1
Hebrews 10:25
New Testament-et Akuzipigestun
ess
Yeqay taaqefqaamta qerngughunneghmeng pilta manigughnaluku Kiyaghneq, ilangita piiqellghistun. Yeghlegi qerngughusimanginaalta kayemutunnaluta. Wata kayemusimanginaalta qayughllak Atanghem Aghnegha tughaalghii.
ਤੁਲਨਾ ਕਰੋ
Hebrews 10:25ਪੜਚੋਲ ਕਰੋ
2
Hebrews 10:24
Yeqay sumeghtaghaalta naten qiilngumighusaghqaaluta piniqsaghqaaluki ilat, pinitunllu piyaghqaaluta.
Hebrews 10:24ਪੜਚੋਲ ਕਰੋ
3
Hebrews 10:23
Yeqay ataasiighmelluta sighimalleghmetekestaalta whangkunnun piknikamnnun, qayughllak ugpeqaghput Kiyaghneq ataasiighmetuq enkaam piyaghqaqii akequsani.
Hebrews 10:23ਪੜਚੋਲ ਕਰੋ
4
Hebrews 10:36
Aklukngwaaghsi nuqenneghtulleq atuqsaghqaaluku Kiyaghneghem piyukellgha. Taagken allgeghlleqasi akequsaqegkii.
Hebrews 10:36ਪੜਚੋਲ ਕਰੋ
5
Hebrews 10:22
Tamaakut apalluqluki tughaaghelteggu Kiyaghneq ipapighqelluta, neghyukngwaaghluku. Tawaten pilleghqangukut qayughllak umyugalluput sivillagtaqaagut Christ‑am aawaneng ukmangiightesqelluki, yugusiputlu ughvughqegkaagut pelungilngughqun meghqun.
Hebrews 10:22ਪੜਚੋਲ ਕਰੋ
6
Hebrews 10:35
Enkaangam iilqayugpenasi qayughllak ilutumanginaqufsi allgeghullequsi akileghtuusaghllagmeng.
Hebrews 10:35ਪੜਚੋਲ ਕਰੋ
7
Hebrews 10:26-27
Seghleghqesugaataqumta kingunganeng liilluku ipapilleq, taawa aghqutkaghqiituq iqitusighqameng tamaavek seghleghqelleghnun. Tamaakut tawaten pilghiit alingruughmeng utaqiillequt Kiyaghneghem nanqigtillghaneng. Atuqelleqaak uguqnaghllagek kenghek naafqennaluki tamaakut kipullginaalghiit ellmineng.
Hebrews 10:26-27ਪੜਚੋਲ ਕਰੋ
