قصة النبي موسى - الخروج 19
19
تجليّات تعالى للنبي موسى عليه السلام بسينا
1-2بعد شهرين عخروج بني يعقوب من مصر
عإيد النبي موسى (عليه السلام)، لمّا شقّ البحر،
بقدرة ربّ العالمين،
ورجعِت الميّ عجيش فرعون وضباطه وانتهوا وماتوا،
وصل الشعب ع برّ سينا وبوجّ الجبل خيّموا وباتوا.
3وطلع النبي موسى (عليه السلام) عالجبل، تَ يوقَف إدّام ربّ العالمين،
وقام ناداه الله من الجبل: "يا موسى قول لبني يعقوب: 4شفتوا بعيونكُن شو عملت بالمصريين،
وكيف حَمَلْتكُن عجناح الطير وجبتكُن عجبلي سالمين.
5وهلأ إذا كنتو إلي مطيعين، ولعهدي حافظين،
رح تصيروا أُمَّة خاصّة إلي أغلى من الأمم أجمعين،
فاعلموا إنّي أنا ربّ العالمين.
6وحتكونوا إلي أمّة صالحة ومملكة من رجال دين.
هيدا هوّ الكلام يلّي بتقولوا لبني يعقوب." 7فنزل موسى من الجبل، وبعت ورا كلّ الشيوخ، وبلَّغهُن الأمر المبين.
8فجاوبوه وبصوت واحد: "رح نعمل كلّ شي أمَر فيه الله ونكون مُطيعين."
وعاد رجع موسى عالجبل، وجواب الشعب لربَّه نقل.
9وأوحى الله للنبي (عليه السلام) هالكلام وقال: "يا موسى، رح أتجلّى من خلال غيمة كبيرة حتّى يسمعني الشعب لمّا إحكيك،
وهيك بصدقوك وبصيروا عطول بيوثَقوا فيك."
وبعد ما خبَّر (عليه السلام) الشعب هالكلام،
10رجع أوحالَه الله وقال: "روح عند بني يعقوب قلُّن يحضّروا حالُهُن،
اليوم وبكرة طهِّرُن وخلّيُن يغسّلوا تيابهُن،
11لأنّي رح إتجلّى إلهُن،
باليوم التالِت عجبل سينا إدّام عيونهُن.
12فحُطّ حوالي الجبل حدود."
وحذَّرُن تعالى وقلُّن: "إيّاكُن! ممنوع الصعود،
لا بتِطّلَعوا ولا حتّى بتدّقروا بطرف الجبل،
ويلّي بيلمسُه لازِم يِنقَتَل.
13إنسان أو حيوان كان، كمان يلّي بيِلمسُن كلُّن بيِنْرَجموا،
أو بالسهام بْيِنْرِميوا.
ولكن يا موسى، بس بيقدر الشعب عالجبل يِطْلَع،
لمّا صوت بوق عالي يِسْمع."
14وهيك نزِل (عليه السلام) من الجبل وقال لبني يعقوب
إنو يحضّروا حالهن وطهَّرهُن وخبّرهن يغسّلوا تيابهُن
15وكيف لازم يتجنبّوا نساءهُن.
16وبصباح اليوم التّالت، صار فيه رعِد وبرِق وغيم أسود كثيف عالجبل خيَّم،
وطُلِع صوت بوق قوي كتير، قاموا ماتوا من الرعبة كلّ يلّي بالمخيّم.
17وساعِتا طلَّعُن النبي موسى برّات المخيّم تيتقرَّبوا من تجليّات الله، ووقّفوا عند أسفل الجبل.
18وكان الجبل كلّه مغطّى بالدخان، بسبب النار علامة عحضورُ الله المَهيب،
وطُلِع الدخان بكثافة متل شي داخون، واهتزّ الجبل ورجف بشكل رهيب.
19وبينما كان النبي موسى عم بكلِّم الشعب، ارتفع صوت البوق أكتر بعد،
والله كان عم بجاوبُه بصوت بيشبَه الرعد.
20وتجلّى الله من عليائه على قمّة الجبل ودعا موسى تيِطلَع لعندُه،
21وطلِع موسى وقلّه الله: "انزال وخبّر الشعب هالتحذير،
اوعى يتخطّوا الحدود تيشوفوا الله وإلا بموت منهُن كتير،
22وقول لرجال الدين يتطَهَّروا وإلا بعاقِبُن، ليلّي بدُّن يتقرَّبوا منّا"
23فردّ موسى وقال: "ما فيهُن يطلعوا عالجبل لأنَّك سبق ومحذَّرنا:
"حُطّ حدود حول الجبل وحرّمُ بني يعقوب إنّن يتجاوزوه، قلتلنا."
24فأوحى تعالى وقال: "نزال وجيب هارون خيَّك معَك وما تخلّي لا رجال الدين ولا الشعب يلحقوك وإلّا بْعَاقِبُن،
25فنزِل موسى (عليه السلام) لعند بني يعقوب وبوحي الله خبَّرُن.
Currently Selected:
قصة النبي موسى - الخروج 19: LRT
Highlight
Share
ਕਾਪੀ।
Want to have your highlights saved across all your devices? Sign up or sign in
© 2021 Sabeel Media