Popular Bible Verses from انجیل لوقا 8

Share

امّا دانه ای که چاکَه زمینک اَربنده، اَوه ای اِسنده که خدا کلامه اَشنونده، و اَ کلامه چاک و صاف دِلِنه نیا دارنده، و صبوری نه ثمر آوَرنده.

دانه ای که بِران دِلَک اَرَبینده، اَوِاینده که خدا کلامه اَشنونده، امّا دنیا نگرانی و مال و ثروت و دنیا لذت اَ کلامه خفه کره و بار ناوره.

دانه آنی که سِگیه زمینک اَرَبنده اَوه اینده که وختی خدا کلامه اَشنونده، اَوه شادی نه قبول کرنده، امّا کلام اَوانک بِنه نِزَنه. اِمه چند وقت ایمان دارنده، امّا وقتی آزمایشان موقعه آرسه، اِشتن ایمانه از دس دَینده.

عیسی اَوان نه باتشه: «شاما ایمان کاریه؟» شاگرده بترسِسنده و تعجبنه هَندیگرکشان آپرسرده: «اِم کیه که حتی باهاد و اُو فرمان دَیه و اَوه نی اَوک فرمان بَرنده.»

دانه آنی که راک اَربنده، اَوه ای اِسنده که خدا کلامه اَشنونده، امّا چاوش شیطان آیه و کلامه چَوان دِلِک دِزه، تا مَتاننده ایمان بوعَرنده و نجات پیدا بکرنده.

چون هیچ نویّنَه چی نی که آشکار آمبی و هیچ نویّنه چی نی که معلوم آمَبی.

اَ زلی وختی بینده که نتانیه نویّن آبییه، ترس و لرز نه بامیا پَران و عیسی دس و پا دِگسا و همان چَشمه پرانکش باته که چیه را عیسیش دس آسویه و چُنجوره البحل شفاش وینده. عیسی اَونه باته: «چِمن دِت، اِشته ایمانه ته شفا دیش. ساقینه بِش.»

شاگرده بِشنده عیسی وَر و اَوشان بیزانسِه و باتشانه: «ای استاد، ای استاد، چی ای مانده نی غرق آبام!» عیسی بهشته و باهاد و کولاکینه موجان را غِیضِش بکه. توفان اُوجَرس و همه یاگا آرام ببه.