Matiu 18
18
Emo nɛ e chɔ ekama be asheŋ
(Maak 9:33-37; Luuk 9:46-48)
1Kumo be jemanɛ na so nɛ bebɛsopo na ba Yesu kutɔ m ba bishi mo: “Ebɔrɛso be kuwura na to nyiŋgbasa mo e chɔ ekama?” 2Ndoŋ nna nɛ e tre kebia ko m ba shin nɛ e yili bumo be anishito 3nseŋ kaŋɛ bumo: “Ma e kaŋɛ menyi kashenteŋto na fanɛ nɛ men baŋ maŋ chɛrga a du fanɛ mbibi, men maaŋ luri ebɔrɛso be kuwura na to kikɛ. 4Amoso, ekama nɛ e bee bar mbe kumu kaseto a du fanɛ kebia ere e chɔ ekama ashi ebɔrɛso be kuwura to. 5Nɛ ekama malɛ nɛ e sɔ le be kebia ere ŋkpal ma so, sɔ ma nna na.”
Asɔ nɛ a bee shin nɛ basa bee wora alubi be asheŋ
(Maak 9:42-48; Luuk 17:1, 2)
6Nɛ ekama malɛ nɛ e shin nɛ le be mbibi nɛ b yirda ma ere be eko wora kulubi, kusɔ nɛ k beeŋ nya amodoŋwura na beeŋ lubi a chɔ b ka ta kuboo gboŋgboŋi n chɛ n shiga mbe kubɔ to nseŋ ta mo n lɛ n wɔtɔ teku be kaboŋ chiŋgeliŋ to nɛ e ji nchu.
7Asheŋ maaŋ nyalɛ n sa durnya ere kikɛ ŋkpal asɔ nɛ a wɔ kumo to a shin nɛ basa bee wora alubi na so. A daga loŋ be asɔ ka ba, ama asheŋ maaŋ nyalɛ n sa nyiŋgbasa kama nɛ a beeŋ bɔla mo so m ba na.
8Nɛ fo enɔ ŋko fo keya bee shin nɛ fee luri alubi to, fo ku kumo n lɛ, ŋkpal manɛ so, fo ka dulgi ŋko fo ka la bobi nseŋ luri ŋkpa to e bɔ fo so a chɔ fo ka kɔ fo enɔ anyɔ nɛ aya anyɔ kikɛ nɛ b ta fo n lɛ edɛ nɛ a maa duŋ kikɛ na to. 9Nɛ fo kenishi malɛ bee shin nɛ fee luri alubi to, fo chule kumo n lɛ, ŋkpal manɛ so, fo ka ta kenishi koŋwule n luri ŋkpa to e bɔ fo so a chɔ fo ka kɔ anishi anyɔ nɛ b ta fo n lɛ Setani be edɛ to.
Kubolpɔ foeso be keŋasa be asheŋ
(Luuk 15:3-7)
10Nɛ Yesu kaŋɛ bumo: “Men baa da so n sa maa fɛl mbibi ere be ekama, ŋkpal manɛ so, ma e kaŋɛ menyi na fanɛ bumo be emalaika wɔ ebɔrɛso nna a wu n Tuto Ebɔrɛ nɛ e wɔ ebɔrɛso na. 11[Ma alɛ, Nyiŋgbasa Pibinyɛn na ba nna nɛ m ba mɔlga basa foeso.]”
12Kede be kaman nɛ e bishi bumo: “Men kaŋɛ ma menyi be nfɛra kesheŋ ere to. Nɛ fanɛ esa ko kɔ mbolpɔ kalfa nɛ kuko bɔla kakpa ko n foe, mbolpɔ na wura maaŋ yige adekpanu nɛ akpanu nɛ a ka na kiyi to nseŋ ya fin kukoŋwule nɛ k bɔla kakpa ko n foe na a? 13Ma e kaŋɛ menyi kashenteŋto na fanɛ, nɛ e baŋ ya wu kumo, mbe kagbene beeŋ fuli mo kukoŋwule na so a chɔ adekpanu nɛ akpanu nɛ a maŋ bɔla kakpa ko n foe kikɛ na. 14To, loŋ koŋwule na gbagba chap nɛ men Tuto nɛ e wɔ ebɔrɛso na gba maa sha fanɛ mbibi ere be ekama e foe ekpa.”
Ekurgepo nɛ e wora kulubi n da fo so be asheŋ
(Luuk 17:3)
15Nɛ fo kurgepo baŋ wora kulubi n da fo so, yɔ mo kutɔ n ya kaŋɛ mo mbe kulubi na fo nɛ mo nawule. Nɛ e baŋ nu n sa fo, kumo ere fo naŋ nya fo kurgepo m mata fo kumu nna na. 16Ama nɛ e baŋ kini kenu n sa fo, keta esa koŋwule ŋko basa anyɔ ko n ti fo kumu so nɛ men yɔ. Saŋɛ na so kusɔ kama beeŋ yili basa anyɔ ŋko basa asa be shɛda be keji so. 17Nɛ e baŋ kini kenu n sa bumo, kaŋɛ asɔriebi na kikɛ. Nɛ e baŋ kini kenu n sa bumo alɛ gba, kumo ere, fo shin nɛ e ki fanɛ kanyamase ŋko lamposɔpo fo kutɔ.
18Ma e kaŋɛ menyi kashenteŋto na fanɛ kusɔ kama nɛ men maŋ sa ekpa fanɛ k wora kasawule ere so, maaŋ wora ashi ebɔrɛso gba. Nɛ kusɔ kama malɛ nɛ men shin nɛ k wora kasawule ere so beeŋ wora loŋ ashi ebɔrɛso gba.
19“Ma alɛ naa kaŋɛ menyi nna fanɛ nɛ menyi benyɔ durnya ere to baŋ wora kɔnɔkoŋwule ŋ kule Ebɔrɛ kusɔ kama, n Tuto nɛ e wɔ ebɔrɛso na beeŋ wora kumo n sa menyi. 20Ŋkpal manɛ so, kaplɛkama nɛ basa anyɔ ŋko besa ba shɛr ma ketre to, n wɔ bumo kutɔ ndoŋ.”
Kenya nɛ e maŋ yige m paŋ na be keŋasa be asheŋ
21Nɛ Pita ba Yesu kutɔ m ba bishi mo le: “Enyɛnpe, ale afanɛ nɛ m barkasa beeŋ wora n da ma so nɛ n ta m paŋ mo? N yige m paŋ mo n ya fo ale ashunu a?” 22Nɛ Yesu kaŋɛ mo: “M-m, ma e kaŋɛ fo na fanɛ mannɛ ale ashunu, ama ale ashunu be ntuŋ ashunu.
23Ŋkpal manɛ so, ebɔrɛso be kuwura na to du fanɛ ewurgboŋ ko ka bee sha mo nɛ mbe nyɛrbi ka wu akɔ nɛ b ji mo be edesekpa nna. 24E ka fara nyɛrbi na be akɔ na be asheŋ na nɛ b bar bumo to be eko ka daŋ ji mo kukɔ fanɛ bɔtɛ ŋgboŋ alfa anyɔ. 25E daa maŋ tiŋ nɛ e ka, amoso, mo nyɛnpe daŋ kaŋɛ nna fanɛ b ta mo nɛ mbe eche nɛ mbe mbia nɛ mbe asɔ kikɛ nyam n fa ŋ ka kukɔ na. 26Ndoŋ nna nɛ kayɛrbi na gbir enyɛnpe na be anishito ŋ kule mo ŋ kaŋɛ: ‘Jande, baa ji ma kanyiti, meeŋ ka kukɔ na kikɛ nyam.’ 27Nɛ kayɛrbi na wura wu mo kuwɔr nseŋ ta kukɔ na kikɛ m paŋ mo nseŋ shin nɛ e yɔ. 28Ama kayɛrbi na ka lar n ya wu mo barkasa kayɛrbi ko malɛ ka ji mo kukɔ fanɛ bɔtɛ koŋwule, nɛ e nyaŋ mbe kubɔ to nsaa ponte mo so a kaŋɛ le: ‘Ka ma kukɔ nɛ fo ji na.’ 29Ndoŋ nna nɛ mo barkasa kayɛrbi na gbir ŋ kule mo kenishipereso ŋ kaŋɛ: ‘Baa ji ma kanyiti, meeŋ ka fo kukɔ na.’ 30Ama e kini mo barkasa na be kekule na nseŋ shin nɛ b ya ti mo barkasa na ebu nɛ e baa wɔ ndoŋ loŋ n ya fo saŋɛ nɛ e beeŋ tiŋ ŋ ka kukɔ na. 31Mo braana nyɛrbi nɛ b ka na ka wu asheŋ nɛ a wora na kikɛ nɛ bumo be ŋgbene jija bumo ga nɛ b ya kaŋɛ bumo nyɛnpe asheŋ nɛ a wora na kikɛ be asheŋ nyam. 32Ndoŋ nna nɛ enyɛnpe na tre kayɛrbi na m ba kaŋɛ mo: ‘Kayɛrbi dalubiwura ere, ŋ kpra fo kukɔ nɛ fo ji ma na kikɛ nyam n lɛ ŋkpal fo ka kule ma kenishipereso so. 33Amoso, a daa maŋ daga fo alɛ gba ka wu fo barkasa kayɛrbi kuwɔr fanɛ kananɛ n wu fo kuwɔr na a?’ 34Ndoŋ nna nɛ agbo pɛ enyɛnpe na ga nɛ e ta mo m bɔɔ kabutipoana na enɔ nɛ e baa wɔ ndoŋ n ya fo saŋɛ nɛ e beeŋ tiŋ ŋ ka kukɔ na kikɛ nyam.” 35Nɛ Yesu kaŋɛ: “To, kananɛ n Tuto nɛ e wɔ ebɔrɛso na beeŋ wora menyi be ekama nna na ama amodoŋwura baa ta asheŋ nɛ mo braana bee wora mo nna a paŋ bumo kashenteŋto.”
Currently Selected:
Matiu 18: GJNb
Highlight
Share
ਕਾਪੀ।
Want to have your highlights saved across all your devices? Sign up or sign in
© 2015 GILLBT Ghana Institute of Linguistics, Literacy and Bible Translation
Matiu 18
18
Emo nɛ e chɔ ekama be asheŋ
(Maak 9:33-37; Luuk 9:46-48)
1Kumo be jemanɛ na so nɛ bebɛsopo na ba Yesu kutɔ m ba bishi mo: “Ebɔrɛso be kuwura na to nyiŋgbasa mo e chɔ ekama?” 2Ndoŋ nna nɛ e tre kebia ko m ba shin nɛ e yili bumo be anishito 3nseŋ kaŋɛ bumo: “Ma e kaŋɛ menyi kashenteŋto na fanɛ nɛ men baŋ maŋ chɛrga a du fanɛ mbibi, men maaŋ luri ebɔrɛso be kuwura na to kikɛ. 4Amoso, ekama nɛ e bee bar mbe kumu kaseto a du fanɛ kebia ere e chɔ ekama ashi ebɔrɛso be kuwura to. 5Nɛ ekama malɛ nɛ e sɔ le be kebia ere ŋkpal ma so, sɔ ma nna na.”
Asɔ nɛ a bee shin nɛ basa bee wora alubi be asheŋ
(Maak 9:42-48; Luuk 17:1, 2)
6Nɛ ekama malɛ nɛ e shin nɛ le be mbibi nɛ b yirda ma ere be eko wora kulubi, kusɔ nɛ k beeŋ nya amodoŋwura na beeŋ lubi a chɔ b ka ta kuboo gboŋgboŋi n chɛ n shiga mbe kubɔ to nseŋ ta mo n lɛ n wɔtɔ teku be kaboŋ chiŋgeliŋ to nɛ e ji nchu.
7Asheŋ maaŋ nyalɛ n sa durnya ere kikɛ ŋkpal asɔ nɛ a wɔ kumo to a shin nɛ basa bee wora alubi na so. A daga loŋ be asɔ ka ba, ama asheŋ maaŋ nyalɛ n sa nyiŋgbasa kama nɛ a beeŋ bɔla mo so m ba na.
8Nɛ fo enɔ ŋko fo keya bee shin nɛ fee luri alubi to, fo ku kumo n lɛ, ŋkpal manɛ so, fo ka dulgi ŋko fo ka la bobi nseŋ luri ŋkpa to e bɔ fo so a chɔ fo ka kɔ fo enɔ anyɔ nɛ aya anyɔ kikɛ nɛ b ta fo n lɛ edɛ nɛ a maa duŋ kikɛ na to. 9Nɛ fo kenishi malɛ bee shin nɛ fee luri alubi to, fo chule kumo n lɛ, ŋkpal manɛ so, fo ka ta kenishi koŋwule n luri ŋkpa to e bɔ fo so a chɔ fo ka kɔ anishi anyɔ nɛ b ta fo n lɛ Setani be edɛ to.
Kubolpɔ foeso be keŋasa be asheŋ
(Luuk 15:3-7)
10Nɛ Yesu kaŋɛ bumo: “Men baa da so n sa maa fɛl mbibi ere be ekama, ŋkpal manɛ so, ma e kaŋɛ menyi na fanɛ bumo be emalaika wɔ ebɔrɛso nna a wu n Tuto Ebɔrɛ nɛ e wɔ ebɔrɛso na. 11[Ma alɛ, Nyiŋgbasa Pibinyɛn na ba nna nɛ m ba mɔlga basa foeso.]”
12Kede be kaman nɛ e bishi bumo: “Men kaŋɛ ma menyi be nfɛra kesheŋ ere to. Nɛ fanɛ esa ko kɔ mbolpɔ kalfa nɛ kuko bɔla kakpa ko n foe, mbolpɔ na wura maaŋ yige adekpanu nɛ akpanu nɛ a ka na kiyi to nseŋ ya fin kukoŋwule nɛ k bɔla kakpa ko n foe na a? 13Ma e kaŋɛ menyi kashenteŋto na fanɛ, nɛ e baŋ ya wu kumo, mbe kagbene beeŋ fuli mo kukoŋwule na so a chɔ adekpanu nɛ akpanu nɛ a maŋ bɔla kakpa ko n foe kikɛ na. 14To, loŋ koŋwule na gbagba chap nɛ men Tuto nɛ e wɔ ebɔrɛso na gba maa sha fanɛ mbibi ere be ekama e foe ekpa.”
Ekurgepo nɛ e wora kulubi n da fo so be asheŋ
(Luuk 17:3)
15Nɛ fo kurgepo baŋ wora kulubi n da fo so, yɔ mo kutɔ n ya kaŋɛ mo mbe kulubi na fo nɛ mo nawule. Nɛ e baŋ nu n sa fo, kumo ere fo naŋ nya fo kurgepo m mata fo kumu nna na. 16Ama nɛ e baŋ kini kenu n sa fo, keta esa koŋwule ŋko basa anyɔ ko n ti fo kumu so nɛ men yɔ. Saŋɛ na so kusɔ kama beeŋ yili basa anyɔ ŋko basa asa be shɛda be keji so. 17Nɛ e baŋ kini kenu n sa bumo, kaŋɛ asɔriebi na kikɛ. Nɛ e baŋ kini kenu n sa bumo alɛ gba, kumo ere, fo shin nɛ e ki fanɛ kanyamase ŋko lamposɔpo fo kutɔ.
18Ma e kaŋɛ menyi kashenteŋto na fanɛ kusɔ kama nɛ men maŋ sa ekpa fanɛ k wora kasawule ere so, maaŋ wora ashi ebɔrɛso gba. Nɛ kusɔ kama malɛ nɛ men shin nɛ k wora kasawule ere so beeŋ wora loŋ ashi ebɔrɛso gba.
19“Ma alɛ naa kaŋɛ menyi nna fanɛ nɛ menyi benyɔ durnya ere to baŋ wora kɔnɔkoŋwule ŋ kule Ebɔrɛ kusɔ kama, n Tuto nɛ e wɔ ebɔrɛso na beeŋ wora kumo n sa menyi. 20Ŋkpal manɛ so, kaplɛkama nɛ basa anyɔ ŋko besa ba shɛr ma ketre to, n wɔ bumo kutɔ ndoŋ.”
Kenya nɛ e maŋ yige m paŋ na be keŋasa be asheŋ
21Nɛ Pita ba Yesu kutɔ m ba bishi mo le: “Enyɛnpe, ale afanɛ nɛ m barkasa beeŋ wora n da ma so nɛ n ta m paŋ mo? N yige m paŋ mo n ya fo ale ashunu a?” 22Nɛ Yesu kaŋɛ mo: “M-m, ma e kaŋɛ fo na fanɛ mannɛ ale ashunu, ama ale ashunu be ntuŋ ashunu.
23Ŋkpal manɛ so, ebɔrɛso be kuwura na to du fanɛ ewurgboŋ ko ka bee sha mo nɛ mbe nyɛrbi ka wu akɔ nɛ b ji mo be edesekpa nna. 24E ka fara nyɛrbi na be akɔ na be asheŋ na nɛ b bar bumo to be eko ka daŋ ji mo kukɔ fanɛ bɔtɛ ŋgboŋ alfa anyɔ. 25E daa maŋ tiŋ nɛ e ka, amoso, mo nyɛnpe daŋ kaŋɛ nna fanɛ b ta mo nɛ mbe eche nɛ mbe mbia nɛ mbe asɔ kikɛ nyam n fa ŋ ka kukɔ na. 26Ndoŋ nna nɛ kayɛrbi na gbir enyɛnpe na be anishito ŋ kule mo ŋ kaŋɛ: ‘Jande, baa ji ma kanyiti, meeŋ ka kukɔ na kikɛ nyam.’ 27Nɛ kayɛrbi na wura wu mo kuwɔr nseŋ ta kukɔ na kikɛ m paŋ mo nseŋ shin nɛ e yɔ. 28Ama kayɛrbi na ka lar n ya wu mo barkasa kayɛrbi ko malɛ ka ji mo kukɔ fanɛ bɔtɛ koŋwule, nɛ e nyaŋ mbe kubɔ to nsaa ponte mo so a kaŋɛ le: ‘Ka ma kukɔ nɛ fo ji na.’ 29Ndoŋ nna nɛ mo barkasa kayɛrbi na gbir ŋ kule mo kenishipereso ŋ kaŋɛ: ‘Baa ji ma kanyiti, meeŋ ka fo kukɔ na.’ 30Ama e kini mo barkasa na be kekule na nseŋ shin nɛ b ya ti mo barkasa na ebu nɛ e baa wɔ ndoŋ loŋ n ya fo saŋɛ nɛ e beeŋ tiŋ ŋ ka kukɔ na. 31Mo braana nyɛrbi nɛ b ka na ka wu asheŋ nɛ a wora na kikɛ nɛ bumo be ŋgbene jija bumo ga nɛ b ya kaŋɛ bumo nyɛnpe asheŋ nɛ a wora na kikɛ be asheŋ nyam. 32Ndoŋ nna nɛ enyɛnpe na tre kayɛrbi na m ba kaŋɛ mo: ‘Kayɛrbi dalubiwura ere, ŋ kpra fo kukɔ nɛ fo ji ma na kikɛ nyam n lɛ ŋkpal fo ka kule ma kenishipereso so. 33Amoso, a daa maŋ daga fo alɛ gba ka wu fo barkasa kayɛrbi kuwɔr fanɛ kananɛ n wu fo kuwɔr na a?’ 34Ndoŋ nna nɛ agbo pɛ enyɛnpe na ga nɛ e ta mo m bɔɔ kabutipoana na enɔ nɛ e baa wɔ ndoŋ n ya fo saŋɛ nɛ e beeŋ tiŋ ŋ ka kukɔ na kikɛ nyam.” 35Nɛ Yesu kaŋɛ: “To, kananɛ n Tuto nɛ e wɔ ebɔrɛso na beeŋ wora menyi be ekama nna na ama amodoŋwura baa ta asheŋ nɛ mo braana bee wora mo nna a paŋ bumo kashenteŋto.”
Currently Selected:
:
Highlight
Share
ਕਾਪੀ।
Want to have your highlights saved across all your devices? Sign up or sign in
© 2015 GILLBT Ghana Institute of Linguistics, Literacy and Bible Translation