Izikiẹl 35
35
Aroẹmrẹ Kpahe Ugbenu ri Siar
1Ota rẹ Ọrovwohwo de bru vwe rhe: 2Ọmọ rẹ ohwo, tọn opharo wẹn vi Ugbenu ri Siar, re wọ mraro kpahọ, 3re wọ ta kẹ, E nẹ Ọrovwohwo Ọghẹnẹ tare: Nighe, mi mukpahe owẹ, Ugbenu ri Siar, ke me cha riẹn obọ mẹ kpahe owẹ, ki mi ru we vwọ dia otọ ra kua fiotọ ru wọ de hirhe phihọ emu diodi. 4Mi ru irere wẹn hirhe phihọ ifefe ka cha kua wẹ fiotọ, ku wọ cha riẹn nẹ mẹvwẹ Ọrovwohwo. 5Fikiridie wọ rhanre egbrẹ rẹ awanre phihọ evun, wọ da vwẹ ihwo rẹ Izrẹl kẹ ogangan rẹ ọlọkọ vwẹ ọke rẹ okpetu rayen, vwẹ ọke rẹ ehwe rayen rọ ka oba; 6vwẹ ọtiọye na, kirobo re me herọ na, eriyin Ọrovwohwo Ọghẹnẹ tare, me cha rhuẹrẹ owẹ kpahe vwọ kẹ ọbara, ọbara kọ vwọ tua wẹ; fikiridie wọ re abe rẹ ọbara, fiki rẹ ọtiọye na ọbara kọ vwọ tua wẹ. 7Mi ru Ugbenu rẹ Siar ofefe ọ ra kua fiọtọ na, ke me nyavwe ihwo re cha kugbe ihwo re yanran re hẹ evun rọye kufia. 8Ke me vwẹ ihwo re hweri na vọn igbenu wẹn ejobi, vwẹ enu re igbenu itete wẹn kugbe iyara wẹn kugbe egọdọ ride wẹn ejobi otu ra vwẹ ọlọkọ hwe na ke cha vọn ayen. 9Ki mi ru we ru wọ de dia asan ra kua fiotọ rhiri bẹdẹ, irere wẹn a gbe dia aye-en. Etiyin wọ ke riẹn nẹ mẹvwẹ Ọrovwohwo na.
10Fikiridie wọ tare, Ẹgborho nana ivẹ na kugbe irho nana ivẹ na ke dia emẹ, avwanre ke kua ro ayen, –owenẹ Ọrovwohwo vwo dia etiyin– 11vwẹ ọtiọye na, kirobo re me herọ na, eriyin Ọrovwohwo Ọghẹnẹ tare, ki me che nene uwe ru kirobo rẹ ophu vẹ omẹriọ ru wọ phia fiki rẹ omaetuo wẹn kpahe ayen, ki mi ru oma mẹ ra da riẹn vwẹ vwẹ ohri rẹ ovwan vwẹ ọke ri mi de guẹdjọ wẹn. 12Ku wọ riẹn ne mẹvwẹ, Ọrovwohwo na, nyo eta ebrabra ru wo ta kpahe igbenu re Izrẹl na, tanẹ, A kua ayen fiotọ, a vwẹ ayen kẹ avwanre nẹ a ghwọrọ. 13Wọ de mu oma wẹn kpenu kpahe ovwẹ vwẹ ugbunu wẹn, wọ da ta eta miomiovwi kpahe ovwẹ, mi nyo ayen. 14E nẹ Ọrovwohwo Ọghẹnẹ tare, rọ vwo dia aghọghọ kẹ akpọ na ọye me vwọ kua wẹ fiotọ na. 15Kirobo wọ ghọghọ kpahe uku rẹ uwevwi rẹ Izrẹl na, fikiridie a kuarọ fiotọ, ke otiọye mi che nene uwe ru, ka kua wẹ fiotọ, Ugbenu ri Siar, vẹ Idọm ejobi, ayen ejobi kpae. Etiyin ayen ke riẹn nẹ mẹvwẹ ọye Ọrovwohwo na.
Currently Selected:
Izikiẹl 35: UBV77
Highlight
Share
ਕਾਪੀ।
Want to have your highlights saved across all your devices? Sign up or sign in
Bible in Urhobo © United Bible Societies, 1977.
Izikiẹl 35
35
Aroẹmrẹ Kpahe Ugbenu ri Siar
1Ota rẹ Ọrovwohwo de bru vwe rhe: 2Ọmọ rẹ ohwo, tọn opharo wẹn vi Ugbenu ri Siar, re wọ mraro kpahọ, 3re wọ ta kẹ, E nẹ Ọrovwohwo Ọghẹnẹ tare: Nighe, mi mukpahe owẹ, Ugbenu ri Siar, ke me cha riẹn obọ mẹ kpahe owẹ, ki mi ru we vwọ dia otọ ra kua fiotọ ru wọ de hirhe phihọ emu diodi. 4Mi ru irere wẹn hirhe phihọ ifefe ka cha kua wẹ fiotọ, ku wọ cha riẹn nẹ mẹvwẹ Ọrovwohwo. 5Fikiridie wọ rhanre egbrẹ rẹ awanre phihọ evun, wọ da vwẹ ihwo rẹ Izrẹl kẹ ogangan rẹ ọlọkọ vwẹ ọke rẹ okpetu rayen, vwẹ ọke rẹ ehwe rayen rọ ka oba; 6vwẹ ọtiọye na, kirobo re me herọ na, eriyin Ọrovwohwo Ọghẹnẹ tare, me cha rhuẹrẹ owẹ kpahe vwọ kẹ ọbara, ọbara kọ vwọ tua wẹ; fikiridie wọ re abe rẹ ọbara, fiki rẹ ọtiọye na ọbara kọ vwọ tua wẹ. 7Mi ru Ugbenu rẹ Siar ofefe ọ ra kua fiọtọ na, ke me nyavwe ihwo re cha kugbe ihwo re yanran re hẹ evun rọye kufia. 8Ke me vwẹ ihwo re hweri na vọn igbenu wẹn ejobi, vwẹ enu re igbenu itete wẹn kugbe iyara wẹn kugbe egọdọ ride wẹn ejobi otu ra vwẹ ọlọkọ hwe na ke cha vọn ayen. 9Ki mi ru we ru wọ de dia asan ra kua fiotọ rhiri bẹdẹ, irere wẹn a gbe dia aye-en. Etiyin wọ ke riẹn nẹ mẹvwẹ Ọrovwohwo na.
10Fikiridie wọ tare, Ẹgborho nana ivẹ na kugbe irho nana ivẹ na ke dia emẹ, avwanre ke kua ro ayen, –owenẹ Ọrovwohwo vwo dia etiyin– 11vwẹ ọtiọye na, kirobo re me herọ na, eriyin Ọrovwohwo Ọghẹnẹ tare, ki me che nene uwe ru kirobo rẹ ophu vẹ omẹriọ ru wọ phia fiki rẹ omaetuo wẹn kpahe ayen, ki mi ru oma mẹ ra da riẹn vwẹ vwẹ ohri rẹ ovwan vwẹ ọke ri mi de guẹdjọ wẹn. 12Ku wọ riẹn ne mẹvwẹ, Ọrovwohwo na, nyo eta ebrabra ru wo ta kpahe igbenu re Izrẹl na, tanẹ, A kua ayen fiotọ, a vwẹ ayen kẹ avwanre nẹ a ghwọrọ. 13Wọ de mu oma wẹn kpenu kpahe ovwẹ vwẹ ugbunu wẹn, wọ da ta eta miomiovwi kpahe ovwẹ, mi nyo ayen. 14E nẹ Ọrovwohwo Ọghẹnẹ tare, rọ vwo dia aghọghọ kẹ akpọ na ọye me vwọ kua wẹ fiotọ na. 15Kirobo wọ ghọghọ kpahe uku rẹ uwevwi rẹ Izrẹl na, fikiridie a kuarọ fiotọ, ke otiọye mi che nene uwe ru, ka kua wẹ fiotọ, Ugbenu ri Siar, vẹ Idọm ejobi, ayen ejobi kpae. Etiyin ayen ke riẹn nẹ mẹvwẹ ọye Ọrovwohwo na.
Currently Selected:
:
Highlight
Share
ਕਾਪੀ।
Want to have your highlights saved across all your devices? Sign up or sign in
Bible in Urhobo © United Bible Societies, 1977.