Izikiẹl 40
40
Emramrẹ rẹ Omraro na Kpahe Uwevwi rẹ Ẹga na
1Vwẹ ukpe ruje gbẹ iyori rẹ imu rẹ avwanre, vwẹ ẹtuọphihọ rẹ ukpe na, vwẹ ẹdẹ rihwe rẹ emeranvwe vwẹ ukpe rihwẹne re vwo phi orere na kua nu, vwẹ ẹdẹ yena dẹn na, obọ rẹ Ọrovwohwo vẹ ovwẹ da herọ, 2ọ da reyọ ovwẹ vwẹ emramrẹ rẹ Ọghẹnẹ vwọ rhe otọ rẹ Izrẹl, o de mu vwe te otọ vwẹ enu rẹ ugbenu ro kpenu gangan, rẹ emu ọvo epha kerẹ orere ro hirhe aro ku vwe. 3Ọke rọ vwọ vwẹ ovwẹ te etiyin, nighe, ohwo ọvo hẹ etiyin, rẹ ekroma rọye họhọ ẹrovwo, ọ vẹ ọkpọ rẹ oruru kugbe ubiurhe rẹ ovwanvwọn vwẹ obọ rọye, ọ de mudia vwẹ anurhoro. 4Ohwo na da ta kẹ vwẹ, Ọmọ rẹ ohwo, vwẹ ẹro wẹn ni, ru wọ vwẹ erhọn wẹn nyo, ru wọ vwẹ iroro kpahe obo ri mi che dje kẹ wẹ na, kidie a reyọ owẹ rhe etinẹ rere mi vwo dje kẹ wẹ, ghwoghwo obo re wọ mrẹre ejobi kẹ uwevwi rẹ Izrẹl.
5Nighere, a da gba ogba riariẹ obo uphephẹ rẹ uwevwi rẹ ẹga na, ugrogro rẹ ubiurhe rẹ ovwanvwọn rọ hẹ obọ rẹ ohwo na da dia kubit esan, ọvuọvo da dia kubit ọvo kugbe esabọ ọvo vwẹ ugrogro; ọtiọye ọ da ma ọkpan rẹ igbẹhẹ na, ubiurhe ọvo; enu era rọye, ubiurhe ọvo. 6Etiyin ọ da yan kpo unu rẹ anurhoro na ro hirharo ku obaro ọnre, o de yeri kpenu, o da vwanvwe ugana rẹ anurhoro na, ekodo rọye ubiurhe ọvo; 7ivun rẹ akako rọye, da dia ubiurhe ọvo vwẹ ugrogro, ubiurhe ọvo vwẹ ohẹhẹre, uvwre rọ hẹ ivun rẹ akako na, da dia kubit iyori, ugana rẹ anurhoro na rọ kẹrẹ ọmọguan rẹ anurhoro na rọ hẹ obo evun rọ ka oba, ubiurhe ọvo. 8Etiyin ọ da ma ọguan rẹ obada rẹ anurhoro na, kubit ẹrenre; 9ichivwo rọye, kubit ivẹ; ọmọguan rọ hẹ unu rẹ anurhoro na da hẹ obo uvun rẹ obo oba. 10Ivun erha rẹ igogo erha da hẹ tabọ nana vẹ tabọ nana rẹ anurhoro rọ hẹ obaro ọnre na; erha na abọvo, ichivwo rọ hẹ tabọ na vẹ tabọ na jẹ abọvo. 11Etiyin ọ da vwanvwẹ ohẹhẹre rẹ uvwre rẹ anurhoro na, kubit ihwe, ohẹhẹre rẹ anurhoro na, da dia kubit ihwerha. 12Ogharọ da hẹ uvwre rẹ ivun rẹ akakọ na, kubit ọvo vwẹ obọ na vẹ obọ rivẹ, ivun rẹ akakọ na da dia kubit esan vwẹ obọ nana vẹ obọ rivẹ. 13Etiyin ọ da vwanvwẹ anurhorọ na nẹ obuko rẹ uvun ọvo re te obuko rẹ ọfa, ohẹhẹre rọye da dia kubit uje gbẹ iyori, nẹ ẹchẹ re te ẹchẹ. 14Ọ da vwanvwẹ ọguan rọ hẹ obaro na, kubit uje, ọguan rẹ obaro rẹ anurhoro na da riariẹ ọguan na phihọ. 15Nẹ obaro rẹ anurhoro na vwẹ asan ra da ruọ na re te oba rẹ ọguan rọ hẹ obo evun rẹ anurhoro na da dia kubit ujuvẹ gbẹ ihwe. 16Anurhoro na de vwo evakpo riariẹ, ri siuvun ra ro ichivwo rayen re hẹ ivun rẹ akakọ na, ọtiọye rhe ọmọguan na ji vwo evakpo re riarierẹ phihọ vwẹ obo evun, vwẹ asan rẹ ichivwo na iriẹ da herọ.
17Etiyin ọ da vwẹ ovwẹ rhe ọguan rẹ uphephẹ na; nighere, ighẹn kugbe asan rẹ a yanwan herọ, re riariẹ ọguan na phihọ; ighẹn ọgban de hirharọ ku asan rẹ a yanwan na. 18E de asan rẹ a yanwan na nene oma rẹ anurhoro na, ọ vẹ ugrọgrọ rẹ anurhoro na kẹ abavo, ọnana kẹ asan rẹ a yanwan rọ hẹ obotọ. 19Etiyin a da vwanvwẹ uvwre na nẹ obo oba rẹ obaro rẹ anurhoro rọ hẹ obotọ na re te obotafe rẹ obaro rẹ ọguan rọ hẹ obo evun na kubit ujori.
20Etiyin ọ da ka obaro kẹ vwẹ re te obọhwẹre ọnre, nighere, anurhoro ọvo herọ ro hirharo ku obọhwẹre ọnre, anurhoro rẹ ọguan rẹ obotafe. Ọ da vwanvwẹ ugrogro rọye kugbe ohẹhẹre rọye. 21Ivun rẹ akakọ rọye, erha vwe abọ nana te abo nana, te ichivwo rọye vẹ ọmọguan rọye da dia abavo kirobo rẹ e rẹ anurhoro rẹ ẹsosuọ na epha, ugrogro rọye kubit ujuvẹ gbẹ ihwe, ohẹhẹre rọye kubit uje gbẹ iyori. 22Evakpo rọye, ọmọguan rọye na, kugbe iriẹ rọye da dia abavo kerẹ e rẹ anurhoro ro hirharo ku obaro ọnre, ichiyi ighwrẹn e yere kpenu re ki te; ọmọguan rọye kẹ obo evun ọ epha. 23Asan ro hirharo ku anurhoro rẹ obọhwẹre ọnre na, kirobo rọ epha vwẹ obaro ọnre na, anurhoro ovọ ra wan ro obo evun rẹ ọguan na da herọ; ọ da vwanvwọn nẹ anurhoro re te anurhoro, kubit ujori.
24O de sun vwe kpo obuko ọnre, nighere, anurhoro ọvo da hẹ obuko ọnre; ọ da vwanvwẹ ichivwo rọye kugbe ọmọguan rọye; ayen da hẹ abavo kirobo rẹ iri chekọ epha. 25Evakpọ da riariẹ phihọ vẹ ọmọguan rọye, kere evakpọ ri chekọ, ugrogro rọye da dia kubit ujuvẹ gbẹ ihwe, ohẹhẹre rọye kubit uje gbẹ iyorin. 26Ichiyi ighwrẹn e yere kpenu ra ke ruọ, ọmọguan rọye da dia obo evun, o de vwo iriẹ vwẹ ichivwo rọye, ọvo hẹ obọ na ọvo hẹ obọ rivẹ. 27Anurhoro ọvo da hẹ obuko ọnre vwẹ obọ evun rẹ ọguan na, ọ da vwanvwọn nẹ anurhoro re te anurhoro vwẹ obuko ọnre na, kubit ujorin.
28Etiyin ọ da vwẹ ovwẹ rhe ọguan rọ hẹ obọ evun na vwẹ oma rẹ anurhoro rọ hẹ obọrhe ọnre na, ọ da vwanvwẹ anurhoro rọ hẹ obọrhe ọnre na, ọ da dia abavo kere iri chekọ. 29Ivun rẹ akakọ rọye, ichivwo rọye, vẹ ọmọguan rọye da dia abọvo kerẹ i ri chekọ; evakpo da tẹrẹ phihọ vẹ ọmọguan rọye, ugrọgrọ rọye da dia kubit ujuvẹ gbẹ ihwe, ohẹhẹre rọye da dia kubit uje gbẹ iyorin. 30Emeguan da tẹrẹ riariẹ, ugrogro rọye kubit uje gbẹ iyorin ohẹhẹre rọye ichiyi iyorin. 31Emeguan na de hirharo ku eguan rẹ uphephẹ na, iriẹ da hẹ ichivwo rọye, idjerhe ra wan yenre kpenu da dia ichiyi ẹrenre.
32Etiyin ọ da vwẹ ovwẹ rhe obo evun rẹ ọguan na vwẹ ẹbẹre rẹ obaro ọnre, ọ da vwanvwẹ anurhoro na; ọ da dia abọvo kerẹ i ri chekọ. 33Ivun rẹ akakọ rọye, ichivwo rọye, vẹ emeguan rọye da dia abavo kerẹ i ri chekọ; evakpo da riariẹ phihọ kugbe ọguan rọye; ugrogro rọye da dia kubit ujuvẹ gbẹ ihwe, ohẹhẹre rọye kubit uje gbẹ iyorin. 34Ọmọguan rọye de hirharo ku ọguan rọ obo uphephẹ, o de vwo iriẹ vwẹ ichivwo rọye, ọvo obọ nana ọvo obọ rivẹ; asan ra wan yere kpenu da dia ichiyi ẹrenren.
35Etiyin ọ da vwẹ ovwẹ rhe anurhoro rọ obọhwẹre ọnre, ọ da vwanvwọn, ọ da dia abavo kerẹ iri chekọ. 36Ivun rẹ akakọ, ichi-vwo rọye, vẹ ọmọguan rọye da dia abavo kerẹ i ri chekọ, evakpọ da riariẹ phihọ, ugrogrọ rọye da dia kubit ujuvẹ gbẹ ihwe, ohẹhẹre rọye da dia kubit uje gbẹ iyorin. 37Ọmọguan rọye de hirharọ ku ọguan rọ hẹ obo uphephẹ na, o de vwo iriẹ vwẹ ichivwo rọye, ọvo vwẹ abọ nana te abọ yena; asan ra wan yere kpenu da dia ichiyi ẹrenren.
38Ighẹn ovọ herọ vẹ ẹchẹ rọye vwẹ evun rẹ ọmọguan rẹ anurhoro na, asan ra da hworhẹ izobo rẹ etorhẹ na. 39Vwẹ evun re ọguan rẹ anurhoro na imẹjẹ ivẹ herọ ọvo hẹ obọ nana ọvo hẹ obọ nana, enu rọye kọye e de hwe eranvwe rẹ izobo rẹ ẹtorhẹ kugbe izobo rẹ umwemwu kugbe izobo rẹ abe. 40Vwẹ obo uphephẹ rẹ ọmọguan na vwẹ asan ra da ro anurhoro na vwẹ obọhwẹre ọnre imẹjẹ ivẹ herọ; vwẹ ẹbẹre ro chẹkọ rẹ ọmọguan na vwẹ anurhoro na imẹjẹ ivẹ herọ. 41Imẹjẹ ẹne hẹ evun rọye, imẹjẹ ẹne uphephẹ vwẹ ẹbẹre rẹ anurhoro na, imẹjẹ ẹrenre, enu rọye kọye e de che hwe eranvwe rẹ izobo na. 42Imẹjẹ ẹne rẹ oragha re sheri je herọ rhe re vwo ru izobo rẹ ẹtorhẹ, ugrogro rọye kubit ọvo gbẹ ubro, ohẹhẹre rọye kubit ọvo gbẹ ubro, enu era rọye kubit ọvo, enu rọye kọye a ghwẹ ekuakua na kpahe re de hwe eranvwe rẹ izobo rẹ ẹtorhẹ na kugbe izobo efa. 43Kugbe ada rẹ isabọ ọvo vwẹ ugrogro, e de churu ayen riariẹ vwẹ obo evun. Enu rẹ imẹjẹ na kọye a ghwẹ uvwo rẹ eranvwe rẹ izobo na kpahe.
44Etiyin ọ da reyọ ovwẹ nẹ uphephẹ rhe kpo obo evun rẹ ọguan na, nighere, ighẹn ivẹ da hẹ evun rẹ obo ẹtan rẹ ọguan na, ọvo da hẹ akakọ vwẹ obọhwẹre ọnre rẹ anurhoro ro nẹ obuko ọnre, ọ ro chekọ da hẹ ẹbẹre rẹ akakọ vwẹ obuko ọnre vwẹ anurhoro ro hirharo ku obọhwẹre ọnre. 45O da ta kẹ vwẹ, Ighẹn nana ro hirharo ku obuko ọnre na ọye ọ rẹ irherẹn ri vwo iruo rẹ ẹga rẹ uwevwi na, 46ighẹn ro hirharo ku obọhwẹre ọnre na ọye na kẹ ọ rẹ irhẹrẹn ri ze izobo vwẹ enu rẹ agbada na; enana keye emọ rẹ Zadọk, ọye ọvo vwẹ ohri rẹ emọ ri Livae na ri se sikẹrẹ Ọrovwohwo rhi gbe odibo kẹ. 47Ọ da vwanvwe ọguan na, kubit ujori ugrogro, ohẹhẹre kubit ujori, igogo ẹne abavo; agbada na da hẹ obaro rẹ uwevwi na.
48Etiyin ọ da vwẹ ovwẹ rhe asan ọguan rẹ uwevwi na ọ da vwanvwọn ichivwo rẹ ọguan na, kubit iyorin vwẹ abọ nana vẹ abọ nana, ohẹhẹre rẹ anurhoro na da dia kubit ihwẹne, ọkpan rẹ igbẹhẹ vwẹ akakọ rẹ anurhoro na da dia kubit erha te abọ nana te abọ nana 49Ugrogro rẹ ọguan na da dia kubit uje, ohẹhẹre rọye kubit ihwivẹ; ichiyi ihwe eyere kpenu re ki te, a da ma osusu phihọ oma rẹ ichivwo na vwẹ ẹbẹre nana vẹ ẹbẹre nana.
Currently Selected:
Izikiẹl 40: UBV77
Highlight
Share
ਕਾਪੀ।
Want to have your highlights saved across all your devices? Sign up or sign in
Bible in Urhobo © United Bible Societies, 1977.
Izikiẹl 40
40
Emramrẹ rẹ Omraro na Kpahe Uwevwi rẹ Ẹga na
1Vwẹ ukpe ruje gbẹ iyori rẹ imu rẹ avwanre, vwẹ ẹtuọphihọ rẹ ukpe na, vwẹ ẹdẹ rihwe rẹ emeranvwe vwẹ ukpe rihwẹne re vwo phi orere na kua nu, vwẹ ẹdẹ yena dẹn na, obọ rẹ Ọrovwohwo vẹ ovwẹ da herọ, 2ọ da reyọ ovwẹ vwẹ emramrẹ rẹ Ọghẹnẹ vwọ rhe otọ rẹ Izrẹl, o de mu vwe te otọ vwẹ enu rẹ ugbenu ro kpenu gangan, rẹ emu ọvo epha kerẹ orere ro hirhe aro ku vwe. 3Ọke rọ vwọ vwẹ ovwẹ te etiyin, nighe, ohwo ọvo hẹ etiyin, rẹ ekroma rọye họhọ ẹrovwo, ọ vẹ ọkpọ rẹ oruru kugbe ubiurhe rẹ ovwanvwọn vwẹ obọ rọye, ọ de mudia vwẹ anurhoro. 4Ohwo na da ta kẹ vwẹ, Ọmọ rẹ ohwo, vwẹ ẹro wẹn ni, ru wọ vwẹ erhọn wẹn nyo, ru wọ vwẹ iroro kpahe obo ri mi che dje kẹ wẹ na, kidie a reyọ owẹ rhe etinẹ rere mi vwo dje kẹ wẹ, ghwoghwo obo re wọ mrẹre ejobi kẹ uwevwi rẹ Izrẹl.
5Nighere, a da gba ogba riariẹ obo uphephẹ rẹ uwevwi rẹ ẹga na, ugrogro rẹ ubiurhe rẹ ovwanvwọn rọ hẹ obọ rẹ ohwo na da dia kubit esan, ọvuọvo da dia kubit ọvo kugbe esabọ ọvo vwẹ ugrogro; ọtiọye ọ da ma ọkpan rẹ igbẹhẹ na, ubiurhe ọvo; enu era rọye, ubiurhe ọvo. 6Etiyin ọ da yan kpo unu rẹ anurhoro na ro hirharo ku obaro ọnre, o de yeri kpenu, o da vwanvwe ugana rẹ anurhoro na, ekodo rọye ubiurhe ọvo; 7ivun rẹ akako rọye, da dia ubiurhe ọvo vwẹ ugrogro, ubiurhe ọvo vwẹ ohẹhẹre, uvwre rọ hẹ ivun rẹ akako na, da dia kubit iyori, ugana rẹ anurhoro na rọ kẹrẹ ọmọguan rẹ anurhoro na rọ hẹ obo evun rọ ka oba, ubiurhe ọvo. 8Etiyin ọ da ma ọguan rẹ obada rẹ anurhoro na, kubit ẹrenre; 9ichivwo rọye, kubit ivẹ; ọmọguan rọ hẹ unu rẹ anurhoro na da hẹ obo uvun rẹ obo oba. 10Ivun erha rẹ igogo erha da hẹ tabọ nana vẹ tabọ nana rẹ anurhoro rọ hẹ obaro ọnre na; erha na abọvo, ichivwo rọ hẹ tabọ na vẹ tabọ na jẹ abọvo. 11Etiyin ọ da vwanvwẹ ohẹhẹre rẹ uvwre rẹ anurhoro na, kubit ihwe, ohẹhẹre rẹ anurhoro na, da dia kubit ihwerha. 12Ogharọ da hẹ uvwre rẹ ivun rẹ akakọ na, kubit ọvo vwẹ obọ na vẹ obọ rivẹ, ivun rẹ akakọ na da dia kubit esan vwẹ obọ nana vẹ obọ rivẹ. 13Etiyin ọ da vwanvwẹ anurhorọ na nẹ obuko rẹ uvun ọvo re te obuko rẹ ọfa, ohẹhẹre rọye da dia kubit uje gbẹ iyori, nẹ ẹchẹ re te ẹchẹ. 14Ọ da vwanvwẹ ọguan rọ hẹ obaro na, kubit uje, ọguan rẹ obaro rẹ anurhoro na da riariẹ ọguan na phihọ. 15Nẹ obaro rẹ anurhoro na vwẹ asan ra da ruọ na re te oba rẹ ọguan rọ hẹ obo evun rẹ anurhoro na da dia kubit ujuvẹ gbẹ ihwe. 16Anurhoro na de vwo evakpo riariẹ, ri siuvun ra ro ichivwo rayen re hẹ ivun rẹ akakọ na, ọtiọye rhe ọmọguan na ji vwo evakpo re riarierẹ phihọ vwẹ obo evun, vwẹ asan rẹ ichivwo na iriẹ da herọ.
17Etiyin ọ da vwẹ ovwẹ rhe ọguan rẹ uphephẹ na; nighere, ighẹn kugbe asan rẹ a yanwan herọ, re riariẹ ọguan na phihọ; ighẹn ọgban de hirharọ ku asan rẹ a yanwan na. 18E de asan rẹ a yanwan na nene oma rẹ anurhoro na, ọ vẹ ugrọgrọ rẹ anurhoro na kẹ abavo, ọnana kẹ asan rẹ a yanwan rọ hẹ obotọ. 19Etiyin a da vwanvwẹ uvwre na nẹ obo oba rẹ obaro rẹ anurhoro rọ hẹ obotọ na re te obotafe rẹ obaro rẹ ọguan rọ hẹ obo evun na kubit ujori.
20Etiyin ọ da ka obaro kẹ vwẹ re te obọhwẹre ọnre, nighere, anurhoro ọvo herọ ro hirharo ku obọhwẹre ọnre, anurhoro rẹ ọguan rẹ obotafe. Ọ da vwanvwẹ ugrogro rọye kugbe ohẹhẹre rọye. 21Ivun rẹ akakọ rọye, erha vwe abọ nana te abo nana, te ichivwo rọye vẹ ọmọguan rọye da dia abavo kirobo rẹ e rẹ anurhoro rẹ ẹsosuọ na epha, ugrogro rọye kubit ujuvẹ gbẹ ihwe, ohẹhẹre rọye kubit uje gbẹ iyori. 22Evakpo rọye, ọmọguan rọye na, kugbe iriẹ rọye da dia abavo kerẹ e rẹ anurhoro ro hirharo ku obaro ọnre, ichiyi ighwrẹn e yere kpenu re ki te; ọmọguan rọye kẹ obo evun ọ epha. 23Asan ro hirharo ku anurhoro rẹ obọhwẹre ọnre na, kirobo rọ epha vwẹ obaro ọnre na, anurhoro ovọ ra wan ro obo evun rẹ ọguan na da herọ; ọ da vwanvwọn nẹ anurhoro re te anurhoro, kubit ujori.
24O de sun vwe kpo obuko ọnre, nighere, anurhoro ọvo da hẹ obuko ọnre; ọ da vwanvwẹ ichivwo rọye kugbe ọmọguan rọye; ayen da hẹ abavo kirobo rẹ iri chekọ epha. 25Evakpọ da riariẹ phihọ vẹ ọmọguan rọye, kere evakpọ ri chekọ, ugrogro rọye da dia kubit ujuvẹ gbẹ ihwe, ohẹhẹre rọye kubit uje gbẹ iyorin. 26Ichiyi ighwrẹn e yere kpenu ra ke ruọ, ọmọguan rọye da dia obo evun, o de vwo iriẹ vwẹ ichivwo rọye, ọvo hẹ obọ na ọvo hẹ obọ rivẹ. 27Anurhoro ọvo da hẹ obuko ọnre vwẹ obọ evun rẹ ọguan na, ọ da vwanvwọn nẹ anurhoro re te anurhoro vwẹ obuko ọnre na, kubit ujorin.
28Etiyin ọ da vwẹ ovwẹ rhe ọguan rọ hẹ obọ evun na vwẹ oma rẹ anurhoro rọ hẹ obọrhe ọnre na, ọ da vwanvwẹ anurhoro rọ hẹ obọrhe ọnre na, ọ da dia abavo kere iri chekọ. 29Ivun rẹ akakọ rọye, ichivwo rọye, vẹ ọmọguan rọye da dia abọvo kerẹ i ri chekọ; evakpo da tẹrẹ phihọ vẹ ọmọguan rọye, ugrọgrọ rọye da dia kubit ujuvẹ gbẹ ihwe, ohẹhẹre rọye da dia kubit uje gbẹ iyorin. 30Emeguan da tẹrẹ riariẹ, ugrogro rọye kubit uje gbẹ iyorin ohẹhẹre rọye ichiyi iyorin. 31Emeguan na de hirharo ku eguan rẹ uphephẹ na, iriẹ da hẹ ichivwo rọye, idjerhe ra wan yenre kpenu da dia ichiyi ẹrenre.
32Etiyin ọ da vwẹ ovwẹ rhe obo evun rẹ ọguan na vwẹ ẹbẹre rẹ obaro ọnre, ọ da vwanvwẹ anurhoro na; ọ da dia abọvo kerẹ i ri chekọ. 33Ivun rẹ akakọ rọye, ichivwo rọye, vẹ emeguan rọye da dia abavo kerẹ i ri chekọ; evakpo da riariẹ phihọ kugbe ọguan rọye; ugrogro rọye da dia kubit ujuvẹ gbẹ ihwe, ohẹhẹre rọye kubit uje gbẹ iyorin. 34Ọmọguan rọye de hirharo ku ọguan rọ obo uphephẹ, o de vwo iriẹ vwẹ ichivwo rọye, ọvo obọ nana ọvo obọ rivẹ; asan ra wan yere kpenu da dia ichiyi ẹrenren.
35Etiyin ọ da vwẹ ovwẹ rhe anurhoro rọ obọhwẹre ọnre, ọ da vwanvwọn, ọ da dia abavo kerẹ iri chekọ. 36Ivun rẹ akakọ, ichi-vwo rọye, vẹ ọmọguan rọye da dia abavo kerẹ i ri chekọ, evakpọ da riariẹ phihọ, ugrogrọ rọye da dia kubit ujuvẹ gbẹ ihwe, ohẹhẹre rọye da dia kubit uje gbẹ iyorin. 37Ọmọguan rọye de hirharọ ku ọguan rọ hẹ obo uphephẹ na, o de vwo iriẹ vwẹ ichivwo rọye, ọvo vwẹ abọ nana te abọ yena; asan ra wan yere kpenu da dia ichiyi ẹrenren.
38Ighẹn ovọ herọ vẹ ẹchẹ rọye vwẹ evun rẹ ọmọguan rẹ anurhoro na, asan ra da hworhẹ izobo rẹ etorhẹ na. 39Vwẹ evun re ọguan rẹ anurhoro na imẹjẹ ivẹ herọ ọvo hẹ obọ nana ọvo hẹ obọ nana, enu rọye kọye e de hwe eranvwe rẹ izobo rẹ ẹtorhẹ kugbe izobo rẹ umwemwu kugbe izobo rẹ abe. 40Vwẹ obo uphephẹ rẹ ọmọguan na vwẹ asan ra da ro anurhoro na vwẹ obọhwẹre ọnre imẹjẹ ivẹ herọ; vwẹ ẹbẹre ro chẹkọ rẹ ọmọguan na vwẹ anurhoro na imẹjẹ ivẹ herọ. 41Imẹjẹ ẹne hẹ evun rọye, imẹjẹ ẹne uphephẹ vwẹ ẹbẹre rẹ anurhoro na, imẹjẹ ẹrenre, enu rọye kọye e de che hwe eranvwe rẹ izobo na. 42Imẹjẹ ẹne rẹ oragha re sheri je herọ rhe re vwo ru izobo rẹ ẹtorhẹ, ugrogro rọye kubit ọvo gbẹ ubro, ohẹhẹre rọye kubit ọvo gbẹ ubro, enu era rọye kubit ọvo, enu rọye kọye a ghwẹ ekuakua na kpahe re de hwe eranvwe rẹ izobo rẹ ẹtorhẹ na kugbe izobo efa. 43Kugbe ada rẹ isabọ ọvo vwẹ ugrogro, e de churu ayen riariẹ vwẹ obo evun. Enu rẹ imẹjẹ na kọye a ghwẹ uvwo rẹ eranvwe rẹ izobo na kpahe.
44Etiyin ọ da reyọ ovwẹ nẹ uphephẹ rhe kpo obo evun rẹ ọguan na, nighere, ighẹn ivẹ da hẹ evun rẹ obo ẹtan rẹ ọguan na, ọvo da hẹ akakọ vwẹ obọhwẹre ọnre rẹ anurhoro ro nẹ obuko ọnre, ọ ro chekọ da hẹ ẹbẹre rẹ akakọ vwẹ obuko ọnre vwẹ anurhoro ro hirharo ku obọhwẹre ọnre. 45O da ta kẹ vwẹ, Ighẹn nana ro hirharo ku obuko ọnre na ọye ọ rẹ irherẹn ri vwo iruo rẹ ẹga rẹ uwevwi na, 46ighẹn ro hirharo ku obọhwẹre ọnre na ọye na kẹ ọ rẹ irhẹrẹn ri ze izobo vwẹ enu rẹ agbada na; enana keye emọ rẹ Zadọk, ọye ọvo vwẹ ohri rẹ emọ ri Livae na ri se sikẹrẹ Ọrovwohwo rhi gbe odibo kẹ. 47Ọ da vwanvwe ọguan na, kubit ujori ugrogro, ohẹhẹre kubit ujori, igogo ẹne abavo; agbada na da hẹ obaro rẹ uwevwi na.
48Etiyin ọ da vwẹ ovwẹ rhe asan ọguan rẹ uwevwi na ọ da vwanvwọn ichivwo rẹ ọguan na, kubit iyorin vwẹ abọ nana vẹ abọ nana, ohẹhẹre rẹ anurhoro na da dia kubit ihwẹne, ọkpan rẹ igbẹhẹ vwẹ akakọ rẹ anurhoro na da dia kubit erha te abọ nana te abọ nana 49Ugrogro rẹ ọguan na da dia kubit uje, ohẹhẹre rọye kubit ihwivẹ; ichiyi ihwe eyere kpenu re ki te, a da ma osusu phihọ oma rẹ ichivwo na vwẹ ẹbẹre nana vẹ ẹbẹre nana.
Currently Selected:
:
Highlight
Share
ਕਾਪੀ।
Want to have your highlights saved across all your devices? Sign up or sign in
Bible in Urhobo © United Bible Societies, 1977.