Matiu 16
16
B ka kule Yesu kemamachisheŋ be kewora be asheŋ
(Maak 8:11-13; Luuk 12:54-56)
1Kachako Efarisiana ko nɛ Esadusiana ko ba Yesu kutɔ m ba kaa sha kewora mo ŋ keni nseŋ kule mo fanɛ e wora mamachi be kesheŋ ko nɛ k shi ebɔrɛso. 2Nɛ Yesu kaŋɛ: “Saŋko kaaseso menyee kaa kaŋɛ nna fanɛ kaboŋ bee sha kewushito nna na a walɛbi ŋkpal men ka wu awɔlpa ka kpata to so. 3Kumo be ŋklade nɛ men naŋ kaŋɛ: ‘Bɔrɛ bee sha keba nna na,’ ŋkpal men ka wu awɔlpa ka pere m biri to so. Menyee tiŋ a keni awɔlpa so a pin kananɛ a du be afito, ama men maaŋ tiŋ ŋ keni asheŋ nɛ a bee wora jemanɛ ere to ere m pin amo be afito. 4Ama mbreebi be alubi nɛ kabɔrɛkini shi bumo to bre. B yɛ fanɛ n wora mamachi be kesheŋ ko ŋ ŋini fanɛ Ebɔrɛ wɔ ma kaman, ama b maaŋ nya shɛŋ n wu she anebi Jona be mamachi be kesheŋ na nawule.” Kede be kaman nɛ e yige bumo nseŋ yɔ.
Efarisiana nɛ Esadusiana be yiisi be asheŋ
(Maak 8:14-21)
5Bebɛsopo na ka daŋ choŋ kepagboŋ na ase be kaba ndoŋ, b maŋ nyiŋi n ta bodobodo kama n ti so. 6B ka yɔ ndoŋ na nɛ Yesu kaŋɛ bumo le: “Men baa keni so nɛnɛ a de Efarisiana na nɛ Esadusiana na be yiisi so.” 7Ndoŋ nna nɛ b fara a malga kumo be asheŋ a sa abar: “An ka maŋ bar bodobodo so nɛ e bee malga loŋ na.” 8Yesu ka pin kusɔ nɛ b daa malga na nɛ e bishi bumo: “Manɛ e ba nɛ menyee malga abar kutɔ a kaŋɛ men ka maŋ kɔ bodobodo be asheŋ. Men be yirda du fimbi pasaa. 9Hale mbre men maŋ naŋ pin to a? Men teŋ so saŋɛ nɛ n daŋ buri ebodobodo anu to n sa benyɛn ŋgboŋ anu na a? Ejiŋka nlantaŋɛ afanɛ nɛ men daŋ tise na? 10Nɛ ŋ ka daŋ buri ebodobodo ashunu to n sa benyɛn ŋgboŋ ana na, ejiŋka nlantaŋɛ afanɛ nɛ men daŋ tise na? 11Nɛ a ji nuso nna nɛ men maŋ pin fanɛ mannɛ bodobodo so nɛ n daŋ kpal a malga menyi kutɔ? Men baa keni men be amu so nɛnɛ a de Efarisiana nɛ Esadusiana be yiisi so.” 12Kede be kaman pɔɛŋ nɛ bebɛsopo na pin fanɛ e daa maa kaŋɛ bumo nna fanɛ b baa de yiisi mo nɛ b kɔ a wora bodobodo na so, ama Efarisiana nɛ Esadusiana na be asheŋ ŋiniso nɛ e daa de.
Esa nɛ Pita kaŋɛ Yesu ka la be asheŋ
(Maak 8:27-30; Luuk 9:18-21)
13Nɛ Yesu yɔ kasawule nɛ k taga to Sizariya Filipai be kade to na to. Ndoŋ nɛ e bishi mbe bebɛsopo le: “Esa mo nɛ basa bee tre ma, Nyiŋgbasa Pibinyɛn?” 14Nɛ b kaŋɛ mo: “Beko bee tre fo Jɔn kabɔrɛbɛrpo nna. Beko malɛ bee kaŋɛ fanɛ anebi Elaija e la fo nɛ beko malɛ bee tre fo anebi Jɛremaya ŋko anebi ko.” 15Nɛ Yesu naŋ bishi bumo: “Nɛ menyi alɛ ai? Esa mo nɛ menyee tre ma?” 16Nɛ Saimɔn Pita kaŋɛ: “Fo e la Kristo, Ebɔrɛ nɛ e wɔ ŋkpa to Pibinyɛn na.” 17Nɛ Yesu kaŋɛ mo: “Mbo, Jɔn pibinyɛn Saimɔn, ŋkpal manɛ so, le be kashenteŋ be kamalga ere maŋ shi nyiŋgbasa ko kutɔ nna m ba fo to. N Tuto nɛ e wɔ ebɔrɛso na gbagba kutɔ nɛ k shi. 18Ma alɛ e kaŋɛ fo na fanɛ fo e la Pita, kefalta. Le be kefalta malɛ so nɛ meeŋ pɔr ma asɔri nɛ luwu be eleŋ gba e pɔɔ kumo so ŋ gben. 19Meeŋ sa fo ebɔrɛso be kuwura na be kebugi nɛ keti be eleŋ. Kusɔ kama nɛ fo maŋ sa ekpa fanɛ k wora kasawule ere so maaŋ wora ashi ebɔrɛso gba. Kusɔ kama malɛ nɛ fo shin nɛ k wora kasawule ere so beeŋ wora loŋ ashi ebɔrɛso gba.” 20Ade be kaman nɛ Yesu ji mbe bebɛsopo na asoe to kpakpa fanɛ b sa maŋ kaŋɛ esa kikɛ fanɛ mo e la Kristo na.
Yesu ka malga mbe awurfoŋ nɛ mbe luwu be asheŋ
(Maak 8:31—9:1; Luuk 9:22-27)
21Yili kumo be kamɔnchɛ na a yɔ nɛ Yesu fara a ŋini mbe bebɛsopo na le: “A daga ŋ ka yɔ Jerusalɛm n ya ji awurfoŋ ga benimuana nɛ bɔrɛmatapowuraana nɛ mbraŋinipoana na be enɔ to. Baaŋ mɔ ma nɛ n tiŋi luwu na to kumo be kachɛ sasopo to.” 22Ndoŋ nna nɛ Pita keta mo n lar ekarso n ya fara nɛ e fiɛ mo so a kaŋɛ: “Enyɛnpe, Ebɔrɛ e yɛr kusɔ nɛ fo kaŋɛ na kufɔ. Loŋ be kesheŋ maŋ daga k kaa nya fo kikɛ.” 23Nɛ Yesu kilgi ŋ kaŋɛ Pita le: “Shile ashi ma so Setani. Fee kagle ma to nna na, ŋkpal manɛ so, fo nfɛra ere la nyiŋgbasa be nfɛra nna a maŋ la Ebɔrɛ peya.” 24Kede be kaman nɛ Yesu kaŋɛ mbe bebɛsopo na: “Ekama nɛ e bee sha kebɛ ma so, a daga e ka teŋ mbe kumu so nseŋ sulɔ mbe kedibi largato m bɛ ma so. 25Ŋkpal manɛ so, esa kama nɛ e bee sha mbe ŋkpa ga beeŋ paŋ kumo, ama ekama nɛ e paŋ mbe ŋkpa ŋkpal ma so beeŋ nya kumo. 26Nɛ fanɛ durnya kikɛ ki esa peya nɛ e paŋ mbe ŋkpa, manɛ be tɔnɔ nɛ e nya ŋko manɛ nɛ esa beeŋ tiŋ n ta n chɛr mbe ŋkpa? 27Ma, Nyiŋgbasa Pibinyɛn beeŋ keta ma emalaika na nɛ n Tuto be kemaŋkura m ba nseŋ ba yili ekama be ashuŋ nɛ e wora so ŋ ka mo kukɔ. 28Ma e kaŋɛ menyi kashenteŋto na fanɛ basa ko wɔ nfe a maaŋ wu she b wu ma, Nyiŋgbasa Pibinyɛn ka ba fanɛ Ewura nna pɔɛŋ.”
Currently Selected:
Matiu 16: GJNb
Highlight
Share
ਕਾਪੀ।
Want to have your highlights saved across all your devices? Sign up or sign in
© 2015 GILLBT Ghana Institute of Linguistics, Literacy and Bible Translation
Matiu 16
16
B ka kule Yesu kemamachisheŋ be kewora be asheŋ
(Maak 8:11-13; Luuk 12:54-56)
1Kachako Efarisiana ko nɛ Esadusiana ko ba Yesu kutɔ m ba kaa sha kewora mo ŋ keni nseŋ kule mo fanɛ e wora mamachi be kesheŋ ko nɛ k shi ebɔrɛso. 2Nɛ Yesu kaŋɛ: “Saŋko kaaseso menyee kaa kaŋɛ nna fanɛ kaboŋ bee sha kewushito nna na a walɛbi ŋkpal men ka wu awɔlpa ka kpata to so. 3Kumo be ŋklade nɛ men naŋ kaŋɛ: ‘Bɔrɛ bee sha keba nna na,’ ŋkpal men ka wu awɔlpa ka pere m biri to so. Menyee tiŋ a keni awɔlpa so a pin kananɛ a du be afito, ama men maaŋ tiŋ ŋ keni asheŋ nɛ a bee wora jemanɛ ere to ere m pin amo be afito. 4Ama mbreebi be alubi nɛ kabɔrɛkini shi bumo to bre. B yɛ fanɛ n wora mamachi be kesheŋ ko ŋ ŋini fanɛ Ebɔrɛ wɔ ma kaman, ama b maaŋ nya shɛŋ n wu she anebi Jona be mamachi be kesheŋ na nawule.” Kede be kaman nɛ e yige bumo nseŋ yɔ.
Efarisiana nɛ Esadusiana be yiisi be asheŋ
(Maak 8:14-21)
5Bebɛsopo na ka daŋ choŋ kepagboŋ na ase be kaba ndoŋ, b maŋ nyiŋi n ta bodobodo kama n ti so. 6B ka yɔ ndoŋ na nɛ Yesu kaŋɛ bumo le: “Men baa keni so nɛnɛ a de Efarisiana na nɛ Esadusiana na be yiisi so.” 7Ndoŋ nna nɛ b fara a malga kumo be asheŋ a sa abar: “An ka maŋ bar bodobodo so nɛ e bee malga loŋ na.” 8Yesu ka pin kusɔ nɛ b daa malga na nɛ e bishi bumo: “Manɛ e ba nɛ menyee malga abar kutɔ a kaŋɛ men ka maŋ kɔ bodobodo be asheŋ. Men be yirda du fimbi pasaa. 9Hale mbre men maŋ naŋ pin to a? Men teŋ so saŋɛ nɛ n daŋ buri ebodobodo anu to n sa benyɛn ŋgboŋ anu na a? Ejiŋka nlantaŋɛ afanɛ nɛ men daŋ tise na? 10Nɛ ŋ ka daŋ buri ebodobodo ashunu to n sa benyɛn ŋgboŋ ana na, ejiŋka nlantaŋɛ afanɛ nɛ men daŋ tise na? 11Nɛ a ji nuso nna nɛ men maŋ pin fanɛ mannɛ bodobodo so nɛ n daŋ kpal a malga menyi kutɔ? Men baa keni men be amu so nɛnɛ a de Efarisiana nɛ Esadusiana be yiisi so.” 12Kede be kaman pɔɛŋ nɛ bebɛsopo na pin fanɛ e daa maa kaŋɛ bumo nna fanɛ b baa de yiisi mo nɛ b kɔ a wora bodobodo na so, ama Efarisiana nɛ Esadusiana na be asheŋ ŋiniso nɛ e daa de.
Esa nɛ Pita kaŋɛ Yesu ka la be asheŋ
(Maak 8:27-30; Luuk 9:18-21)
13Nɛ Yesu yɔ kasawule nɛ k taga to Sizariya Filipai be kade to na to. Ndoŋ nɛ e bishi mbe bebɛsopo le: “Esa mo nɛ basa bee tre ma, Nyiŋgbasa Pibinyɛn?” 14Nɛ b kaŋɛ mo: “Beko bee tre fo Jɔn kabɔrɛbɛrpo nna. Beko malɛ bee kaŋɛ fanɛ anebi Elaija e la fo nɛ beko malɛ bee tre fo anebi Jɛremaya ŋko anebi ko.” 15Nɛ Yesu naŋ bishi bumo: “Nɛ menyi alɛ ai? Esa mo nɛ menyee tre ma?” 16Nɛ Saimɔn Pita kaŋɛ: “Fo e la Kristo, Ebɔrɛ nɛ e wɔ ŋkpa to Pibinyɛn na.” 17Nɛ Yesu kaŋɛ mo: “Mbo, Jɔn pibinyɛn Saimɔn, ŋkpal manɛ so, le be kashenteŋ be kamalga ere maŋ shi nyiŋgbasa ko kutɔ nna m ba fo to. N Tuto nɛ e wɔ ebɔrɛso na gbagba kutɔ nɛ k shi. 18Ma alɛ e kaŋɛ fo na fanɛ fo e la Pita, kefalta. Le be kefalta malɛ so nɛ meeŋ pɔr ma asɔri nɛ luwu be eleŋ gba e pɔɔ kumo so ŋ gben. 19Meeŋ sa fo ebɔrɛso be kuwura na be kebugi nɛ keti be eleŋ. Kusɔ kama nɛ fo maŋ sa ekpa fanɛ k wora kasawule ere so maaŋ wora ashi ebɔrɛso gba. Kusɔ kama malɛ nɛ fo shin nɛ k wora kasawule ere so beeŋ wora loŋ ashi ebɔrɛso gba.” 20Ade be kaman nɛ Yesu ji mbe bebɛsopo na asoe to kpakpa fanɛ b sa maŋ kaŋɛ esa kikɛ fanɛ mo e la Kristo na.
Yesu ka malga mbe awurfoŋ nɛ mbe luwu be asheŋ
(Maak 8:31—9:1; Luuk 9:22-27)
21Yili kumo be kamɔnchɛ na a yɔ nɛ Yesu fara a ŋini mbe bebɛsopo na le: “A daga ŋ ka yɔ Jerusalɛm n ya ji awurfoŋ ga benimuana nɛ bɔrɛmatapowuraana nɛ mbraŋinipoana na be enɔ to. Baaŋ mɔ ma nɛ n tiŋi luwu na to kumo be kachɛ sasopo to.” 22Ndoŋ nna nɛ Pita keta mo n lar ekarso n ya fara nɛ e fiɛ mo so a kaŋɛ: “Enyɛnpe, Ebɔrɛ e yɛr kusɔ nɛ fo kaŋɛ na kufɔ. Loŋ be kesheŋ maŋ daga k kaa nya fo kikɛ.” 23Nɛ Yesu kilgi ŋ kaŋɛ Pita le: “Shile ashi ma so Setani. Fee kagle ma to nna na, ŋkpal manɛ so, fo nfɛra ere la nyiŋgbasa be nfɛra nna a maŋ la Ebɔrɛ peya.” 24Kede be kaman nɛ Yesu kaŋɛ mbe bebɛsopo na: “Ekama nɛ e bee sha kebɛ ma so, a daga e ka teŋ mbe kumu so nseŋ sulɔ mbe kedibi largato m bɛ ma so. 25Ŋkpal manɛ so, esa kama nɛ e bee sha mbe ŋkpa ga beeŋ paŋ kumo, ama ekama nɛ e paŋ mbe ŋkpa ŋkpal ma so beeŋ nya kumo. 26Nɛ fanɛ durnya kikɛ ki esa peya nɛ e paŋ mbe ŋkpa, manɛ be tɔnɔ nɛ e nya ŋko manɛ nɛ esa beeŋ tiŋ n ta n chɛr mbe ŋkpa? 27Ma, Nyiŋgbasa Pibinyɛn beeŋ keta ma emalaika na nɛ n Tuto be kemaŋkura m ba nseŋ ba yili ekama be ashuŋ nɛ e wora so ŋ ka mo kukɔ. 28Ma e kaŋɛ menyi kashenteŋto na fanɛ basa ko wɔ nfe a maaŋ wu she b wu ma, Nyiŋgbasa Pibinyɛn ka ba fanɛ Ewura nna pɔɛŋ.”
Currently Selected:
:
Highlight
Share
ਕਾਪੀ।
Want to have your highlights saved across all your devices? Sign up or sign in
© 2015 GILLBT Ghana Institute of Linguistics, Literacy and Bible Translation