Hoseya 12
12
1“Nghani zose zono Waisilayeli wakwituma, cilawa hakali mitondo, sunga cinyamihe, zisina cambuzi, kanyhi za wuhodanji du. Wukoci hamonga ne metumo go wu wula lusungu, gakonjelezeka muno muli wene. Wakulagana ne wanhu wa Ashuli no kusuluza hamonga ne Wamisili.” 2Nayo Muwaha Mulungu, yena nghani yono yakuhila kuleta kuli wanhu wa Yuda, na kanyhi kowalipiciza Waisilayeli, ku soko ye metumo ge wanhu wayo. Mwene kolowalipa so wubi wawo wono wetuma. 3U sogo yawo Yakobo yesumaniza no muwahawe Esawu, lono wose wejete wali wakali mu'nda ye nyinawo. Na lono Yakobo yali yeza wiluka, yakesumaniza no Mulungu. 4Yakesumaniza na Malayika, yakasuma, yakalila no kulomba wulugutwe. Mulungu yakaza kuli sogo yetu Yakobo, no kulonga nayo lono yali yali ku Beteli. 5Ayu yali yo Muwaha Mulungu we mihanga, Muwaha Mulungu lye 'tagwa lyono linojeye wanhu wamuhembe. 6Holeka anye nyo lulelo lwa Yakobo, mwitumbilenyi Mulungu wenyu, kanyhi mumuwuyile mwene. Mweze ne cihuliko, kanyhi mweze muli ling'ani, akuno mumulindiye Mulungu ko wukangalizi, nhondo zose.
Nghani zinji zo wuling'anizi
7Muwaha Mulungu yakutya, “I Waisilayeli, si wehuwilwa, wenhwanile Wakanani, wendile kuwahiziza wanhu wono wakuza kugula, mu nzila yo witumamila mizani yo wulambi.” 8Akuno wakutya, “Ase cili wagoli, citujila sawo nyinji, cina lyuwa lyetu. Hamba hasina munhu mono kocihosa so wutuga wugoli wuwu mu nzila yo wupujila.” 9Ninga 'ne yo nene Muwaha Mulungu, u Mulungu mono namulongozenyi ku wulawa Misili. Nomwikazenyi kanyhi mu mahema nha vyono mwali lono namuzizenyi mu nyika.
10“Nalonga ne wawizi no kuwapela wugubulilwe winji, na mu nzila ye wawizi, nawakaga wanhu wangu. 11Ninga hamba nhavivyo, ku Gileyadi, vyo wakali du wakuhemba vihwani, ninga wono wakuvihemba, wolofwa. Ne zindama zono wakuzilavya makumbiko mu Giligali, hamonga ne makumbicilo gawo, golowa masumbili ge mabwe mwi'hala.”
12No mulezi wetu Yakobo, yatiziza ku Mesopotamiya, ho yatuje mugolece kuko. Yaketuma mulimo wo kudima zingholo kuli munhu yunji. 13Nayo Muwaha Mulungu yakatuma muwizi yawaponye wanhu wa Isilayeli ku wulawa mu wuwanda ku Misili, ho yawadime. 14Waisilayeli wamukoza Muwaha Mulungu yikuwo yiwaha, na yali yiwanojeye wufwe so masutya gawo. No Muwaha Mulungu kolowalipiciza so cevu cono wamuletela.
Currently Selected:
Hoseya 12: LLKWW
Highlight
Share
ਕਾਪੀ।
Want to have your highlights saved across all your devices? Sign up or sign in
Cigogo Bible © Bible Society of Tanzania, 2002.