ਗਲਾਤੀਯਾ ਭੂਮਿਕਾ
ਭੂਮਿਕਾ
ਜਦੋਂ ਪ੍ਰਭੂ ਯਿਸੂ ਦੇ ਸ਼ੁਭ ਸਮਾਚਾਰ ਦੇ ਪ੍ਰਚਾਰ ਵਿੱਚ ਵਾਧਾ ਹੋਣ ਲੱਗਾ ਅਤੇ ਯਹੂਦੀ ਕੌਮ ਤੋਂ ਇਲਾਵਾ ਪਰਾਈਆਂ ਕੌਮਾਂ ਉਸ ਨੂੰ ਸਵੀਕਾਰ ਕਰਨ ਲੱਗੀਆਂ ਤਾਂ ਇਹ ਪ੍ਰਸ਼ਨ ਉੱਠਿਆ ਕਿ ਕੀ ਪਰਾਈਆਂ ਕੌਮਾਂ ਦੇ ਲਈ ਸੱਚੇ ਮਸੀਹੀ ਬਣਨ ਦੇ ਲਈ ਮੂਸਾ ਦੀ ਵਿਵਸਥਾ ਨੂੰ ਮੰਨਣਾ ਜ਼ਰੂਰੀ ਹੈ ? ਪੌਲੁਸ ਨੇ ਇਸ ਪ੍ਰਸ਼ਨ ਦਾ ਬੜੇ ਜ਼ੋਰ ਦੇ ਨਾਲ ਵਿਰੋਧ ਕੀਤਾ ਕਿ ਮੂਸਾ ਦੀ ਵਿਵਸਥਾ ਨੂੰ ਮੰਨਣਾ ਜ਼ਰੂਰੀ ਨਹੀਂ ਹੈ ਅਤੇ ਇੱਕ ਮਸੀਹੀ ਲਈ ਪਰਮੇਸ਼ਰ ਦੇ ਨਾਲ ਨੇਕ ਸੰਬੰਧ ਬਣਾਉਣ ਲਈ ਕੇਵਲ ਮਸੀਹ ਵਿੱਚ ਵਿਸ਼ਵਾਸ ਲਿਆਉਣਾ ਹੀ ਜ਼ਰੂਰੀ ਹੈ । ਪਰ ਗਲਾਤੀਯਾ ਵਿੱਚ ਜਿਹੜਾ ਕਿ ਰੋਮੀ ਸਾਮਰਾਜ ਦਾ ਇੱਕ ਪ੍ਰਾਂਤ ਸੀ, ਕੁਝ ਲੋਕ ਆ ਕੇ ਪੌਲੁਸ ਦਾ ਵਿਰੋਧ ਕਰਨ ਲੱਗੇ ਅਤੇ ਕਹਿਣ ਲੱਗੇ ਕਿ ਪਰਮੇਸ਼ਰ ਦੇ ਨਾਲ ਨੇਕ ਸੰਬੰਧ ਬਣਾਉਣ ਦੇ ਲਈ ਮੂਸਾ ਦੀ ਵਿਵਸਥਾ ਨੂੰ ਵੀ ਮੰਨਣਾ ਜ਼ਰੂਰੀ ਹੈ ।
ਇਸ ਲਈ ਇਸ ਪੱਤਰ ਦੁਆਰਾ ਪੌਲੁਸ ਗਲਾਤੀਯਾ ਦੇ ਵਿਸ਼ਵਾਸੀਆਂ ਨੂੰ ਵਾਪਸ ਆਪਣੇ ਅਸਲੀ ਵਿਸ਼ਵਾਸ ਵੱਲ ਲਿਆਉਣਾ ਚਾਹੁੰਦਾ ਸੀ ਜਿਹੜੇ ਗ਼ਲਤ ਸਿੱਖਿਆਵਾਂ ਦੁਆਰਾ ਕੁਰਾਹੇ ਪੈ ਗਏ ਸਨ । ਪੱਤਰ ਦੇ ਆਰੰਭ ਵਿੱਚ ਪੌਲੁਸ ਨੇ ਆਪਣੇ ਰਸੂਲ ਹੋਣ ਦੇ ਦਾਅਵੇ ਨੂੰ ਸੱਚਾ ਸਿੱਧ ਕੀਤਾ ਅਤੇ ਉਸ ਨੇ ਦਾਅਵਾ ਕੀਤਾ ਕਿ ਉਸ ਦੇ ਰਸੂਲ ਹੋਣ ਦਾ ਸੱਦਾ ਪਰਮੇਸ਼ਰ ਵੱਲੋਂ ਹੈ, ਨਾ ਕਿ ਕਿਸੇ ਮਨੁੱਖ ਵੱਲੋਂ ਅਤੇ ਉਸ ਦਾ ਸੱਦਾ ਪਰਾਈਆਂ ਕੌਮਾਂ ਨੂੰ ਸ਼ੁਭ ਸਮਾਚਾਰ ਸੁਣਾਉਣ ਦੇ ਲਈ ਹੋਇਆ ਹੈ । ਫਿਰ ਉਸ ਨੇ ਇਹ ਦਲੀਲ ਦਿੱਤੀ ਕਿ ਕੇਵਲ ਵਿਸ਼ਵਾਸ ਦੁਆਰਾ ਹੀ ਮਨੁੱਖ ਦਾ ਪਰਮੇਸ਼ਰ ਨਾਲ ਨੇਕ ਸੰਬੰਧ ਬਣ ਸਕਦਾ ਹੈ । ਆਖ਼ਰੀ ਦੋ ਅਧਿਆਇਆਂ ਵਿੱਚ ਪੌਲੁਸ ਨੇ ਦੱਸਿਆ ਹੈ ਕਿ ਮਸੀਹੀ ਆਚਰਨ ਦਾ ਆਧਾਰ ਪਿਆਰ ਹੈ ਜੋ ਕਿ ਮਸੀਹ ਵਿੱਚ ਵਿਸ਼ਵਾਸ ਦਾ ਨਤੀਜਾ ਹੈ ।
ਵਿਸ਼ਾ-ਵਸਤੂ ਦੀ ਰੂਪ-ਰੇਖਾ
ਭੂਮਿਕਾ 1:1-10
ਪੌਲੁਸ ਦਾ ਰਸੂਲ ਹੋਣ ਦਾ ਅਧਿਕਾਰ 1:11—2:21
ਪਰਮੇਸ਼ਰ ਦੀ ਕਿਰਪਾ ਦਾ ਸ਼ੁਭ ਸਮਾਚਾਰ 3:1—4:31
ਮਸੀਹੀ ਆਜ਼ਾਦੀ ਅਤੇ ਜ਼ਿੰਮੇਵਾਰੀ 5:1—6:10
ਸਾਰ 6:11-18
Currently Selected:
ਗਲਾਤੀਯਾ ਭੂਮਿਕਾ: CL-NA
Highlight
Share
ਕਾਪੀ।
Want to have your highlights saved across all your devices? Sign up or sign in
Punjabi Common Language (North American Version):
Text © 2021 Canadian Bible Society and Bible Society of India