<div class="version vid3215 iso6393esu" data-vid="3215" data-iso6393="esu">
 <div class="book bkMAT">
 <div class="chapter ch24" data-usfm="MAT.24">
 <div class="label">24</div><div class="s">Jesus&#8209;em Aapqanga Temple&#8209;em Naavelleghqaa</div><div class="p"> 1Jesus aanluni Temple&#8209;meng aghulaqumaluku maligsaaghtengita takuluku kelgutkiit mangteghat Temple&#8209;em pingi. 2Pikii, &#8220;Esghaghasi tamaakut mangteghat. Ipa piimsi, talwa ataasiq uyghak nemininnaanghituq. Qamaglluteng ulleghqughyaghqaagut.&#8221;</div><div class="s">Seghleliillghetlu Amyuqetaatkellghetlu</div><div class="p"> 3Jesus aqumyan Mount Olives&#8209;kun, maligsaaghtengita takuluku ellnginaghhaamaaghluteng aaptekaat, &#8220;Ungipaatikut, qakun tamaakut piyaghqaawat? Sangulleqa liisimakusighqaghput tagilleghqaghpenun, nunamllu iqugtelleghqaanun?&#8221;</div><div class="p"> 4Jesus&#8209;em kiimsiqii, &#8220;Kelengalusi, kitumun alngunak puughtestegpenasi. 5Qayughllak uglaapiglleghhii tagiyaghqaaguq atuqluku aatqa, whaten piiqluteng, &#8216;Whanga Christ&#8209;anguunga&#8217;, puughqughtaayaghqaqaatlu yulghun. 6Nagaquullequsi pilluwaneng, akusqaghtaatkellghitnengllu pilluwat; alingegpenasi qayughllak tamaana piyaghqaaguq. Iwernga salin iquggnaqngunghituq. 7Nunat yugit pillugutullequt, ataneghpagullghetlu pillugutullequt, nani alngunak neqangisagllagllequq, nunat uvelegtaghllagllequt. 8Qamaglluni tamaana aghnam ighniyukestallghatun ayuqellequq.</div><div class="p"> 9&#8220;Taagken tamaana pimaluku yuget tugulleqiisi, amyuqetaatkelleqiisi, tuqulleqiisillu. Nunataghhaan tamaghhaan ramkengan ugumiilleqiisi whanga apalluqlunga. 10Enkaam uglaapiglleghhiim ugpeqnanighlleqaatnga, uveghpagutusagullequt, ugumiisagullequtlu. 11Taagken uuknaliqistesighwaalghutet tagiluteng puughqughlleqiit yulghutet. 12Seghleq nulam angtalanganeng apalluqluku allulluteng yuget piniqinanighllequt. 13Iwernga kina alngunak nuqenneghtuqaq kenlemun yugulillengyaghqaaguq. 14Ukutlu Pinilghiit Ungipat Kiyaghneghem Ataneghpagullghaneng ayuqelghiit ungipaqsaghqaagut nunataghhaani tamaghhaani ramkengitnun nagaqiisqelluki. Taagken nuna iqugllequq.&#8221;</div><div class="s">Jesus&#8209;em Aapqanga Seghleliilleghqaghllak</div><div class="p"> 15&#8220;Yeqay atightughtem liigikligu sameng pisiitanga uuknaliqistem Daniel&#8209;em uuknaliqutkegkaa. Uuknaliqutkegkaa taana agleghniilnguuguq paaghqiitestilghii agleghnalghiimi nemi. Esghaqufsigu tesqamani nekevelghii, 16Judea&#8209;melnguut anagniighhaat naayghanun. 17Yuuk mangtegham qaaynganilnguq ukigluni saghyaqufqaami pilghaaq. 18Yuuk piitesiighaghvigmelnguq qaaslighqufqaami pilghaaq. 19Tamaani aghneghni seghleghwaaghunaqnguut qumilget aghnat, mamaghtalgetlu! 20Yughaghtek anagniifqaafsi uksumi pisqellusi nalighmeng Sabbath&#8209;mi, 21qayughllak tamaani seghleliiq elngaatall seghleghllagughsaghqaaguq. Seghleghataghaayaghqaaguq seghleliighaqelleghneng ima piinlighyuggaallghaneng nunam whavemun kenlanga. Allamengllu tawatelnguq pinaanghitngwaaghtuq. 22Tamaakut aghneghet Kiyaghneghem palallimangisaqaki, kina alngunak unguvanayanghituq. Iwernga apalluqluki nakmikegkani aghneghet palalliyaghqaqii.</div><div class="p"> 23&#8220;Tamaani kitum alngunak pikangisi, &#8216;Ii&#8209;i, Christ&#8209;a whaa&#8217;, nalighmeng, &#8216;Tazingantuq!&#8217; ugpeqegpenaan, 24qayughllak Christ&#8209;asighwaaghetlu, uuknaliqistesighwaaghetlu tagillequt. Allaaghlluwhaghtighllagllequt, saghiighanaghqeghllagllequtlu puughhnaluki yuget, talwa Kiyaghneghem nakmikegkii puughsaqlegukumegteki. 25Taawa ungipaatamsi sivutghulluku pilleghqaq.</div><div class="p"> 26&#8220;Enkaangam whaten pikangisi, &#8216;Ii&#8209;i, Christ&#8209;a paaghqillghanituq!&#8217; takugpenaan; nalighmeng whaten pikata, &#8216;Ii&#8209;i, mangtegham ilunganituq&#8217;, ugpeqegpenaki. 27Qayughllak Ighnegha Yugem tagikumi tawatesaghqaaguq nighugpaguutelleghtun kuukgullequq asivaghmeng pakfallamun.</div><div class="p"> 28&#8220;Qawaagpaget qerngughtaqut nani alngunak kemegqwaalgunghani.</div><div class="s">Tagilleghqaa Ighneghan Yugem</div><div class="q1"> 29&#8220;&#8216;Kingungiighhiitneng tamaakut seghleliilleghllaget Kiyaghneghem siqineq mamlegtesleqaa,</div><div class="q2">tanqiq nighugunnanightesleqaa, ighaleqetaaghet ifkaquutesleqii qilagameng,</div><div class="q2">aghtughyaghqaanghillghet qilagamelnguut igleghallghit allangughquutesleqii.&#8217;</div><div class="p"> 30&#8220;Taagken qilagakun sangwaa allgeghllequq liisimakusighqaq Ighneghaneng Yugem. Taagken qamagtengngwaaghluteng nunam ramkengi qivghum qiyaaghuuteghllagllequt. Esghaghlleqaat Ighnegha Yugem tagilghii qilagwaaghteggun, aghtughyaghqaanghilleghtuumaghmillu nighughqellelighllaglunillu. 31Enkaam Ighneghan Yugem qalghightaan qalghightesteghllakumigu kayaglleqii yaquleni navek alngunak qerngughtesqelluki nakmikegkani nunataghhaaneng tamaghhaaneng.</div><div class="s">Figs&#8209;em Uqfiga Liitfiksaghqaq</div><div class="p"> 32&#8220;Liitfikiteggu uqfiga figs&#8209;em. Esghaqufsiki avayii uniilliighalghiit, ququngii piitekestalghiit, liisimakaghsi kiigyaghtungestaghaa. 33Tawateghpigaq qamagtengngwaaghluki aapqanka tamaakut esghaqufsiki, liisimakelleqaghsi ellnga kaasaghtungestaamaaq, aaqun amigmun lliighumaaq. 34Ipa ungipaatamsi, maaten unguvalghiit tuqulaghaatestegpenaki qamaglluteng tamaakut piyaghqaagut. 35Qilagallu, nunallu aviighusaghqaaguk, iwernga whanga akuzitenka aviighunnaanghitut.</div><div class="s">Kelengakluku Tagilleghqaa</div><div class="p"> 36&#8220;Kitum alngunak nallukaa taam aghneghem aflunga qakun kaasaghqaatanga. Talwa qilagmelnguut yaqulget nallukaat, Ighneghemllu nallukaa, Atanginaghhaam liisimakaa. 37Katam tamaani Noah&#8209;m kiyaghtellghani, yuget tawatesaghqaagut Ighneghan Yugem tagilleghqaani. 38Tamaani aghneghni, sivungani ulevem yuget neghaqluteng, meghaqluteng, nengughutaqluteng ayuqegkat kenlanga tawavek aghneghmun Noah&#8209;nkut itellghitnun ark&#8209;mun. 39Nallukegkaat natesaghqaatanga kenlanga ulevelleghmun, enkaam qamagtengngwaaghluteng tuqulaghaatkat. Tawateghpigaq Ighnegha Yugem tagikan, nallukelleqaat natesaghqaatanga. 40Tawani pilleghmi maalghuk yugek piitesiighaghvigmegni qepghaatek, aallgha tugulleqaa, ilanga uneglleqaa. 41Aghnak kagimtilghiik grain&#8209;meng, aallgha tugulleqaa, ilanga uneglleqaa.</div><div class="p"> 42&#8220;Enkaangam kelengalusi, qayughllak nallukngwaaghaghsi nani aghneghmi Ataneghpesi tagilleghqaa. 43Nalluneqniituq, mangtegham yugan liisimaksaqumigu teglegniightem tagilleghqaa, qavaghpenani kelenganayaghtuq naafqulluni iteghnayukan mangteghaminun. 44Enkaam tamaaken apalluqluku elpesillu apeghiighsaghlusi quunpeng, qayughllak Ighnegha Yugem tagiyaghqaaguq waakenghillghaghllusi. </div><div class="s">Qepghaghta Ataasiighmelnguq Nalighmeng Ataasiighmenneghilnguq</div><div class="p"> 45&#8220;Kinangaawa ataasiighmelnguq peghqinelghii qepghaghta? Taananguuq umiilgan igleghutistengllaqaa qepghaghtelgutanganun, neqelitaatiisqellukillu aghhutanga tamaghhaan. 46Taana qepghaghta quyastellengyaghqaaguq umiilgan kaalluni esghaqumigu qelelleghmitun pilghii. 47Ipa ungipaatamsi, taana qepghaghta umiilgan aflengakistengllaghyaghqaqaa saminun tamaghhaanun. 48Iwernga taana qepghaghta seghleghukumi sumeghtaghaghllequq whaten, &#8216;Umiilka tagilghaghtughnaanghituq&#8217;, 49enkaam amyuutkesagulleqii qepghaghtelgutni. Ilallequqlu suumelghiinun, neghelgusighaqluki, meghelgusighaqluki lliighllequq. 50Taagken ataasimi aghneghmi umiilga kaallequq qepghaghta yataaghqellghillukullu, sighimakellghillukullu. 51Enkaam umiilgan qevuulluku aghyuughlleqaa, aglaghtesleqaa piniiyugneghnun aghyuughyaghqaaluku maligulluku. Tawani qiyiqellequt, gguteteng terqitaagtaamiita.</div>
 </div>
 </div>
</div>

Jesus aanluni Temple‑meng aghulaqumaluku maligsaaghtengita takuluku kelgutkiit mangteghat Temple‑em pingi. Pikii, “Esghaghasi tamaakut mangteghat. Ipa piimsi, talwa ataasiq uyghak nemininnaanghituq. Qamaglluteng ulleghqughyaghqaagut.”

Jesus aqumyan Mount Olives‑kun, maligsaaghtengita takuluku ellnginaghhaamaaghluteng aaptekaat, “Ungipaatikut, qakun tamaakut piyaghqaawat? Sangulleqa liisimakusighqaghput tagilleghqaghpenun, nunamllu iqugtelleghqaanun?”
Jesus‑em kiimsiqii, “Kelengalusi, kitumun alngunak puughtestegpenasi. Qayughllak uglaapiglleghhii tagiyaghqaaguq atuqluku aatqa, whaten piiqluteng, ‘Whanga Christ‑anguunga’, puughqughtaayaghqaqaatlu yulghun. Nagaquullequsi pilluwaneng, akusqaghtaatkellghitnengllu pilluwat; alingegpenasi qayughllak tamaana piyaghqaaguq. Iwernga salin iquggnaqngunghituq. Nunat yugit pillugutullequt, ataneghpagullghetlu pillugutullequt, nani alngunak neqangisagllagllequq, nunat uvelegtaghllagllequt. Qamaglluni tamaana aghnam ighniyukestallghatun ayuqellequq.
“Taagken tamaana pimaluku yuget tugulleqiisi, amyuqetaatkelleqiisi, tuqulleqiisillu. Nunataghhaan tamaghhaan ramkengan ugumiilleqiisi whanga apalluqlunga. Enkaam uglaapiglleghhiim ugpeqnanighlleqaatnga, uveghpagutusagullequt, ugumiisagullequtlu. Taagken uuknaliqistesighwaalghutet tagiluteng puughqughlleqiit yulghutet. Seghleq nulam angtalanganeng apalluqluku allulluteng yuget piniqinanighllequt. Iwernga kina alngunak nuqenneghtuqaq kenlemun yugulillengyaghqaaguq. Ukutlu Pinilghiit Ungipat Kiyaghneghem Ataneghpagullghaneng ayuqelghiit ungipaqsaghqaagut nunataghhaani tamaghhaani ramkengitnun nagaqiisqelluki. Taagken nuna iqugllequq.”

“Yeqay atightughtem liigikligu sameng pisiitanga uuknaliqistem Daniel‑em uuknaliqutkegkaa. Uuknaliqutkegkaa taana agleghniilnguuguq paaghqiitestilghii agleghnalghiimi nemi. Esghaqufsigu tesqamani nekevelghii, Judea‑melnguut anagniighhaat naayghanun. Yuuk mangtegham qaaynganilnguq ukigluni saghyaqufqaami pilghaaq. Yuuk piitesiighaghvigmelnguq qaaslighqufqaami pilghaaq. Tamaani aghneghni seghleghwaaghunaqnguut qumilget aghnat, mamaghtalgetlu! Yughaghtek anagniifqaafsi uksumi pisqellusi nalighmeng Sabbath‑mi, qayughllak tamaani seghleliiq elngaatall seghleghllagughsaghqaaguq. Seghleghataghaayaghqaaguq seghleliighaqelleghneng ima piinlighyuggaallghaneng nunam whavemun kenlanga. Allamengllu tawatelnguq pinaanghitngwaaghtuq. Tamaakut aghneghet Kiyaghneghem palallimangisaqaki, kina alngunak unguvanayanghituq. Iwernga apalluqluki nakmikegkani aghneghet palalliyaghqaqii.
“Tamaani kitum alngunak pikangisi, ‘Ii‑i, Christ‑a whaa’, nalighmeng, ‘Tazingantuq!’ ugpeqegpenaan, qayughllak Christ‑asighwaaghetlu, uuknaliqistesighwaaghetlu tagillequt. Allaaghlluwhaghtighllagllequt, saghiighanaghqeghllagllequtlu puughhnaluki yuget, talwa Kiyaghneghem nakmikegkii puughsaqlegukumegteki. Taawa ungipaatamsi sivutghulluku pilleghqaq.
“Enkaangam whaten pikangisi, ‘Ii‑i, Christ‑a paaghqillghanituq!’ takugpenaan; nalighmeng whaten pikata, ‘Ii‑i, mangtegham ilunganituq’, ugpeqegpenaki. Qayughllak Ighnegha Yugem tagikumi tawatesaghqaaguq nighugpaguutelleghtun kuukgullequq asivaghmeng pakfallamun.
“Qawaagpaget qerngughtaqut nani alngunak kemegqwaalgunghani.

“‘Kingungiighhiitneng tamaakut seghleliilleghllaget Kiyaghneghem siqineq mamlegtesleqaa,
tanqiq nighugunnanightesleqaa, ighaleqetaaghet ifkaquutesleqii qilagameng,
aghtughyaghqaanghillghet qilagamelnguut igleghallghit allangughquutesleqii.’
“Taagken qilagakun sangwaa allgeghllequq liisimakusighqaq Ighneghaneng Yugem. Taagken qamagtengngwaaghluteng nunam ramkengi qivghum qiyaaghuuteghllagllequt. Esghaghlleqaat Ighnegha Yugem tagilghii qilagwaaghteggun, aghtughyaghqaanghilleghtuumaghmillu nighughqellelighllaglunillu. Enkaam Ighneghan Yugem qalghightaan qalghightesteghllakumigu kayaglleqii yaquleni navek alngunak qerngughtesqelluki nakmikegkani nunataghhaaneng tamaghhaaneng.

“Liitfikiteggu uqfiga figs‑em. Esghaqufsiki avayii uniilliighalghiit, ququngii piitekestalghiit, liisimakaghsi kiigyaghtungestaghaa. Tawateghpigaq qamagtengngwaaghluki aapqanka tamaakut esghaqufsiki, liisimakelleqaghsi ellnga kaasaghtungestaamaaq, aaqun amigmun lliighumaaq. Ipa ungipaatamsi, maaten unguvalghiit tuqulaghaatestegpenaki qamaglluteng tamaakut piyaghqaagut. Qilagallu, nunallu aviighusaghqaaguk, iwernga whanga akuzitenka aviighunnaanghitut.

“Kitum alngunak nallukaa taam aghneghem aflunga qakun kaasaghqaatanga. Talwa qilagmelnguut yaqulget nallukaat, Ighneghemllu nallukaa, Atanginaghhaam liisimakaa. Katam tamaani Noah‑m kiyaghtellghani, yuget tawatesaghqaagut Ighneghan Yugem tagilleghqaani. Tamaani aghneghni, sivungani ulevem yuget neghaqluteng, meghaqluteng, nengughutaqluteng ayuqegkat kenlanga tawavek aghneghmun Noah‑nkut itellghitnun ark‑mun. Nallukegkaat natesaghqaatanga kenlanga ulevelleghmun, enkaam qamagtengngwaaghluteng tuqulaghaatkat. Tawateghpigaq Ighnegha Yugem tagikan, nallukelleqaat natesaghqaatanga. Tawani pilleghmi maalghuk yugek piitesiighaghvigmegni qepghaatek, aallgha tugulleqaa, ilanga uneglleqaa. Aghnak kagimtilghiik grain‑meng, aallgha tugulleqaa, ilanga uneglleqaa.
“Enkaangam kelengalusi, qayughllak nallukngwaaghaghsi nani aghneghmi Ataneghpesi tagilleghqaa. Nalluneqniituq, mangtegham yugan liisimaksaqumigu teglegniightem tagilleghqaa, qavaghpenani kelenganayaghtuq naafqulluni iteghnayukan mangteghaminun. Enkaam tamaaken apalluqluku elpesillu apeghiighsaghlusi quunpeng, qayughllak Ighnegha Yugem tagiyaghqaaguq waakenghillghaghllusi.

“Kinangaawa ataasiighmelnguq peghqinelghii qepghaghta? Taananguuq umiilgan igleghutistengllaqaa qepghaghtelgutanganun, neqelitaatiisqellukillu aghhutanga tamaghhaan. Taana qepghaghta quyastellengyaghqaaguq umiilgan kaalluni esghaqumigu qelelleghmitun pilghii. Ipa ungipaatamsi, taana qepghaghta umiilgan aflengakistengllaghyaghqaqaa saminun tamaghhaanun. Iwernga taana qepghaghta seghleghukumi sumeghtaghaghllequq whaten, ‘Umiilka tagilghaghtughnaanghituq’, enkaam amyuutkesagulleqii qepghaghtelgutni. Ilallequqlu suumelghiinun, neghelgusighaqluki, meghelgusighaqluki lliighllequq. Taagken ataasimi aghneghmi umiilga kaallequq qepghaghta yataaghqellghillukullu, sighimakellghillukullu. Enkaam umiilgan qevuulluku aghyuughlleqaa, aglaghtesleqaa piniiyugneghnun aghyuughyaghqaaluku maligulluku. Tawani qiyiqellequt, gguteteng terqitaagtaamiita.

ਸੁਣੋ Matthew 24