قصة النبي موسى - الخروج 6
6
وعد الله لبني يعقوب بالنجاة
1فأوحى الله تعالى للنبي موسى (عليه السلام) وقال: "هلأ بتشوف شو رح أعمل بفرعون بقوّتي.
رح إجبرُه إنّه يطلق سراح قومي بني يعقوب، ويطردُن من أرضه، بقدرتي."
2وقلُّه: "أنا الله. 3مَنْ تجلّى لإبراهيم وإسحاق ويعقوب، وكشفتلهُن عن إنّي الله القدير وعن عظمتي،
لكنّي ما كشفتلهُن عن اسمي الدايِم. 4أَقَمت معُن عهدي: وعدتُن
إنّه أعطيهُن أرض كنعان يلّي تغربّوا فيها هنّ وقبلُن إبراهيم جدّهُن.
5وكمان اليوم، سمعِت صرخات بني يعقوب المُسْتَعْبَدين من قبل المصريين، وحفظت عهدي معهُن.
6لهالسبب قول لقومي بني يعقوب: "أنا الله، رح خلِّصكُن من ظلم المصريين، وحرّركُن من عبوديتهُن،
وأنقذكُن بقوتي، وإحكُم عليُن وعاقبهُن.
7وإجعلكُن قومي، وكون ربكَن.
وبتعرفوا إنّه أنا الله ربكُن يلّي حرّركُن،
من المصريين وعبوديتهُن.
8ورح دخّلكُن عالأرض يلّي وعدت أعطيها لإبراهيم وإسحاق ويعقوب. وأوهِبْكُن هيّ،
أنا هوّ الله." 9فبلَّغ (عليه السلام) هالكلام لبني يعقوب، لكِّن ما سمعولُه، بسبب اليأس، وقسوة العبوديّة.
10وأوحى الله للنبي موسى (عليه السلام) وقال: 11"روح قول لفرعون يضهِّر بني يعقوب من مصر".
12فجاوب (عليه السلام): "إيه بس إذا الشعب إلي ما سمعلي، كيف فرعون رح يسمع هالأمر!
وكمان أنا لساني تقيل." 13لكنّ ربّ العالمين أوحى لهارون وموسى (عليهم السلام)،
يروحوا ويطلبوا من فرعون إخراج الشعب من مصر، ونفّذوا هالكلام.
Currently Selected:
قصة النبي موسى - الخروج 6: LRT
Highlight
Share
ਕਾਪੀ।
Want to have your highlights saved across all your devices? Sign up or sign in
© 2021 Sabeel Media