San Marcos 4
4
Xhkodza didza ki bene rhaze
(Mt 13.1-9; Lc 8.4-8)
1Tayobilha gzolho Jesús rse'adiene ka bene rhoa nisado'. Le'a tan bdobikagazi bene zen, na Jesús gre'anhe lo to barko rhe'eba rhoa nisado' na, te grie, latzaka bene rhega'anke rhoa nisado' na. 2Na'arhe gzolho Jesús rse'adiene le'ake bikaka le'an xhkodza didza.
Ka' rse'adiene rne': 3Legze'anaga ten: To bene broaje zajeze. 4Te nan rhaze, troa'a bini bexaj lhaneza, te bchhinka bguini te gdagokaba. 5Yetroa bexaj lo ladaj guiaj, ga' biteka zoa yo'; bini na betin prondozi, le'a tan bini na gxhoa' laweze tan biteka zoa yo'; 6na kati broaj gbidza, te bkoadi, na tan biteka zoa lhoe, te gbichhi. 7Yetroa bini na bexaj ladaj yechi', te kati goni ka yechi' na labi bde lataj ye'ani, tanka labi gchhia. 8Na yetroa bexaj lo yo' chhia'a, te goni, te be'ana to gsecho chhia'a; bala gchhia chirhoa toto' bini, yebala gchhia tzona galaj, te yebala gchhia togayoa.
9Na Jesús gochhie le'ake: Ga' zoa nagalhe, leyenhe.
Jesús gdixaje'ene le'ake nobixhkia' rse'adiene le'an xhkodza didza
(Mt 13.10-17; Lc 8.9-10)
10Dena'a, kati Jesús bega'anhe toze, bene ze'ake kuite tzaxhen le'an ka bene lachhile'anke le' gnabekene le' nobi rhe'anhe sne'a xhkodza didza na gdixaje'elho bache. 11Gochhie le'ake: Diozo rguixaje'ene lén ta nagachi ki yelarne'abe'a kie'; na ka bene labi rxenlachhike ne'adia rtzalajle'anhe le'ake le'an xhkodza didza, 12kinda za'akalha ryoke, labi ye'akiebekene, kan za'akalha yenkene, labi tzeajniekene, kinda bi yeyiajke lo Diozo, na le' bi yezixhenhe dolaxhkia' kie'ake.
Jesús bzeajniene ka bene xhkodza didza ki bene rhaze
(Mt 13.18-23; Lc 8.11-15)
13Gochhie le'ake: ¿Alhabi rheajnielhe lén xhkodza didza ni? ¿Nonaka, chen, tzeajnielhe tan yebala? 14Bene rhaze bini ni rhe'anhe sne'a bene rguixaje'e xhtidza Diozo. 15Zoaka bene nakake ka' bini gosi lhaneza: rhenkene xhtidza Diozo, na de rhenkene rla'a Taxiwe na rheguie'alata xhtidza Diozo nadoza lo laxhdoke. 16Yebalake nakake ka' bini gosi lo ladaj guiaj: rhenkene xhtidza Diozo te rhebekene nan rzi'ike, 17na tan biteka napa lhoe, labi rze'ake tzotzo; tanka, kati nia' ki xhtidza Diozo rdeke lo taze'adi o rsakaya'aka bene le'ake, na rsanke tan rxenlachhike Diozo. 18Yebalake nakake ka' bini gosi lo ladaj yechi': rhenkene xhtidza Diozo, 19na rhebankene ki bikaka tan dia lo yelanaban nan, kan ki tan rze'alachhike gatarhe kie'ake domi tan rzie' ye'a le'ake, te rhe'ankene gata' kie'ake bikaka. Yogote'a ten rho'o lo yikiajloke, na rchiagui xhtidza Diozo te labi rde lataj gtzake ka' chhiarheke. 20Na zoaka yebala bene rhenkene xhtidza Diozo na rzi'ike, te rdeke to gsecho chhia'a, kateka bini gosi lo yo' chhia'a. Bala rchhia chirhoa, bala tzona galaj, yebala togayoa weaj toto'.
Xhkodza didza ki tan rze'ani
(Lc 8.16-18)
21Le'aksikan gochhie le'ake: ¿Arhoake to ta rze'ani kinda xoake xhan gui'in o xhan blaga ga' rhasike? Labi, to tarze'ani rze'ake sibi, kinda gze'ani. 22Lagazi kan, labi dia ta nagachi ta labi chhin snisiekene, nika dia ta bino neze ta labi xhchhin yezakalho. 23Ga' zoa nagalhe, leyenhe.
24Le'aksikan gochhie le'ake: Legzoa lo yikiajlhe tan rhenhelhe. Kateka rdelhe kika bene yebalake, Diozo gone kie'alhe kanteka; le'an wagonarhe mazirhe. 25Le'a bene dia kie', wagdekarhe kie' mazirhe; te no' bidia kie, za'atale'ati dia kie' weyede'ala.
Xhkodza didza ki kati rhe'ani bini
26Jesús le'aksikan gne': Lo yelarne'abe'a ki Diozo rhaka kateka rhaka ki to bene rhaze bini kie' lo yo': 27te togsi ka' rhon chen rhasie o rnaze, chen rhe'alha o tedza, bini na rhetin kan rhe'ani, sinka neze bene ni naka rhaka. 28Kuinze lo yo' na golhaj bini: zalho xhlague, dena'a lo beto'o dena'a za ta zixi rchhia lo beto'o. 29Te kati ta zixi na chi nalha, rhelapake, le'a chibchhin tiembo ki gsecho.
Xhkodza didza ki bini ki mostaza
(Mt 13.31-32; Lc 13.18-19)
30Le'aksikan gne'a Jesús: ¿Nonaka rna yelarne'abe'a ki Diozo, o le'an nobi waka gle'abeda? 31Naka ka' to bini ki mostaza tan rhazake lo yo'. Naka bini mazirhe zingo de yogote'a bini dia lo lichhileyo', 32na kati chi nadoza, rhe'ani te rhaka ta mazirhe xhen ka' yebala guixi nadozaka na, xhi'in yaga na rhaka ta tona te le'ante'a ka bguini rhajxoakaba lo xholha kie.
Ka bzeajnie Jesús le'an xhkodza didza
(Mt 13.34-35)
33Kin bse'adie Jesús xhtidza Diozo, le'an tixe xhkodza didza kateka ten, konkalha tzeajnieke bene. 34Te labigsla rtzalajle'anhe le'ake chen labi naka le'an xhkodza didza, zakalha bene tzachhino lachhile'anke le' rguixaje'ene le'ake nan ze'ake le'akaze.
Jesús bebe'akie chhizi yajsio' be'e
(Mt 8.23-27; Lc 8.22-25)
35Nan gchola lagazi dza na, Jesús gochhie bene lachhile'anke le':
—Dialhe tzeajrha tzala'a nisado'.
36Na kan bka'anke bene dzake na te gche'ake barko ga' dze'e Jesús; le'aksikan yebala ka bene dze'eke lo barko yobilha zeajle'anke le'. 37Kati gzolho to yajsio' xhen, le'an be'e xhengolha te nisa rhasa rheyodzo lo barko na, te gzolho rhedzaba nisa. 38Na Jesús gosie xhania'a barko na, nokogoe to larhe. Bopanke le' na gochhike le':
—¡Muestro! ¿Alabi rhebanhelho tan chirhetajrha chhi'ilha?
39Jesús guiase na gochhie be'e, kan nisado':
—¡Gzoa chhizi! ¡Chhizi bebe'!
Na bsan tan rhekiaj be'e, te bebe' chhizirha. 40Dena'a Jesús gochhie bene lachhile'anke le':
—¿Nobixhkia' rdzebigalhe? ¿Abine yelarheajeye'a Diozo?
41Le'ake bdzebikagaze, na rnabe leza'ake:
—¿Noxha bene ni, le'ankaga be'e kan nisado' rze'anagaka kie'?
Currently Selected:
San Marcos 4: XDZPY
Highlight
Share
ਕਾਪੀ।
Want to have your highlights saved across all your devices? Sign up or sign in
Porciones en Zapoteco de Yalahui, Oaxaca, México © Sociedad Bíblica de México, A.C.
San Marcos 4
4
Xhkodza didza ki bene rhaze
(Mt 13.1-9; Lc 8.4-8)
1Tayobilha gzolho Jesús rse'adiene ka bene rhoa nisado'. Le'a tan bdobikagazi bene zen, na Jesús gre'anhe lo to barko rhe'eba rhoa nisado' na, te grie, latzaka bene rhega'anke rhoa nisado' na. 2Na'arhe gzolho Jesús rse'adiene le'ake bikaka le'an xhkodza didza.
Ka' rse'adiene rne': 3Legze'anaga ten: To bene broaje zajeze. 4Te nan rhaze, troa'a bini bexaj lhaneza, te bchhinka bguini te gdagokaba. 5Yetroa bexaj lo ladaj guiaj, ga' biteka zoa yo'; bini na betin prondozi, le'a tan bini na gxhoa' laweze tan biteka zoa yo'; 6na kati broaj gbidza, te bkoadi, na tan biteka zoa lhoe, te gbichhi. 7Yetroa bini na bexaj ladaj yechi', te kati goni ka yechi' na labi bde lataj ye'ani, tanka labi gchhia. 8Na yetroa bexaj lo yo' chhia'a, te goni, te be'ana to gsecho chhia'a; bala gchhia chirhoa toto' bini, yebala gchhia tzona galaj, te yebala gchhia togayoa.
9Na Jesús gochhie le'ake: Ga' zoa nagalhe, leyenhe.
Jesús gdixaje'ene le'ake nobixhkia' rse'adiene le'an xhkodza didza
(Mt 13.10-17; Lc 8.9-10)
10Dena'a, kati Jesús bega'anhe toze, bene ze'ake kuite tzaxhen le'an ka bene lachhile'anke le' gnabekene le' nobi rhe'anhe sne'a xhkodza didza na gdixaje'elho bache. 11Gochhie le'ake: Diozo rguixaje'ene lén ta nagachi ki yelarne'abe'a kie'; na ka bene labi rxenlachhike ne'adia rtzalajle'anhe le'ake le'an xhkodza didza, 12kinda za'akalha ryoke, labi ye'akiebekene, kan za'akalha yenkene, labi tzeajniekene, kinda bi yeyiajke lo Diozo, na le' bi yezixhenhe dolaxhkia' kie'ake.
Jesús bzeajniene ka bene xhkodza didza ki bene rhaze
(Mt 13.18-23; Lc 8.11-15)
13Gochhie le'ake: ¿Alhabi rheajnielhe lén xhkodza didza ni? ¿Nonaka, chen, tzeajnielhe tan yebala? 14Bene rhaze bini ni rhe'anhe sne'a bene rguixaje'e xhtidza Diozo. 15Zoaka bene nakake ka' bini gosi lhaneza: rhenkene xhtidza Diozo, na de rhenkene rla'a Taxiwe na rheguie'alata xhtidza Diozo nadoza lo laxhdoke. 16Yebalake nakake ka' bini gosi lo ladaj guiaj: rhenkene xhtidza Diozo te rhebekene nan rzi'ike, 17na tan biteka napa lhoe, labi rze'ake tzotzo; tanka, kati nia' ki xhtidza Diozo rdeke lo taze'adi o rsakaya'aka bene le'ake, na rsanke tan rxenlachhike Diozo. 18Yebalake nakake ka' bini gosi lo ladaj yechi': rhenkene xhtidza Diozo, 19na rhebankene ki bikaka tan dia lo yelanaban nan, kan ki tan rze'alachhike gatarhe kie'ake domi tan rzie' ye'a le'ake, te rhe'ankene gata' kie'ake bikaka. Yogote'a ten rho'o lo yikiajloke, na rchiagui xhtidza Diozo te labi rde lataj gtzake ka' chhiarheke. 20Na zoaka yebala bene rhenkene xhtidza Diozo na rzi'ike, te rdeke to gsecho chhia'a, kateka bini gosi lo yo' chhia'a. Bala rchhia chirhoa, bala tzona galaj, yebala togayoa weaj toto'.
Xhkodza didza ki tan rze'ani
(Lc 8.16-18)
21Le'aksikan gochhie le'ake: ¿Arhoake to ta rze'ani kinda xoake xhan gui'in o xhan blaga ga' rhasike? Labi, to tarze'ani rze'ake sibi, kinda gze'ani. 22Lagazi kan, labi dia ta nagachi ta labi chhin snisiekene, nika dia ta bino neze ta labi xhchhin yezakalho. 23Ga' zoa nagalhe, leyenhe.
24Le'aksikan gochhie le'ake: Legzoa lo yikiajlhe tan rhenhelhe. Kateka rdelhe kika bene yebalake, Diozo gone kie'alhe kanteka; le'an wagonarhe mazirhe. 25Le'a bene dia kie', wagdekarhe kie' mazirhe; te no' bidia kie, za'atale'ati dia kie' weyede'ala.
Xhkodza didza ki kati rhe'ani bini
26Jesús le'aksikan gne': Lo yelarne'abe'a ki Diozo rhaka kateka rhaka ki to bene rhaze bini kie' lo yo': 27te togsi ka' rhon chen rhasie o rnaze, chen rhe'alha o tedza, bini na rhetin kan rhe'ani, sinka neze bene ni naka rhaka. 28Kuinze lo yo' na golhaj bini: zalho xhlague, dena'a lo beto'o dena'a za ta zixi rchhia lo beto'o. 29Te kati ta zixi na chi nalha, rhelapake, le'a chibchhin tiembo ki gsecho.
Xhkodza didza ki bini ki mostaza
(Mt 13.31-32; Lc 13.18-19)
30Le'aksikan gne'a Jesús: ¿Nonaka rna yelarne'abe'a ki Diozo, o le'an nobi waka gle'abeda? 31Naka ka' to bini ki mostaza tan rhazake lo yo'. Naka bini mazirhe zingo de yogote'a bini dia lo lichhileyo', 32na kati chi nadoza, rhe'ani te rhaka ta mazirhe xhen ka' yebala guixi nadozaka na, xhi'in yaga na rhaka ta tona te le'ante'a ka bguini rhajxoakaba lo xholha kie.
Ka bzeajnie Jesús le'an xhkodza didza
(Mt 13.34-35)
33Kin bse'adie Jesús xhtidza Diozo, le'an tixe xhkodza didza kateka ten, konkalha tzeajnieke bene. 34Te labigsla rtzalajle'anhe le'ake chen labi naka le'an xhkodza didza, zakalha bene tzachhino lachhile'anke le' rguixaje'ene le'ake nan ze'ake le'akaze.
Jesús bebe'akie chhizi yajsio' be'e
(Mt 8.23-27; Lc 8.22-25)
35Nan gchola lagazi dza na, Jesús gochhie bene lachhile'anke le':
—Dialhe tzeajrha tzala'a nisado'.
36Na kan bka'anke bene dzake na te gche'ake barko ga' dze'e Jesús; le'aksikan yebala ka bene dze'eke lo barko yobilha zeajle'anke le'. 37Kati gzolho to yajsio' xhen, le'an be'e xhengolha te nisa rhasa rheyodzo lo barko na, te gzolho rhedzaba nisa. 38Na Jesús gosie xhania'a barko na, nokogoe to larhe. Bopanke le' na gochhike le':
—¡Muestro! ¿Alabi rhebanhelho tan chirhetajrha chhi'ilha?
39Jesús guiase na gochhie be'e, kan nisado':
—¡Gzoa chhizi! ¡Chhizi bebe'!
Na bsan tan rhekiaj be'e, te bebe' chhizirha. 40Dena'a Jesús gochhie bene lachhile'anke le':
—¿Nobixhkia' rdzebigalhe? ¿Abine yelarheajeye'a Diozo?
41Le'ake bdzebikagaze, na rnabe leza'ake:
—¿Noxha bene ni, le'ankaga be'e kan nisado' rze'anagaka kie'?
Currently Selected:
:
Highlight
Share
ਕਾਪੀ।
Want to have your highlights saved across all your devices? Sign up or sign in
Porciones en Zapoteco de Yalahui, Oaxaca, México © Sociedad Bíblica de México, A.C.