قصص من كتاب التكوين 2
2
1وهيك خلق الله سبحانه السماوات والأرض وكلّ شي فيهُن وبيناتُن بستّ تيّام. 2وباليوم السّابع انتهى سبحانه من عمليّة الخلق واستوى سبحانه على عرشُه. 3فصار اليوم السّابع يوم مُمَيَّز ومخصَّص عند الله لأنّه فيه تمّت عملية الخلِق. 4وهيدي كانت كلّ مراحِل خلق السماوات والأرض وكلّ شي بيناتُن.
قصة خلق آدم وحواء
5لمّا خلق الله سبحانه السماوات والأرض، ما كان بالأرض لا عشب ولا شجر لأنّه كان تعالى بعد ما نزّل مطر تَيِسْقي الدنيا وكان بعد ما خلق الإنسان تيِفْلح الأرض. 6كان وقتا بس فيه عيون ميّ بتفيض وبتسْقي الأرض. 7ومن أَديم الأرض من ترابها جَبَل الله سبحانُه الإنسان ونفخ فيه من روحُه، وهيك صار آدم (عليه السلام) إنسان بْيُنْبُض حياة. 8وخلّى سبحانُه الأرض بستان أخضر جهة الشّرق بِعَدَنْ وهونيك حطُّه لآدم.
9وكان بستان بياخُد العقل كلّه شجر ومليان من ما لذّ وطاب. كان بمثابة جنّة الله عالأرض، وبنصُّه كان فيه شجرتان، شجرة الخُلود ويلّي بياكُل منها بعيش للأبد، وشجرة معرفة الخير والشرّ.
10وكان بيِنْبَع من عدن عالجنّة نهر متفرّع منُّه أربَع أنهُر، 11-12النهر الأوّل إسمُه فَيشون، وبمرّ بأرض الحَويلة الغنيّة بأجود أنواع الذّهب والصّمغ الفوّاح وحجر العقيق. 13النهر التاني جَيحون، بمُرّ بأرض النوبا. 14النهر التّالت دَجلة، بمرّ شرق أشور، والفرات هوّ النهر الرابع. 15ووضع سبحانُه آدم (عليه السلام) بهالجنّة عشان يعتني فيها ويحميها، 16وأمرُه وقلُّه: "فيك تاكُل من كلّ شجر الجنّة 17ماعدا شجرة مَعرفة الخير والشرّ، وباليوم يلّي بتاكُل منها رح تموت يعني مش رح تخلِّد عالأرض" 18بعدين قال سبحانُه: "مش منيح يكون الإنسان وحيد، رح إخلق معين إلُه يُوَنّسُه ويشاركُه حياتُه". 19وقتا قدّم الله كلّ أنواع الحيوانات والطيور يلّي خلقها من تراب لآدم (عليه السلام) حتى يسمّيها. 20وسمّى آدم (عليه السلام) المخلوقات كلّها بس ما كان فيه بيناتُن ونيس وشريك لحياتُه. 21فدخَّل سبحانه آدم بِنَوم عميق وشال قطعة من جنبُه وعبّى محلّها لحم. 22وخلق من جنبُه إمرأة وأعطاها لآدم حتى تكون إلُه زوجة ورفيقة. 23وقال آدم (عليه السلام): "هيدي من لحمي ودمّي، قطعة منّي، رح سمّيها إمرأة، لأنها من أُمْرءٍ اتّاخَدِت." 24ولهيدا السبب، بيترُك الرّجل إمّه وبيُّه، عشان يتزوّج من إمرأة، وبألّفوا عيلة، وبزواجُن بصيروا واحد. 25وكان آدم وحوا (عليهُم السلام) بهيداك الوقت عريانين، وما كانوا خِجْلانين من هالشي.
Currently Selected:
قصص من كتاب التكوين 2: LRT
Highlight
Share
ਕਾਪੀ।
Want to have your highlights saved across all your devices? Sign up or sign in
© 2021 Sabeel Media
قصص من كتاب التكوين 2
2
1وهيك خلق الله سبحانه السماوات والأرض وكلّ شي فيهُن وبيناتُن بستّ تيّام. 2وباليوم السّابع انتهى سبحانه من عمليّة الخلق واستوى سبحانه على عرشُه. 3فصار اليوم السّابع يوم مُمَيَّز ومخصَّص عند الله لأنّه فيه تمّت عملية الخلِق. 4وهيدي كانت كلّ مراحِل خلق السماوات والأرض وكلّ شي بيناتُن.
قصة خلق آدم وحواء
5لمّا خلق الله سبحانه السماوات والأرض، ما كان بالأرض لا عشب ولا شجر لأنّه كان تعالى بعد ما نزّل مطر تَيِسْقي الدنيا وكان بعد ما خلق الإنسان تيِفْلح الأرض. 6كان وقتا بس فيه عيون ميّ بتفيض وبتسْقي الأرض. 7ومن أَديم الأرض من ترابها جَبَل الله سبحانُه الإنسان ونفخ فيه من روحُه، وهيك صار آدم (عليه السلام) إنسان بْيُنْبُض حياة. 8وخلّى سبحانُه الأرض بستان أخضر جهة الشّرق بِعَدَنْ وهونيك حطُّه لآدم.
9وكان بستان بياخُد العقل كلّه شجر ومليان من ما لذّ وطاب. كان بمثابة جنّة الله عالأرض، وبنصُّه كان فيه شجرتان، شجرة الخُلود ويلّي بياكُل منها بعيش للأبد، وشجرة معرفة الخير والشرّ.
10وكان بيِنْبَع من عدن عالجنّة نهر متفرّع منُّه أربَع أنهُر، 11-12النهر الأوّل إسمُه فَيشون، وبمرّ بأرض الحَويلة الغنيّة بأجود أنواع الذّهب والصّمغ الفوّاح وحجر العقيق. 13النهر التاني جَيحون، بمُرّ بأرض النوبا. 14النهر التّالت دَجلة، بمرّ شرق أشور، والفرات هوّ النهر الرابع. 15ووضع سبحانُه آدم (عليه السلام) بهالجنّة عشان يعتني فيها ويحميها، 16وأمرُه وقلُّه: "فيك تاكُل من كلّ شجر الجنّة 17ماعدا شجرة مَعرفة الخير والشرّ، وباليوم يلّي بتاكُل منها رح تموت يعني مش رح تخلِّد عالأرض" 18بعدين قال سبحانُه: "مش منيح يكون الإنسان وحيد، رح إخلق معين إلُه يُوَنّسُه ويشاركُه حياتُه". 19وقتا قدّم الله كلّ أنواع الحيوانات والطيور يلّي خلقها من تراب لآدم (عليه السلام) حتى يسمّيها. 20وسمّى آدم (عليه السلام) المخلوقات كلّها بس ما كان فيه بيناتُن ونيس وشريك لحياتُه. 21فدخَّل سبحانه آدم بِنَوم عميق وشال قطعة من جنبُه وعبّى محلّها لحم. 22وخلق من جنبُه إمرأة وأعطاها لآدم حتى تكون إلُه زوجة ورفيقة. 23وقال آدم (عليه السلام): "هيدي من لحمي ودمّي، قطعة منّي، رح سمّيها إمرأة، لأنها من أُمْرءٍ اتّاخَدِت." 24ولهيدا السبب، بيترُك الرّجل إمّه وبيُّه، عشان يتزوّج من إمرأة، وبألّفوا عيلة، وبزواجُن بصيروا واحد. 25وكان آدم وحوا (عليهُم السلام) بهيداك الوقت عريانين، وما كانوا خِجْلانين من هالشي.
Currently Selected:
:
Highlight
Share
ਕਾਪੀ।
Want to have your highlights saved across all your devices? Sign up or sign in
© 2021 Sabeel Media