1 KORINT 9
9
Amüsüh-thsangyurü Alim tüsho Rhimobo
1I zuzu müla de? I amüsühthsangyurü yung de? Inü isa Atungpuh Jisu müngü düpü? Nüsa ju inü Atungpuh lung rhimokhitkhi yung de? 2I ju püpürü ki amüsühthsangyurü yunga lalashe, nüsa ki I ju ah; tümüde nüsa ju I Atungpuh lung amüsüh-thsangyurü thsükhi mütsanyüm ah.
3I chikhirübo ki I chilo yu ha lah. 4I rhimokhi dün tsühyungbe ngükhi ju alungki yung de? 5Püpürü amüsüh-thsangyurübo tüsho Atungpuh lung keoniorübo le Kephasnü arhimokhi nangde Khristan niuberü khülangnü I atrupü alungki yung de? 6Yungsho rhangdung lapü thsungkheaknü Barnaba tüsho inü lang arhimopü la de? 7Shepünü nihbuh küdahnü bahzübahdode bonungrü rhimo thsücho? Shepünü aso asokhi mütsühde kurungasolu thsücho? Shepünü niuhke müyungde mihnu boto neakcho?
8Inü ha mihtsürü thiyukhümsühmüh chingnü thacho de? Yakzannü ju ruk mütha de? 9#1 Tim 5.18Tümüde ha Mosa yakzan ching thrüta lah, “Moshipungnü hi nitchoki nünü amün dürümdojih.” Thrünpuhnü ju moshipungbo dünkheak lümcho shi? 10Atsütsü apinü isa dünkheak thachoh yung de? Ha isa dünkheak thrüta lah, tümütüsho wochakrü tüsho yimlurünü hi shihcham ching mulonglamde arhimobeah. 11#Rom 15.27Isanü nüsa bolung me müjih hiudo. Isanü nüsa kukruk alü thsüde yimlukhi ju hihdakla de? 12Püpürübo nüsa kheaknü arung ngüpü ha alim lasho, isa a alünü mülabea de?
Judüalalashe, isanü ha alim mahori. Tüshe Khrista thiyusheakatsü limro müyihdopü isanü lüpdükhi arümkheam. 13Arüngyam ching rhimorübo arüngyam chingnü arü tsühyungbe ngüchoh tüsho kingaün sadam kheak tankihrü shuhmülanga kingaünkhi chingnü shihcham ngüchoh de nüsanü mümükheah de? 14#Mt 10.10; Lk 10.7Junangde sherü thiyusheak-atsü zhiyukchonü thiyusheak-atsü hode arü rhangdung lapü ngübah de Atungpuhnü thiyukhüm jih.
15Tüshe inü harü alimbo mahori, yungsho hadürü ngüpü inü müthrüt. Khürünü kükheangde junoshihpü dün a I ashekhi atsübe labah. 16Tümüde inü thiyusheak-atsü thsangyuthsangrasho ju inü akükheangpü müla, tümütüsho yihnüpü lakhi I kheak yihkihjih. Inü thiyusheak-atsü müthsangyuthsangrasho I are! 17Tümüde inü ha akeangnü rhimosho, I thsambah khülang lah; tüshe akeangnü yungsho, I a le athiyikhi rhimo lang rhimochoh. 18Dale tüsho I thsambah tümü a? Ha lang ah: thiyusheak-atsü ching I alim müthade akeangnü thiyusheak-atsü thsangyuthsangrachoh.
19Tümütüsho mihtsürü alala kheaknü I zuzu lalashe, alü bedarüpü thsüde I küdah thsüde alala azhorü kam. 20Jihudarübo bedarüpü thsüde Jihudarübo ki I Jihudarü kam; I yakzan bukkhüp mülalashe yakzan bukkhüp larü bedarüpü thsüde arü ki I yakzan bukkhüp larü khülang kam. 21Yakzan mülarübo ki arü bedarüpü thsüde, Thrünpuh kilim yakzan mülakhi yung tüshe Khrista yakzan bukkhüp I ju yakzan mülarü khülang kam. 22Reangmüzahrü ki arü bedarüpü I reangmüzahde kam. Inü khürü khümkhitpü thsüde mihtsürü alala ki I ju ruk kam. 23Inü ha alala thiyusheak-atsü dünkheaknü rhimochoh, junangde inü ju müngühmühi ching berungbah.
24Alihachihkhi ching alihrü alalanü alihchoh, tüshe khülangnü lang thsambah ngüchoh de nüsanü mümükheah de? Thsambah ngüpü thsüde alihang. 25Jukthülahrü abannü zangrü danyukkhi chingnü ahorichoh. Arü ju adükheakbe kuthran ngüpü rhimochoh, tüshe isa a müdükheakbe lah. 26Jumonü lümkhi müladüa malihchoh, khürünü apung ching shangkhi nangde inü müshangchoh; 27azhihachihpü püpürü jibah dunglim I müthülünde kambah mütsüle inü I pang shangde düküngshihchoh tüsho inü danyuka zochoh.
Currently Selected:
1 KORINT 9: YIMCBSI
Highlight
Share
ਕਾਪੀ।
Want to have your highlights saved across all your devices? Sign up or sign in
Yimkhiung Naga CL Bible - AMÜSÜH HÜM
Copyright © 2008 by The Bible Society of India
Used by permission. All rights reserved worldwide.
1 KORINT 9
9
Amüsüh-thsangyurü Alim tüsho Rhimobo
1I zuzu müla de? I amüsühthsangyurü yung de? Inü isa Atungpuh Jisu müngü düpü? Nüsa ju inü Atungpuh lung rhimokhitkhi yung de? 2I ju püpürü ki amüsühthsangyurü yunga lalashe, nüsa ki I ju ah; tümüde nüsa ju I Atungpuh lung amüsüh-thsangyurü thsükhi mütsanyüm ah.
3I chikhirübo ki I chilo yu ha lah. 4I rhimokhi dün tsühyungbe ngükhi ju alungki yung de? 5Püpürü amüsüh-thsangyurübo tüsho Atungpuh lung keoniorübo le Kephasnü arhimokhi nangde Khristan niuberü khülangnü I atrupü alungki yung de? 6Yungsho rhangdung lapü thsungkheaknü Barnaba tüsho inü lang arhimopü la de? 7Shepünü nihbuh küdahnü bahzübahdode bonungrü rhimo thsücho? Shepünü aso asokhi mütsühde kurungasolu thsücho? Shepünü niuhke müyungde mihnu boto neakcho?
8Inü ha mihtsürü thiyukhümsühmüh chingnü thacho de? Yakzannü ju ruk mütha de? 9#1 Tim 5.18Tümüde ha Mosa yakzan ching thrüta lah, “Moshipungnü hi nitchoki nünü amün dürümdojih.” Thrünpuhnü ju moshipungbo dünkheak lümcho shi? 10Atsütsü apinü isa dünkheak thachoh yung de? Ha isa dünkheak thrüta lah, tümütüsho wochakrü tüsho yimlurünü hi shihcham ching mulonglamde arhimobeah. 11#Rom 15.27Isanü nüsa bolung me müjih hiudo. Isanü nüsa kukruk alü thsüde yimlukhi ju hihdakla de? 12Püpürübo nüsa kheaknü arung ngüpü ha alim lasho, isa a alünü mülabea de?
Judüalalashe, isanü ha alim mahori. Tüshe Khrista thiyusheakatsü limro müyihdopü isanü lüpdükhi arümkheam. 13Arüngyam ching rhimorübo arüngyam chingnü arü tsühyungbe ngüchoh tüsho kingaün sadam kheak tankihrü shuhmülanga kingaünkhi chingnü shihcham ngüchoh de nüsanü mümükheah de? 14#Mt 10.10; Lk 10.7Junangde sherü thiyusheak-atsü zhiyukchonü thiyusheak-atsü hode arü rhangdung lapü ngübah de Atungpuhnü thiyukhüm jih.
15Tüshe inü harü alimbo mahori, yungsho hadürü ngüpü inü müthrüt. Khürünü kükheangde junoshihpü dün a I ashekhi atsübe labah. 16Tümüde inü thiyusheak-atsü thsangyuthsangrasho ju inü akükheangpü müla, tümütüsho yihnüpü lakhi I kheak yihkihjih. Inü thiyusheak-atsü müthsangyuthsangrasho I are! 17Tümüde inü ha akeangnü rhimosho, I thsambah khülang lah; tüshe akeangnü yungsho, I a le athiyikhi rhimo lang rhimochoh. 18Dale tüsho I thsambah tümü a? Ha lang ah: thiyusheak-atsü ching I alim müthade akeangnü thiyusheak-atsü thsangyuthsangrachoh.
19Tümütüsho mihtsürü alala kheaknü I zuzu lalashe, alü bedarüpü thsüde I küdah thsüde alala azhorü kam. 20Jihudarübo bedarüpü thsüde Jihudarübo ki I Jihudarü kam; I yakzan bukkhüp mülalashe yakzan bukkhüp larü bedarüpü thsüde arü ki I yakzan bukkhüp larü khülang kam. 21Yakzan mülarübo ki arü bedarüpü thsüde, Thrünpuh kilim yakzan mülakhi yung tüshe Khrista yakzan bukkhüp I ju yakzan mülarü khülang kam. 22Reangmüzahrü ki arü bedarüpü I reangmüzahde kam. Inü khürü khümkhitpü thsüde mihtsürü alala ki I ju ruk kam. 23Inü ha alala thiyusheak-atsü dünkheaknü rhimochoh, junangde inü ju müngühmühi ching berungbah.
24Alihachihkhi ching alihrü alalanü alihchoh, tüshe khülangnü lang thsambah ngüchoh de nüsanü mümükheah de? Thsambah ngüpü thsüde alihang. 25Jukthülahrü abannü zangrü danyukkhi chingnü ahorichoh. Arü ju adükheakbe kuthran ngüpü rhimochoh, tüshe isa a müdükheakbe lah. 26Jumonü lümkhi müladüa malihchoh, khürünü apung ching shangkhi nangde inü müshangchoh; 27azhihachihpü püpürü jibah dunglim I müthülünde kambah mütsüle inü I pang shangde düküngshihchoh tüsho inü danyuka zochoh.
Currently Selected:
:
Highlight
Share
ਕਾਪੀ।
Want to have your highlights saved across all your devices? Sign up or sign in
Yimkhiung Naga CL Bible - AMÜSÜH HÜM
Copyright © 2008 by The Bible Society of India
Used by permission. All rights reserved worldwide.