Popular Bible Verses from 1 KORINT 13

Share

Amuzho ju arümkheam tüsho lümrhihkhi; amuzho ju mükthsü yungsho lülüshishi yung; amuzho ju kükheangküyang, mükhütmüra yungsho phümüsüpbe yung; amuzhonü amülim muzochoh

Amuzhonü alala arümkheamchoh, alala akin lachoh, alala mulonglamchoh, alala rünkhiungchoh.

amuzho ju amütsü ching asühkhi yung, tüshe thiyuro ching asühkhi lah.

Tüsho kheakü harü mahsam lah: akin, mulonglam tüsho amuzho; tüshe harü bolung atobe ju amuzho.

Amuzho küyimkishe mükheam; tümüde müchitkhibo hode tsoabahbah; thiyuthabo arün thsübah; mükheahmudu hode tsoabahbah.

Inü mihtsürübo tüsho yunirü yuthabo chingnü thatha she, amuzho mülasho I ju yinchi kingkhi yungsho larüp kingachihkhi düsheak khülang ah.

Tüsho müchitpü wubo, aramyu alala anikhitpü tüsho mükheahmudu alala lalashe tüsho awungbo lah-a bahpü I akin alala lalashe, amuzho mülasho I tümü müla.

Inü I lakhi alala zhochihrü kilim jihabahbah she, tüsho I pang atakpü jihjih she, amuzho mülasho, I alü müla.

Küyimki I azürü lakhea, I yu thakhi, I anikhitkhi, I lümkhi azürü nangde alakheah, küyimki I azorü kamkheanü, inü azürü yaklibo bah.