قصص من كتاب التكوين 4
4
الجريمة الأولى: قابيل قتَل هابيل
1وحِملِت ستنا حوّا من آدم (عليه السلام) وجابتلُه ولد سمّوه قابيل. وقالت: "الله رزقني وجبت الإنسان يلّي وعدني فيه" 2بعدين انرزقِت بولد تاني سمّته هابيل. وبعد ما كبروا الولدان صار هابيل راعي غنم، وقابيل صار فلّاح. 3-4وبيوم من الإيّام قدّموا قابيل وهابيل قربان إكْراماً لالله سبحانُه، فقدّم قابيل قربانُه من محصود الأرض واختار هابيل أحسن أبكار الغنم يلّي بيملكها ودبحا وقدّما، قام رضي سبحانُه عن هابيل وقربانه، 5وما رضي عن قابيل وما قِبِل قربانُه. فزعِل قابيل كتير وصار وجّه عابِس كلّ الوقت. 6فقلُّه سبحانُه: "إنتَ ليه هالقد غضبان ووجَّك عابِس؟ 7ما لَوْ عْمِلْت صحّ كنت رْضيت عنَّك. بس لمّا تُرفض الصحّ بِصِير بدَّك تِرْتكب ذنب! والمعصية متل الحيوان المفترس بس بدّه فرصة يهجم ويسيطر عليك، بس بدل ما تسيطر المعصية عليك إنتَ لازم تكون أقوى منها". 8ومرّت الإيّام وطلب قابيل من هابيل إنّه يروحو سوا عالحَقْلة، وبس وِصْلوا لهونيك هجم قابيل عخيُّه وقتلُه. 9وساح كلّ دمّه عالأرض، وسأل الله سبحانُه قابيل وقلُّه: "خبّرني وين خيَّك هابيل؟" ردّ قابيل: "شو بِعرّفني وينُه شو أنا حارس عليه؟" 10بس ردّ سبحانُه وقال: "إنت شو عملت؟ دمّ خيَّك عم يِصْرَخلي من الأرض ووِصِلْني صوتُه! 11ولأنّك سفكت دمّ خيّك بإيديك، رح وقِّف عنَّك برَكات الأرض، والأرض يلّي شِرْبْت دمّ خيّك البريء. 12من هلأ ورايِح، مش رح تعطيك من أفضل محصولها، ورح تضلَّك مشرّد وتايِه بهالدني كلّ عمرَك." 13جاوبُه قابيل وقلُّه: "بس عقابي كبير ما فيني إتحمَّله يا ربّ! أكبر من طاقتي! 14ورح إبقى طول عمري مشرّد بهالدني لأنَّك قرّرت إنّي أبعُد عن هون ورح تحجب وجَّك عنّي، أنا صرت مهدَّد ومين ما بِلاقيني رح يقتلني" 15بس ردّ سبحانُه وقلُّه: "لا ما رح تِنْقتل، رح يِتعاقَب يلّي بيقتلك سبع أضعاف عقابي إلَك" وحَطّ الله سبحانُه علامة على قابيل حتى ما يقتلُه يلّي بلاقيه. 16وهيك ضهر قابيل من الأرض يلّي كان يتجلّى فيها الله وراح عأرض نود شرق عدن.
نسل قابيل الصّالِح والطّالِح
17وتجوّز قابيل وجاب ولد سمّاه حنوك وكان بهالوقت عم يبني مدينة فسمّاها عإسم إبنُه. 18وحنوك جاب عيراد، وعيراد جاب مَحويل، ومَحويل جاب مَتوشيل، ومتوشيل جاب لامِك.
19وتجوّز لامِك تنين ستّات وحدة إسما عادة والتانية إسما صِلّة. 20وعادة جابِت يابال وهو أوّل مين سكن بالخيَم ورعى مواشي، 21وخيُّه يوبال هوّ أوّل مين عزف عالعود والمزمار. 22أمّا صلّة فجابِت ولد إسمُه توبال قابيل، وهوّ أوّل مين اشتغل بصناعة النحاس والحديد، وكان عندُه إخت اسما نِعمة. 23وبيوم من الإيّام قال لامِك لزوجاتُه: "اسمعوا منيح أنا قاتِل رجّال جرحني وشاب ضربني، 24فإذا يلّي بيقتُل قابيل ذنبُه سبع أضعاف، أنا رح عاقب يلّي بيأذيني سبعة وسبعين ضعف".
شيث بيه النبي نوح (عليه السلام)
25وبعد مدّة حَملِت ستنا حوّا مرّة جديدة وجابِت ولد سمِّتُه شيث، وقالِت: "الحمد لله، الله عوَّضْني ورزقني ولد بدل هابيل يلّي قتلُه قابيل". 26وجاب شيث إبن سمّاه أنوش. ومن وقتا بلّش النّاس يعبدوا الله الواحِد.
Currently Selected:
قصص من كتاب التكوين 4: LRT
Highlight
Share
ਕਾਪੀ।
Want to have your highlights saved across all your devices? Sign up or sign in
© 2021 Sabeel Media
قصص من كتاب التكوين 4
4
الجريمة الأولى: قابيل قتَل هابيل
1وحِملِت ستنا حوّا من آدم (عليه السلام) وجابتلُه ولد سمّوه قابيل. وقالت: "الله رزقني وجبت الإنسان يلّي وعدني فيه" 2بعدين انرزقِت بولد تاني سمّته هابيل. وبعد ما كبروا الولدان صار هابيل راعي غنم، وقابيل صار فلّاح. 3-4وبيوم من الإيّام قدّموا قابيل وهابيل قربان إكْراماً لالله سبحانُه، فقدّم قابيل قربانُه من محصود الأرض واختار هابيل أحسن أبكار الغنم يلّي بيملكها ودبحا وقدّما، قام رضي سبحانُه عن هابيل وقربانه، 5وما رضي عن قابيل وما قِبِل قربانُه. فزعِل قابيل كتير وصار وجّه عابِس كلّ الوقت. 6فقلُّه سبحانُه: "إنتَ ليه هالقد غضبان ووجَّك عابِس؟ 7ما لَوْ عْمِلْت صحّ كنت رْضيت عنَّك. بس لمّا تُرفض الصحّ بِصِير بدَّك تِرْتكب ذنب! والمعصية متل الحيوان المفترس بس بدّه فرصة يهجم ويسيطر عليك، بس بدل ما تسيطر المعصية عليك إنتَ لازم تكون أقوى منها". 8ومرّت الإيّام وطلب قابيل من هابيل إنّه يروحو سوا عالحَقْلة، وبس وِصْلوا لهونيك هجم قابيل عخيُّه وقتلُه. 9وساح كلّ دمّه عالأرض، وسأل الله سبحانُه قابيل وقلُّه: "خبّرني وين خيَّك هابيل؟" ردّ قابيل: "شو بِعرّفني وينُه شو أنا حارس عليه؟" 10بس ردّ سبحانُه وقال: "إنت شو عملت؟ دمّ خيَّك عم يِصْرَخلي من الأرض ووِصِلْني صوتُه! 11ولأنّك سفكت دمّ خيّك بإيديك، رح وقِّف عنَّك برَكات الأرض، والأرض يلّي شِرْبْت دمّ خيّك البريء. 12من هلأ ورايِح، مش رح تعطيك من أفضل محصولها، ورح تضلَّك مشرّد وتايِه بهالدني كلّ عمرَك." 13جاوبُه قابيل وقلُّه: "بس عقابي كبير ما فيني إتحمَّله يا ربّ! أكبر من طاقتي! 14ورح إبقى طول عمري مشرّد بهالدني لأنَّك قرّرت إنّي أبعُد عن هون ورح تحجب وجَّك عنّي، أنا صرت مهدَّد ومين ما بِلاقيني رح يقتلني" 15بس ردّ سبحانُه وقلُّه: "لا ما رح تِنْقتل، رح يِتعاقَب يلّي بيقتلك سبع أضعاف عقابي إلَك" وحَطّ الله سبحانُه علامة على قابيل حتى ما يقتلُه يلّي بلاقيه. 16وهيك ضهر قابيل من الأرض يلّي كان يتجلّى فيها الله وراح عأرض نود شرق عدن.
نسل قابيل الصّالِح والطّالِح
17وتجوّز قابيل وجاب ولد سمّاه حنوك وكان بهالوقت عم يبني مدينة فسمّاها عإسم إبنُه. 18وحنوك جاب عيراد، وعيراد جاب مَحويل، ومَحويل جاب مَتوشيل، ومتوشيل جاب لامِك.
19وتجوّز لامِك تنين ستّات وحدة إسما عادة والتانية إسما صِلّة. 20وعادة جابِت يابال وهو أوّل مين سكن بالخيَم ورعى مواشي، 21وخيُّه يوبال هوّ أوّل مين عزف عالعود والمزمار. 22أمّا صلّة فجابِت ولد إسمُه توبال قابيل، وهوّ أوّل مين اشتغل بصناعة النحاس والحديد، وكان عندُه إخت اسما نِعمة. 23وبيوم من الإيّام قال لامِك لزوجاتُه: "اسمعوا منيح أنا قاتِل رجّال جرحني وشاب ضربني، 24فإذا يلّي بيقتُل قابيل ذنبُه سبع أضعاف، أنا رح عاقب يلّي بيأذيني سبعة وسبعين ضعف".
شيث بيه النبي نوح (عليه السلام)
25وبعد مدّة حَملِت ستنا حوّا مرّة جديدة وجابِت ولد سمِّتُه شيث، وقالِت: "الحمد لله، الله عوَّضْني ورزقني ولد بدل هابيل يلّي قتلُه قابيل". 26وجاب شيث إبن سمّاه أنوش. ومن وقتا بلّش النّاس يعبدوا الله الواحِد.
Currently Selected:
:
Highlight
Share
ਕਾਪੀ।
Want to have your highlights saved across all your devices? Sign up or sign in
© 2021 Sabeel Media