من قصة النبي صموئيل 16
16
قصّة النبي داود عليه السلام
1أوحى سبحانه وقلُّه للنبي صموئيل (عليه السلام):
"لأيمتى رح تضلَّك عطالوت زعلان ومحزون،
إنّه يبقى ملك عبني يعقوب، أنا رفضتُه يكون؟
قوم عبّي القنينة تبعَك بالزيت،
ف رح إبعتَك عبيت لحم عند يسّى،
لأنّي أخترت واحد من ولادُه، تيكون ملك." 2فردّ صموئيل: "يا ربّ، كيف بدّي روح عم تطلب منّي؟
إذا عرف طالوت بيقتلني!"
قام رجِع وأوحالُه ربّ العالمين:
"خود بإيدَك عجِل وقول للحاضرين،
أنا جاية قدِّم ضْحيّة لربّ العالمين،
3وعزوم يسّى عالضْحيّة.
وإنتَ وهونيك أنا بعلّمَك عالبقيّة،
وبتمسَحلي بالزيت يلّي بدلَّك عليه."
4ومتل ما أمرُه الله للنبي صموئيل، ساواه.
ولما وصل النبي عالبلدة كانوا الشيوخ خيفانين وقت استقبلوه.
"في شي مشكلة؟" لصموئيل سألوه.
5فردّ عليُن: "لأ، ما جيت إلّا للخير، لقدّم ضْحيّة لربنا.
فاتطهّروا وتعوا نجتمع عالدبيحة كلنا."
وطهّر النبي صموئيل يسّى وولادُه بالبركة ودعاهُن عالوليمة.
6وهون لمّا إجوا الكلّ عالعزيمة،
اتطلّع صموئيل عالإبن البكر، ألياب، وقال بقلبُه: "أكيد هيدا هوّ الملك يلّي اختارُه ربُّه."
7فأوحى الله لصموئيل: "ما يهمَّك طولُه وطَلّتُه،
لأنّي رفضتُه!
ربَّك ما بيتطلّع عالإشيا يلّي بيتطلَّع عليها الإنسان. فالإنسان بشوف الظاهِر من الأمور،
أمّا ربّك فيعلم ما في الصدور."
8وقام طلب يسّى من إبنُه أبيناداب يمرّ إدام صموئيل،
وبس مرّ أبيناداب قال (عليه السلام): "كمان هيدا ما اختارُه ربُّه."
9بعدين طلب يسّى من إبنُه شمّة يعمل ذات الشي، وقال (عليه السلام) نفس الكلام.
10وهيك مرقوا السبع ولاد من إدام صموئيل، واحد ورا التاني.
ولكن النبي صموئيل قال ل يسّى: "الله ما اختار ولا واحد من هيدول، 11عندَك بعد حدا تاني؟"
جاوب يسّى: "بقي إبني الأصغر، بس هو عم يرعى الغنمات.
فقلُّه صموئيل: "بعات وراه، من دونُه مش رح ندقَر الأكلات."
12وبعَت جابُه، وكان شاب حلو وجّه أحمر وعيونُه حلوين.
"عجِّل مسحُه بالزيت، هيدا الملك يلّي اخترتُه." أوحى وقال ربّ العالمين.
13فجاب صموئيل قنينة الزيت ومسح النبي داود ملك إدّام إخُواتُه،
ومن هيديك اليوم وبالطالع، حلّ عداود روح الله. ومن بعدا رجع صموئيل، عالرّامة بلدتُه.
النبي داود عليه السلام بقصر طالوت
14بمرّة ترك روح الله الملك طالوت، وبإذنُه سمح بمسّ شيطاني يعذبُه،
15فقلُّه خَدَمُه: "الله سمح الشيطان يمسّك،
16أمُرنا يا مولانا، عن عازف عود شاطِر نفتِّشلَك،
حتّى بس يعذَبَك المسّ الشيطاني، يعزفلَك،
وإنتَ بتروق وهيك أحسن لَك."
17فقلُّن الملك: "طيّب، فتشولي عن عازف منيح وجيبولي ياه."
18وهون واحد من الخدم قلُّه: "فيه يسّى، يلّي من بيت لحم، عندُه ولد بيعزُف حلو، شفناه،
وكمان محارِب بطل وشُجاع، بيحكي بذكا، شكلُه حلو والله معُه عطول."
19وقام دغري بعَت طالوت ليسّى يقول:
"ابعتلي داود إبنَك يلّي بيرعى غنم."
20ولبّى الطلب يسّى وبعَت إبنُه داود مع هدايا من خبز ونِعَم.
21ولمّا وصل داود عند الملك بلّش يخدمُه،
فحبُّه طالوت كتير وخلّاه لسلاحُه يحملُه.
22وبعَت خبر طالوت ل يسّى: "اسمحلُه لداود يبقى بخدمتي لأنّي راضي عليه."
23وكان كلّ ما المسّ الشيطاني بإذن الله عالملك يحلّ،
يبلِّش داود يعزف عالعود، فيرتاح الملك والمسّ الشيطاني يتركُه ويفلّ.
Currently Selected:
من قصة النبي صموئيل 16: LRT
Highlight
Share
ਕਾਪੀ।
Want to have your highlights saved across all your devices? Sign up or sign in
© 2021 Sabeel Media
من قصة النبي صموئيل 16
16
قصّة النبي داود عليه السلام
1أوحى سبحانه وقلُّه للنبي صموئيل (عليه السلام):
"لأيمتى رح تضلَّك عطالوت زعلان ومحزون،
إنّه يبقى ملك عبني يعقوب، أنا رفضتُه يكون؟
قوم عبّي القنينة تبعَك بالزيت،
ف رح إبعتَك عبيت لحم عند يسّى،
لأنّي أخترت واحد من ولادُه، تيكون ملك." 2فردّ صموئيل: "يا ربّ، كيف بدّي روح عم تطلب منّي؟
إذا عرف طالوت بيقتلني!"
قام رجِع وأوحالُه ربّ العالمين:
"خود بإيدَك عجِل وقول للحاضرين،
أنا جاية قدِّم ضْحيّة لربّ العالمين،
3وعزوم يسّى عالضْحيّة.
وإنتَ وهونيك أنا بعلّمَك عالبقيّة،
وبتمسَحلي بالزيت يلّي بدلَّك عليه."
4ومتل ما أمرُه الله للنبي صموئيل، ساواه.
ولما وصل النبي عالبلدة كانوا الشيوخ خيفانين وقت استقبلوه.
"في شي مشكلة؟" لصموئيل سألوه.
5فردّ عليُن: "لأ، ما جيت إلّا للخير، لقدّم ضْحيّة لربنا.
فاتطهّروا وتعوا نجتمع عالدبيحة كلنا."
وطهّر النبي صموئيل يسّى وولادُه بالبركة ودعاهُن عالوليمة.
6وهون لمّا إجوا الكلّ عالعزيمة،
اتطلّع صموئيل عالإبن البكر، ألياب، وقال بقلبُه: "أكيد هيدا هوّ الملك يلّي اختارُه ربُّه."
7فأوحى الله لصموئيل: "ما يهمَّك طولُه وطَلّتُه،
لأنّي رفضتُه!
ربَّك ما بيتطلّع عالإشيا يلّي بيتطلَّع عليها الإنسان. فالإنسان بشوف الظاهِر من الأمور،
أمّا ربّك فيعلم ما في الصدور."
8وقام طلب يسّى من إبنُه أبيناداب يمرّ إدام صموئيل،
وبس مرّ أبيناداب قال (عليه السلام): "كمان هيدا ما اختارُه ربُّه."
9بعدين طلب يسّى من إبنُه شمّة يعمل ذات الشي، وقال (عليه السلام) نفس الكلام.
10وهيك مرقوا السبع ولاد من إدام صموئيل، واحد ورا التاني.
ولكن النبي صموئيل قال ل يسّى: "الله ما اختار ولا واحد من هيدول، 11عندَك بعد حدا تاني؟"
جاوب يسّى: "بقي إبني الأصغر، بس هو عم يرعى الغنمات.
فقلُّه صموئيل: "بعات وراه، من دونُه مش رح ندقَر الأكلات."
12وبعَت جابُه، وكان شاب حلو وجّه أحمر وعيونُه حلوين.
"عجِّل مسحُه بالزيت، هيدا الملك يلّي اخترتُه." أوحى وقال ربّ العالمين.
13فجاب صموئيل قنينة الزيت ومسح النبي داود ملك إدّام إخُواتُه،
ومن هيديك اليوم وبالطالع، حلّ عداود روح الله. ومن بعدا رجع صموئيل، عالرّامة بلدتُه.
النبي داود عليه السلام بقصر طالوت
14بمرّة ترك روح الله الملك طالوت، وبإذنُه سمح بمسّ شيطاني يعذبُه،
15فقلُّه خَدَمُه: "الله سمح الشيطان يمسّك،
16أمُرنا يا مولانا، عن عازف عود شاطِر نفتِّشلَك،
حتّى بس يعذَبَك المسّ الشيطاني، يعزفلَك،
وإنتَ بتروق وهيك أحسن لَك."
17فقلُّن الملك: "طيّب، فتشولي عن عازف منيح وجيبولي ياه."
18وهون واحد من الخدم قلُّه: "فيه يسّى، يلّي من بيت لحم، عندُه ولد بيعزُف حلو، شفناه،
وكمان محارِب بطل وشُجاع، بيحكي بذكا، شكلُه حلو والله معُه عطول."
19وقام دغري بعَت طالوت ليسّى يقول:
"ابعتلي داود إبنَك يلّي بيرعى غنم."
20ولبّى الطلب يسّى وبعَت إبنُه داود مع هدايا من خبز ونِعَم.
21ولمّا وصل داود عند الملك بلّش يخدمُه،
فحبُّه طالوت كتير وخلّاه لسلاحُه يحملُه.
22وبعَت خبر طالوت ل يسّى: "اسمحلُه لداود يبقى بخدمتي لأنّي راضي عليه."
23وكان كلّ ما المسّ الشيطاني بإذن الله عالملك يحلّ،
يبلِّش داود يعزف عالعود، فيرتاح الملك والمسّ الشيطاني يتركُه ويفلّ.
Currently Selected:
:
Highlight
Share
ਕਾਪੀ।
Want to have your highlights saved across all your devices? Sign up or sign in
© 2021 Sabeel Media