1 KORINT 10
10
Sangthsübo azhihde Athakhi
1Keoniorübo, isa jipürübo amo khüp lakheah, tüsho alalanü keto hokheah de nüsanü lümkhitshihnelah, 2tüsho alala amo tüsho keto ching Mosa lung bapti, 3tüsho alalanü rukhüh me jim tsüh 4tüsho alalanü rukhüh me yungbe yung. Tümüde arünü arü lung yükhi me Lung chingnü yung, tüsho Lung ju Khrista lakheah. 5Judüalalashe, arü ahihdo kheak Thrünpuhnü masühde alakheah; tümüde arübo sunglo ching hiumüzütshih.
6Kheakü harü ha arünü amütsü rhimokhi nangde mükünpü isa thsungkheak dühdükhi lah. 7Arü khürü nangde sangthsü kingaünrü düthsü; ha thrüta lah, “Mihtsürübonü binbah tsühyung tüsho atsünpü wusu.” 8Arü khürünü rhimobah nimung khülang chingnü 23,000 keamkhi nangde isanü müzammüram ching mümüneanbeah. 9Arü khürünü rhimobah phurutonü arü mukiusahkhi nangde isanü Atungpuh rükmakibeah; 10yungsho arü khürünü rhimobah athsümünimrünü adükheakshihkhi nangde isanü matsangnü. 11Kheakü arübo ki harü atünadopü dünji, tüshe akheam lün arüa larü isabo thsungkheak thsangdanpü harü thrüt. 12Jumonü shepünü zhiplah de lümchonü mulungpü thsüde kümkangang. 13Mihtsürü kheak müdünjikhi nüsa kilim tümü rükaki marü. Thrünpuh ju thiyuro, tüsho apinü nüsa sühmüh kheak hode rükmakishih, tüshe rükaki lungnü she atsokhitpü jihbah, junangde nüsanü ju arümkhukbah.
14Jumonü inü amuzhorübo, sangthsübo kingaünpü bahkhiang. 15Anikhit mihtsürü ki nangde inü asukchoh; inü tümü thachonü nüsa thsungkheak mütsanmükhiang. 16#Mt 26.26-28; Mk 14.22-24; Lk 22.19,20Isanü müngühjihkhi müngühmühi pung ju Khrista thiyih ching shihcham lukhi yung de? Isanü ayihnakkhi yikhap ju Khrista pang ching shihcham lukhi yung de? 17Tümütüsho yikhap khülang a le, isa ahihkhüh ju pang khülang ah, tümüde isa alalanü yikhap khülang chingnü lang chamachihchoh. 18Israel mihtsürü lümakheahang; sherünü shuhmülanga kingaünkhi tsühchonü kingaün sadam ching shihcham-lurü yung de? 19Dale tüsho sangthsü kilim shuhmülanga kingaünkhi ju tümükhüh a shi, yungsho sangthsü tümükhüh a? 20Yung, tüshe amükinrünü shuhmülanga kingaünkhi ju arimribo kilim jihchoh tüsho Thrünpuh kilim yung. Inü nüsa ju arimribo lung atruachihrü müthsüshihne. 21Nüsanü Atungpuh pung tüsho arimri pung muyungkhuk. Nüsanü Atungpuh tüsho arimribo dükhüm kheak müyimtsühkhuk. 22Isanü Atungpuh mükthsüshihba shi? Isa api kheaknü amürangbe a de?
23 #
1 Kor 6.12
“Alala amülübe lah,” tüshe alala alü thsübe yung. “Alala amülübe lah,” tüshe alala a athsülim yung. 24Shenü she nihbuh tsüpü yung tüshe nihbuh yamhingrü tsüpü yimang. 25Tümüpürü shih yinpung ching yinchonü lümzülümdo dünkheaknü tümü dükeokhide tsühang. 26Tümüde alomi tüsho ju ching lüpdükhi Atungpuh yo ah. 27Amükinrü khülangnü nü yimtsühpü jisho tüsho ayüpü nünü pungkhisho, lümzülümdo dünkheaknü tümüpürü nü miki shua zojihlanü tümü dükeokhide tsühang. 28Tüshe khürünü nü ki, “Ha shuhmülanga kingaünkhi ching jihkheah,” de thasho nü ki thabuh mihtsürü tüsho lümzülümdo dünkheaknü ju dütsüh– 29nü yungde püpü mihtsürü lümzülümdo. Tümüde püpürü lümzülümdonü I zuzu lakhi thiyukhapshihpü? 30Inü makshe jihde tsühyungpü ching shihcham lusho, inü Thrünpuh ki makshe jihkhi thsungkheak tümü thsükhi I chikhipü la?
31Jumonü nüsanü tsühtsüh she tüsho yungyung she, yungsho tümüpürü rhimobanü, alala Thrünpuh müretahpü rhimoang. 32Jihudarü, Greekrü yungsho Thrünpuh borü sheshe jing dümükheshih– 33lüpdükhi limro ching inü she mihbüm aban asühshihpü mürangchoh. Tümüde inü I tsüpü yung tüshe arübo khümkhitpü thsüde ahihdo tsüpü yimchoh.
Currently Selected:
1 KORINT 10: YIMCBSI
Highlight
Share
ਕਾਪੀ।
Want to have your highlights saved across all your devices? Sign up or sign in
Yimkhiung Naga CL Bible - AMÜSÜH HÜM
Copyright © 2008 by The Bible Society of India
Used by permission. All rights reserved worldwide.
1 KORINT 10
10
Sangthsübo azhihde Athakhi
1Keoniorübo, isa jipürübo amo khüp lakheah, tüsho alalanü keto hokheah de nüsanü lümkhitshihnelah, 2tüsho alala amo tüsho keto ching Mosa lung bapti, 3tüsho alalanü rukhüh me jim tsüh 4tüsho alalanü rukhüh me yungbe yung. Tümüde arünü arü lung yükhi me Lung chingnü yung, tüsho Lung ju Khrista lakheah. 5Judüalalashe, arü ahihdo kheak Thrünpuhnü masühde alakheah; tümüde arübo sunglo ching hiumüzütshih.
6Kheakü harü ha arünü amütsü rhimokhi nangde mükünpü isa thsungkheak dühdükhi lah. 7Arü khürü nangde sangthsü kingaünrü düthsü; ha thrüta lah, “Mihtsürübonü binbah tsühyung tüsho atsünpü wusu.” 8Arü khürünü rhimobah nimung khülang chingnü 23,000 keamkhi nangde isanü müzammüram ching mümüneanbeah. 9Arü khürünü rhimobah phurutonü arü mukiusahkhi nangde isanü Atungpuh rükmakibeah; 10yungsho arü khürünü rhimobah athsümünimrünü adükheakshihkhi nangde isanü matsangnü. 11Kheakü arübo ki harü atünadopü dünji, tüshe akheam lün arüa larü isabo thsungkheak thsangdanpü harü thrüt. 12Jumonü shepünü zhiplah de lümchonü mulungpü thsüde kümkangang. 13Mihtsürü kheak müdünjikhi nüsa kilim tümü rükaki marü. Thrünpuh ju thiyuro, tüsho apinü nüsa sühmüh kheak hode rükmakishih, tüshe rükaki lungnü she atsokhitpü jihbah, junangde nüsanü ju arümkhukbah.
14Jumonü inü amuzhorübo, sangthsübo kingaünpü bahkhiang. 15Anikhit mihtsürü ki nangde inü asukchoh; inü tümü thachonü nüsa thsungkheak mütsanmükhiang. 16#Mt 26.26-28; Mk 14.22-24; Lk 22.19,20Isanü müngühjihkhi müngühmühi pung ju Khrista thiyih ching shihcham lukhi yung de? Isanü ayihnakkhi yikhap ju Khrista pang ching shihcham lukhi yung de? 17Tümütüsho yikhap khülang a le, isa ahihkhüh ju pang khülang ah, tümüde isa alalanü yikhap khülang chingnü lang chamachihchoh. 18Israel mihtsürü lümakheahang; sherünü shuhmülanga kingaünkhi tsühchonü kingaün sadam ching shihcham-lurü yung de? 19Dale tüsho sangthsü kilim shuhmülanga kingaünkhi ju tümükhüh a shi, yungsho sangthsü tümükhüh a? 20Yung, tüshe amükinrünü shuhmülanga kingaünkhi ju arimribo kilim jihchoh tüsho Thrünpuh kilim yung. Inü nüsa ju arimribo lung atruachihrü müthsüshihne. 21Nüsanü Atungpuh pung tüsho arimri pung muyungkhuk. Nüsanü Atungpuh tüsho arimribo dükhüm kheak müyimtsühkhuk. 22Isanü Atungpuh mükthsüshihba shi? Isa api kheaknü amürangbe a de?
23 #
1 Kor 6.12
“Alala amülübe lah,” tüshe alala alü thsübe yung. “Alala amülübe lah,” tüshe alala a athsülim yung. 24Shenü she nihbuh tsüpü yung tüshe nihbuh yamhingrü tsüpü yimang. 25Tümüpürü shih yinpung ching yinchonü lümzülümdo dünkheaknü tümü dükeokhide tsühang. 26Tümüde alomi tüsho ju ching lüpdükhi Atungpuh yo ah. 27Amükinrü khülangnü nü yimtsühpü jisho tüsho ayüpü nünü pungkhisho, lümzülümdo dünkheaknü tümüpürü nü miki shua zojihlanü tümü dükeokhide tsühang. 28Tüshe khürünü nü ki, “Ha shuhmülanga kingaünkhi ching jihkheah,” de thasho nü ki thabuh mihtsürü tüsho lümzülümdo dünkheaknü ju dütsüh– 29nü yungde püpü mihtsürü lümzülümdo. Tümüde püpürü lümzülümdonü I zuzu lakhi thiyukhapshihpü? 30Inü makshe jihde tsühyungpü ching shihcham lusho, inü Thrünpuh ki makshe jihkhi thsungkheak tümü thsükhi I chikhipü la?
31Jumonü nüsanü tsühtsüh she tüsho yungyung she, yungsho tümüpürü rhimobanü, alala Thrünpuh müretahpü rhimoang. 32Jihudarü, Greekrü yungsho Thrünpuh borü sheshe jing dümükheshih– 33lüpdükhi limro ching inü she mihbüm aban asühshihpü mürangchoh. Tümüde inü I tsüpü yung tüshe arübo khümkhitpü thsüde ahihdo tsüpü yimchoh.
Currently Selected:
:
Highlight
Share
ਕਾਪੀ।
Want to have your highlights saved across all your devices? Sign up or sign in
Yimkhiung Naga CL Bible - AMÜSÜH HÜM
Copyright © 2008 by The Bible Society of India
Used by permission. All rights reserved worldwide.