Izikiẹl 34
34
Aroẹmrẹ Kpahe Isuigodẹ rẹ Izrẹl
1Ota rẹ Ọrovwohwo de bru vwe rhe: 2Ọmọ rẹ ohwo, mraro kpahe isuigegede rẹ Izrẹl, mraro, rere wo ta kẹ ayen, ikpuyovwi rẹ isuigegede na, E nẹ Ọrovwohwo Ọghẹnẹ tare: E isuigegede rẹ Izrẹl re ghẹrẹ oma rayen ọvo! Ọ dianẹ isuigegede ye ghẹrẹ igegede na? 3Wọ ria ivwri rọye, wọ vwẹ emwa ra vwẹ ẹton rẹ ogegede ru vwo rhuo, we hwe e re pha tubie tubie ria, yẹ ẹkẹvuọvo wọ ghẹrẹ igegede na-a. 4Ọ rẹ oma ghwọre wọ vwẹ ogangan kẹ-ẹ, ọ rọ mwa ọga wo sivwiro-o, ọ ro vwirhi owọ wọ gbarọ-ọ, ọ ro suosuo ghwru wọ guọnerọ rhe-e, ọ ro ghwruru wọ ra guọnọ-ọ, obọ ọgangan rẹ omẹdja wo vwo sun ayen. 5Ọtiọye na ayen da hra, fikiridie ayen vwo osuigegede-e; ayen de rhi hirhe phihọ emuọre kẹ eranvwe re djoma. 6Igegede mẹ na da hra, ayen de beghe wan igbenu ride vẹ ltete, igegede mẹ na da hra nene enu rẹ otọ na ejobi, o rhe vwo ohwo ọvuọvo rọ guọnọ ayen phia-a.
7Fiki rẹ ọtiọye na, wẹ isuigegede na nyo ota rẹ Ọrovwohwo na: 8Kirobo re me herọ na, eriyin Ọrovwohwo Ọghẹnẹ tare, fikiridie igegede mẹ rhi hirhe phihọ eranvwe re hwe ria, rẹ igegede mẹ de rhi hirhe phihọ emuọre kẹ eranvwe re djoma, re ayen rhe vwo osuigegede na-a, kugbe fiki robo rẹ isuigegede mẹ rha guọnọ igegede mẹ phia-a, ẹkẹvuọvo kẹ omaobọ rayen kọye ayen ghẹrẹ, rẹ ayen gbe ghẹrẹ igegede mẹ-ẹ na, 9ọtiọye na, wẹ isuigegede, nyo ota rẹ Ọrovwohwo na. 10E nẹ Ọrovwohwo Ọghẹnẹ tare, Nighe, mi mukpahe isuigegede na, ke me nọ ekpẹn rẹ igegede mẹ vwẹ obọ rayen, ayen gbe cha ghẹrẹ igegede mẹ na ọfa-a, ekpuyovwi rẹ isuigegede na gbe cha ghẹrẹ oma rayen ọfa-a. Ki mi sivwi igegede mẹ nẹ ugbunu rayen, e gbe dia emuọre kẹ ayen ọfa-a.
11Kidie e nẹ Ọrovwohwo Ọghẹnẹ tare: Nighe, Mẹvwẹ, ekpuyovwi mẹ ọvo kọye re guọnọ ayen phia. 12Kirobo rẹ osuigegede guọnọ igegede evo re hrabọ phia na, ọtiọye me cha guọnọ igegede mẹ phia, ki mi sivwi ayen nẹ asan ejobi rẹ ayen hrabọ ra rhe vwẹ ẹdẹ rẹ enu de bi hwi kugbe ẹdẹ rẹ egho de mu kpoi. 13Ki mi si ayen nẹ ohri rẹ ihwo na rhe, ki mi si ayen koko nẹ evun rẹ irho na rhe, ke me reyọ ayen vwo kpo otọ robọ rayen, ke me ghẹrẹ ayen vwẹ enu rẹ igbenu rẹ Izrẹl, vwẹ oma rẹ ogbugbu na, kugbe asan rẹ ihwo dia vwẹ evun rẹ orho na ejobi. 14Ke me vwẹ omamọ rẹ egbri ghẹrẹ ayen, vwẹ obenu rẹ igbenu rẹ Izrẹl na kọye egbri rayen cha dia, etiyin ayen de che shevwerhẹ vwẹ omamọ rẹ otọ rẹ egbri, vwẹ enu rẹ egbri gbọdọ gbọdọ ọye ayen da cha ria vwẹ enu rẹ igbenu rẹ Izrẹl. 15Mẹvwẹ ọvo kọye dia osuigegede rẹ igegede mẹ, ke me vwẹ ayen shevwerhẹ te otọ, eriyin Ọrovwohwo Ọghẹnẹ tare. 16Ke me guọnọ i ri ghwruru, i ri suosuo ghwru ke me vwẹ ayen rhivwi rhe, e rẹ awọ rayen vwirhiri ke me gba ayen, e rẹ oma rhọ ke me kẹ ayen ogangan, e re pha tubie tubie kugbe e re oma rayen ganre ke me rhẹrẹ ayen; ke me ghẹrẹ ayen vwẹ uyoyovwi.
17Vwọ kẹ wẹ, uchuru mẹ, e nẹ Ọrovwohwo Ọghẹnẹ tare: Nighe, me cha vwẹ ogodẹ vẹ ogodẹ vwo guẹdjọ, egbo vẹ ẹkpro. 18Kẹ o rhe yovwi kẹ wẹ ru wọ vwọ ria omamọ rẹ egbri na, yu wọ rha vwe owọ wẹn chiyi egbri ri chekọ muotọ, ru wọ vwọ da omamọ rẹ ame na, ji wọ vwẹ owọ wẹn vwurie ọ ro chekọ? 19Kẹ igodẹ mẹ re obo ru wọ vwẹ awọ wẹn chiyi muotọ nure na, rere ayen je da obo rẹ awọ wẹn vwurie nure na?
20Vwẹ eriyin na, e nẹ Ọrovwohwo Ọghẹnẹ ta kẹ ayen. Nighe, Mẹvwẹ vẹ okpuyovwi mẹ che guẹdjọ rẹ igodẹ re pha tubie tubie kugbe igodẹ edọndọn. 21Fikiridie wọ vwẹ ẹfẹn biẹ, wọ vwẹ igabọ biẹ, wọ ghwa vwẹ ighoro wẹn dje e re pha mwẹmwẹ na, bẹsiẹ wọ vwọ hra ayen kufia. 22Ki mi che sivwi igegede mẹ, e gbi hwe ayen re ọfa-a, ke me vwẹ ogodẹ vẹ ogodẹ guẹdjọ. 23Ke me vwẹ osuigegede ọvo mu kẹ ayen, kọye odibo mẹ Devid, kọ cha ghẹrẹ ayen, ko ghẹrẹ ayen ko dia osuigegede rayen. 24Mẹvwẹ, Ọrovwohwo na, kọ dia Ọghẹnẹ rayen, odibo mẹ Devid kọ dia
ovie vwẹ ohri rẹ ayen, Mẹvwẹ, Ọrovwohwo na, tarọ nure.
25Me vẹ ayen ke re ọphọ rẹ ufuoma, ke me djẹ eranvwe re djoma nẹ otọ na, re ayen sa dia dẹndẹn vwẹ evun rẹ aton na ayen rhe shevwerhẹ vwẹ evun rẹ egbọ na. 26Ki mi ru ayen vẹ asan re riariẹ ugbenu mẹ phihọ na ebruphihọ; ki mi ji eghwẹghwẹ rẹ osio vwẹ ọke rọye, ke dia eghwẹghwẹ rẹ osio rẹ ebruphihọ. 27Irhe rẹ aghwa na ke cha mọ emamọ rayen, otọ na ko che yovwi emu, kẹ ayen cha dia vwẹ ofuvwegbe vwẹ otọ rayen, ke ayen cha riẹn nẹ mẹvwẹ Ọrovwohwo na, ọke ri mi de vwirhi itehru rẹ urhekpe rọye, ki mi sivwo nẹ obọ rẹ ihwo re vwẹ ayen ruẹ ọviẹn. 28Ayen gbe cha dia eranvwe rẹ hwe kẹ ẹgborho na ọfa-a, eyẹ eranvwe rẹ otọ na gbe cha re ayen ọfa-a, ayen ke dia vwẹ ofuvwegbe, ohwo ọvuọvo gbe djẹ oshọ mu ayen ọfa-a. 29Ke me kọn omamọ rẹ ọgbọ ro yovwi emu kẹ ayen rere owẹvwe vwo jẹ ayen ehwe ọfa vwẹ otọ na, rere ẹgborho efa na vwọ jẹ ayen ẹvwọ jehwẹ. 30Kẹ ayen riẹn nẹ mẹvwẹ, Ọrovwohwo Ọghẹnẹ rayen na, vẹ ayen herọ, nẹ ayen, uwevwi rẹ Izrẹl na, ihwo mẹ, eriyin Ọrovwohwo Ọghẹnẹ tare. 31Ovwan kẹ igegede mẹ, igodẹ rẹ egbri mẹ, mẹvwẹ kẹ Ọghẹnẹ wẹn, eriyin Ọrovwohwo Ọghẹnẹ tare.
Currently Selected:
Izikiẹl 34: UBV77
Highlight
Share
ਕਾਪੀ।
Want to have your highlights saved across all your devices? Sign up or sign in
Bible in Urhobo © United Bible Societies, 1977.
Izikiẹl 34
34
Aroẹmrẹ Kpahe Isuigodẹ rẹ Izrẹl
1Ota rẹ Ọrovwohwo de bru vwe rhe: 2Ọmọ rẹ ohwo, mraro kpahe isuigegede rẹ Izrẹl, mraro, rere wo ta kẹ ayen, ikpuyovwi rẹ isuigegede na, E nẹ Ọrovwohwo Ọghẹnẹ tare: E isuigegede rẹ Izrẹl re ghẹrẹ oma rayen ọvo! Ọ dianẹ isuigegede ye ghẹrẹ igegede na? 3Wọ ria ivwri rọye, wọ vwẹ emwa ra vwẹ ẹton rẹ ogegede ru vwo rhuo, we hwe e re pha tubie tubie ria, yẹ ẹkẹvuọvo wọ ghẹrẹ igegede na-a. 4Ọ rẹ oma ghwọre wọ vwẹ ogangan kẹ-ẹ, ọ rọ mwa ọga wo sivwiro-o, ọ ro vwirhi owọ wọ gbarọ-ọ, ọ ro suosuo ghwru wọ guọnerọ rhe-e, ọ ro ghwruru wọ ra guọnọ-ọ, obọ ọgangan rẹ omẹdja wo vwo sun ayen. 5Ọtiọye na ayen da hra, fikiridie ayen vwo osuigegede-e; ayen de rhi hirhe phihọ emuọre kẹ eranvwe re djoma. 6Igegede mẹ na da hra, ayen de beghe wan igbenu ride vẹ ltete, igegede mẹ na da hra nene enu rẹ otọ na ejobi, o rhe vwo ohwo ọvuọvo rọ guọnọ ayen phia-a.
7Fiki rẹ ọtiọye na, wẹ isuigegede na nyo ota rẹ Ọrovwohwo na: 8Kirobo re me herọ na, eriyin Ọrovwohwo Ọghẹnẹ tare, fikiridie igegede mẹ rhi hirhe phihọ eranvwe re hwe ria, rẹ igegede mẹ de rhi hirhe phihọ emuọre kẹ eranvwe re djoma, re ayen rhe vwo osuigegede na-a, kugbe fiki robo rẹ isuigegede mẹ rha guọnọ igegede mẹ phia-a, ẹkẹvuọvo kẹ omaobọ rayen kọye ayen ghẹrẹ, rẹ ayen gbe ghẹrẹ igegede mẹ-ẹ na, 9ọtiọye na, wẹ isuigegede, nyo ota rẹ Ọrovwohwo na. 10E nẹ Ọrovwohwo Ọghẹnẹ tare, Nighe, mi mukpahe isuigegede na, ke me nọ ekpẹn rẹ igegede mẹ vwẹ obọ rayen, ayen gbe cha ghẹrẹ igegede mẹ na ọfa-a, ekpuyovwi rẹ isuigegede na gbe cha ghẹrẹ oma rayen ọfa-a. Ki mi sivwi igegede mẹ nẹ ugbunu rayen, e gbe dia emuọre kẹ ayen ọfa-a.
11Kidie e nẹ Ọrovwohwo Ọghẹnẹ tare: Nighe, Mẹvwẹ, ekpuyovwi mẹ ọvo kọye re guọnọ ayen phia. 12Kirobo rẹ osuigegede guọnọ igegede evo re hrabọ phia na, ọtiọye me cha guọnọ igegede mẹ phia, ki mi sivwi ayen nẹ asan ejobi rẹ ayen hrabọ ra rhe vwẹ ẹdẹ rẹ enu de bi hwi kugbe ẹdẹ rẹ egho de mu kpoi. 13Ki mi si ayen nẹ ohri rẹ ihwo na rhe, ki mi si ayen koko nẹ evun rẹ irho na rhe, ke me reyọ ayen vwo kpo otọ robọ rayen, ke me ghẹrẹ ayen vwẹ enu rẹ igbenu rẹ Izrẹl, vwẹ oma rẹ ogbugbu na, kugbe asan rẹ ihwo dia vwẹ evun rẹ orho na ejobi. 14Ke me vwẹ omamọ rẹ egbri ghẹrẹ ayen, vwẹ obenu rẹ igbenu rẹ Izrẹl na kọye egbri rayen cha dia, etiyin ayen de che shevwerhẹ vwẹ omamọ rẹ otọ rẹ egbri, vwẹ enu rẹ egbri gbọdọ gbọdọ ọye ayen da cha ria vwẹ enu rẹ igbenu rẹ Izrẹl. 15Mẹvwẹ ọvo kọye dia osuigegede rẹ igegede mẹ, ke me vwẹ ayen shevwerhẹ te otọ, eriyin Ọrovwohwo Ọghẹnẹ tare. 16Ke me guọnọ i ri ghwruru, i ri suosuo ghwru ke me vwẹ ayen rhivwi rhe, e rẹ awọ rayen vwirhiri ke me gba ayen, e rẹ oma rhọ ke me kẹ ayen ogangan, e re pha tubie tubie kugbe e re oma rayen ganre ke me rhẹrẹ ayen; ke me ghẹrẹ ayen vwẹ uyoyovwi.
17Vwọ kẹ wẹ, uchuru mẹ, e nẹ Ọrovwohwo Ọghẹnẹ tare: Nighe, me cha vwẹ ogodẹ vẹ ogodẹ vwo guẹdjọ, egbo vẹ ẹkpro. 18Kẹ o rhe yovwi kẹ wẹ ru wọ vwọ ria omamọ rẹ egbri na, yu wọ rha vwe owọ wẹn chiyi egbri ri chekọ muotọ, ru wọ vwọ da omamọ rẹ ame na, ji wọ vwẹ owọ wẹn vwurie ọ ro chekọ? 19Kẹ igodẹ mẹ re obo ru wọ vwẹ awọ wẹn chiyi muotọ nure na, rere ayen je da obo rẹ awọ wẹn vwurie nure na?
20Vwẹ eriyin na, e nẹ Ọrovwohwo Ọghẹnẹ ta kẹ ayen. Nighe, Mẹvwẹ vẹ okpuyovwi mẹ che guẹdjọ rẹ igodẹ re pha tubie tubie kugbe igodẹ edọndọn. 21Fikiridie wọ vwẹ ẹfẹn biẹ, wọ vwẹ igabọ biẹ, wọ ghwa vwẹ ighoro wẹn dje e re pha mwẹmwẹ na, bẹsiẹ wọ vwọ hra ayen kufia. 22Ki mi che sivwi igegede mẹ, e gbi hwe ayen re ọfa-a, ke me vwẹ ogodẹ vẹ ogodẹ guẹdjọ. 23Ke me vwẹ osuigegede ọvo mu kẹ ayen, kọye odibo mẹ Devid, kọ cha ghẹrẹ ayen, ko ghẹrẹ ayen ko dia osuigegede rayen. 24Mẹvwẹ, Ọrovwohwo na, kọ dia Ọghẹnẹ rayen, odibo mẹ Devid kọ dia
ovie vwẹ ohri rẹ ayen, Mẹvwẹ, Ọrovwohwo na, tarọ nure.
25Me vẹ ayen ke re ọphọ rẹ ufuoma, ke me djẹ eranvwe re djoma nẹ otọ na, re ayen sa dia dẹndẹn vwẹ evun rẹ aton na ayen rhe shevwerhẹ vwẹ evun rẹ egbọ na. 26Ki mi ru ayen vẹ asan re riariẹ ugbenu mẹ phihọ na ebruphihọ; ki mi ji eghwẹghwẹ rẹ osio vwẹ ọke rọye, ke dia eghwẹghwẹ rẹ osio rẹ ebruphihọ. 27Irhe rẹ aghwa na ke cha mọ emamọ rayen, otọ na ko che yovwi emu, kẹ ayen cha dia vwẹ ofuvwegbe vwẹ otọ rayen, ke ayen cha riẹn nẹ mẹvwẹ Ọrovwohwo na, ọke ri mi de vwirhi itehru rẹ urhekpe rọye, ki mi sivwo nẹ obọ rẹ ihwo re vwẹ ayen ruẹ ọviẹn. 28Ayen gbe cha dia eranvwe rẹ hwe kẹ ẹgborho na ọfa-a, eyẹ eranvwe rẹ otọ na gbe cha re ayen ọfa-a, ayen ke dia vwẹ ofuvwegbe, ohwo ọvuọvo gbe djẹ oshọ mu ayen ọfa-a. 29Ke me kọn omamọ rẹ ọgbọ ro yovwi emu kẹ ayen rere owẹvwe vwo jẹ ayen ehwe ọfa vwẹ otọ na, rere ẹgborho efa na vwọ jẹ ayen ẹvwọ jehwẹ. 30Kẹ ayen riẹn nẹ mẹvwẹ, Ọrovwohwo Ọghẹnẹ rayen na, vẹ ayen herọ, nẹ ayen, uwevwi rẹ Izrẹl na, ihwo mẹ, eriyin Ọrovwohwo Ọghẹnẹ tare. 31Ovwan kẹ igegede mẹ, igodẹ rẹ egbri mẹ, mẹvwẹ kẹ Ọghẹnẹ wẹn, eriyin Ọrovwohwo Ọghẹnẹ tare.
Currently Selected:
:
Highlight
Share
ਕਾਪੀ।
Want to have your highlights saved across all your devices? Sign up or sign in
Bible in Urhobo © United Bible Societies, 1977.