2 KORINTE 1
1
Chibaibukna
1Paul, Pasian deihlam a Jesu Krist sawltak leh, i naupa uh Timothi in—-
Korin khua a om Pasian saptuamte leh, Akhaia gam pumpi a misiangthoute jousiah kiang ah:
2Pasian I Pa uh leh I Toupa Jesu Krist kiang a kipan hehpihna leh khamuanna na kiang uah om hen.
Paul in Pasian kiang a kipahthu agenna
3Pasian I Toupa uh Jesu Krist Pa, zahngaihna Pa leh khamuanna jousiah Pasian pahtawi in om hen! 4Pasian in kou ahung khamuanna huamah tawh kou zong haksatna khatpeuh a omte ka khamuan theihna ding un, aman ka thuakgimna jousiah uah ahung khamuan jel hi. 5Ajiak Krist thuakgimnate ka tung ua adimlet bang in, Krist jiak a ka kihehnepna uh zong adimlet hi. 6Tuin thuakgimna a ka om un hiam, ahihkeileh lungmuan a ka om un hiam in zong, hihpen nou hehnepna ding leh hundamna ding ahi a, huapen thuakgimna ka thuak bang uh na thuakzohna ding uh ahi. Ahihkeileh, khamuan a ka om un zong hihpen nou a ding a hehnepna ding leh hundam a na omna ding uh ahi. 7Tualeh nou gimthuakna tangtute nahih bang un, hehnepna tangtute na hi uh chih theiin kung kineppihna uh adet hi.
8Ajiak unaute aw, Asia gam a thuakgimna ka tung ua hungtung pen na theihlouh uh ka deihkei uhi, tuachia hin zong kinem jou nawnlou khop in nasiatak a thuakzoh guallouh a bawlsiat in ka om uhi. #1 Kor. 15.32. 9Ahi, sihna thupukna muta in ka ki ngaihsun ua, hinanleh koumah kimuang jawlou a misite kaithoupa Pasian ka muang jawkna ding uh ahi. 10Aman sihna mulkimhuai lak a pat ahung hunkhiata a, tualeh ahung hunjing a, tualeh ahung hun nalai ding hi chi`n amah ah ka kinem uhi, 11mi tampi a pat a silpiak ka muh jiak ua mi tampi`n kou a ding a kipahthu agen theihna ding un, nou zong kou a dingin thumna in nung na panpih uhi.
Paul in asiltupte akhekna
12Ajiak kou kasuan uh ahihleh hih ahi, ka sia leh pha theihna uh hung theihpih, siangthouna leh Pasian dikna nei in, taksa pilna a hilou in, Pasian hehpihna a hijaw in, leitung ah, adiak in noulam kung nga uhi. 13Ajiak, na sim ua, thei zong natheih uh, tualou ngal na kiang uah thudang bangmah ka gelhkei uhi, tualeh atawp dong a na theihjing uh ka kinem uhi. 14Toupa Jesu ni chiang a nou ka kisuanpihte nung hihding uh bang a, kou zong nou kisuanpihte kung hih ding uh chih theihna kichian nung neih bang un.
15Tualeh hih gintatna neiin, phattuamna anihveina naneih theihna ding un, na kiang uah hungpai masak katum hi. 16Tualeh nou hung tawn malam in Mesidonia gam a paisuak in, tualeh Mesidonia gam a pat na kiang ua hung paikik in, tualeh nou Judea gam lam a kapai nang ah hung panpih le uchin ka chi hi. #Nst. 19.21. 17Tuajiakin, huachibang a ka ngaihsut laiin, bangmah thek louin ka ngaihtuah maw leh? Ahihkeileh ka lungsim a ka silguatte pen taksa thu bang a, “Ahihleh hi,” tualeh “Ahihkeileh hilou,” chi kadiai leh? 18Hinanleh Pasian a thutak bang in, noulam a ka thu uh pen, “Ahi,” chih leh, “Hilou,” chih ahi kei hi. 19Ajiak nalak ua kou, keimah ngei leh Sila leh Timothi in athu ka gen uh, Pasian Tapa, Jesu Krist pen, ahihleh “Hilou,” chih ahi kei a, amah pen “Ahi,” chih ahijaw hi. 20Ajiak Pasian thuchiam jousiah pen amah ah “Ahi,” chih ahi a. Tualeh koujiak a, Pasian thupina dingin amah ah “Amen,” ahi hi. 21Tuin Krist a noutawh hung hihkiptu leh kou sathau hung nuhtu Pasian ahi, 22aman chiam zong ahung chiamtehta a, tualeh i lungtang uah khamna kha zong ahung piata hi.
23Tuathamlou in, ka hinna theihpihtu dingin Pasian ka sam ahi: Korin khua ah hung painawnlou ding ka hi chih thei un. 24Na ginna tung ua thu hung neihkhum hilou in; hinanleh, na kipakna uh panpihtu ka hijaw hi, ajiak ginna in na dingdet uh hi.
Currently Selected:
2 KORINTE 1: THKHBSI
Highlight
Share
ਕਾਪੀ।
Want to have your highlights saved across all your devices? Sign up or sign in
Thangkhal NT - Thukhun Thak
Copyright © 2014 by The Bible Society of India
Used by permission. All rights reserved worldwide.