Zakareya 4
4
Kefitilatɔl be bɔrɛdare be asheŋ
1Ndoŋ nna nɛ malaika nɛ e daa malga ŋ kutɔ na laŋɛ m ba tiŋi ma fanɛ ŋ ka daa di na, 2nseŋ bishi ma le: “Manɛ nɛ fo wu?”
Nɛ ŋ kaŋɛ: “N wu shuwa be kefitilatɔl nɛ ŋku wɔ kurwa to a bɛ kumo be esoso nɛ efitila ashunu wɔ kumo so. Efitila na be kekama kɔ kumo be kechɛbi be kaboŋ nna. 3Ɔlif be ndibi anyɔ ko daa yil m mata kefitilatɔl na be mba anyɔ so nna.” 4Ndoŋ nna nɛ m bishi malaika na le: “Ade ere be kifito e la manɛ?”
5Nɛ e bishi ma le: “Fo maŋ nyi a?”
Nɛ ŋ kaŋɛ: “M-m kowurnyɛn, m maŋ nyi.”
Enyɛnpe Ebɔrɛ ka nase kɔnɔ n sa Zerubabel be asheŋ
6Kumo be kaman nɛ malaika na kaŋɛ fanɛ n ta Enyɛnpetale Ebɔrɛ na be kubɔya ere n sa Zerubabel. E yɛ: “Feeŋ pɔɔ fo doŋana so ama mannɛ kena to be eleŋ ŋko kuwibi to be eleŋ nɛ feeŋ ta ŋ kɔ m pɔɔ bumo so. Ma Kiyoyu na be eleŋ so nɛ feeŋ ta m pɔɔ so.” 7Kusɔ kama nɛ k du fanɛ kebee a kagle fo to beeŋ foe fo anishito. Feeŋ lɔŋɛ bɔrɛlambu na m pɔr. Kachɛ nɛ feeŋ ta lalaloge be berkishi m mɔ kapɔr na so na, basa na kikɛ beeŋ boŋ to awɔrso ŋ kaŋɛ le: “Ebɔrɛ e nɛfa kumo! Ebɔrɛ e nɛfa kumo!”
8Kumo be kaman nɛ Enyɛnpe Ebɔrɛ na naŋ kaŋɛ ma le: 9“Zerubabel e nase bɔrɛlambu na be gbaltɔlase, mo alɛ beeŋ pɔr kumo n loge. Nɛ loŋ kaŋ wora, ma basa beeŋ pin fanɛ ma, Enyɛnpe Ebɔrɛ na, e shuŋi fo bumo kutɔ.
10Bekama nɛ b keni kananɛ asheŋ fara gbrɛ gbrɛbi kabre ere jiga na kaŋ wu kejembu nɛ kumo be asheŋ tir ga ere ka bɔɔ Zerubabel enɔ na, baaŋ ji eyur kagbenefuliso
Kumo be kaman nɛ malaika na naŋ kaŋɛ ma le: Efitilatɔl ashunu na e la Enyɛnpe Ebɔrɛ be anishi ashunu nɛ a bee keni a wu kusɔ kikɛ durnya ere kikɛ to na.”
11Ndoŋ nna nɛ m bishi malaika na le: “Manɛ nɛ ɔlif be ndibi anyɔ nɛ a yil m mata kefitilatɔl na be bena nɛ jisoso na malɛ bee ŋini? 12Manɛ nɛ ɔlif be ndibi be ayabi anyɔ nɛ a mata shuwa be asɔ kulkulso tentembi anyɔ nɛ ɔlif be ŋku bee bɔla amo to a lar na malɛ bee ŋini?”
13Nɛ malaika na bishi ma le: “Fo maŋ nyi amo be afito a?”
Nɛ n yɛ: “M-m kowurnyɛn, m maŋ nyi.”
14Ndoŋ nna nɛ e kaŋɛ: “A yili nna n sa basa anyɔ na nɛ Enyɛnpe Ebɔrɛ na shin nɛ b duga ŋku n do bumo be amu so nseŋ lara bumo n yili fanɛ b baa shuŋ mo ere Ebɔrɛ nɛ e la durnya kikɛ be Enyɛnpe na.”
Currently Selected:
Zakareya 4: GJNb
Highlight
Share
ਕਾਪੀ।
Want to have your highlights saved across all your devices? Sign up or sign in
© 2015 GILLBT Ghana Institute of Linguistics, Literacy and Bible Translation
Zakareya 4
4
Kefitilatɔl be bɔrɛdare be asheŋ
1Ndoŋ nna nɛ malaika nɛ e daa malga ŋ kutɔ na laŋɛ m ba tiŋi ma fanɛ ŋ ka daa di na, 2nseŋ bishi ma le: “Manɛ nɛ fo wu?”
Nɛ ŋ kaŋɛ: “N wu shuwa be kefitilatɔl nɛ ŋku wɔ kurwa to a bɛ kumo be esoso nɛ efitila ashunu wɔ kumo so. Efitila na be kekama kɔ kumo be kechɛbi be kaboŋ nna. 3Ɔlif be ndibi anyɔ ko daa yil m mata kefitilatɔl na be mba anyɔ so nna.” 4Ndoŋ nna nɛ m bishi malaika na le: “Ade ere be kifito e la manɛ?”
5Nɛ e bishi ma le: “Fo maŋ nyi a?”
Nɛ ŋ kaŋɛ: “M-m kowurnyɛn, m maŋ nyi.”
Enyɛnpe Ebɔrɛ ka nase kɔnɔ n sa Zerubabel be asheŋ
6Kumo be kaman nɛ malaika na kaŋɛ fanɛ n ta Enyɛnpetale Ebɔrɛ na be kubɔya ere n sa Zerubabel. E yɛ: “Feeŋ pɔɔ fo doŋana so ama mannɛ kena to be eleŋ ŋko kuwibi to be eleŋ nɛ feeŋ ta ŋ kɔ m pɔɔ bumo so. Ma Kiyoyu na be eleŋ so nɛ feeŋ ta m pɔɔ so.” 7Kusɔ kama nɛ k du fanɛ kebee a kagle fo to beeŋ foe fo anishito. Feeŋ lɔŋɛ bɔrɛlambu na m pɔr. Kachɛ nɛ feeŋ ta lalaloge be berkishi m mɔ kapɔr na so na, basa na kikɛ beeŋ boŋ to awɔrso ŋ kaŋɛ le: “Ebɔrɛ e nɛfa kumo! Ebɔrɛ e nɛfa kumo!”
8Kumo be kaman nɛ Enyɛnpe Ebɔrɛ na naŋ kaŋɛ ma le: 9“Zerubabel e nase bɔrɛlambu na be gbaltɔlase, mo alɛ beeŋ pɔr kumo n loge. Nɛ loŋ kaŋ wora, ma basa beeŋ pin fanɛ ma, Enyɛnpe Ebɔrɛ na, e shuŋi fo bumo kutɔ.
10Bekama nɛ b keni kananɛ asheŋ fara gbrɛ gbrɛbi kabre ere jiga na kaŋ wu kejembu nɛ kumo be asheŋ tir ga ere ka bɔɔ Zerubabel enɔ na, baaŋ ji eyur kagbenefuliso
Kumo be kaman nɛ malaika na naŋ kaŋɛ ma le: Efitilatɔl ashunu na e la Enyɛnpe Ebɔrɛ be anishi ashunu nɛ a bee keni a wu kusɔ kikɛ durnya ere kikɛ to na.”
11Ndoŋ nna nɛ m bishi malaika na le: “Manɛ nɛ ɔlif be ndibi anyɔ nɛ a yil m mata kefitilatɔl na be bena nɛ jisoso na malɛ bee ŋini? 12Manɛ nɛ ɔlif be ndibi be ayabi anyɔ nɛ a mata shuwa be asɔ kulkulso tentembi anyɔ nɛ ɔlif be ŋku bee bɔla amo to a lar na malɛ bee ŋini?”
13Nɛ malaika na bishi ma le: “Fo maŋ nyi amo be afito a?”
Nɛ n yɛ: “M-m kowurnyɛn, m maŋ nyi.”
14Ndoŋ nna nɛ e kaŋɛ: “A yili nna n sa basa anyɔ na nɛ Enyɛnpe Ebɔrɛ na shin nɛ b duga ŋku n do bumo be amu so nseŋ lara bumo n yili fanɛ b baa shuŋ mo ere Ebɔrɛ nɛ e la durnya kikɛ be Enyɛnpe na.”
Currently Selected:
:
Highlight
Share
ਕਾਪੀ।
Want to have your highlights saved across all your devices? Sign up or sign in
© 2015 GILLBT Ghana Institute of Linguistics, Literacy and Bible Translation