Izikiẹl 23
23
Iniọvo rẹ Emetẹ Ivẹ
1Ota rẹ Ọrovwohwo de bru vwe rhe: 2Ọmọ rẹ ohwo, eya ivẹ herọ, emọ rẹ oni ọvo; 3ayen de gbe igberadja vwẹ Ijipt, ayen de gbe igberadja vwẹ ọke emetẹ rayen; oboyi ivie rayen de she oboyi a da je chọ ayen ọghọ. 4Oholah ọye odẹ rẹ ọ rẹ ọkpako Oholibah kọyẹ odẹ rẹ oniọvo rọye rẹ otete. Ayen ivẹ na da rhe dia emẹ, ayen de vwiẹ emeshare kugbe emetẹ kẹ vwẹ. Vwọ kẹ odẹ rayen na, Oholah ọye Sameria, Oholibah ke rha Jerusalẹm.
5Oholah de gbe igberadja rọ vwọ hẹ uwevwi mẹ; kọ fẹnrẹ ọkro nene esen rọye ihwo rẹ Asiria, 6ihwo rẹ ofovwi re vwẹ orhurhu rhuo, isun vẹ inotu rẹ ofovwi, ayen ejobi imighene ri si urhuru, ihwo re gua vwẹ enu rẹ iyesi. 7Ọ da vwẹ igberadja rọye vwo mu ayen, ihwo ri me yovwi vwẹ Asiria na ejobi; ọ da vwẹ edjọ rẹ ihwo rọ fẹnrẹ ọkro nene na vwo gbe oma rọye ẹgua. 8O rha rhọvwẹ siobọ nẹ igberadja rọye ro gberi rhabae na rọ vwọ hẹ Ijipt na-a; kidie rọ vwọ emetẹ ihwo de nene vwerhẹ ayen da chọ ọghọ rọye ayen da kpa ophu rẹ ọfanrhiẹn rayẹn kuo. 9Fiki rẹ ọtiọye na mi de siobọ no kẹ itu rẹ esen rọye, vwọ kẹ otu rẹ Asiria, ro pho nene krẹ krẹ na. 10Enana keye banrọ phihọ na, ayen de gborho emeshare rọye vẹ emetẹ rọye, ekpuyovwi rọye ayen da vwẹ ọlọkọ nyavwọ hwe, o de rhi hirhe phihọ oha vwẹ ohri rẹ eya na, vwẹ ọke re vwo brorhiẹ hwe nu.
11Oniọvo rọye rẹ ọmọtẹ Oholibah mrẹ ọnana, etiyin ọ da rhoma miovwi no ro pho krẹ krẹ gbe igberadja, ro miovwi nọ ọ rẹ oniọvo rọye. 12O de pho krẹ krẹ mu ihwo rẹ Asiria, isun rayen, vẹ inotu rayen, egba rẹ ofovwi re nabọ gba oghan fia, ihwo re gua iyesi, ayen ejobi imighene re oma rẹ ayen vwerha ihwo. 13Me da mrẹ nẹ e gbere ẹgua; ayen ivẹ na da wan idjerhe ọvo. 14Ẹkẹvuọvo ọ da hwarhiẹ igberadja rọye na sheri nọ ọtiọye; ọ da mrẹ eshare ra vwẹ obọ si phihọ igbẹhẹ, uhoho rẹ ihwo ri Kaldia ra nabọ vwẹ isene si, 15ayen nabọ vwẹ umuamwa mu ehun rayen, vẹ erhu ri siẹjọjọ ri vwo tughẹ uyovwi rayen, a da mrẹ ayen ejobi kere ihwo rẹ ofovwi, uhoho rẹ ihwo ri Babilọn re dia otọ ri Kaldia. 16Ọke rọ vwọ mrẹ ayen kọ pho nene ayen, o de ji ikọn bru ayen vwẹ obi Kaldia. 17Ihwo ri Babilọn da rhe vwa vwẹ ehwa rẹ igberadja rọye, ayen de gbe ẹgua vwẹ evun rẹ ọmẹmẹ rẹ ọfanrhiẹn rayen, ọke rẹ ayen vwo gbe ẹgua nu, o de chuko ku ayen vẹ omaetuo. 18Ọke ro vwo gbe ọfanrhiẹn na gbonozẹ ọtiọye rọ vwọ vwẹ ẹba rọye nẹ nu, mi de chuko kuo vẹ omaetuo, kirobo mi chuko ku oniọvo rọye rẹ ọmọtẹ. 19Kẹ etiyin ọfanrhiẹn na ke gan phihọ, ra da karohọ ọkiemọ rọye, ro vwo mu ọfanrhiẹn egbe vwẹ obi Ijipt, 20ro vwo pho muẹ otu rẹ esen rọye vwẹ oboyi, rẹ oma rẹ ayen họhọ ekẹtẹkẹtẹ, rẹ emọ rọye họhọ iyesi. 21E nẹ kọye wọ karohọ urhurusivwe rẹ ọkiemọ wẹn, vwẹ ọke rẹ ihwo rẹ Ijipt vwọ bẹnẹ owẹ, rẹ ayen vwo si ivie eboba wẹn.
22Fiki rẹ ọtiọye na, E Oholibah, e nẹ Ọrovwohwo Ọghẹnẹ tare. Nighe, me cha kpare esen wẹn na vwọ so wẹ e re wọ djẹ kẹ fikiridie i phu we rhe, kc me kpare ayen vwọ so wẹ vwi kabọ kabọ. 23Ihwo ri Babilọn kugbe ihwo rẹ Kaldia, Pẹkọd kugbe Shoa kugbe Koa, ihwo rẹ Asiria ejobi je vwọ ba ayen, imighẹnẹ ri siẹ urhuru, isun kugbe inotu rayen ejobi, iruiruo kugbe otuofovwi, ayen ejobi gua vwẹ enu rẹ iyesi. 24Ke ayen cha vwọ so wẹ nẹ obọhwẹre ọnre rhe vẹ akpẹrẹ kugbe idjighere vẹ urogho rẹ ihwo buebu; kẹ ayen vwọ so wẹ vwi kabọ kabọ vẹ oshuẹ, kugbe ọlọkọ, kugbe erhu rẹ utehru, ke me vwẹ ẹdjeguo na vwọ kẹ ayen, kẹ ayen vwẹ owẹ gu ẹdjọ nene urhi rẹ rayen. 25Ki mi mu ophu mẹ kpahẹ owẹ, rere ayen vwẹ ophu rẹ ayen di gbe oja kẹ wẹ re. Ayen ki bru uwen wẹn nẹ uwe kugbe erhọn wẹn, ihwo ri ghwu chekọ ke yan ro abọ rẹ oda. Ayen ki gborho emeshare wẹn kugbe emetẹ wẹn, i ri ghwu chekọ ka vwẹ erhanre torhẹ ayen. 26Ke ayen ban wẹ phihọ ayen me ghwiẹ evwarha wẹn reyọ. 27Kẹ e nẹ mi che phi oba phihọ ẹban wẹn kugbe ọfanrhiẹn wẹn ru wọ ghwa nẹ otọ rẹ Ijipt rhe; fiki rẹ ọtiọye na wọ gbe sa kpare ẹro vwo ni ihwo rẹ Ijipt ọfa-a eyẹ vwọ karohọ ayen ọfa-a. 28Kidie e nẹ Ọrovwohwo Ọghẹnẹ tare: Nighe, mi che phi we phihọ abọ rẹ ihwo ri tu we oma, phihọ abọ rẹ ihwo re wọ mrẹ ọhọre me kpare owẹ na. 29Omaetuo kọye ayen vwo nene uwe yeri, ayen me ghwẹ erere rẹ owian wẹn reyọ, ayen ke yan ju we vwo ẹbẹban hrohro, ka mrẹ ẹban rẹ igberadja wẹn. Ẹban wẹn kugbe igberadja wẹn 30rọ ghwẹ ọnana bru we rhe, fikiridie wọ vẹ ẹgborho na gbe igberadja, wọ da vwẹ edjọ rayen gbe oma wẹn ẹgua. 31Idjerhe rẹ oniọvo wẹ neneri ọye wo ji nene na, fiki rẹ ọtiọye na ki mi phi uko rọye phihọ owẹ obọ. 32E nẹ Ọrovwohwo Ọghẹnẹ tare:
Wọ cha da uko rẹ oniọvo wẹ rẹ ọmọtẹ
rọ pha kokodo rhuarho; ka hwẹ wẹ
ka vwẹ owẹ jehwẹ,
kidie ọ vọnre vẹ emu buebu,
33ku wọ vọn vẹ idi-ẹda vẹ uvweri
uko rẹ uguegue vẹ oghwọrọ
ọtiọye uko rẹ oniọvo wẹn Sameria epha.
34Wọ cha da wọ me riẹn ikueku rọye kufia,
wọ mẹ sanvwe ẹto wẹn,
wo mi bru era hẹ ivie wẹn;
kidie me ta nure, eriyin Ọrovwohwo Ọghẹnẹ tare. 35Fiki rẹ otiọyẹ na e nẹ Ọrovwohwo Ọghẹnẹ tare: Fikiridie me chọrọ owẹ ẹro wo de mu vwe phihọ obuko wẹn, fiki rẹ ọtiọye na ku wọ reyọ osa rẹ ehan wẹn kugbe ọfanrhiẹn wẹn.
36Ọrovwohwo da ta kẹ vwẹ: Ọmọ rẹ ohwo, wo se gu ẹdjọ rẹ Oholah kugbe Oholibah? Gbe dje ẹgua rẹ ayen kẹ ayen. 37Kidie ayen gbe igberadja, ọbara vẹ abọ rayen, ayen vẹ edjọ rayen ri gbi gbe igberadja na; ayen tobọ vwẹ emọ rẹ ayen vwiẹ kẹ vwẹ na ze izobo rẹ emuọre kẹ ayen. 38Ọrọmarho ọnana kọye hẹ obo rẹ ayen ru kẹ vwẹ, ayen gbe ẹshẹ mẹ ẹgua vwẹ ẹdẹ yena ọvuọvo na ayen de miovwo ẹdidjala mẹ. 39Kidie ọke rẹ ayen vwo hwe emọ rayen vwo ze izobo kẹ edjọ rayen nu, vwẹ ẹdẹ yena ọvuọvo na ayen da rhe enu rẹ ẹshẹ mẹ rhi gbe ẹgua. Ọnana obo rẹ ayen ruru vwẹ uwevwi mẹ. 40Ayen tobọ re se ayen nẹ ogboko rhe, e ji ikọn re se ayen, gbe nighe, ayen ghine rhe. Fiki rẹ ayen wọ vwọ họ oma wẹn, wo de si itiro wẹn, wọ da nabọ rhuẹrẹ oma wẹn djọghrọ. 41Wo de tidia agbara ra nabọ rhuẹrẹ fia, vẹ imẹjẹ ra nabọ rhuẹrẹ vwẹ obaro rọye ru wo phi ugboduma mẹ kugbe evwri mẹ phihọ. 42Ihwo ri di muẹ do vẹ owẹ gba hẹ etiyin; ihwo fanfanrhiẹn ri muẹ idi da yan, a da ghwẹ ayen nẹ evun rẹ aton rhe; ayen de ku ikoro phihọ abọ rẹ eya na, a da vwẹ erhu rẹ ejọjọ vwo tughẹ ayen uyovwi.
43Etiyin me da ta, Ọ dianẹ ihwo gbe igberadja vwẹ ọke rẹ ayen de nene gbe ọfanrhiẹn na? 44Kidie ayen bruro ra, kerẹsiẹ rẹ ihwo e bru igberadja. E nẹ kọye ayen bru Oholah vẹ Oholibah ra re gbe ọfanrhiẹn. 45Ẹkẹvuọvo evwata ki che brorhiẹ rẹ eya ri gbe igberadja hwe ayen, kugbe eya ri sun ọbara te otọ; kidie igberadja ayen ruẹ, ọbara je hẹ abọ rayen rhe.
46Kidie e nẹ Ọrovwohwo Ọghẹnẹ tare: Reyọ urogho rhe rhe vwo so ayen, gba vwẹ ayen ru emu rẹ uguegue kugbe emu rẹ ugborho. 47Urogho na ki phi ayen a me vwẹ ọlọkọ rayen hra ayen, ayen ki hwe emeshare rayen vẹ emetẹ rayen, ayen me torhẹ iwevwi rayen. 48Kẹ e nẹ mi che vwo fuẹ ọfanrhiẹn nẹ otọ na, rere eya na ejobi vwọ kẹnẹ oma rere ayen vwo je ọfanrhiẹn egbe kirobo wo ruru na. 49Ka reihri rẹ ọfanrhiẹn na vwẹ obọ wẹn, ku wọ reyọ esa rẹ umwemwu rẹ edjọ ẹgọ wẹn na; ku wọ riẹn nẹ mẹvwẹ Ọrovwohwo Ọghẹne na.
Currently Selected:
Izikiẹl 23: UBV77
Highlight
Share
ਕਾਪੀ।
Want to have your highlights saved across all your devices? Sign up or sign in
Bible in Urhobo © United Bible Societies, 1977.
Izikiẹl 23
23
Iniọvo rẹ Emetẹ Ivẹ
1Ota rẹ Ọrovwohwo de bru vwe rhe: 2Ọmọ rẹ ohwo, eya ivẹ herọ, emọ rẹ oni ọvo; 3ayen de gbe igberadja vwẹ Ijipt, ayen de gbe igberadja vwẹ ọke emetẹ rayen; oboyi ivie rayen de she oboyi a da je chọ ayen ọghọ. 4Oholah ọye odẹ rẹ ọ rẹ ọkpako Oholibah kọyẹ odẹ rẹ oniọvo rọye rẹ otete. Ayen ivẹ na da rhe dia emẹ, ayen de vwiẹ emeshare kugbe emetẹ kẹ vwẹ. Vwọ kẹ odẹ rayen na, Oholah ọye Sameria, Oholibah ke rha Jerusalẹm.
5Oholah de gbe igberadja rọ vwọ hẹ uwevwi mẹ; kọ fẹnrẹ ọkro nene esen rọye ihwo rẹ Asiria, 6ihwo rẹ ofovwi re vwẹ orhurhu rhuo, isun vẹ inotu rẹ ofovwi, ayen ejobi imighene ri si urhuru, ihwo re gua vwẹ enu rẹ iyesi. 7Ọ da vwẹ igberadja rọye vwo mu ayen, ihwo ri me yovwi vwẹ Asiria na ejobi; ọ da vwẹ edjọ rẹ ihwo rọ fẹnrẹ ọkro nene na vwo gbe oma rọye ẹgua. 8O rha rhọvwẹ siobọ nẹ igberadja rọye ro gberi rhabae na rọ vwọ hẹ Ijipt na-a; kidie rọ vwọ emetẹ ihwo de nene vwerhẹ ayen da chọ ọghọ rọye ayen da kpa ophu rẹ ọfanrhiẹn rayẹn kuo. 9Fiki rẹ ọtiọye na mi de siobọ no kẹ itu rẹ esen rọye, vwọ kẹ otu rẹ Asiria, ro pho nene krẹ krẹ na. 10Enana keye banrọ phihọ na, ayen de gborho emeshare rọye vẹ emetẹ rọye, ekpuyovwi rọye ayen da vwẹ ọlọkọ nyavwọ hwe, o de rhi hirhe phihọ oha vwẹ ohri rẹ eya na, vwẹ ọke re vwo brorhiẹ hwe nu.
11Oniọvo rọye rẹ ọmọtẹ Oholibah mrẹ ọnana, etiyin ọ da rhoma miovwi no ro pho krẹ krẹ gbe igberadja, ro miovwi nọ ọ rẹ oniọvo rọye. 12O de pho krẹ krẹ mu ihwo rẹ Asiria, isun rayen, vẹ inotu rayen, egba rẹ ofovwi re nabọ gba oghan fia, ihwo re gua iyesi, ayen ejobi imighene re oma rẹ ayen vwerha ihwo. 13Me da mrẹ nẹ e gbere ẹgua; ayen ivẹ na da wan idjerhe ọvo. 14Ẹkẹvuọvo ọ da hwarhiẹ igberadja rọye na sheri nọ ọtiọye; ọ da mrẹ eshare ra vwẹ obọ si phihọ igbẹhẹ, uhoho rẹ ihwo ri Kaldia ra nabọ vwẹ isene si, 15ayen nabọ vwẹ umuamwa mu ehun rayen, vẹ erhu ri siẹjọjọ ri vwo tughẹ uyovwi rayen, a da mrẹ ayen ejobi kere ihwo rẹ ofovwi, uhoho rẹ ihwo ri Babilọn re dia otọ ri Kaldia. 16Ọke rọ vwọ mrẹ ayen kọ pho nene ayen, o de ji ikọn bru ayen vwẹ obi Kaldia. 17Ihwo ri Babilọn da rhe vwa vwẹ ehwa rẹ igberadja rọye, ayen de gbe ẹgua vwẹ evun rẹ ọmẹmẹ rẹ ọfanrhiẹn rayen, ọke rẹ ayen vwo gbe ẹgua nu, o de chuko ku ayen vẹ omaetuo. 18Ọke ro vwo gbe ọfanrhiẹn na gbonozẹ ọtiọye rọ vwọ vwẹ ẹba rọye nẹ nu, mi de chuko kuo vẹ omaetuo, kirobo mi chuko ku oniọvo rọye rẹ ọmọtẹ. 19Kẹ etiyin ọfanrhiẹn na ke gan phihọ, ra da karohọ ọkiemọ rọye, ro vwo mu ọfanrhiẹn egbe vwẹ obi Ijipt, 20ro vwo pho muẹ otu rẹ esen rọye vwẹ oboyi, rẹ oma rẹ ayen họhọ ekẹtẹkẹtẹ, rẹ emọ rọye họhọ iyesi. 21E nẹ kọye wọ karohọ urhurusivwe rẹ ọkiemọ wẹn, vwẹ ọke rẹ ihwo rẹ Ijipt vwọ bẹnẹ owẹ, rẹ ayen vwo si ivie eboba wẹn.
22Fiki rẹ ọtiọye na, E Oholibah, e nẹ Ọrovwohwo Ọghẹnẹ tare. Nighe, me cha kpare esen wẹn na vwọ so wẹ e re wọ djẹ kẹ fikiridie i phu we rhe, kc me kpare ayen vwọ so wẹ vwi kabọ kabọ. 23Ihwo ri Babilọn kugbe ihwo rẹ Kaldia, Pẹkọd kugbe Shoa kugbe Koa, ihwo rẹ Asiria ejobi je vwọ ba ayen, imighẹnẹ ri siẹ urhuru, isun kugbe inotu rayen ejobi, iruiruo kugbe otuofovwi, ayen ejobi gua vwẹ enu rẹ iyesi. 24Ke ayen cha vwọ so wẹ nẹ obọhwẹre ọnre rhe vẹ akpẹrẹ kugbe idjighere vẹ urogho rẹ ihwo buebu; kẹ ayen vwọ so wẹ vwi kabọ kabọ vẹ oshuẹ, kugbe ọlọkọ, kugbe erhu rẹ utehru, ke me vwẹ ẹdjeguo na vwọ kẹ ayen, kẹ ayen vwẹ owẹ gu ẹdjọ nene urhi rẹ rayen. 25Ki mi mu ophu mẹ kpahẹ owẹ, rere ayen vwẹ ophu rẹ ayen di gbe oja kẹ wẹ re. Ayen ki bru uwen wẹn nẹ uwe kugbe erhọn wẹn, ihwo ri ghwu chekọ ke yan ro abọ rẹ oda. Ayen ki gborho emeshare wẹn kugbe emetẹ wẹn, i ri ghwu chekọ ka vwẹ erhanre torhẹ ayen. 26Ke ayen ban wẹ phihọ ayen me ghwiẹ evwarha wẹn reyọ. 27Kẹ e nẹ mi che phi oba phihọ ẹban wẹn kugbe ọfanrhiẹn wẹn ru wọ ghwa nẹ otọ rẹ Ijipt rhe; fiki rẹ ọtiọye na wọ gbe sa kpare ẹro vwo ni ihwo rẹ Ijipt ọfa-a eyẹ vwọ karohọ ayen ọfa-a. 28Kidie e nẹ Ọrovwohwo Ọghẹnẹ tare: Nighe, mi che phi we phihọ abọ rẹ ihwo ri tu we oma, phihọ abọ rẹ ihwo re wọ mrẹ ọhọre me kpare owẹ na. 29Omaetuo kọye ayen vwo nene uwe yeri, ayen me ghwẹ erere rẹ owian wẹn reyọ, ayen ke yan ju we vwo ẹbẹban hrohro, ka mrẹ ẹban rẹ igberadja wẹn. Ẹban wẹn kugbe igberadja wẹn 30rọ ghwẹ ọnana bru we rhe, fikiridie wọ vẹ ẹgborho na gbe igberadja, wọ da vwẹ edjọ rayen gbe oma wẹn ẹgua. 31Idjerhe rẹ oniọvo wẹ neneri ọye wo ji nene na, fiki rẹ ọtiọye na ki mi phi uko rọye phihọ owẹ obọ. 32E nẹ Ọrovwohwo Ọghẹnẹ tare:
Wọ cha da uko rẹ oniọvo wẹ rẹ ọmọtẹ
rọ pha kokodo rhuarho; ka hwẹ wẹ
ka vwẹ owẹ jehwẹ,
kidie ọ vọnre vẹ emu buebu,
33ku wọ vọn vẹ idi-ẹda vẹ uvweri
uko rẹ uguegue vẹ oghwọrọ
ọtiọye uko rẹ oniọvo wẹn Sameria epha.
34Wọ cha da wọ me riẹn ikueku rọye kufia,
wọ mẹ sanvwe ẹto wẹn,
wo mi bru era hẹ ivie wẹn;
kidie me ta nure, eriyin Ọrovwohwo Ọghẹnẹ tare. 35Fiki rẹ otiọyẹ na e nẹ Ọrovwohwo Ọghẹnẹ tare: Fikiridie me chọrọ owẹ ẹro wo de mu vwe phihọ obuko wẹn, fiki rẹ ọtiọye na ku wọ reyọ osa rẹ ehan wẹn kugbe ọfanrhiẹn wẹn.
36Ọrovwohwo da ta kẹ vwẹ: Ọmọ rẹ ohwo, wo se gu ẹdjọ rẹ Oholah kugbe Oholibah? Gbe dje ẹgua rẹ ayen kẹ ayen. 37Kidie ayen gbe igberadja, ọbara vẹ abọ rayen, ayen vẹ edjọ rayen ri gbi gbe igberadja na; ayen tobọ vwẹ emọ rẹ ayen vwiẹ kẹ vwẹ na ze izobo rẹ emuọre kẹ ayen. 38Ọrọmarho ọnana kọye hẹ obo rẹ ayen ru kẹ vwẹ, ayen gbe ẹshẹ mẹ ẹgua vwẹ ẹdẹ yena ọvuọvo na ayen de miovwo ẹdidjala mẹ. 39Kidie ọke rẹ ayen vwo hwe emọ rayen vwo ze izobo kẹ edjọ rayen nu, vwẹ ẹdẹ yena ọvuọvo na ayen da rhe enu rẹ ẹshẹ mẹ rhi gbe ẹgua. Ọnana obo rẹ ayen ruru vwẹ uwevwi mẹ. 40Ayen tobọ re se ayen nẹ ogboko rhe, e ji ikọn re se ayen, gbe nighe, ayen ghine rhe. Fiki rẹ ayen wọ vwọ họ oma wẹn, wo de si itiro wẹn, wọ da nabọ rhuẹrẹ oma wẹn djọghrọ. 41Wo de tidia agbara ra nabọ rhuẹrẹ fia, vẹ imẹjẹ ra nabọ rhuẹrẹ vwẹ obaro rọye ru wo phi ugboduma mẹ kugbe evwri mẹ phihọ. 42Ihwo ri di muẹ do vẹ owẹ gba hẹ etiyin; ihwo fanfanrhiẹn ri muẹ idi da yan, a da ghwẹ ayen nẹ evun rẹ aton rhe; ayen de ku ikoro phihọ abọ rẹ eya na, a da vwẹ erhu rẹ ejọjọ vwo tughẹ ayen uyovwi.
43Etiyin me da ta, Ọ dianẹ ihwo gbe igberadja vwẹ ọke rẹ ayen de nene gbe ọfanrhiẹn na? 44Kidie ayen bruro ra, kerẹsiẹ rẹ ihwo e bru igberadja. E nẹ kọye ayen bru Oholah vẹ Oholibah ra re gbe ọfanrhiẹn. 45Ẹkẹvuọvo evwata ki che brorhiẹ rẹ eya ri gbe igberadja hwe ayen, kugbe eya ri sun ọbara te otọ; kidie igberadja ayen ruẹ, ọbara je hẹ abọ rayen rhe.
46Kidie e nẹ Ọrovwohwo Ọghẹnẹ tare: Reyọ urogho rhe rhe vwo so ayen, gba vwẹ ayen ru emu rẹ uguegue kugbe emu rẹ ugborho. 47Urogho na ki phi ayen a me vwẹ ọlọkọ rayen hra ayen, ayen ki hwe emeshare rayen vẹ emetẹ rayen, ayen me torhẹ iwevwi rayen. 48Kẹ e nẹ mi che vwo fuẹ ọfanrhiẹn nẹ otọ na, rere eya na ejobi vwọ kẹnẹ oma rere ayen vwo je ọfanrhiẹn egbe kirobo wo ruru na. 49Ka reihri rẹ ọfanrhiẹn na vwẹ obọ wẹn, ku wọ reyọ esa rẹ umwemwu rẹ edjọ ẹgọ wẹn na; ku wọ riẹn nẹ mẹvwẹ Ọrovwohwo Ọghẹne na.
Currently Selected:
:
Highlight
Share
ਕਾਪੀ।
Want to have your highlights saved across all your devices? Sign up or sign in
Bible in Urhobo © United Bible Societies, 1977.