OKHURULA 4
4
Nyasaye ahelesia Musa obunyali bwokhukhola akamakana
1Mana Musa nakalusia OMWAMI Nyasaye ari, “Ne Abaisiraeli nibaba nibaloba okhusuubila noho okhurecheresia akebaboolela, ndalakhola shiina nibaba nibamboolela mbu, iwe shiwandolesheele ta?” 2OMWAMI Nyasaye namureeba Musa ari, “Nishiina eshiotiilile mumukhonokwo?” Naye Musa nakalusia ari, “Endiilile indabushi.” 3OMWAMI Nyasaye namuboolela ari, “Chifuubekhwo hasi.” Mana Musa nachifuuba hasi, nayo niyikwa inzokha, naye Musa niyelukha narula khunzokha eyo. 4Nebutswa, Nyasaye yaboolela Musa ari, “Nyiila omukhonokwo mana ochibukule notiilile omushila kwayo.” Kho Musa nanyiila omukhonokwe nachibukula nayo inzokha niyikalukhana niyikwa indabushi khandi mumukhonokwe. 5OMWAMI Nyasaye naboola ari, “Okhole ori, kho mbu Abaisiraeli basuubile mbu, OMWAMI Nyasaye, Nyasaye wabakuuka babwe, Nyasaye wa Aburahamu, owa Isaka, nende owa Yakobo akhulolesheele iwe.”
6Khandi, OMWAMI Nyasaye yaboolela Musa ari, “Injisia omukhonokwo mukanzuyo otiile khushilifushio.” Naye Musa niyenjisia omukhonokwe mukanzuye natiila khushilifushie. Ne olwa yakurusiakhwo, kwali nobuchele obulafu tswe, shinga amachina keifula. 7Khandi Nyasaye namuboolela ari, “Kalusia omukhonokwo khushilifu.” Ne Musa nakukalusiakhwo. Ne olwa yakurusia, lola, kwali nikuukaluushe habwene. 8Khandi Nyasaye naboola ari, “Nibaba nibalahulila nende okhusuubila mushilolelo shiambeli eshio ta, banyala okhusuubila mushiakhabili. 9Nibalasuubila mushilolelo shiambeli kata eshiakhabili ta, obukule amaatsi okhurula mumwalo kwa Naili, osundule khwiloba eliumu. Nako amaatsi akolaba norusiye mumwalo nosundula khwiloba eliumu, kalekhola amatsaayi.”
10Nebutswa Musa naboolela Nyasaye ari, “Iwe OMWAMI Nyasaye, shiolaruma ta, shichila isie endi oweshilimi okhurula mubwana bwanje okhuula khubise bino.”
11Naye Nyasaye namureeba ari, “Niwiina owalonga omunwa kwomundu? Niwiina oumukholanga okhulekha okhuboola, noho okhulekha okhulomaloma, noho okhulekha okhuhulil, noho okhulola, noho okhubofula? Shiendi isie OMWAMI Nyasaye owalonga abo boosi? 12Khulweshio iwe tsia! Nasi ndalakhukhoonya okhuboola khandi ndalakhwechesia akolaboola.” 13Naye Musa nakalusia ari, “Iwe OMWAMI Nyasaye, ekhusaaya mbu, orumekhwo omundu undi.” 14Mana Nyasaye nasinyishila Musa ne namureeba ari, “Haroni omusiani wenywe Omulawi shialiyo? Emanyile mbu, anyala okhuboola obulayi. Khandi yetsa okhukhwakaanila ne olwa alakhulola, alasaangaala mumwoyokwe. 15Ne osungane ninaye nomuboolela kalaboola. Nasi ndalamukhoonya okhuboola, khandi ndalamwechesia inywe eshiamulakhola. 16Alaba omubooliwo khandi alaboola nende Abaisiraeli mushilenjeshio, nawe olaba khuye shinga Nyasaye, olamuboolelanga eshia akhoyile okhuboola. 17Bukula indabushi yino ochende ninayo mumukhonokwo, shichila niyo yolakholelanga akamakana.”
Musa akalukha Misiri
18Mana Musa nakalukha khu Yetsiro nyakhufialanyene ne namuboolela ari, “Ekhusaaya mbu, nochama engalushe Misiri endole abekho banje nibaba nibashili mwoyo.” Naye Yetsiro namuboolela ari, “Tsia nomulembe.” 19Ne olwa Musa yali nashili Midiani, Nyasaye yamuboolela ari, “Kalukha Misiri, shichila abandu boosi abakhaabanga okhukhwira bafwa.” 20Kho Musa nabukula omukhasiwe nende abaana nabekhasia khusishili ne narula nachaaka oluchendo okhukalukha Misiri. Ne yali natiilile indabushi mumukhonokwe, eya Nyasaye yali namubooleele mbu abukule.
21Mana OMWAMI Nyasaye naboolela Musa khandi ari, “Nokalukha Misiri, okhuula okhole akamakana koosi aka ndakhuhelesiye obunyali okhukhola imbeli womuruchi. Nebutswa ndalatinyia omwoyokwe ne shialalekhuula abandu okhutsia tawe. 22Khandi okhuula oboolele omuruchi wa Misiri mbu, OMWAMI Nyasaye aboola ari, ‘Isiraeli niye omwana wanje wambeli. 23#Okhur. 12:29Kho ekhuboolela mbu, lekha omwana wanje atsie yanzinamile. Nikaba mbu shiomufuchilila tawe kho ndaleera omwanawo omusiani omwikulanda.’ ”
24Olwa Musa yali nashikonile habundu ahabacheni okhuhulushila, nali khuluchendo lwokhukalukha Misiri, OMWAMI Nyasaye yamuloleshela ne nateema okhumwira. 25Mana omukhasiwe Zipora nabukula lichina limemu, nasheba lifunga liomusianiwe ne nalibisia khubilenje bia Musa khulwa eshiima shieshishebo naboola ari, “Toto iwe oli omusatsa wanje wobwatoto.” 26Kho Nyasaye nalekha Musa nabaho mwoyo.
27OMWAMI Nyasaye naboolela Haroni ari, “Tsia mushitsiimi waakaanile Musa.” Kho Haroni natsia mushitsiimi okhwakaanila Musa khushikulu eshitakatifu. Ne olwa babukaana, Haroni yafumbeelela Musa. 28Naye Musa naboolela Haroni koosi aka OMWAMI Nyasaye yali namubooleele olwa yamulaka okhukalukha Misiri, khandi namuboolela khukamakana koosi aka OMWAMI Nyasaye yali namulachile okhukhola.
29Mana Musa nende Haroni nibatsia nibakhung'asia halala abakhulundu ba Isiraeli boosi. 30Kho Haroni nababoolela amakhuwa koosi aka Nyasaye yali nabooleele Musa. Musa naye nakhola imbeli wabandu akamakana aka Nyasaye yali namulachile okhukhola. 31Nabo Abaisiraeli nibasuubila amakhuwa kabali nibabooleelwe. Ne olwa bahulila mbu, OMWAMI Nyasaye yali nabahendelanga khandi nalolanga amanyakhano kabwe, benamia emirwe chiabwe hasi ne nibenamila Nyasaye.
Currently Selected:
OKHURULA 4: OLUDC
Highlight
Share
ਕਾਪੀ।
Want to have your highlights saved across all your devices? Sign up or sign in
OKHURULA 4
4
Nyasaye ahelesia Musa obunyali bwokhukhola akamakana
1Mana Musa nakalusia OMWAMI Nyasaye ari, “Ne Abaisiraeli nibaba nibaloba okhusuubila noho okhurecheresia akebaboolela, ndalakhola shiina nibaba nibamboolela mbu, iwe shiwandolesheele ta?” 2OMWAMI Nyasaye namureeba Musa ari, “Nishiina eshiotiilile mumukhonokwo?” Naye Musa nakalusia ari, “Endiilile indabushi.” 3OMWAMI Nyasaye namuboolela ari, “Chifuubekhwo hasi.” Mana Musa nachifuuba hasi, nayo niyikwa inzokha, naye Musa niyelukha narula khunzokha eyo. 4Nebutswa, Nyasaye yaboolela Musa ari, “Nyiila omukhonokwo mana ochibukule notiilile omushila kwayo.” Kho Musa nanyiila omukhonokwe nachibukula nayo inzokha niyikalukhana niyikwa indabushi khandi mumukhonokwe. 5OMWAMI Nyasaye naboola ari, “Okhole ori, kho mbu Abaisiraeli basuubile mbu, OMWAMI Nyasaye, Nyasaye wabakuuka babwe, Nyasaye wa Aburahamu, owa Isaka, nende owa Yakobo akhulolesheele iwe.”
6Khandi, OMWAMI Nyasaye yaboolela Musa ari, “Injisia omukhonokwo mukanzuyo otiile khushilifushio.” Naye Musa niyenjisia omukhonokwe mukanzuye natiila khushilifushie. Ne olwa yakurusiakhwo, kwali nobuchele obulafu tswe, shinga amachina keifula. 7Khandi Nyasaye namuboolela ari, “Kalusia omukhonokwo khushilifu.” Ne Musa nakukalusiakhwo. Ne olwa yakurusia, lola, kwali nikuukaluushe habwene. 8Khandi Nyasaye naboola ari, “Nibaba nibalahulila nende okhusuubila mushilolelo shiambeli eshio ta, banyala okhusuubila mushiakhabili. 9Nibalasuubila mushilolelo shiambeli kata eshiakhabili ta, obukule amaatsi okhurula mumwalo kwa Naili, osundule khwiloba eliumu. Nako amaatsi akolaba norusiye mumwalo nosundula khwiloba eliumu, kalekhola amatsaayi.”
10Nebutswa Musa naboolela Nyasaye ari, “Iwe OMWAMI Nyasaye, shiolaruma ta, shichila isie endi oweshilimi okhurula mubwana bwanje okhuula khubise bino.”
11Naye Nyasaye namureeba ari, “Niwiina owalonga omunwa kwomundu? Niwiina oumukholanga okhulekha okhuboola, noho okhulekha okhulomaloma, noho okhulekha okhuhulil, noho okhulola, noho okhubofula? Shiendi isie OMWAMI Nyasaye owalonga abo boosi? 12Khulweshio iwe tsia! Nasi ndalakhukhoonya okhuboola khandi ndalakhwechesia akolaboola.” 13Naye Musa nakalusia ari, “Iwe OMWAMI Nyasaye, ekhusaaya mbu, orumekhwo omundu undi.” 14Mana Nyasaye nasinyishila Musa ne namureeba ari, “Haroni omusiani wenywe Omulawi shialiyo? Emanyile mbu, anyala okhuboola obulayi. Khandi yetsa okhukhwakaanila ne olwa alakhulola, alasaangaala mumwoyokwe. 15Ne osungane ninaye nomuboolela kalaboola. Nasi ndalamukhoonya okhuboola, khandi ndalamwechesia inywe eshiamulakhola. 16Alaba omubooliwo khandi alaboola nende Abaisiraeli mushilenjeshio, nawe olaba khuye shinga Nyasaye, olamuboolelanga eshia akhoyile okhuboola. 17Bukula indabushi yino ochende ninayo mumukhonokwo, shichila niyo yolakholelanga akamakana.”
Musa akalukha Misiri
18Mana Musa nakalukha khu Yetsiro nyakhufialanyene ne namuboolela ari, “Ekhusaaya mbu, nochama engalushe Misiri endole abekho banje nibaba nibashili mwoyo.” Naye Yetsiro namuboolela ari, “Tsia nomulembe.” 19Ne olwa Musa yali nashili Midiani, Nyasaye yamuboolela ari, “Kalukha Misiri, shichila abandu boosi abakhaabanga okhukhwira bafwa.” 20Kho Musa nabukula omukhasiwe nende abaana nabekhasia khusishili ne narula nachaaka oluchendo okhukalukha Misiri. Ne yali natiilile indabushi mumukhonokwe, eya Nyasaye yali namubooleele mbu abukule.
21Mana OMWAMI Nyasaye naboolela Musa khandi ari, “Nokalukha Misiri, okhuula okhole akamakana koosi aka ndakhuhelesiye obunyali okhukhola imbeli womuruchi. Nebutswa ndalatinyia omwoyokwe ne shialalekhuula abandu okhutsia tawe. 22Khandi okhuula oboolele omuruchi wa Misiri mbu, OMWAMI Nyasaye aboola ari, ‘Isiraeli niye omwana wanje wambeli. 23#Okhur. 12:29Kho ekhuboolela mbu, lekha omwana wanje atsie yanzinamile. Nikaba mbu shiomufuchilila tawe kho ndaleera omwanawo omusiani omwikulanda.’ ”
24Olwa Musa yali nashikonile habundu ahabacheni okhuhulushila, nali khuluchendo lwokhukalukha Misiri, OMWAMI Nyasaye yamuloleshela ne nateema okhumwira. 25Mana omukhasiwe Zipora nabukula lichina limemu, nasheba lifunga liomusianiwe ne nalibisia khubilenje bia Musa khulwa eshiima shieshishebo naboola ari, “Toto iwe oli omusatsa wanje wobwatoto.” 26Kho Nyasaye nalekha Musa nabaho mwoyo.
27OMWAMI Nyasaye naboolela Haroni ari, “Tsia mushitsiimi waakaanile Musa.” Kho Haroni natsia mushitsiimi okhwakaanila Musa khushikulu eshitakatifu. Ne olwa babukaana, Haroni yafumbeelela Musa. 28Naye Musa naboolela Haroni koosi aka OMWAMI Nyasaye yali namubooleele olwa yamulaka okhukalukha Misiri, khandi namuboolela khukamakana koosi aka OMWAMI Nyasaye yali namulachile okhukhola.
29Mana Musa nende Haroni nibatsia nibakhung'asia halala abakhulundu ba Isiraeli boosi. 30Kho Haroni nababoolela amakhuwa koosi aka Nyasaye yali nabooleele Musa. Musa naye nakhola imbeli wabandu akamakana aka Nyasaye yali namulachile okhukhola. 31Nabo Abaisiraeli nibasuubila amakhuwa kabali nibabooleelwe. Ne olwa bahulila mbu, OMWAMI Nyasaye yali nabahendelanga khandi nalolanga amanyakhano kabwe, benamia emirwe chiabwe hasi ne nibenamila Nyasaye.
Currently Selected:
:
Highlight
Share
ਕਾਪੀ।
Want to have your highlights saved across all your devices? Sign up or sign in