Jonás 3
3
Diosan a mi sinania Nínivenu ꞌikë unikama masó ñuikë bana
1Amiribishi ka Diosan Jonás ësokin katëkëankëxa: 2Anu kuanxun kamina chaiira ëma Nínive kakë anu tsókë unikama ꞌën mi kakë banakama ñuixuni kuanti ꞌain.
3Kakëx ka Jonás Nínive kakë ëmanu Diosan kakësabiokin ꞌai kuankëxa. Nínive kakë ax ka chaiira ëma ꞌaish, rabë́ ꞌimainun achúshi nëtë ꞌimi anun kuainsa ꞌiakëxa. 4Usa ꞌain ka Jonás kuanx a ëmanu atsíntankëx munuma banakin Diosan kakë banakama anu ꞌikë unikama kai achúshi nëtë ꞌimi niakëxa. Nikin ka ësokin kakëxa, ënuax cuarenta nëtë ꞌikëbë ka Nínive kakë ëma ënëx Diosan ꞌatimokin masókë ꞌianan ꞌaisama okë ꞌiti ꞌikë kixun ka kakëxa.
5Usokian ñuixunkëxun kuati ka a ëmanu ꞌikë unikama ñuñu ꞌimainun ñuñuma unikamabë, kamabi uni axa a ëmanu tsókë akamax Diosmi sinani kamáxbi kananxun, añu ñubi pima samáti atun chupa xëni pañuanan chupan mapúkankëxa.
6Usaia ꞌikankë a ka Nínivenu ꞌikë ꞌapun kuakëxa, kuati ka anua tsókë anuax nirukiani kuanxun ax ꞌapu ꞌixuan pañukë chupa a pëtankëxun anribi chupa xëni a pañubiani kuantankëx anua chimapu bukúnkë menu tsóbuakëxa, usai ka Diosan ka ꞌapun ñu ꞌatima ꞌakëkamaribi mëníoxa kixuan ꞌunánun ꞌiakëxa. 7Usai ꞌitankëxun ka ꞌapu ꞌimainun aín suntárunën kushikaman a ëmanuaxa usai ꞌikanti achúshi bana nankëxa: Uínbi ka ënë nëtëkaman pitima ꞌikën. ꞌIanan ka uínbi aín ñuina ꞌarakakëkama pimianan ꞌumpaxbi ꞌamitima ꞌikën. 8ꞌIanan ka kamáxbi chupan mapuanan atun ñuinakamaribi chupan mapukanti ꞌikën, atun ñu ꞌatima ꞌakë a sinani bënë́kin chupa xëni pañuxun ka ami sinánkin Dios aín kushibëtanbi ñukákanti ꞌikën. Usakin ꞌakin ka achúshi achúshi unin bëríbia ꞌatima ñu ꞌakë akama ënkanti ꞌikën; 9usakin nun ꞌakëbë sapi ka Diosan nukamami ꞌatimakin sinania nishkë a tupubuti ꞌikën, usai ꞌikin sapi ka nu bamamitima ꞌikën.
10Usakin atun ñu ꞌatima ꞌakë ënia a mi sinania iskin ka Diosan Nínivenu ꞌikë unikama, uisabi kana atu otima ꞌai kixun sinánkin an usakin ꞌakatsi kikë usakin uisabi oma ꞌikën.
Currently Selected:
Jonás 3: cbrPB
Highlight
Share
ਕਾਪੀ।
Want to have your highlights saved across all your devices? Sign up or sign in
© 1978, 1995, 2008, 2022 Wycliffe Bible Translators, Inc. All rights reserved.