in Isuo a ruoi a, nganuramoi le a va razīk a. 2Sipai ngāiin raling lukhū a phan u na, a lūna a mankhū u na. Amānī'n kultāi anchuol dumaduk a mansil u na. 3#Mt 27:29Hatuka a kōla a hong u na, “Chubai, Zehudi ngāi Rēng!” a ti u na. Amānī'n a kut le ā bēn u na. 4#Lk 23:4Pilat chu a vā suok rēt a, a kōm u na, “Entā, ama ei siatna ītē mu mak ung ti nei riatthei una ranga, na kōm una kei hong masuok a ni,” a tī na. 5Isuo chu raling lukhū lē kultāi anchuol dumaduk ansila a hong āsuok a. Pilat-in a kōm u na, “Entā, hava miring chu,” a tī na. 6#Lk 23:4; Kui 3:13Chāizūng ulian ngāi lē sipai ruoipu ngāiin ei mū u le, ankhēk u na, “Khrōsa tār ro! Khrōsa tār ro!” a ti u na. Pilat-in a kōm u na, “Nangnī'n ruoi u tānla, khrōsa tār u ro. Koi chu ama ei siatna ītē mu mak ung,” a tī na. 7#Lev 24:16; Mt 26:63, 66Zehudi ngāiin a kōma, “Koinī'n dān khat nā dōn a, amā'n a ninga Pathian Nāipasala ei ānti sika, koini na dān anga ama chu ei thi rang a nāng,” a ti u na. 8Pilat-in hava chong a riat le chu, ā chi riam a. 9#Mk 14:61Ama chu ramoppū ruirilna ina a vā lūt rēt a, Isuo kōma, “Hova nātā āhong mo nā ni?” a tī na. Tenchu Isuo'n masang mak a. 10Pilat-in a kōma, “Na chongpui nō'n mo? Nang khrōsa anā tār theina ningneina lē anā'n zōk theina ningneina kei dōn hi riat mak chē mo?” a tī na. 11#Kui 3:13; Rōm 13:1Isuo'n, “Chung tiang ātā ningneina anpēka nā om nōk ten, koi aduia ītē ningneina dōn mak chē. Hasikhan na kuta anā'n betōkpū masialna hi alian uol,” a tī na.
12 #
Lk 23:2
Hatuka hava len ātā Pilat-in ama chu anzōkna a pūt a. Tenchu Zehudi ngāi chu ankhēk u na, “Hiva mī hi na mazōk ten Kāisar a mal ni mak chē. Tūkareng a ninga rēnga ānsin chu Kāisar ādui kēng,” a ti u na. 13#Mt 27:19Pilat-in hava chong a riat a, Isuo chu apanga a hong masuok a, ruirilna sutmun, mī'n “Lungdāpmun” ei ti una muna han a vā'n sut a. Hebrāi chonga Gabatha a ti u na. 14#Mt 27:62; Mk 15:25Hava nikhuo ha Kallēn Pāntā ranga a lei Ansinna nikhuo a ni. Sūnchimripa#19:14 Sūnchimripa: Grika “Dārkār arukna” tīna anziak a. Pilat-in Zehudi ngāi kōma, “Entā, na rēng u chu,” a tī na. 15Tenchu amānī'n ankhēk u na, “Ama chu pei ro! Ama chu pei ro! Ama chu khrōsa tār ro!” a ti u na. Pilat-in a kōm u na, “Na rēng u chu khrōsa mo kei tār rang?” a tī na. Chāizūng ulian ngāiin, “Koinī'n Kāisar nōk chu rēng atei dōn mak mē,” a ti u na. 16#Mt 27:26; Mk 15:25Hatuka ama chu amāni kōma khrōsa āntār ranga a betōk a. Isuo chu amānī'n a ruoi u na.
Isuo Khrōsa Āntār
Mt 27:32-44; Mk 15:21-32; Lk 23:26-43
Hatuka Isuo chu sipai ngāiin a lāk u na, ei ruoi a ni u zei a. 17#Aph 22:6; Lk 14:27; 23:33Ama chu a khrōs anputa, luru mun ei ti u muna han a sē na. Hebrāi chonga Golgotha a ti u na. 18#Lk 23:32Hava han ama chu a tār u na, ama bila atei anni, a sīr annina a om u na. Isuo chu alāia a om a. 19#Mk 1:24Pilat-in a tārruo chongkam a maziak a, khrōsa a tār a. Hava ānziak chu: “NAZARET-A ISUO, ZEHUDI NGĀI RĒNG.” 20#Heb 13:12Isuo khrōsa ei tār una mun ha khopui kōla ei ni sika, Zehudi ngāi tamtakin hava chongkam ānziak āntār ha a siar u na. Hava ha Hebrāi, Grik lē Latin chonga ānziak a ni. 21Hasikhan Zehudi chāizūng ulian ngāiin Pilat kōma, “ ‘Zehudi ngāi Rēng,’ tīna maziak nō ro, tenchu, amā'n, ‘Koini hi Zehudi ngāi Rēng kā ni’ a tī na,” a ti u na. 22Pilat-in, “Kei maziak suo chu kei maziak a ni zei,” tīna a masang a.
23Sipai ngāiin Isuo khrōsa a tār suo u le, a raliang ngāi a lāk u na, phel manlīna a sensāi u na, sipai ngāiin phel khat seng a chang u na. A kultāi anchuol um a lāk u na. Hava kultāi anchuol ha anchī lui a ni, achung ātā atuon pumpui ānkhōng a ni. 24#Mt 1:22Hasikhan amāni lē amāni a chong u na, “Thēt u nō rei. Tenchu tū rang mo a chuk, hiva ranga rāvān en u rei,” a ti u na. Hiva hi Pathian chong ei kip theina rang a ni,
“Ka raliang ngāi chu a kār una ansem u na.
Ka puon ranga ravānenna a thō u na.” (Sām 22:18)
Hasikhan hiva ngāi hi sipai ngāiin a thō u na. 25#Mt 27:55-56; Lk 8:2Isuo khrōs kōla han a nū, a nū zuorpui, Klopa thāinū Mari lē Magdalene Mari ngāi chu anding u na. 26#Mt 12:46Isuo'n a nū lē a zolāi madit ha a kōla ānding chu a mū na. A nū kōma, “Nupang, entā, na nāipasal!” a tī na. 27Hatuka Isuo'n a zolāi kōma, “Entā, na nū!” a tī na. Hava ahun len ātā a nū chu hava zolāiin a ina a ruoi a.
Isuo a Thi
Mt 27:45-56; Mk 15:33-41; Lk 23:44-49
28 #
Mt 1:22
Hava suona Isuo'n alompeia a kip zit zei tī a riat a, Pathian chong ei kipna ranga, “Ka tī anrāl,” a tī na. 29#Sām 69:21Hava han zūthūr bēl abit khat ansuta om a. Zūthūra nāngpon ei machia u na, lēngmasēr kuonga a makhop u na, a mūr a va mantōn u na. 30#Lk 12:50Isuo'n zūthūr chu a tem suona, “Anzui zei,” a tī na. A lū a manbū na, a rathā chu a mathān a.
31 #
Dān 21:23; Zos 8:29 Ansinna nikhuo ei ni sika, ruok chu Sabat nikhuona khrōsa ei om rang ni mak a, (Sabat chu nikhuo lian#19:31 nikhuo lian: Kallēn pāntā māna samūt dāli darna nikhuo ei ni sika, hi Sabat nikhuo hi nikhuo lian a ni. a ni). Zehudi ngāiin Pilat a kōma a ke u ngāi ākhiak ranga lē amāni chu ālāk ranga a va zong u na. 32Hatuka sipai ngāi chu a hong u na, Isuo bila khrōsa āntār ngāi mānsapū lē ateipū a kē u ngāi a khiakpē u na. 33Tenchu Isuo kōma a hong u le chu ama chu u a lei thi suona a mū u na, a ke ngāi chu khiak mak. 34#Zek 12:10; 1Zn 5:6, 8; Anl 1:7Tenchu sipai ngāi bila angkhatin seipēr le a kāng a vitpē na, thisen lē tī a hong āsuok len a. 35#Lk 24:48Āmūpū'n riatpuina a pēk a, ei riatpuina atak a ni. Amā'n chongtak ei ril hi a riat, nangnī'm nei iam thei una rang a ni. 36#Mt 1:22“A ru ngāi chu angkhattē ngal ankhiaka om nō ni,” (Ant 12:46; Atl 9:12; Sām 34:20) tī Pathian chong chu ei hong kip theina ranga, hiva ngāi hi ei hong nī a ni. 37#Anl 1:7Pathian Lekhabū'n, “Amānī'n ei vit u chu la en u'n ti,” (Zek 12:10) a tī.
Isuo Thāna Anphūm
Mt 27:57-61; Mk 15:42-47; Lk 23:50-56
38Hiva suona, Arimathāi-a Zosef, Isuo zolāi ei ni anga, tenchu maruktēna, Zehudi ngāi ei āchi sika, Isuo ruok alāk ranga Pilat a va zong a. Pilat-in ama chu a phal a. Ama chu a hong a, Isuo ruok chu a hong lāk a. 39Nikodem um, māna zāna Isuo kōma āhongpū chu a hong a. Amā'n mura lē aloe le ānpol kilogram 33#19:39 kilogram 33: Grika “litra 100” a ni. tāng a hong chōi a. 40#Mt 26:12; Lk 24:12Hatuka Isuo ruok chu a lāk u na, Zehudi ngāi anphūm dān anga marimhui lē linen puon le ā thuom u na. 41Khrōsa ei tār una kōla han rahuon khat a om a. Hava rahuona han tūtē lā'n siakna ngāilui thānkhur athar khat a om a. 42Hasikhan Zehudi ngāi Ansinna nikhuo ei ni sika lē thānkhur um ānāitē ei ni sika, hava han Isuo chu a manzāl u na.
Currently Selected:
Zohan 19: RNL
Highlight
Share
ਕਾਪੀ।
Want to have your highlights saved across all your devices? Sign up or sign in
Bible in Ranglong, © Bibles International, the Bible society of Baptist Mid-Missions, 2024.