Yona 3
3
Yona yakutyatya wulajlize wo Muwaha Mulungu
1Baho kanyhi, Muwaha Mulungu yakalonga na Yona. 2Yakamutya, “Ale wubite ku Ninawi, kwi'kaya alilya liwaha, wukawalonjele i wanhu zinghani zono nghupeye.” 3Lulo nhondo, Yona yakamuhulika u Muwaha Mulungu, yakawa kubita ku Ninawi. Likaya lyali yiwaha muno muno, yajenda mugati yalyo vilo vidatu. 4Yona yali yeza kwinjila mwi'kaya, muhinzo we zuwa limonga, yakanza kuwalonjela yakutya, “Kolo vikupuluta vilo makumi mane, Ninawi yokongomezwa!”
5Nawo i wanhu wa Ninawi wakehuwila i nghani yo Mulungu. Holeka wakawa kulamula nha vyono wanhu wose walece kulya, ne wanhu wose, ku wulawa wanhu mututu, sunga ne wadodo wose wavwale magunila, ho walajile nha vyono wakondya kunena.
6Nayo mutemi wa Ninawi, yali yeza kuzihulika zizo, yakenuka ku wulawa mwi'goda lyakwe lyo wutemi, yakavula vivwalo vyakwe, yakawa kuvwala magunila, yakawa kwikala hasi mu mavu. 7Yakawa kwanza nghani kuli wanhu wose wa Ninawi, yakutya, “Awu wo wulajilize wono wukulawa kuli mutemi na kuli wanyamhala wakwe, nha vyono, ‘Munhu wo wose yalece kulya cinji, wanhu wose sunga ne zing'ombe zose, ne zingholo, zilece kulya hamba kung'wa malenga yaye.’ 8Wanhu wose yiwanojeye wavwale magunila, sunga ne mitugo nazo nhavivyo. Kanyhi yiwanojeye wose munhu na lwakwe, yalombe ko winenenyhezi kuli Mulungu, no kupituka no kuleka metumo gakwe mabi. 9Nha lunji Mulungu kowukawaniza wuhile wakwe, lunji kolileka likuwo lyakwe, nase ho cilece kufwa!”
10Nayo Muwaha Mulungu yakawona vyono wanozize, na vyono waleka ze metumo gawo mabi. Hobaho nayo yakawa kuwukawaniza wuhile wakwe wo kuwalipiciza, holeka si yawalipiciza nha vyono yali yehwesize.
Currently Selected:
Yona 3: LLKWW
Highlight
Share
ਕਾਪੀ।
Want to have your highlights saved across all your devices? Sign up or sign in
Cigogo Bible © Bible Society of Tanzania, 2002.