San Marcos 5
5
To bene yechhi Gerasa yoe' be'e malha
(Mt 8.28-34; Lc 8.26-39)
1Bchhinke tzala'a nisado', lo yechhi Gerasa. 2Konka beye'azi Jesús lo barko, bchhin to bene yoe' be'e malha. Bene ni broaje lo kapasando, 3le'a nagsizi zoe. Bigslano rhaka go'oga le', ni le'an gaden. 4La zakalha bala niaa chi be'agake gaden nia'a ne'e, na tolizi rchogüe kon rbeaje bixhajdinaj, bigslano rzoe le'. 5Do dza do ye'alha rlachhie'e lo guia' kan lo ba' kika bene nati, rbechhiye'e kan rkochhie kuinhe guiaj. 6Na kati ble'ene Jesús dezitolha, guiaje rze'azenhe, na bze'achoe xhibe lo Jesús 7na rbechhiye'e rhe le':
—¡Bisgotza kio' le'an ne'adia, Jesús, Xhi'in Diozo chhie'e yeba'! ¡Rhatayoa loe' lo Diozo bigsakayalho ne'adia!
8Kan rtzalaje le'a Jesús gochhie le':
—¡Be'e malha, bsan bene ni!
9Jesús gnabene le':
—¿Nobi rhelolho?
Le' bochhie':
—Legión rhelawa, le'a tixeto nakato.
10Na gotayoe' lo Jesús kinda labi sele ka' be'e malha na ga' yobilha. 11Te ga'agozi ga' dzake, kuita guia', dzakagazi kochi' zen rhagokaba, 12ka be'e malha na gotayokata le':
—Gsela ne'ato ga' ze'a ka kochi' te be'ana lataj tzo'oto lo ka kochi' na.
13Jesús bde lataj, na ka be'e malha na berhoajkata lo bene na te beyo'okata lo ka kochi'. Le'akaba, nakakaba do chopa milheba, bxhonajkaba betajkaba ga' sde'abi bchhinte'a bladzokaba lo nisado', te na' goekaba nisa.
14Ka bene ryoke kochi' boxhonajke, na yajtixaje'ekene bene yechhi kan bene dzake loguixi ka' goka. Ka bene guiajke yajyoke tan goka. 15Na kati bchhinke ga' ze'a Jesús, ble'ekene bene berhoaje tixe taxiwe rhie nakoe xhe'e kan chibeyake. Ka bene dzake na' bdzebike, 16te ka bene ble'ekene tan goka ki bene guioe' taxiwe kan ka' goka kika kochi', gdixaje'ekene ka bene yobilha. 17Na'arhe gzolhoke gotayoke Jesús kinda yiaje ga' yobilha.
18Kati Jesús beyoe' lo barko, bene guioe' taxiwe gotayoe' le' kinda gde lataj tzeaje le'an le'. 19Na Jesús bigo'onhene, na gochhie le':
—Beyiaj lo yo'o kio', na gdixaje'e dia'adza kio' yogote'a tan chibe'an Diozo kio', kan nonaka beye'achilachhie loe'.
20Bene na zeyiaje, na gzolhoe rguixaje'e ga' diazi yechhi nababaka Decápolis ta wen be'an Jesús kie'; te yogokate' gokiekene banachhi.
Nigolha rhaka xhwe'e kan bin gna ki Jairo
(Mt 9.18-26; Lc 8.40-56)
21Kati bechhin Jesús tzala'a nisado' zedze'e lo barko, bdobikagazi bene zen, na le' bega'anhe rhoa nisa zi. 22Tina'azi bchhin to bene yajlo ki lo yo'o ga' rhedobike, rhelawe Jairo, ka' ble'ene Jesús bze'achoe xhibe lawe 23na gotayogaze, rhe le':
—Xhi'inha gna' chi rhatibi; da dexoa na'alho yikiajbi, kinda yakabi na sbanbi.
24Jesús zeajle'anhe le', le'aksikan bene zen zeajle'anke le' kon rkike le'. 25Ga' nadobika bene zen na notze to nigolha zeaj tzachhino yiza rhaka xhwe'e, tan roaje rhen. 26Chi gxhakayagaze lona'a ka bene we'an romedio, kan chi gxhenhe diarha domi dia kie', le'an bigsla beyake. Ta yekiajlha, btipalha xhwe'e. 27Kati benhenhe rtzalajke ki Jesús, nigolha ni guiaje ga'ago xhkodza Jesús, ladaj ka bene zen, na gdanhe rhoa xhe'e. 28Le'a rhonhe koenda: Chen se'akieda kanha xhe'e, yeyakatia. 29Tina'agsizi, bsan tan roaje rhen, na gokiebene nan bede'ala yelawe'a kie'. 30Jesús, nan gokiebene tan broaj balorhe kie', na beyekiaje byoe' ka bene, na gnabene le'ake:
—¿Nono gdan xha'a?
31Bene lachhile'anke le' gochhike le':
—Rle'egslo rkika bene loe' kinlakanla, te rnabarhelho ¿Nono gdan xha'alho?
32Jesús laryoze bene dzake kuite, kinda sle'ene nonogsi gdan xhe'e. 33Na'arhe nigolha na, rzize tzebi nezene ka' goka beyake, guiaje te yiajze'achoe xhibe lo Jesús, na gdixaje'ene le' diarha ka' goka. 34Jesús gochhie nigolha na:
—Xhi'inha, tan rxenlachhilho ne'adia chibeyakalho. Beyiaj chhia'adodi le'a chibede'ala yelawe'a kio'.
35Nertzalaj Jesús, kati bchhinka balaka bene zake lo yo'o ki bene nake yajlo ki lo yo'o ga' rhedobike deguechhike xozi bindo gna na:
—Xhi'inlo gna chigotibi. ¿Bixhkia gonguerhelho ze'adi Muestro na?
36Te Jesús, sinka be'anhe balha ka' rtzalajka bene na, gochhie bene yajlo ki lo yo'o ga' rhedobike:
—Bisdzebilho; ta guiajze ye'a.
37Te labi go'onhene no tzeaj le'an le' toga Pedro, Santiago le'an Juan, bichi Santiago. 38Nan bchhinke lo yo'o ki bene yajlo ki yo'o ga' rhedobike te ble'ene dzaka bene rhonke dzatza kan bene rbechhike kan rbechhiya'ake, 39guioe' na rhe le'ake:
—¿Nobixhkia' rhonle dzatza kan rbechhilhe? Bindo gna na labi natibi, tarhasizibi.
40Ka bene na bxhichhike ki Jesús, na le' bebeaje yogokate' lalealha, te gche xozi xhna bindo gna' na, kan bene zeajle'anke le', lo yo'o ga' dia bindo gna na. 41Na gxhenhe na'a bindo gna na te rhe le'abi:
—Talitá, cum (te rhe'anhe sne'a: Bindo gna, loe' rhapa kan, beyasa).
42Tina'azi, bindo gna na, zeajebi tzachhino yiza, beyasabi te labedate'abi. Te ka bene na gokiekene banachhi. 43Te Jesús gotayoe' le'ake bino ye'ake kan, te dena'a gochhie le'ake gdeke ta gago bindo gna na.
Currently Selected:
San Marcos 5: XDZPY
Highlight
Share
ਕਾਪੀ।
Want to have your highlights saved across all your devices? Sign up or sign in
Porciones en Zapoteco de Yalahui, Oaxaca, México © Sociedad Bíblica de México, A.C.
San Marcos 5
5
To bene yechhi Gerasa yoe' be'e malha
(Mt 8.28-34; Lc 8.26-39)
1Bchhinke tzala'a nisado', lo yechhi Gerasa. 2Konka beye'azi Jesús lo barko, bchhin to bene yoe' be'e malha. Bene ni broaje lo kapasando, 3le'a nagsizi zoe. Bigslano rhaka go'oga le', ni le'an gaden. 4La zakalha bala niaa chi be'agake gaden nia'a ne'e, na tolizi rchogüe kon rbeaje bixhajdinaj, bigslano rzoe le'. 5Do dza do ye'alha rlachhie'e lo guia' kan lo ba' kika bene nati, rbechhiye'e kan rkochhie kuinhe guiaj. 6Na kati ble'ene Jesús dezitolha, guiaje rze'azenhe, na bze'achoe xhibe lo Jesús 7na rbechhiye'e rhe le':
—¡Bisgotza kio' le'an ne'adia, Jesús, Xhi'in Diozo chhie'e yeba'! ¡Rhatayoa loe' lo Diozo bigsakayalho ne'adia!
8Kan rtzalaje le'a Jesús gochhie le':
—¡Be'e malha, bsan bene ni!
9Jesús gnabene le':
—¿Nobi rhelolho?
Le' bochhie':
—Legión rhelawa, le'a tixeto nakato.
10Na gotayoe' lo Jesús kinda labi sele ka' be'e malha na ga' yobilha. 11Te ga'agozi ga' dzake, kuita guia', dzakagazi kochi' zen rhagokaba, 12ka be'e malha na gotayokata le':
—Gsela ne'ato ga' ze'a ka kochi' te be'ana lataj tzo'oto lo ka kochi' na.
13Jesús bde lataj, na ka be'e malha na berhoajkata lo bene na te beyo'okata lo ka kochi'. Le'akaba, nakakaba do chopa milheba, bxhonajkaba betajkaba ga' sde'abi bchhinte'a bladzokaba lo nisado', te na' goekaba nisa.
14Ka bene ryoke kochi' boxhonajke, na yajtixaje'ekene bene yechhi kan bene dzake loguixi ka' goka. Ka bene guiajke yajyoke tan goka. 15Na kati bchhinke ga' ze'a Jesús, ble'ekene bene berhoaje tixe taxiwe rhie nakoe xhe'e kan chibeyake. Ka bene dzake na' bdzebike, 16te ka bene ble'ekene tan goka ki bene guioe' taxiwe kan ka' goka kika kochi', gdixaje'ekene ka bene yobilha. 17Na'arhe gzolhoke gotayoke Jesús kinda yiaje ga' yobilha.
18Kati Jesús beyoe' lo barko, bene guioe' taxiwe gotayoe' le' kinda gde lataj tzeaje le'an le'. 19Na Jesús bigo'onhene, na gochhie le':
—Beyiaj lo yo'o kio', na gdixaje'e dia'adza kio' yogote'a tan chibe'an Diozo kio', kan nonaka beye'achilachhie loe'.
20Bene na zeyiaje, na gzolhoe rguixaje'e ga' diazi yechhi nababaka Decápolis ta wen be'an Jesús kie'; te yogokate' gokiekene banachhi.
Nigolha rhaka xhwe'e kan bin gna ki Jairo
(Mt 9.18-26; Lc 8.40-56)
21Kati bechhin Jesús tzala'a nisado' zedze'e lo barko, bdobikagazi bene zen, na le' bega'anhe rhoa nisa zi. 22Tina'azi bchhin to bene yajlo ki lo yo'o ga' rhedobike, rhelawe Jairo, ka' ble'ene Jesús bze'achoe xhibe lawe 23na gotayogaze, rhe le':
—Xhi'inha gna' chi rhatibi; da dexoa na'alho yikiajbi, kinda yakabi na sbanbi.
24Jesús zeajle'anhe le', le'aksikan bene zen zeajle'anke le' kon rkike le'. 25Ga' nadobika bene zen na notze to nigolha zeaj tzachhino yiza rhaka xhwe'e, tan roaje rhen. 26Chi gxhakayagaze lona'a ka bene we'an romedio, kan chi gxhenhe diarha domi dia kie', le'an bigsla beyake. Ta yekiajlha, btipalha xhwe'e. 27Kati benhenhe rtzalajke ki Jesús, nigolha ni guiaje ga'ago xhkodza Jesús, ladaj ka bene zen, na gdanhe rhoa xhe'e. 28Le'a rhonhe koenda: Chen se'akieda kanha xhe'e, yeyakatia. 29Tina'agsizi, bsan tan roaje rhen, na gokiebene nan bede'ala yelawe'a kie'. 30Jesús, nan gokiebene tan broaj balorhe kie', na beyekiaje byoe' ka bene, na gnabene le'ake:
—¿Nono gdan xha'a?
31Bene lachhile'anke le' gochhike le':
—Rle'egslo rkika bene loe' kinlakanla, te rnabarhelho ¿Nono gdan xha'alho?
32Jesús laryoze bene dzake kuite, kinda sle'ene nonogsi gdan xhe'e. 33Na'arhe nigolha na, rzize tzebi nezene ka' goka beyake, guiaje te yiajze'achoe xhibe lo Jesús, na gdixaje'ene le' diarha ka' goka. 34Jesús gochhie nigolha na:
—Xhi'inha, tan rxenlachhilho ne'adia chibeyakalho. Beyiaj chhia'adodi le'a chibede'ala yelawe'a kio'.
35Nertzalaj Jesús, kati bchhinka balaka bene zake lo yo'o ki bene nake yajlo ki lo yo'o ga' rhedobike deguechhike xozi bindo gna na:
—Xhi'inlo gna chigotibi. ¿Bixhkia gonguerhelho ze'adi Muestro na?
36Te Jesús, sinka be'anhe balha ka' rtzalajka bene na, gochhie bene yajlo ki lo yo'o ga' rhedobike:
—Bisdzebilho; ta guiajze ye'a.
37Te labi go'onhene no tzeaj le'an le' toga Pedro, Santiago le'an Juan, bichi Santiago. 38Nan bchhinke lo yo'o ki bene yajlo ki yo'o ga' rhedobike te ble'ene dzaka bene rhonke dzatza kan bene rbechhike kan rbechhiya'ake, 39guioe' na rhe le'ake:
—¿Nobixhkia' rhonle dzatza kan rbechhilhe? Bindo gna na labi natibi, tarhasizibi.
40Ka bene na bxhichhike ki Jesús, na le' bebeaje yogokate' lalealha, te gche xozi xhna bindo gna' na, kan bene zeajle'anke le', lo yo'o ga' dia bindo gna na. 41Na gxhenhe na'a bindo gna na te rhe le'abi:
—Talitá, cum (te rhe'anhe sne'a: Bindo gna, loe' rhapa kan, beyasa).
42Tina'azi, bindo gna na, zeajebi tzachhino yiza, beyasabi te labedate'abi. Te ka bene na gokiekene banachhi. 43Te Jesús gotayoe' le'ake bino ye'ake kan, te dena'a gochhie le'ake gdeke ta gago bindo gna na.
Currently Selected:
:
Highlight
Share
ਕਾਪੀ।
Want to have your highlights saved across all your devices? Sign up or sign in
Porciones en Zapoteco de Yalahui, Oaxaca, México © Sociedad Bíblica de México, A.C.