Hebrews 12 ਤੋਂ ਪ੍ਰਸਿੱਧ ਬਾਈਬਲ ਆਇਤਾਂ

ਸਾਂਝਾ ਕਰੋ

Qamaglluteng tamaakut yuget liigikestiinkut ugpeqilleghmeggneng naten kiyaghtelleghmegteggun. Maaten uvitangighluta esghapagaqiinkut. Enkaam kilgaaqustestun iqitelteki qamaglluki uqigkutat, seghleghqellghetlu iglagullghiit whangkunnun. Sagiqlutangam kilgaaqulta sivumnnilngughmun, esghaamakluku Jesus, piinlighistengallu apeghiighistengallu ugpeqillemta. Kayngunaghtuq tuqulleghqaq qaquurakun, iwernga Jesus‑em pitkumangitaa kayngusaghaatelleq. Yeghlegi nakmiiqaaguq ikfiqnaluni qaquurakun apalluqluku quyalleq allgeghsaghqani. Enkaam maaten aqumgaaq aghenqigneghani Kiyaghneghem.

Quyaniituq aghyuullengnemta qayughllak aqnightaqegkanginkut. Iwernga tagtalmi, liitfiknemteggu, nekeggmellengaqukut qayughllak kiyaghsagutaqukut elqughulluta.

Kiyaghhnaqitek nekeggmetullusi tamaghhaanun yugnun, kiyaghhnaqiteklu seghleghqellngunasi. Kinkut alngunak pelunginneghilnguut esghaghnaanghitaat Ataneq.

Sumeghtaghaatkaghtegguqun Jesus. Iilqayugumangituq qaywa seghleghqestet ugumikeraaghllaghngaatni. Tawaten elpesillu ilutullghiinnaanghitusillu iilqayugnaanghitusillu.

Tamaaken apalluqluku iqamsiqayugvikelteggu Kiyaghneq qayughllak tuunegkanginkut ataneghpagulleghmeng ufsugusaghqaanghilngughmeng. Enkaangam maniguulteggu Kiyaghneq efqughnalkegkaatun alingellelighlutallu quulvaghillelighlutallu

Tuguklighaqiteggu Kiyaghneghem aghyuughillgha qayughllak ighneqelghiistun piiqiisi. Qamaglluki avaqutateng atangita aghyuughaqiit nallghughqennaluki.

qayughllak Kiyaghneghput naafqiilghiinguuq keneq.

Atamta nunamelnguut aghyuughaqinkut natengiighhaq, sumeghmeggni elqughlluku aghyuughinguniluteng. Iwernga Kiyaghneghem aghyuughaqiinkut pinighqelleghqamnnun pelungiightesqelluta ellmitun.

Seghleghqenghinnaqutkelleghpesi salin yugnun tuqutesigatiisi.