Izikiẹl 39
39
1Wẹ, ọmọ rẹ ohwo, mraro kpahe Gọg, re wọ ta, E nẹ Ọrovwohwo Ọghẹnẹ tare: Nighe, mi mu kpahe owẹ, E Gọg, onotu rẹ isun rẹ Mẹshẹk kugbe Tubal, 2mi che ku we rhẹriẹ me me djẹ wẹ kpo obaro, ke me vwẹ owẹ kpenu nẹ obo ẹtan rẹ obọhwẹre ọnre rhe, o mi sun we ra vwọ so igbenu rẹ Izrẹl, 3ke me cha reyọ umurhabọ wẹn nẹ obọhwẹre wẹn rhe, ki mi che ru edada wẹn she va obọrhe wẹn abọ. 4Ku wọ che she vwẹ enu rẹ igbenu rẹ Izrẹl, wẹ vẹ usun wẹn ejobi kugbe ihwo re vẹ owẹ gba herọ; ke me vwẹ owẹ kẹ emephran kemephran re ria eranvwe kpokpọ, kugbe eranvwe re djoma rere ayen re. 5Wo che she phihọ evun rẹ uphephẹ, kidie me tarọ nure, eriyin Ọrovwohwo Ọghẹne tare. 6Ki mi duvwu erhanre phihọ Magọg kugbe ayen otu rẹ oma furu vwẹ obo erhuru na; ke ayen cha riẹn nẹ mẹvwẹ hẹ Ọrovwohwo na.
7Odẹ ọfuanfon mẹ na ka cha riẹn vwẹ uherevie rẹ ihwo mẹ Izrẹl; me gbe cha rhọvwe nẹ a phọphọ odẹ ọfuanfon mẹ na ọfa-a; ẹgborho na ke cha riẹn nẹ mẹvwẹ Ọrovwohwọ na, Ọfuanfon Ọvuọvo rẹ Izrẹl na. 8Nighe, ọ cha ọ cha vwọ phia, eriyin Ọrovwohwo Ọghẹne tare. Ọye hẹ ẹdẹ re me tare na.
9Etiyin ihwo re cha dia irere rẹ Izrẹl na ke cha yan phia re koko erhanre phihọ ekuakua rẹ ofovwi na a me torhẹ ayen, te ekpọfia, te egbe, umurhabọ vẹ edada, ubiri kugbe oshuẹ, kẹ ayen vwẹ ayen koko erhanre phihọ ikpe ighwrẹn. 10Vwẹ ọtiọye na o gbi rhe fo rere ayen reyọ urhe nẹ evun rẹ udju rhe-e eyẹ vwo she evo nẹ evun rẹ egbo rhe-e, kidie ekuakua rayen e che vwo koko erhanre phihọ; ayen ke reyọ obo rẹ a reyọ miẹ ayen rhivwi, ayen mi rhe gborho otu ri gborho ayen, eriyin Ọrovwohwo Ọghẹnẹ tare.
11Vwẹ ẹdẹ yena ke me vwẹ asan kẹ Gọg re sho phihọ vwẹ Izrẹl, Iyara rẹ Eyoyan vwẹ obaro ọnre rẹ abadi na; kọ kanre eyoyan na dje, kidie etiyin Gọg vẹ ihwo rọye gbidi na e che shi ayen phihọ, ke che se Iyara ri Hamọngọg. 12Kidie emeranvwe ighwrẹn ọye uwevwi rẹ Izrẹl che shi ayen, rere irivwi rẹ ayen ki se nẹ otọ na. 13Ihwo rẹ otọ na ejobi ri che shi ayen, ke che phiẹba ọghọ rẹ ayen vwẹ ẹdẹ re me da cha vwẹ urinrin mẹ phia, eriyin Ọrovwohwo Ọghẹnẹ tare. 14Ayen ki phi ihwo phihọ otọ re kiẹn otọ na kọke kọke re shi irivwi ri chekọ vwẹ enu rẹ otọ na, rere ayen vwo ruo fon, emeranvwe ighwrẹn na da gba nu ka rhoma ki otọ rayen na. 15Ọke rẹ enana da wan otọ na vrẹn re ohwo ọvo da mrẹ ubeku rẹ ohwo, ko ka oka phihọ, bẹsiẹ rẹ ishirivwi na che vwo sho phihọ Iyara ri Hamọngọg. 16(Orere ọvo Ramonah ọ je hẹ etiyin rhe.) E nẹ kọye ayen che ru otọ na fon.
17Vwọ kẹ wẹ, ọmọ rẹ ohwo, e nẹ Ọrovwohwo Ọghẹnẹ tare: Ta ota kẹ oghẹre koghẹre rẹ ọphran kugbe eranvwe rẹ aghwa na ejobi, Ghwẹ oma koko re wa rhe, si koko nẹ asan kasan rhe orẹ rẹ izobo ri mi che ze kẹ wẹ, izobo rode gangan vwẹ enu rẹ igbenu rẹ Izrẹl, ku wọ re uvwo wọ me rha da ọbara. 18Wọ cha re uvwo rẹ egba na, wọ me rha da ọbara rẹ isun rẹ akpọ na–ọ rẹ egbo, ọ rẹ imigodẹ, ọ rẹ ẹvwe, ọ rẹ erhuẹn, ayen ejobi omamọ rẹ uchuru rẹ Bashan. 19Ku wọ re ivwri bẹsiẹ rẹ evun vwọ vọn wẹ, wọ me da ọbara bẹsiẹ ro vwo mu we, vwẹ asan orẹ rẹ izobo ri mi che ze kẹ wẹ na. 20Evun kọ cha vọn wẹ vwẹ imẹjẹ mẹ vẹ iyesi kugbe otu re gua, vẹ egba ride na vẹ egba ofovwi dohwo doghẹre, eriyin Ọrovwohwo Ọghẹnẹ tare.
21Ke me vwẹ urinrin mẹ vi vwẹ ohri rẹ ẹgborho na, ẹgborho na ejobi ke cha mrẹ orhiebro mẹ ri che bru, kugbe obọ mẹ re me ghwẹ kpahe ayen. 22Uwevwi rẹ Izrẹl kọ cha riẹn nẹ mẹvwẹ Ọrovwohwo Ọghẹnẹ rayen, nẹ ẹdẹ yena yanran. 23Ẹgborho na ejobi ke cha riẹn nẹ e ghine mu uwevwi rẹ Izrẹl ighuvwu fiki rẹ orukuruku rayen, fikiridie ayen ru emu rẹ ophiẹvwe kẹ vwẹ ọ da nẹrhẹ ovwẹ si opharo mẹ nu kẹ ayen, mi de phi ayen phihọ obọ rẹ ukọn rayen, a da vwẹ ọlọkọ nyavwe ayen ejobi hwe. 24Mi de nene ayen yeri kirobo ri jẹfuọn rayen epha, mi de si opharo mẹ nu kẹ ayen.
25Fiki rẹ ọtiọye na e nẹ Ọrovwohwo Ọghẹnẹ tarẹ: Asakiephana me cha rhoma reyọ ughwẹ ri Jekọp rhivwi rhe, re mi ni arodọvwẹ kẹ uwevwi rẹ Izrẹl ejobi, ke me rioma kpahọ fiki rẹ odẹ ọfuanfon mẹ. 26Omẹvuọ rayen kọ chọrọ ẹro, kugbe emu rẹ ophiẹvwe ejobi re ayen ru kpahe ovwẹ, vwẹ ọke rẹ ayen da dia dẹndẹn vwẹ otọ rayen na rẹ ohwo ọvuọvo gbe sa djẹ oshọ mu aye-en, 27vwẹ ọke me da vwẹ ayen rhivwi nẹ obọ rẹ ihwo na rhe mi de si ayen koko nẹ otọ rẹ ivwighrẹ rayen rhe, ke me wan oma rẹ ayen dje ẹfuọn mẹ phia vwẹ obaro rẹ ẹgborho buebu na. 28Etiyin ayen ke riẹn nẹ mẹvwẹ Ọrovwohwo Ọghẹnẹ rayen kidie mẹvwẹ re djẹ ayen kpo imu vwẹ orhi rẹ ẹgborho na, rọ da rha ghwẹ ayen kpo otọ rẹ obọ rayen. Me rha yan jẹ ayen ọvuọvo vwo vwẹ ohri rẹ ẹgborho na ọfa-a. 29Mi gbi che si opharo mẹ nu kẹ ayen ọfa-a, vwẹ ọke ri mi de ku Erhi mẹ na ku uwevwi rẹ Izrẹl, eriyin Ọrovwohwo Ọghẹnẹ tare.
Currently Selected:
Izikiẹl 39: UBV77
Highlight
Share
ਕਾਪੀ।
Want to have your highlights saved across all your devices? Sign up or sign in
Bible in Urhobo © United Bible Societies, 1977.
Izikiẹl 39
39
1Wẹ, ọmọ rẹ ohwo, mraro kpahe Gọg, re wọ ta, E nẹ Ọrovwohwo Ọghẹnẹ tare: Nighe, mi mu kpahe owẹ, E Gọg, onotu rẹ isun rẹ Mẹshẹk kugbe Tubal, 2mi che ku we rhẹriẹ me me djẹ wẹ kpo obaro, ke me vwẹ owẹ kpenu nẹ obo ẹtan rẹ obọhwẹre ọnre rhe, o mi sun we ra vwọ so igbenu rẹ Izrẹl, 3ke me cha reyọ umurhabọ wẹn nẹ obọhwẹre wẹn rhe, ki mi che ru edada wẹn she va obọrhe wẹn abọ. 4Ku wọ che she vwẹ enu rẹ igbenu rẹ Izrẹl, wẹ vẹ usun wẹn ejobi kugbe ihwo re vẹ owẹ gba herọ; ke me vwẹ owẹ kẹ emephran kemephran re ria eranvwe kpokpọ, kugbe eranvwe re djoma rere ayen re. 5Wo che she phihọ evun rẹ uphephẹ, kidie me tarọ nure, eriyin Ọrovwohwo Ọghẹne tare. 6Ki mi duvwu erhanre phihọ Magọg kugbe ayen otu rẹ oma furu vwẹ obo erhuru na; ke ayen cha riẹn nẹ mẹvwẹ hẹ Ọrovwohwo na.
7Odẹ ọfuanfon mẹ na ka cha riẹn vwẹ uherevie rẹ ihwo mẹ Izrẹl; me gbe cha rhọvwe nẹ a phọphọ odẹ ọfuanfon mẹ na ọfa-a; ẹgborho na ke cha riẹn nẹ mẹvwẹ Ọrovwohwọ na, Ọfuanfon Ọvuọvo rẹ Izrẹl na. 8Nighe, ọ cha ọ cha vwọ phia, eriyin Ọrovwohwo Ọghẹne tare. Ọye hẹ ẹdẹ re me tare na.
9Etiyin ihwo re cha dia irere rẹ Izrẹl na ke cha yan phia re koko erhanre phihọ ekuakua rẹ ofovwi na a me torhẹ ayen, te ekpọfia, te egbe, umurhabọ vẹ edada, ubiri kugbe oshuẹ, kẹ ayen vwẹ ayen koko erhanre phihọ ikpe ighwrẹn. 10Vwẹ ọtiọye na o gbi rhe fo rere ayen reyọ urhe nẹ evun rẹ udju rhe-e eyẹ vwo she evo nẹ evun rẹ egbo rhe-e, kidie ekuakua rayen e che vwo koko erhanre phihọ; ayen ke reyọ obo rẹ a reyọ miẹ ayen rhivwi, ayen mi rhe gborho otu ri gborho ayen, eriyin Ọrovwohwo Ọghẹnẹ tare.
11Vwẹ ẹdẹ yena ke me vwẹ asan kẹ Gọg re sho phihọ vwẹ Izrẹl, Iyara rẹ Eyoyan vwẹ obaro ọnre rẹ abadi na; kọ kanre eyoyan na dje, kidie etiyin Gọg vẹ ihwo rọye gbidi na e che shi ayen phihọ, ke che se Iyara ri Hamọngọg. 12Kidie emeranvwe ighwrẹn ọye uwevwi rẹ Izrẹl che shi ayen, rere irivwi rẹ ayen ki se nẹ otọ na. 13Ihwo rẹ otọ na ejobi ri che shi ayen, ke che phiẹba ọghọ rẹ ayen vwẹ ẹdẹ re me da cha vwẹ urinrin mẹ phia, eriyin Ọrovwohwo Ọghẹnẹ tare. 14Ayen ki phi ihwo phihọ otọ re kiẹn otọ na kọke kọke re shi irivwi ri chekọ vwẹ enu rẹ otọ na, rere ayen vwo ruo fon, emeranvwe ighwrẹn na da gba nu ka rhoma ki otọ rayen na. 15Ọke rẹ enana da wan otọ na vrẹn re ohwo ọvo da mrẹ ubeku rẹ ohwo, ko ka oka phihọ, bẹsiẹ rẹ ishirivwi na che vwo sho phihọ Iyara ri Hamọngọg. 16(Orere ọvo Ramonah ọ je hẹ etiyin rhe.) E nẹ kọye ayen che ru otọ na fon.
17Vwọ kẹ wẹ, ọmọ rẹ ohwo, e nẹ Ọrovwohwo Ọghẹnẹ tare: Ta ota kẹ oghẹre koghẹre rẹ ọphran kugbe eranvwe rẹ aghwa na ejobi, Ghwẹ oma koko re wa rhe, si koko nẹ asan kasan rhe orẹ rẹ izobo ri mi che ze kẹ wẹ, izobo rode gangan vwẹ enu rẹ igbenu rẹ Izrẹl, ku wọ re uvwo wọ me rha da ọbara. 18Wọ cha re uvwo rẹ egba na, wọ me rha da ọbara rẹ isun rẹ akpọ na–ọ rẹ egbo, ọ rẹ imigodẹ, ọ rẹ ẹvwe, ọ rẹ erhuẹn, ayen ejobi omamọ rẹ uchuru rẹ Bashan. 19Ku wọ re ivwri bẹsiẹ rẹ evun vwọ vọn wẹ, wọ me da ọbara bẹsiẹ ro vwo mu we, vwẹ asan orẹ rẹ izobo ri mi che ze kẹ wẹ na. 20Evun kọ cha vọn wẹ vwẹ imẹjẹ mẹ vẹ iyesi kugbe otu re gua, vẹ egba ride na vẹ egba ofovwi dohwo doghẹre, eriyin Ọrovwohwo Ọghẹnẹ tare.
21Ke me vwẹ urinrin mẹ vi vwẹ ohri rẹ ẹgborho na, ẹgborho na ejobi ke cha mrẹ orhiebro mẹ ri che bru, kugbe obọ mẹ re me ghwẹ kpahe ayen. 22Uwevwi rẹ Izrẹl kọ cha riẹn nẹ mẹvwẹ Ọrovwohwo Ọghẹnẹ rayen, nẹ ẹdẹ yena yanran. 23Ẹgborho na ejobi ke cha riẹn nẹ e ghine mu uwevwi rẹ Izrẹl ighuvwu fiki rẹ orukuruku rayen, fikiridie ayen ru emu rẹ ophiẹvwe kẹ vwẹ ọ da nẹrhẹ ovwẹ si opharo mẹ nu kẹ ayen, mi de phi ayen phihọ obọ rẹ ukọn rayen, a da vwẹ ọlọkọ nyavwe ayen ejobi hwe. 24Mi de nene ayen yeri kirobo ri jẹfuọn rayen epha, mi de si opharo mẹ nu kẹ ayen.
25Fiki rẹ ọtiọye na e nẹ Ọrovwohwo Ọghẹnẹ tarẹ: Asakiephana me cha rhoma reyọ ughwẹ ri Jekọp rhivwi rhe, re mi ni arodọvwẹ kẹ uwevwi rẹ Izrẹl ejobi, ke me rioma kpahọ fiki rẹ odẹ ọfuanfon mẹ. 26Omẹvuọ rayen kọ chọrọ ẹro, kugbe emu rẹ ophiẹvwe ejobi re ayen ru kpahe ovwẹ, vwẹ ọke rẹ ayen da dia dẹndẹn vwẹ otọ rayen na rẹ ohwo ọvuọvo gbe sa djẹ oshọ mu aye-en, 27vwẹ ọke me da vwẹ ayen rhivwi nẹ obọ rẹ ihwo na rhe mi de si ayen koko nẹ otọ rẹ ivwighrẹ rayen rhe, ke me wan oma rẹ ayen dje ẹfuọn mẹ phia vwẹ obaro rẹ ẹgborho buebu na. 28Etiyin ayen ke riẹn nẹ mẹvwẹ Ọrovwohwo Ọghẹnẹ rayen kidie mẹvwẹ re djẹ ayen kpo imu vwẹ orhi rẹ ẹgborho na, rọ da rha ghwẹ ayen kpo otọ rẹ obọ rayen. Me rha yan jẹ ayen ọvuọvo vwo vwẹ ohri rẹ ẹgborho na ọfa-a. 29Mi gbi che si opharo mẹ nu kẹ ayen ọfa-a, vwẹ ọke ri mi de ku Erhi mẹ na ku uwevwi rẹ Izrẹl, eriyin Ọrovwohwo Ọghẹnẹ tare.
Currently Selected:
:
Highlight
Share
ਕਾਪੀ।
Want to have your highlights saved across all your devices? Sign up or sign in
Bible in Urhobo © United Bible Societies, 1977.