San Mateo 23
23
Jesús rhoekoenda ka bene fariseos le'an ka muestro ki xhba'a
(Mc 12.38-40; Lc 11.37-54; 20.45-47)
1De ten, Jesús gochhie ka bene kan bene glachhile'anke le': 2«Ka muestro ki xhba'a le'an ka fariseos rse'adiekene kon ka' node lataj Moisés. 3Tanka, legze'anaga lén te legon yogote'a tan rne'ake; te labi gonle ka' rhonke, le'a le'ake rse'adiekene to ta labi rheyala gonrha te le'ake rhonke yebala. 4Rhogake yoa' ta labi no' rzoe, te rxoake xhikiaj ka bene, latzaka le'ake labi rhe'ankene ni taglapeze xhibina'ake. 5Yogote'a ten rhonke kinda sle'eke bene. Rdankene gdake xhgake kan lo xhikiaje guichido ga' chhia xhtidza Diozo, te rhakoke xhake tona nadiane le'an naze'akiene torhoe'. 6Rhe'ankene koeke lataj chhia'arhe nan rhagoke yeta kan rhe'ankene koeke bango yajlo lo yo'o ga' rhedobike, 7te rhe'ankene gapaka bene le'ake balan lo layechhi kan rhe'ankene ye'a ka bene le'ake muestro. 8»Te lén labi ye'anhelhe ka bene ye'ake lén muestro, le'a yogolhe lén nakalhe ka' bichilhe, te napalhe tozi Muestro. 9Te labi ye'alhe xoza kon noti bene lo lichhileyo' ni, le'a napalhe tozi Xosle: bene zoe yeba'. 10Nika koezalhe ye'a ka bene lén bene yajlo, le'a Cristo le'aze nake bene yajlo. 11Bene mazirhe yajlo de lén rhala guioe' ka bene yebalake chen bi rnaba rkinkene. 12Le'a no' rhon xhen kuinhe, weyega'anditaj; na no' rexaj kuinhe, waka xhen.
13¡Xhle'anksle lén, muestro ki xhba'a kan lén bene fariseos, nakalhe chopa rhoa'! Rse'ayiajlhe porta ki yelarne'abe'a ki Diozo kinda labi tzo'o ka bene yebalake le'an ni lén ka' rho'olhe, nika rdelhe lataj tzo'o ka bene rhe'ankene tzo'oke. 14¡Xhle'anksle lén, muestro ki xhba'a kan lén bene fariseos nakalhe chopa rhoa'! Le'a rguie'alale yo'o kika nigolha weze'abi, te kinda bigakabe'a rhonle tona nan rledzake Diozo. Tanka lén wazakaya'arhelhe.
15¡Xhle'anksle lén, muestro ki xhba'a kan lén bene fariseos, nakalhe bene chopa rhoa'! Rheajlhe doxhen lichhileyo' kan rdelhe lo nisado' kinda gonle gan bene te kati chibe'anlene gan, rhonle nonga tzeaje lo gui'i gabila chopa kanla kalha lén.
16¡Xhle'anksle lén, ga' rsloelhe ka bene yobilha neza tzeajke le'an nakalhe bene lochola te rne'alhe: Notite'azi bene rle'e yo'o sdo'o kati rkie'abe bi gonhe, bigslabi za'aka; zan chen rle'e oro dia lo yo'o sdo'o, na'arhe rhala gonhe tan rkie'abe. 17¡Lén nakalhe bene lochola, labi rheajnielhe! ¿Nobi za'akarhe: a oro achen yo'o sdo'o le'a nia ki yo'o sdo'o na rhaka la'aya oro na? 18Le'aksikan rne'alhe: Chen to bene rle'e bekogo kati rkie'abe bi ta gonhe, bigslabi za'aka; zan chen rle'e gon chhia lo bekogo, na'arhe rhala gonhe tan rkie'abe. 19¡Lén nakalhe bene lochola! ¿Nobi za'akarhe: a gon, achen bekogo, le'a nia ki bekogo na rhaka la'aya gon na? 20Na chen to bene rle'e bekogo, laga bekogo na zi rle'e, le'aksikan rle'e yogote'a tan xhoa lawe; 21na to bene rle'e yo'o, laga yo'o sdo'o na zi rle'e, le'aksikan rle'e Diozo, zoe na. 22Na chen to bene rle'e yeba', kati bi rkie'abe gonhe, rle'e lataj ga' rhe' Diozo rne'abe, kan rle'e Diozo, bene rbe'e na.
23¡Xhle'anksle lén, muestro ki xhba'a kan lén bene fariseos, nakalhe bene chopa rhoa'! Tan rdelhe ki Diozo chi koega guixi rhelawe menta, anís le'an comino, le'an labi rhonle balha gonle ta mazirhe rhon balen ka' zoa lo xhba'a, kanho ki tan rheyala gonle ta naka wen lo Diozo, rheyala yeye'achilachhilhe ka bene le'an gonle diarha tan gne' gonle. 24¡Lén, rsloelhe ka bene yobilha neza tzeajke le'an nakalhe bene lochola, rhodelhe yajkopa na yoba lo nisa rhea'ajlhe, le'an rhe'abilhe camello! 25Xhle'anksle lén, muestro ki xhba'a kan lén bene fariseos, nakalhe bene chopa rhoa'! Rguibilhe xhkodzelhe xiga'ayen, te labigsla rhebanhelhe tan rhodzalhe loelhe ta gban kan tan rze'alachhilhe tan dia kika bene. 26Lén bene fariseo nachola yikiajlolhe: zalho gdibi loelhe xiga'a, te le'aksikan yega'an chhia'a xhkodzelhe!
27¡Xhle'anksle lén, muestro ki xhba'a kan lén bene fariseos, nakalhe bene chopa rhoa'! Nakalhe ka' to ba xhnolha, nose'akiekene xhkodzelhe, le'an loelhe nadzate'a chhita ki bene goti le'an beyakoe ta bi naka chhia'a. 28Kan nakalhe lén: laweze rsloelhe kuinle zi bene wen, le'an lo yikiajlo laxhdolhe nakalhe bene chopa rhoa' le'an rhe' tamalha. 29¡Xhle'ankse lén muestro ki xhba'a kan lén bene fariseos, nakalhe bene chopa rhoa'! Tan rhonle ba kika bene btzalajke laza Diozo kan rheyonle tzawe ba ki ka bene gokake bene wen, 30te dena'a rne'alhe: Cha rho'o gzoarha lo tiembo kika xozixhtorha, labi be'anrha tozi ka bene be'atike bene btzalajke laza Diozo. 31Le'an ten, lén kuinle rkie'abilhe rhaka xozixhtolhe bene be'atike bene btzalajke laza Diozo. 32¡Legzalho legon, tan gzolho ka xozixhtolhe.!
33¡Be'ala! ¡Bini ki be'ala! ¿Nonaka gonle te slalhe labi tzeajlhe lo gabila? 34Tanka ne'adia sela kie'alhe bene rtzalajke laza Diozo, bene sinha kan muestro. Te lén gotilhe balake te yebalake gdakalene lo yaga krozo, te balake sgagodzakalene lo yo'o ga' rhedobilhe kan glagakalene yechhi yechhi. 35Na kan lén gaka xhbaguelhe ki rhen blalhaj ka bene wen ta solhote'a ki Abel bene goke bene wen lo Diozo xhchhinte'a ki Zacarías, xhi'in Berequías, bene be'atilhe lo bekogo ki yo'o sdo'o. 36Talite'a rhapa lén yogote'a ten yeguixhaj ka bene dzake nan.
Jesús rbechhie nia' ki Jerusalén
(Lc 13.34-35)
37¡Jerusalén, Jerusalén, loe' rhotilho bene rtzalajke laza Diozo kan rgolalo guiaj ka bene rsela Diozo! ¡Bala niaa go'onda yotoba xhi'inlo, ka' rhon yajedi rhotobiba yajedido kie'aba xhan xilhaba, te labi go'onhelho! 38Te leguiokalhe, yo'o kie'alhe yega'an kanzi; 39Te rhapa lén, de nantekate'a, labirhe yelhe'elhe ne'adia kati sne'arhelhe: ¡Naka la'aya bene ze'e rle'e Diozo.
Currently Selected:
San Mateo 23: XDZPY
Highlight
Share
ਕਾਪੀ।
Want to have your highlights saved across all your devices? Sign up or sign in
Porciones en Zapoteco de Yalahui, Oaxaca, México © Sociedad Bíblica de México, A.C.
San Mateo 23
23
Jesús rhoekoenda ka bene fariseos le'an ka muestro ki xhba'a
(Mc 12.38-40; Lc 11.37-54; 20.45-47)
1De ten, Jesús gochhie ka bene kan bene glachhile'anke le': 2«Ka muestro ki xhba'a le'an ka fariseos rse'adiekene kon ka' node lataj Moisés. 3Tanka, legze'anaga lén te legon yogote'a tan rne'ake; te labi gonle ka' rhonke, le'a le'ake rse'adiekene to ta labi rheyala gonrha te le'ake rhonke yebala. 4Rhogake yoa' ta labi no' rzoe, te rxoake xhikiaj ka bene, latzaka le'ake labi rhe'ankene ni taglapeze xhibina'ake. 5Yogote'a ten rhonke kinda sle'eke bene. Rdankene gdake xhgake kan lo xhikiaje guichido ga' chhia xhtidza Diozo, te rhakoke xhake tona nadiane le'an naze'akiene torhoe'. 6Rhe'ankene koeke lataj chhia'arhe nan rhagoke yeta kan rhe'ankene koeke bango yajlo lo yo'o ga' rhedobike, 7te rhe'ankene gapaka bene le'ake balan lo layechhi kan rhe'ankene ye'a ka bene le'ake muestro. 8»Te lén labi ye'anhelhe ka bene ye'ake lén muestro, le'a yogolhe lén nakalhe ka' bichilhe, te napalhe tozi Muestro. 9Te labi ye'alhe xoza kon noti bene lo lichhileyo' ni, le'a napalhe tozi Xosle: bene zoe yeba'. 10Nika koezalhe ye'a ka bene lén bene yajlo, le'a Cristo le'aze nake bene yajlo. 11Bene mazirhe yajlo de lén rhala guioe' ka bene yebalake chen bi rnaba rkinkene. 12Le'a no' rhon xhen kuinhe, weyega'anditaj; na no' rexaj kuinhe, waka xhen.
13¡Xhle'anksle lén, muestro ki xhba'a kan lén bene fariseos, nakalhe chopa rhoa'! Rse'ayiajlhe porta ki yelarne'abe'a ki Diozo kinda labi tzo'o ka bene yebalake le'an ni lén ka' rho'olhe, nika rdelhe lataj tzo'o ka bene rhe'ankene tzo'oke. 14¡Xhle'anksle lén, muestro ki xhba'a kan lén bene fariseos nakalhe chopa rhoa'! Le'a rguie'alale yo'o kika nigolha weze'abi, te kinda bigakabe'a rhonle tona nan rledzake Diozo. Tanka lén wazakaya'arhelhe.
15¡Xhle'anksle lén, muestro ki xhba'a kan lén bene fariseos, nakalhe bene chopa rhoa'! Rheajlhe doxhen lichhileyo' kan rdelhe lo nisado' kinda gonle gan bene te kati chibe'anlene gan, rhonle nonga tzeaje lo gui'i gabila chopa kanla kalha lén.
16¡Xhle'anksle lén, ga' rsloelhe ka bene yobilha neza tzeajke le'an nakalhe bene lochola te rne'alhe: Notite'azi bene rle'e yo'o sdo'o kati rkie'abe bi gonhe, bigslabi za'aka; zan chen rle'e oro dia lo yo'o sdo'o, na'arhe rhala gonhe tan rkie'abe. 17¡Lén nakalhe bene lochola, labi rheajnielhe! ¿Nobi za'akarhe: a oro achen yo'o sdo'o le'a nia ki yo'o sdo'o na rhaka la'aya oro na? 18Le'aksikan rne'alhe: Chen to bene rle'e bekogo kati rkie'abe bi ta gonhe, bigslabi za'aka; zan chen rle'e gon chhia lo bekogo, na'arhe rhala gonhe tan rkie'abe. 19¡Lén nakalhe bene lochola! ¿Nobi za'akarhe: a gon, achen bekogo, le'a nia ki bekogo na rhaka la'aya gon na? 20Na chen to bene rle'e bekogo, laga bekogo na zi rle'e, le'aksikan rle'e yogote'a tan xhoa lawe; 21na to bene rle'e yo'o, laga yo'o sdo'o na zi rle'e, le'aksikan rle'e Diozo, zoe na. 22Na chen to bene rle'e yeba', kati bi rkie'abe gonhe, rle'e lataj ga' rhe' Diozo rne'abe, kan rle'e Diozo, bene rbe'e na.
23¡Xhle'anksle lén, muestro ki xhba'a kan lén bene fariseos, nakalhe bene chopa rhoa'! Tan rdelhe ki Diozo chi koega guixi rhelawe menta, anís le'an comino, le'an labi rhonle balha gonle ta mazirhe rhon balen ka' zoa lo xhba'a, kanho ki tan rheyala gonle ta naka wen lo Diozo, rheyala yeye'achilachhilhe ka bene le'an gonle diarha tan gne' gonle. 24¡Lén, rsloelhe ka bene yobilha neza tzeajke le'an nakalhe bene lochola, rhodelhe yajkopa na yoba lo nisa rhea'ajlhe, le'an rhe'abilhe camello! 25Xhle'anksle lén, muestro ki xhba'a kan lén bene fariseos, nakalhe bene chopa rhoa'! Rguibilhe xhkodzelhe xiga'ayen, te labigsla rhebanhelhe tan rhodzalhe loelhe ta gban kan tan rze'alachhilhe tan dia kika bene. 26Lén bene fariseo nachola yikiajlolhe: zalho gdibi loelhe xiga'a, te le'aksikan yega'an chhia'a xhkodzelhe!
27¡Xhle'anksle lén, muestro ki xhba'a kan lén bene fariseos, nakalhe bene chopa rhoa'! Nakalhe ka' to ba xhnolha, nose'akiekene xhkodzelhe, le'an loelhe nadzate'a chhita ki bene goti le'an beyakoe ta bi naka chhia'a. 28Kan nakalhe lén: laweze rsloelhe kuinle zi bene wen, le'an lo yikiajlo laxhdolhe nakalhe bene chopa rhoa' le'an rhe' tamalha. 29¡Xhle'ankse lén muestro ki xhba'a kan lén bene fariseos, nakalhe bene chopa rhoa'! Tan rhonle ba kika bene btzalajke laza Diozo kan rheyonle tzawe ba ki ka bene gokake bene wen, 30te dena'a rne'alhe: Cha rho'o gzoarha lo tiembo kika xozixhtorha, labi be'anrha tozi ka bene be'atike bene btzalajke laza Diozo. 31Le'an ten, lén kuinle rkie'abilhe rhaka xozixhtolhe bene be'atike bene btzalajke laza Diozo. 32¡Legzalho legon, tan gzolho ka xozixhtolhe.!
33¡Be'ala! ¡Bini ki be'ala! ¿Nonaka gonle te slalhe labi tzeajlhe lo gabila? 34Tanka ne'adia sela kie'alhe bene rtzalajke laza Diozo, bene sinha kan muestro. Te lén gotilhe balake te yebalake gdakalene lo yaga krozo, te balake sgagodzakalene lo yo'o ga' rhedobilhe kan glagakalene yechhi yechhi. 35Na kan lén gaka xhbaguelhe ki rhen blalhaj ka bene wen ta solhote'a ki Abel bene goke bene wen lo Diozo xhchhinte'a ki Zacarías, xhi'in Berequías, bene be'atilhe lo bekogo ki yo'o sdo'o. 36Talite'a rhapa lén yogote'a ten yeguixhaj ka bene dzake nan.
Jesús rbechhie nia' ki Jerusalén
(Lc 13.34-35)
37¡Jerusalén, Jerusalén, loe' rhotilho bene rtzalajke laza Diozo kan rgolalo guiaj ka bene rsela Diozo! ¡Bala niaa go'onda yotoba xhi'inlo, ka' rhon yajedi rhotobiba yajedido kie'aba xhan xilhaba, te labi go'onhelho! 38Te leguiokalhe, yo'o kie'alhe yega'an kanzi; 39Te rhapa lén, de nantekate'a, labirhe yelhe'elhe ne'adia kati sne'arhelhe: ¡Naka la'aya bene ze'e rle'e Diozo.
Currently Selected:
:
Highlight
Share
ਕਾਪੀ।
Want to have your highlights saved across all your devices? Sign up or sign in
Porciones en Zapoteco de Yalahui, Oaxaca, México © Sociedad Bíblica de México, A.C.