1 KORINT 8
8
Sangthsübo Kingaünkhi Tsühyungbe dünkheak
1Kheakü sangthsübo ki kingaünkhi tsühyungbe dünkheak isa alala mükheahmudu lah de inü mükheahlah. Mükheahmudunü lülüshishi kamshihchoh, tüshe amuzhonü thsükihchoh. 2Khürünü tümükhüh mükheahlah de lümsho, apinü amükheahpü lakhi she mümükheahyi. 3Tüshe khürünü Thrünpuh muzhosho, apinü anihbuh mükheahlah.
4Junangde sangthsübo ki kingaünkhi tsühyungbe tsühkhi ju, sangthsü khülang ju atsütsü rhangdung müla de isanü mükheahlah, tüsho Thrünpuh khülang lang lah. 5Tümüde thüning tüsho alomi ching thrünpuhbo lalashe– thrünpuhbo tüsho atungrübo ahihdo lah– 6isa thsungkheak a isa api thsungkheak lakhi Thrünpuh khülang, Abuh lah; tüsho api hode lüpdükhi arükhi tüsho api hode isa lakhi, Atungpuh khülang, Jisu Khrista lah.
7Judüalalashe, alala ha mükheahmudu müla. Mihtsürü khürü a kheakü khiungde sangthsübo ahorichoh, junangde küyimki arünü hadürü tsühyungbe tsühbanü sangthsü ki kingaünkhi ah de arünü lümchoh, tüsho arü lümkhi müdüküngkhinü arü müneana lah de lümchoh. 8Tsühyungbenü isa Thrünpuh thüninde müyüshihchoh; isanü mütsühtsüh she isa amütsübe yung, tüsho isanü tsühtsüh she atsübe tümü müla. 9Tütüshe nüsanü zuzude arhimokhinü reangmüzahrü ki jingmükhelung mükampü kümkangang. 10Tümütüsho reangmüzahkhi khürünü, nü mükheahmudu mihtsürü sangthsü arüngyam ching tsühde ngüsho, sangthsübo ki kingaünkhi tsühyungbe tsühpü api mulong mütoshihba de? 11Junangde nü mükheahmudunü ha reangmüzahkhi, mihtsürü shepü thsungkheak Khrista shekheanü, nü keoniorü ju dükheakchoh. 12Hanangde reangmüzahde alachoki, nü keoniorü azhihde neak yihbeakkhi tüsho arü lümkhi yurijihkhi ju, nünü Khrista azhihde neak yihbeakchoh. 13Jumonü tsühyungbe ju I keoniorü angakshihbe a sho, inü küyimkishe mütsüh, jude yungsho inü I keoniorü angakshihbah.
Currently Selected:
1 KORINT 8: YIMCBSI
Highlight
Share
ਕਾਪੀ।
Want to have your highlights saved across all your devices? Sign up or sign in
Yimkhiung Naga CL Bible - AMÜSÜH HÜM
Copyright © 2008 by The Bible Society of India
Used by permission. All rights reserved worldwide.