Popular Bible Verses from Marcos 16

Share

Ĩtuwanʉcõ Jesús cʉ̃jãrẽ abiro ĩnemoyugʉ: —Nipetiropʉ nipetirare yʉcã basocare cametʉore quetire wedera waya.

Yʉre wedewõrã earano atiere abiro timasĩrõãgawa: Ya wãmemena wãtĩãrẽ cõãwiocorucũrõãgawa. Ĩñerõcã apebumacãrã wederucũ ʉ̃serire wederucũmasĩrõãgawa. Cʉ̃jãcã ãñarẽ ñeñerõcã ĩñerõcã yasore sĩniñerõcã cʉ̃jãrẽ icãta pũnihericu. Tairora apeyecãrẽ diarare wãmo ñapeo cʉ̃jãrẽ ñujeasuñerõcã tiroagawa ―ĩyugʉ Jesús.

Yʉre wedewõgʉ̃ ea, wãmeõtiyogʉ eagʉno cametʉoyogʉ nigʉ̃ eagʉagawi. Buri yʉre wedewõgʉ̃ eahegʉnope Manigʉ̃rẽ ñañarõ ticõãyogʉ nigʉ̃ eagʉagawi.

Cʉ̃ buerape nipetiropʉ cʉ̃cã basocare cametʉore quetire wedera wayura. Cʉ̃jãcã wedeñerõcã Jesús marĩ Nirũpʉ̃ cʉ̃basurupera cʉ̃jãrẽ titamuĩcãyugʉ. Cʉ̃jãcã wedere quetire “diamacãrã ña” ĩgʉ̃ ñurẽ tiẽñorẽmena tiẽñoĩcãñerõcã tiyugʉ.

Buri cʉ̃pe cʉ̃jãrẽ ĩyugʉ: —Mʉjã yʉre ʉcʉaherimocãña. Mʉjã Jesús Nazaret macʉ̃rẽ cʉ̃jãcã curusapʉ papatu sĩãrĩgʉre amarã ya. Cʉ̃ masãsuawi. Cʉ̃ anorẽ maniwĩ. Mʉjã cʉ̃rẽ cũãriarore ĩñaña.

Buri topʉ eawara ti masãcopepʉre ĩñacora ticopere tubiatoaria ʉ̃tãpĩbʉcʉare aperopʉ niñerõcã ĩñayura. Ti masãcopepʉ sãwara diamacãpanepe ĩcʉ̃ mamʉrẽ sutiro ñurõ botiro yoarore sãñarigʉre duiñerõcã ĩñayura. Cʉ̃rẽ ĩñarã nomiã bʉtoro ʉcʉasuyura.