Popular Bible Verses from Marcos 15

Share

Tocawatoajoro niñerõcã Jesús bʉtoro tutuaromena abiro ĩ caribiyugʉ: — Elí, Elí ¿lama sabactani? ―ĩyugʉ. Abiro ĩgʉ̃ tiyugʉ: —Manigʉ̃, Manigʉ̃ ¿dairo tigʉ mʉ yʉre cõãrĩ? ―ĩgʉ̃ tiyugʉ.

Roma macãrã surara nirũpʉ̃ Jesús doca nucũgʉ̃ cʉ̃cã cõwõãsuñerõcã ĩñagʉ̃ abiro ĩyugʉ: —Nirõrã ãni Manigʉ̃ Macʉ̃rã nimoãyi ―ĩyugʉ.

Cʉ̃cã cõwõãrẽmenarã Manigʉ̃wipʉ paiacã sãwarucũritatia, Manigʉ̃cã nirĩtatiamena acutayosaricasero emʉãrõpʉmena yegaduiati pʉacaseropʉ yegajañomuãyuro.

Buri Jesúpe tocãrõrã bʉtoro caribinemoco cõwõãsuyugʉ.

Sotoajoro niñerõcã nipetiro tiditapʉre naĩtĩãsuyuro. Pʉ itia horajoro naĩtĩãro pʉtʉayuro.

Cʉ̃jãcã tairo ĩñerõcã tʉogʉ Pilato basocamena ñurõ pʉtʉarugagʉ Barrabáre wiocomocãyugʉ. Siro Jesúpere bapedotituwarosiro surarapʉre cʉ̃rẽ wiyomocãyugʉ curusapʉ papatu sĩãcõãmocãdotigʉ.