Zakareya 6
6
Egbaŋɛturko ana na be asheŋ
1Kede be kaman nɛ n naŋ ku bɔrɛdare ko gba n wu egbaŋɛturko ana ko ka shi danyaŋ be abee anyɔ ko be kefɛato a ba. 2Gbaŋɛ peper e daa gberge sososo be gbaŋɛturko na nɛ gbaŋɛ lembir malɛ daa gberge kenyɔsopo na. 3Egbaŋɛ fuful e daa gberge gbaŋɛturko sasopo na nɛ egbaŋɛ muchɛr muchɛr malɛ daa gberge kenasopo na. Egbaŋɛ na kikɛ daa gberge amo eleŋso nna. 4Ndoŋ nna nɛ m bishi malaika na: “Gafrache, egbaŋɛturko ere be kifito a?”
5Nɛ e kaŋɛ: “A yili nna n sa ayoyu ana nɛ a shi Ebɔrɛ nɛ e la Enyɛnpe durnya kikɛ so na kutɔ m ba na.”
6Egbaŋɛ lembir na daa gberge gbaŋɛturko na nna a yɔ Babilɔn be efuli so nɛ k wɔ kelargato be esoso be kaba so na, nɛ egbaŋɛ fuful na malɛ daa yɔ epeŋitɔrkpa be kaba so nɛ bemuchɛr muchɛr na malɛ daa yɔ kelargato be kaseto be kaba so.
7Egbaŋɛ lempoana na ka daŋ lar m ba na b daa fin keyɔ durnya be efuli kama so kenishipereso nna. Ndoŋ nna nɛ malaika na kaŋɛ egbaŋɛ na le: “Meeŋ ya nite ŋ kulti durnya be efuli kikɛ so!” Nɛ b nu nseŋ yɔ. 8Kumo be kaman nɛ malaika na boŋ to ŋ kaŋɛ ma “Egbaŋɛ nɛ a yɔ Babilɔn be efuli so nɛ k wɔ kelargato be esoso be kaba so na e shin nɛ Enyɛnpe Ebɔrɛ na be agbo wushi.”
Joshuwa be kuwurwuro be asheŋ
9Ade be kaman nɛ Enyɛnpe Ebɔrɛ na naŋ kaŋɛ ma le: 10-11“Sɔ shuwa nɛ gbiti be ŋkɛ ashi Helda nɛ Tobija nɛ Jedaya nɛ b la basa nɛ b shi Babilɔn be efuli so m bɛta na kutɔ n wora kuwurwuro. Kumo be kaman nɛ fo nɛ bumo e yɔ Josaya nɛ e la Zefanaiya pibinyɛn na pe n ya ta kuwurwuro na m buu bɔrɛmatapo nimuso Joshuwa nɛ e la Jehozadak pibinyɛn na. 12Kumo be kaman nɛ fo kaŋɛ mo fanɛ Enyɛnpetale Ebɔrɛ na yɛ: ‘Kanyɛn ko beeŋ shi kakpa nɛ fo wɔ ere n lar fanɛ keyimu ka pete na m ba lɔŋɛ Enyɛnpe Ebɔrɛ na be bɔrɛlambu na m pɔr. 13Mo e naŋ pɔr kumo n nya kemaŋkura fanɛ ewura na nseŋ ji mbe basa so kuwura. Mo nɛ bɔrɛmatapo ko beeŋ wora kɔnɔkoŋwule n chɛ abar to n shuŋ kayurwushiso.’ 14Kuwurwuro na beeŋ baa la kanyiŋi be kusɔ bɔrɛlambu na to n sa Heldai nɛ Tobija nɛ Jedaya nɛ Josaya nɛ e la Zefanaiya pibinyɛn na.”
15Basa beeŋ shi efuli wɔfɔ so m ba chɛ to n lɔŋɛ Enyɛnpe Ebɔrɛ na be bɔrɛlambu na m pɔr. B kaŋ lɔŋɛ kumo m pɔr n loge na nɛ feeŋ pin fanɛ Enyɛnpetale Ebɔrɛ na e shuŋi ma. Fo baa wora Enyɛnpe fo Ebɔrɛ na be mbraana kikɛ kasonu, ade kikɛ beeŋ wora m bɔlɔ so ashi fo kebaawɔtɔ to.
Currently Selected:
Zakareya 6: GJNb
Highlight
Share
ਕਾਪੀ।
Want to have your highlights saved across all your devices? Sign up or sign in
© 2015 GILLBT Ghana Institute of Linguistics, Literacy and Bible Translation
Zakareya 6
6
Egbaŋɛturko ana na be asheŋ
1Kede be kaman nɛ n naŋ ku bɔrɛdare ko gba n wu egbaŋɛturko ana ko ka shi danyaŋ be abee anyɔ ko be kefɛato a ba. 2Gbaŋɛ peper e daa gberge sososo be gbaŋɛturko na nɛ gbaŋɛ lembir malɛ daa gberge kenyɔsopo na. 3Egbaŋɛ fuful e daa gberge gbaŋɛturko sasopo na nɛ egbaŋɛ muchɛr muchɛr malɛ daa gberge kenasopo na. Egbaŋɛ na kikɛ daa gberge amo eleŋso nna. 4Ndoŋ nna nɛ m bishi malaika na: “Gafrache, egbaŋɛturko ere be kifito a?”
5Nɛ e kaŋɛ: “A yili nna n sa ayoyu ana nɛ a shi Ebɔrɛ nɛ e la Enyɛnpe durnya kikɛ so na kutɔ m ba na.”
6Egbaŋɛ lembir na daa gberge gbaŋɛturko na nna a yɔ Babilɔn be efuli so nɛ k wɔ kelargato be esoso be kaba so na, nɛ egbaŋɛ fuful na malɛ daa yɔ epeŋitɔrkpa be kaba so nɛ bemuchɛr muchɛr na malɛ daa yɔ kelargato be kaseto be kaba so.
7Egbaŋɛ lempoana na ka daŋ lar m ba na b daa fin keyɔ durnya be efuli kama so kenishipereso nna. Ndoŋ nna nɛ malaika na kaŋɛ egbaŋɛ na le: “Meeŋ ya nite ŋ kulti durnya be efuli kikɛ so!” Nɛ b nu nseŋ yɔ. 8Kumo be kaman nɛ malaika na boŋ to ŋ kaŋɛ ma “Egbaŋɛ nɛ a yɔ Babilɔn be efuli so nɛ k wɔ kelargato be esoso be kaba so na e shin nɛ Enyɛnpe Ebɔrɛ na be agbo wushi.”
Joshuwa be kuwurwuro be asheŋ
9Ade be kaman nɛ Enyɛnpe Ebɔrɛ na naŋ kaŋɛ ma le: 10-11“Sɔ shuwa nɛ gbiti be ŋkɛ ashi Helda nɛ Tobija nɛ Jedaya nɛ b la basa nɛ b shi Babilɔn be efuli so m bɛta na kutɔ n wora kuwurwuro. Kumo be kaman nɛ fo nɛ bumo e yɔ Josaya nɛ e la Zefanaiya pibinyɛn na pe n ya ta kuwurwuro na m buu bɔrɛmatapo nimuso Joshuwa nɛ e la Jehozadak pibinyɛn na. 12Kumo be kaman nɛ fo kaŋɛ mo fanɛ Enyɛnpetale Ebɔrɛ na yɛ: ‘Kanyɛn ko beeŋ shi kakpa nɛ fo wɔ ere n lar fanɛ keyimu ka pete na m ba lɔŋɛ Enyɛnpe Ebɔrɛ na be bɔrɛlambu na m pɔr. 13Mo e naŋ pɔr kumo n nya kemaŋkura fanɛ ewura na nseŋ ji mbe basa so kuwura. Mo nɛ bɔrɛmatapo ko beeŋ wora kɔnɔkoŋwule n chɛ abar to n shuŋ kayurwushiso.’ 14Kuwurwuro na beeŋ baa la kanyiŋi be kusɔ bɔrɛlambu na to n sa Heldai nɛ Tobija nɛ Jedaya nɛ Josaya nɛ e la Zefanaiya pibinyɛn na.”
15Basa beeŋ shi efuli wɔfɔ so m ba chɛ to n lɔŋɛ Enyɛnpe Ebɔrɛ na be bɔrɛlambu na m pɔr. B kaŋ lɔŋɛ kumo m pɔr n loge na nɛ feeŋ pin fanɛ Enyɛnpetale Ebɔrɛ na e shuŋi ma. Fo baa wora Enyɛnpe fo Ebɔrɛ na be mbraana kikɛ kasonu, ade kikɛ beeŋ wora m bɔlɔ so ashi fo kebaawɔtɔ to.
Currently Selected:
:
Highlight
Share
ਕਾਪੀ।
Want to have your highlights saved across all your devices? Sign up or sign in
© 2015 GILLBT Ghana Institute of Linguistics, Literacy and Bible Translation