Popular Bible Verses from Hechos 1

Share

Mʉjãrẽ wede: marĩ Pacʉcã Espíritu Santore mʉjãpʉre niãcʉre ticoñerõcã mʉjã cʉ̃cã tutuarere ñerõãcu. Cʉ̃cã tairo tiñerõcã mʉjã cuiro manirõ wãcũtutuaremena basocare yaye maquẽrẽ wedewõnorã waroacu. Jerusalén macãrãrẽ, Judea dita macãrãrẽ, Samaria dita macãrãrẽ, nipetira atiditapʉ yoarocãrõ nirãcãrẽ wedera waroacu ―ĩyugʉ Jesús cʉ̃ buerare.

Cʉ̃jãcã sãĩñañerõcã tʉogʉ cʉ̃jãrẽ abiro yʉyugʉ: —Yʉpacʉ ĩcʉ̃rã masĩgawi. Cʉ̃cã ‘tairora waro’ ĩñerõcã tairora waroacu. Atie mʉjãye maquẽ niheri.

Jesús cʉ̃jãmena nigʉ̃rã cʉ̃jãrẽ abiro ĩyugʉ: —Mʉjã ano Jerusalénrã pʉtʉaya. Icãta aperopʉ, apemacãpʉ waherimocãña. Yʉpacʉcã sʉgueropʉ ‘Mʉjãrẽ Espíritu Santore ticogʉacu’ ĩriguere yueya marĩcʉ̃. Yʉcã mʉjãrẽ tierena wedesiawʉ. Juan mʉjãrẽ nirõrã ocomena wãmeõtirigʉ niwĩ. Buri pẽrõgãsiro yʉpacʉpe mʉjãrẽ Espíritu Santomena wãmeõtigʉ cʉ̃rẽ tidujiocogʉagawi cʉ̃rẽ mʉjãmena nirucũmocãro ĩgʉ̃ ―ĩyugʉ Jesús.

Cʉ̃cã cõwõã masãriasiro, cʉ̃jãrẽ bajuanigʉ̃ “Nirõrã cʉ̃rã ñawĩ catiwi” ĩ masĩñerõcã tiyugʉ. Cuarenta bʉrecoriwatoare pajeri cʉ̃jãrẽ bajua Manigʉ̃cã cʉ̃yarare dotigʉ nirẽ maquẽrẽ wedenemoyugʉ.

Atiere tairo ĩ wedetuwaremena cʉ̃jãcã ĩñarĩwatoara Manigʉ̃ Jesúre ʉmʉãwesepʉ newʉmʉãyugʉ. Topʉ ʉ̃mebʉrʉa cʉ̃rẽ tubiatoañerõcã upatuti cʉ̃jã cʉ̃rẽ ĩñanemoheriyura.

Jesúcã wariaropera cʉ̃jãcã ĩñaemʉõcorucũrĩwatoa wãcũña manirõ pʉ̃ãrã ʉmʉã suti botire sãñariara cʉ̃jã decopʉ bajuanʉcãyura. Abiro ĩyura: —Mʉjã Galilea macãrã ¿dairo tira ʉmʉãwesepʉ ĩñaemʉõcorucũrĩ marĩcʉ̃? Ãni Jesús mʉjãmena niãrigʉ marĩcʉorogã ʉmʉãwesepʉ mʉãwarigʉra upatuti watigʉagawi tamʉ atiditapʉre. Mʉãwagʉre mʉjãcã ĩñariawãmerã abiro cʉ̃rẽ upatuti watigʉre ĩñarõãcu tamʉ ―ĩyura.