Izikiẹl 24
24
Itẹ rẹ Ochẹ rọ Họrhọ
1Vwẹ ikpe rirhiri, vwẹ emeranvwe rihwe, vwẹ ẹdẹ ihwe rẹ emeranvwe na, ota rẹ Ọrovwohwo de bru vwe rhe: 2Ọmọ rẹ ohwo, si odẹ rẹ ẹdẹ nana phihọ otọ, ukpẹdẹ rẹ nonẹ na. Ovie ri Babilọn rhe imu vwi Jerusalẹm vwẹ ẹdọke ri nonẹ na. 3Gbe
bru isẹ nana kẹ uwevwi ogbarogba re wọ ta kẹ ayen, E nẹ Ọrovwohwo Ọghẹnẹ tare.
Mu ẹvwẹrẹ chere, muo kpahọ,
ji ku ame phihọ rhe,
4Phi ibro rẹ eranvwe na phihọ,
ibro esiri na, ugbowọ rọye kugbe eghwabọ rọye,
ghwẹ omamọ rẹ esuanso vọn.
5Reyọ omamọ rẹ eranvwe vwẹ usun rẹ uchuru na,
she ibrirhe phihọ otọ rọye,
chere eranvwe na
chere esuansọ na vwẹ evun rọye.
6Fiki rẹ ọtiọye na e nẹ Ọrovwohwo Ọghẹnẹ tare: Ekan kẹ orere rẹ ọbara na, kẹ ẹvwẹrẹ rẹ ekagba hẹ evun rọye, rẹ ekagba ji nẹ evun rọye-e! Reyọ ibro na ọvuọvo no, wọ sanọ-ọ. 7Kidie ọbara ro sun te otọ na ọ je hẹ uherevie rọye; o phiro phihọ enu rẹ oragha rọ pha phrẹphrẹphrẹ na, o kuro phihọ otọ rọ da vwẹ iwurhie rhurho. 8Re ọ vwọ kpare ophu mẹ, ra a vwọ reihri, mi phi ọbara rọ suru na phihọ enu rẹ oragha phrẹphrẹphrẹ na, rere e vwo je rhurho. 9Fiki rẹ ọtiọye na e nẹ Ọrovwohwo Ọghẹnẹ tare: Ekan kẹ orere rẹ ọbara na! Mi che ru ekru na rhonọ obo rọ epha vẹrhe. 10Ghwe ibrirhe na koko, koko erhanre na phihọ, nabọ chere ibro rẹ eranvwe na, ru wọ rhẹ ame rẹ oghwo na no, rere a torhẹ esuanso na. 11Gbe mu ofefe rọye kpahe enu rẹ esia, rere ọ tuabọ, rere otọ rọye vwọ torhẹ, rẹ inuhu rọye vwọ wran vwẹ evun rọye, re ekagba rọye vwọ torhẹ. 12Ke me de lagha oma mẹ diodi; ọkpan rẹ ekagba rọye na erhanre sa torhẹ no-o. 13Ekagha rọye na ọye ọfanrhiẹn vẹ igberadja wẹn. Me hworhẹ owẹ yu wọ rhọvwe fon nẹ inuhu wẹ-ẹn, wọ gbe cha fon ọfa-a bẹsiẹ me cha vwọ kpa ophu mẹ ku we nu. 14Mẹvwẹ rẹ Ọrovwohwo ta nure; ọke de rhi te, ki mi ruo; mi gbi rhivwi kpo uko-o, mi che ju we vwo-o, mi che kurhẹriẹ-ẹ; ki mi gu ẹdjọ wẹ, kirobo rẹ idjerhe wẹn vẹ uruemu wẹn epha, eriyin Ọrovwohwo Ọghẹnẹ tare.
Ughwu rẹ Aye rẹ Izikiẹl
15Ota rẹ Ọrovwohwo da rhoma bru vwe rhe: 16Ọmọ rẹ ohwo, nighe, mi re muegbe re me cha vwọ reyọ ojevwe rẹ ẹro wẹn nẹ uwe oma kpregede; yu wo che muomahọ-ọ eyẹ viẹ eyẹ amẹoviẹ wẹn che sun te otọ-ọ. 17Ku ẹnwẹn kokodo, ẹkẹvuọvo wo jọ phia-a; wo muomahọ kẹ ọ ro ghwuru-u. Vwẹ erhu wẹn tughẹ, ku isabato wẹn phihọ awọ wẹn; wo rhurhẹ ẹbẹrunu wẹ-ẹn, eyẹ wọ ria ikara rẹ otu rẹ uvweri-i. 18Ọtiọye me da ta kẹ ihwo na vwẹ urhiọke, vwẹ ovwọnvwọn rọye aye mẹ de ghwu. Vwẹ irhiọke rivẹ mi de ru kirobo re ji urhi kẹ vwẹ na.
19Ihwo na da ta kẹ vwẹ, Wọ rha ta ke avwanre obo rẹ eravwo nana cha vwọ phia kẹ avwanre, ru wo vwo ruẹ ọtiọna na-a? 20Etiyin me da ta kẹ ayen, Ota rẹ Ọrovwohwo de bru vwe rhe: 21Ta kẹ uwevwi rẹ Izrẹl, E nẹ Ọrovwohwo Ọghẹnẹ tare: Nighe mi che gbe ẹshẹ mẹ na ẹgua, eheri ọgangan wẹn na, obo ri je ibiẹro wẹn na kugbe obo rẹ ẹnwẹn wẹn guọnọ na; te emeshare wẹn te emetẹ wẹn ru wọ yan jovwo vwẹ obuko na ka vwẹ ọlọkọ nyavwe ayen hwe. 22Ku wo ru kirobo ri mi ruru na; wo che rhurhu ẹbẹrunu wẹ-ẹn, eyẹ wọ cha re ikara rẹ uvweri-i. 23Erhu wẹn kọ cha dia uyovwi wẹn ku wo ku isabato wẹn phihọ awọ wẹn, wo che vweri uvweri-i, eyẹ kẹ oviẹ-ẹ, ẹkẹvuọvo ku wo di brenu, vwẹ evun rẹ orukuruku wẹn kugbe wo mi rhe dirhivwẹ kẹ ohwohwo. 24E nẹ kọye Izikiẹl dia oka kẹ wẹ; kirobo ro ruru kọye wo ru. Ọke rẹ ọnana da rhe, ku wọ riẹn nẹ mẹvwẹ Ọrovwohwo Ọghẹnẹ.
25Wẹ, ọmọ rẹ ohwo, vwẹ ẹdẹ ri mi vwo mie ayen ogba ọgangan rayen, aghọghọ kugbe urinrin rayen, kugbe ojevwe rẹ ibiẹro rayen kugbe ẹguọnọ rẹ udu rayen, ji kugbe emeshare vẹ emetẹ rayen, 26vwẹ ẹdẹ yena oghuvwu ko che bru we rhe rhi gbe ikun na kẹ wẹ. 27Vwẹ ẹdẹ yena unu wẹn ko che rhie kẹ oghuvwu na, ku wo ta ota unu wẹn gbi di ọfa-a. Kẹ ọtiọye wọ dia oka vwọ kẹ ayen; kẹ ayen riẹn nẹ mẹvwẹ Ọrovwohwo na.
Currently Selected:
Izikiẹl 24: UBV77
Highlight
Share
ਕਾਪੀ।
Want to have your highlights saved across all your devices? Sign up or sign in
Bible in Urhobo © United Bible Societies, 1977.
Izikiẹl 24
24
Itẹ rẹ Ochẹ rọ Họrhọ
1Vwẹ ikpe rirhiri, vwẹ emeranvwe rihwe, vwẹ ẹdẹ ihwe rẹ emeranvwe na, ota rẹ Ọrovwohwo de bru vwe rhe: 2Ọmọ rẹ ohwo, si odẹ rẹ ẹdẹ nana phihọ otọ, ukpẹdẹ rẹ nonẹ na. Ovie ri Babilọn rhe imu vwi Jerusalẹm vwẹ ẹdọke ri nonẹ na. 3Gbe
bru isẹ nana kẹ uwevwi ogbarogba re wọ ta kẹ ayen, E nẹ Ọrovwohwo Ọghẹnẹ tare.
Mu ẹvwẹrẹ chere, muo kpahọ,
ji ku ame phihọ rhe,
4Phi ibro rẹ eranvwe na phihọ,
ibro esiri na, ugbowọ rọye kugbe eghwabọ rọye,
ghwẹ omamọ rẹ esuanso vọn.
5Reyọ omamọ rẹ eranvwe vwẹ usun rẹ uchuru na,
she ibrirhe phihọ otọ rọye,
chere eranvwe na
chere esuansọ na vwẹ evun rọye.
6Fiki rẹ ọtiọye na e nẹ Ọrovwohwo Ọghẹnẹ tare: Ekan kẹ orere rẹ ọbara na, kẹ ẹvwẹrẹ rẹ ekagba hẹ evun rọye, rẹ ekagba ji nẹ evun rọye-e! Reyọ ibro na ọvuọvo no, wọ sanọ-ọ. 7Kidie ọbara ro sun te otọ na ọ je hẹ uherevie rọye; o phiro phihọ enu rẹ oragha rọ pha phrẹphrẹphrẹ na, o kuro phihọ otọ rọ da vwẹ iwurhie rhurho. 8Re ọ vwọ kpare ophu mẹ, ra a vwọ reihri, mi phi ọbara rọ suru na phihọ enu rẹ oragha phrẹphrẹphrẹ na, rere e vwo je rhurho. 9Fiki rẹ ọtiọye na e nẹ Ọrovwohwo Ọghẹnẹ tare: Ekan kẹ orere rẹ ọbara na! Mi che ru ekru na rhonọ obo rọ epha vẹrhe. 10Ghwe ibrirhe na koko, koko erhanre na phihọ, nabọ chere ibro rẹ eranvwe na, ru wọ rhẹ ame rẹ oghwo na no, rere a torhẹ esuanso na. 11Gbe mu ofefe rọye kpahe enu rẹ esia, rere ọ tuabọ, rere otọ rọye vwọ torhẹ, rẹ inuhu rọye vwọ wran vwẹ evun rọye, re ekagba rọye vwọ torhẹ. 12Ke me de lagha oma mẹ diodi; ọkpan rẹ ekagba rọye na erhanre sa torhẹ no-o. 13Ekagha rọye na ọye ọfanrhiẹn vẹ igberadja wẹn. Me hworhẹ owẹ yu wọ rhọvwe fon nẹ inuhu wẹ-ẹn, wọ gbe cha fon ọfa-a bẹsiẹ me cha vwọ kpa ophu mẹ ku we nu. 14Mẹvwẹ rẹ Ọrovwohwo ta nure; ọke de rhi te, ki mi ruo; mi gbi rhivwi kpo uko-o, mi che ju we vwo-o, mi che kurhẹriẹ-ẹ; ki mi gu ẹdjọ wẹ, kirobo rẹ idjerhe wẹn vẹ uruemu wẹn epha, eriyin Ọrovwohwo Ọghẹnẹ tare.
Ughwu rẹ Aye rẹ Izikiẹl
15Ota rẹ Ọrovwohwo da rhoma bru vwe rhe: 16Ọmọ rẹ ohwo, nighe, mi re muegbe re me cha vwọ reyọ ojevwe rẹ ẹro wẹn nẹ uwe oma kpregede; yu wo che muomahọ-ọ eyẹ viẹ eyẹ amẹoviẹ wẹn che sun te otọ-ọ. 17Ku ẹnwẹn kokodo, ẹkẹvuọvo wo jọ phia-a; wo muomahọ kẹ ọ ro ghwuru-u. Vwẹ erhu wẹn tughẹ, ku isabato wẹn phihọ awọ wẹn; wo rhurhẹ ẹbẹrunu wẹ-ẹn, eyẹ wọ ria ikara rẹ otu rẹ uvweri-i. 18Ọtiọye me da ta kẹ ihwo na vwẹ urhiọke, vwẹ ovwọnvwọn rọye aye mẹ de ghwu. Vwẹ irhiọke rivẹ mi de ru kirobo re ji urhi kẹ vwẹ na.
19Ihwo na da ta kẹ vwẹ, Wọ rha ta ke avwanre obo rẹ eravwo nana cha vwọ phia kẹ avwanre, ru wo vwo ruẹ ọtiọna na-a? 20Etiyin me da ta kẹ ayen, Ota rẹ Ọrovwohwo de bru vwe rhe: 21Ta kẹ uwevwi rẹ Izrẹl, E nẹ Ọrovwohwo Ọghẹnẹ tare: Nighe mi che gbe ẹshẹ mẹ na ẹgua, eheri ọgangan wẹn na, obo ri je ibiẹro wẹn na kugbe obo rẹ ẹnwẹn wẹn guọnọ na; te emeshare wẹn te emetẹ wẹn ru wọ yan jovwo vwẹ obuko na ka vwẹ ọlọkọ nyavwe ayen hwe. 22Ku wo ru kirobo ri mi ruru na; wo che rhurhu ẹbẹrunu wẹ-ẹn, eyẹ wọ cha re ikara rẹ uvweri-i. 23Erhu wẹn kọ cha dia uyovwi wẹn ku wo ku isabato wẹn phihọ awọ wẹn, wo che vweri uvweri-i, eyẹ kẹ oviẹ-ẹ, ẹkẹvuọvo ku wo di brenu, vwẹ evun rẹ orukuruku wẹn kugbe wo mi rhe dirhivwẹ kẹ ohwohwo. 24E nẹ kọye Izikiẹl dia oka kẹ wẹ; kirobo ro ruru kọye wo ru. Ọke rẹ ọnana da rhe, ku wọ riẹn nẹ mẹvwẹ Ọrovwohwo Ọghẹnẹ.
25Wẹ, ọmọ rẹ ohwo, vwẹ ẹdẹ ri mi vwo mie ayen ogba ọgangan rayen, aghọghọ kugbe urinrin rayen, kugbe ojevwe rẹ ibiẹro rayen kugbe ẹguọnọ rẹ udu rayen, ji kugbe emeshare vẹ emetẹ rayen, 26vwẹ ẹdẹ yena oghuvwu ko che bru we rhe rhi gbe ikun na kẹ wẹ. 27Vwẹ ẹdẹ yena unu wẹn ko che rhie kẹ oghuvwu na, ku wo ta ota unu wẹn gbi di ọfa-a. Kẹ ọtiọye wọ dia oka vwọ kẹ ayen; kẹ ayen riẹn nẹ mẹvwẹ Ọrovwohwo na.
Currently Selected:
:
Highlight
Share
ਕਾਪੀ।
Want to have your highlights saved across all your devices? Sign up or sign in
Bible in Urhobo © United Bible Societies, 1977.