<div class="version vid3215 iso6393esu" data-vid="3215" data-iso6393="esu">
 <div class="book bkACT">
 <div class="chapter ch15" data-usfm="ACT.15">
 <div class="label">15</div><div class="s">Apostle&#8209;et Agghillghat Jerusalem&#8209;emi</div><div class="p"> 1Taagken Judea&#8209;meng ilangi yuget tagiluteng Antioch&#8209;mun ugpeqanun apeghtughikat, &#8220;Yugulillengnaanghitusi wetkuqun circumcise&#8209;ekufsi Moses&#8209;em Liilightuusaan qelellghatun.&#8221; 2Iwernga Paul&#8209;enkuk Barnabas&#8209;enkuk elngaatall aaghtiiraaqiik taakut yuget apeghtuusiitneng. Enkaam ugpeqat nakmikegkiit Paul&#8209;enkuk, Barnabas&#8209;enkuk, ilangillu yuget Antioch&#8209;meng pit, Jerusalem&#8209;etesqelluki aapsaghtiisqelluki apostle&#8209;etlu Elder&#8209;etlu qerngaghmelnguut naliq apeghtuusaq elqughutngatanga.</div><div class="p"> 3Kayagsisteng Paul&#8209;enkut igleghatkelluku Phoenicia&#8209;kunllu, Samaria&#8209;kunllu ugpeqat tamaanlenguut ungipaatkiit Gentile&#8209;et Kiyaghneghmun qiivuusimaniluki, enkaam qamaglluteng ugpeqat quyateghllakat. 4Kaasata Jerusalem&#8209;emun apostle&#8209;etlu, Elder&#8209;etlu, ugpeqatlu upughatkiit. Taagken Paul&#8209;enkut apeghlaataqaat Kiyaghneghem apeghiillgha ellmegteggun. 5Ilangi ugpeqat Pharisees&#8209;et nekevluteng pikat, &#8220;Tamaakut Gentile&#8209;et yugulillengyaghqaanghitut wetkuqun circumcise&#8209;elutengllu, qaatkullutengllu Moses&#8209;em Liilightuusaanun.&#8221;</div><div class="p"> 6Taagken apostle&#8209;etlu Elder&#8209;etlu qerngughutkat agghitkennalukek taakuk. 7Akuzitkenneghpagllakaat. Taagken Peter&#8209;em nekevluni pikii, &#8220;Ugpeqaalgutemni, liisimakaghsi qavngaq Kiyaghneghem nakmikegkaqaanga Gentile&#8209;enun ungipaqisqellunga Pinilghiineng Ungipaneng ugpeghesqelluki. 8Kiyaghneghem liisimakilghiim yugem tamaghhaan sumeghtaghallghaneng, tugukliqaqii Gentile&#8209;et. Kelgutkaqaa tuguklighilleni ellngitneng tuunelleghmikun Agleghnalghiik Taghneghak katam tawaten whangkunnun tuunelleghmitun. 9Whangkutestungwaaq kiyaghutaqii; whangkutestungwaaq ukmangighaqii ilungit ugpenghata. 10Enkaam sangan&#42892;ngam Kiyaghneq sakraasnaqutkengngusteggu qelelleghpesigun Gentile&#8209;et ugpeqiit qaatkelluki Liilightuusaput kiyaghtesqelluki? Talwa sivunemtallu whangkutallu qaatkepagningilkeput taakut Liilightuusat yugulillengnaluta. 11Iwernga ugpeqaghput Kiyaghneghem yugulikaqiinkut kayusillghakun Atanghem Jesus&#8209;em tawateghpigaq Gentile&#8209;enun pilleghmitun.&#8221;</div><div class="p"> 12Taagken tawantullghiit qallegnanighwaaghulluteng nagatkagket Barnabas&#8209;enkuk, Paul&#8209;enkuk aapqangik ellmetegnegun Kiyaghneghem allaaghlluwhaghtillghi Gentile&#8209;enun. 13Akuzineghmeng taaqsayek James&#8209;em pikii, &#8220;Ugpeqaalgutemni, nagataghtengnga! 14Simon Peter&#8209;em ungipaatiinkut naten Kiyaghneghem nakmikuqestallghi Gentile&#8209;et ellminun katam yuguluki. Tawaten pilleghmikun liigikestekaqii ellngitlu piniqniluki. 15Enkaam Kiyaghneghem sallgha Gentile&#8209;enun elqughutuq uuknaliqistet igaqegkiitnun. Akuzitni Igaqegkani Ataneq pikaaguq:</div><div class="q1"> 16&#8216;David&#8209;em mangteghaa uulqaaguq iwernga uteghnighlunga nekefneqiglleqaqa.</div><div class="q1">Naavumayaghngaan nallghusaghlleqaqa.</div><div class="q1"> 17Taagken qamaglluteng ilangi yuget Gentile&#8209;eneng nakmikegkama whangamnun katam pinguluki,</div><div class="q1">ellngita liisuglleqaat Ataneq.</div><div class="q1"> 18Atanghuuq tawaten akuzikaq,</div><div class="q2">ima qavngarugllak ellngan liitestekaqii tamaakut.&#8217;&#8221;</div><div class="p"> 19James&#8209;em nagneghutkii, &#8220;Enkaam whanga sumemni Gentile&#8209;et qiivegkat Kiyaghneghmun qaatkutesqughaafqiita Liilightuusamnnun pilteki. 20Itupill latatgun neghesnaniilteki neqmeng aghqutkegkameng kiyaghnengllaqanun, qemitkameng teghikusameng, aawmeng; ineghteltekillu seghleghqusiqefqaan sex pisqelluku. 21Tawaten piyaghqaanghitut qayughllak Moses&#8209;em Liilightuusaan iinghutkaqii tamaakut. Ima qavngarugllaggaaneng Jews&#8209;et nagataqiit Liilightuusat atightughluki ungipaqenghatki Sabbath&#8209;a tamaghhaan, nani alngunak synagogue&#8209;ni.&#8221;</div><div class="s">Latat Gentile&#8209;et Ugpeqiitnun</div><div class="p"> 22Taagken apostle&#8209;et, Elder&#8209;et, qamagllutengllu ugpeqat nakmiiqat yugmeggneng maligutesaghqameng Paul&#8209;enkugnun Barnabas&#8209;enkugnun Antioch&#8209;mun pinaqelghiignun. Nakmikegkagket Silas&#8209;enkuk Judas&#8209;enkuk ateghaqelghii Barsabbas&#8209;meng. Taakuk yugek Jerusalem&#8209;eghmiit ugpeqiita siivakepigtekagket. 23Elkegnekun tuyuqiit latat whaten igaqegkat:</div><div class="pm">&#8220;Whangkuta apostle&#8209;enillu Elder&#8209;enillu lataaqukut Gentile&#8209;enun ugpeqaalgutemnnun Antioch&#8209;melngughnun, Syria&#8209;melngughnun, Cilicia&#8209;melngughnunllu, quyakamsi!</div><div class="pm"> 24Nagaquumaakut yumtanguq ilangita takulusi sameng pilusi seghleghyugtekaqiisillu kukragyugtekaqiisillu. Naqamllu whangkuta tawaten pisqumangitaput. 25Enkaam qerngaamta agghilluta nakmikagput Judas&#8209;enkuk Silas&#8209;enkuk maligutesqellukek piniqegkamnnun ugpeqaalgutemnnun Barnabas&#8209;enkugnun Paul&#8209;enkugnun, elpesinun pinaqelghiignun. 26Taakuk Barnabas&#8209;enkuk Paul&#8209;enkuk tuqusaghngiistek pikaaguk apalluqluku Ataneghput Jesus Christ&#8209;a. 27Judas&#8209;enkuk Silas&#8209;enkuk kayaggnaqagput aapghwaaghesqelluki taakut ataasit latatkegkaput elpesinun. 28Agleghnalghiimllu Taghnegham, whangkutallu itagnaqamsi allulluki Jews&#8209;et Liilightuusiit atuqenghisaghngaaghpesiki pisqelluki. Iwernga ukut Liilightuusat elpesinun atuqesugaput: 29Neghegpenasi neqmeng aghqutkegkameng kiyaghnengllaqanun, aawmeng, teghikusameng qemitkameng, nuqetutaqiteggullu sex&#8209;kun seghleghqelleq. Maligtekufsiki taakut Liilightuusat taawa pinitun pillequsi.</div><div class="pm">Tawatenginaq lataamsi.&#8221;</div><div class="p"> 30Taagken taakut yuget aghulaqegkat Jerusalem&#8209;emeng Antioch&#8209;mun. Kaasameng qerngughlluki ugpeqat tuunegkiit latat. 31Atightughluki latat elngaatall quyateghllakat qayughllak ilutughlleghhiit. 32Judas&#8209;enkuk Silas&#8209;enkuk elkeklu uuknaliqistengulghiik, enkaam ungipaqiighaataghllakak ugpeqanun ugpellghit iknaqughtesqelluki. 33Tamaantelqinaghlutek aghulaqsukak. Enkaam ugpeqat aghulaqestekagket whaten pilukek, &#8220;Nekeggmellelgutek igleghalleghpetegni.&#8221; Taagken uteghniqak kayagtistemegnun Jerusalem&#8209;emelngughnun. 34Iwernga Silas tamaansukaq. 35Taakuk Paul&#8209;enkuk Barnabas&#8209;enkuk Antioch&#8209;metaaghaqak. Elkeklu maligullutek uglapiglleghhiinun ugpeqanun apeghtughikaklu ungipaqikaklu ungipaaneng Atanghem.</div><div class="s">Pellghututellghak Paul&#8209;enkuk Barnabas&#8209;enkuk</div><div class="p"> 36Tagtalmi Paul&#8209;em pikaa Barnabas, &#8220;Takuughaqaaltegneki ungipaqivikegkapung Atanghem ungipaaneng, esghaghyaghtuultegneki natetulangi ugpeqaalgutepung.&#8221; 37Barnabas&#8209;em kelqesukaa John Mark, 38iwernga Paul&#8209;em kelqesugumangilkanga, qayughllak Pamphylia&#8209;melluteng John Mark&#8209;em unitkakek qepghaqaghteng taaqestegpenaan. 39Paul&#8209;enkuk Barnabas&#8209;enkuk aaghtiiraaghutkeghllagluku pelleghmun aghulaquutkak. Barnabas&#8209;em kelqelluku Mark angyaghpagkun Cyprus&#8209;mun pikaq. 40Enkaam Paul&#8209;em aghulaqfagilgami nakmikegkaa Silas kelqennaluku. Taagken ugpeqat yughaatkellukek neghyukutkagket Ataneghmun aflengakesqellukek. 41Igleghtekak Syria&#8209;kunllu Cilicia&#8209;kunllu iknaqughsaamiita ugpeqat ugpellghit.</div>
 </div>
 </div>
</div>

Taagken Judea‑meng ilangi yuget tagiluteng Antioch‑mun ugpeqanun apeghtughikat, “Yugulillengnaanghitusi wetkuqun circumcise‑ekufsi Moses‑em Liilightuusaan qelellghatun.” Iwernga Paul‑enkuk Barnabas‑enkuk elngaatall aaghtiiraaqiik taakut yuget apeghtuusiitneng. Enkaam ugpeqat nakmikegkiit Paul‑enkuk, Barnabas‑enkuk, ilangillu yuget Antioch‑meng pit, Jerusalem‑etesqelluki aapsaghtiisqelluki apostle‑etlu Elder‑etlu qerngaghmelnguut naliq apeghtuusaq elqughutngatanga.
Kayagsisteng Paul‑enkut igleghatkelluku Phoenicia‑kunllu, Samaria‑kunllu ugpeqat tamaanlenguut ungipaatkiit Gentile‑et Kiyaghneghmun qiivuusimaniluki, enkaam qamaglluteng ugpeqat quyateghllakat. Kaasata Jerusalem‑emun apostle‑etlu, Elder‑etlu, ugpeqatlu upughatkiit. Taagken Paul‑enkut apeghlaataqaat Kiyaghneghem apeghiillgha ellmegteggun. Ilangi ugpeqat Pharisees‑et nekevluteng pikat, “Tamaakut Gentile‑et yugulillengyaghqaanghitut wetkuqun circumcise‑elutengllu, qaatkullutengllu Moses‑em Liilightuusaanun.”
Taagken apostle‑etlu Elder‑etlu qerngughutkat agghitkennalukek taakuk. Akuzitkenneghpagllakaat. Taagken Peter‑em nekevluni pikii, “Ugpeqaalgutemni, liisimakaghsi qavngaq Kiyaghneghem nakmikegkaqaanga Gentile‑enun ungipaqisqellunga Pinilghiineng Ungipaneng ugpeghesqelluki. Kiyaghneghem liisimakilghiim yugem tamaghhaan sumeghtaghallghaneng, tugukliqaqii Gentile‑et. Kelgutkaqaa tuguklighilleni ellngitneng tuunelleghmikun Agleghnalghiik Taghneghak katam tawaten whangkunnun tuunelleghmitun. Whangkutestungwaaq kiyaghutaqii; whangkutestungwaaq ukmangighaqii ilungit ugpenghata. Enkaam sanganꞌngam Kiyaghneq sakraasnaqutkengngusteggu qelelleghpesigun Gentile‑et ugpeqiit qaatkelluki Liilightuusaput kiyaghtesqelluki? Talwa sivunemtallu whangkutallu qaatkepagningilkeput taakut Liilightuusat yugulillengnaluta. Iwernga ugpeqaghput Kiyaghneghem yugulikaqiinkut kayusillghakun Atanghem Jesus‑em tawateghpigaq Gentile‑enun pilleghmitun.”
Taagken tawantullghiit qallegnanighwaaghulluteng nagatkagket Barnabas‑enkuk, Paul‑enkuk aapqangik ellmetegnegun Kiyaghneghem allaaghlluwhaghtillghi Gentile‑enun. Akuzineghmeng taaqsayek James‑em pikii, “Ugpeqaalgutemni, nagataghtengnga! Simon Peter‑em ungipaatiinkut naten Kiyaghneghem nakmikuqestallghi Gentile‑et ellminun katam yuguluki. Tawaten pilleghmikun liigikestekaqii ellngitlu piniqniluki. Enkaam Kiyaghneghem sallgha Gentile‑enun elqughutuq uuknaliqistet igaqegkiitnun. Akuzitni Igaqegkani Ataneq pikaaguq:
‘David‑em mangteghaa uulqaaguq iwernga uteghnighlunga nekefneqiglleqaqa.
Naavumayaghngaan nallghusaghlleqaqa.
Taagken qamaglluteng ilangi yuget Gentile‑eneng nakmikegkama whangamnun katam pinguluki,
ellngita liisuglleqaat Ataneq.
Atanghuuq tawaten akuzikaq,
ima qavngarugllak ellngan liitestekaqii tamaakut.’”
James‑em nagneghutkii, “Enkaam whanga sumemni Gentile‑et qiivegkat Kiyaghneghmun qaatkutesqughaafqiita Liilightuusamnnun pilteki. Itupill latatgun neghesnaniilteki neqmeng aghqutkegkameng kiyaghnengllaqanun, qemitkameng teghikusameng, aawmeng; ineghteltekillu seghleghqusiqefqaan sex pisqelluku. Tawaten piyaghqaanghitut qayughllak Moses‑em Liilightuusaan iinghutkaqii tamaakut. Ima qavngarugllaggaaneng Jews‑et nagataqiit Liilightuusat atightughluki ungipaqenghatki Sabbath‑a tamaghhaan, nani alngunak synagogue‑ni.”

Taagken apostle‑et, Elder‑et, qamagllutengllu ugpeqat nakmiiqat yugmeggneng maligutesaghqameng Paul‑enkugnun Barnabas‑enkugnun Antioch‑mun pinaqelghiignun. Nakmikegkagket Silas‑enkuk Judas‑enkuk ateghaqelghii Barsabbas‑meng. Taakuk yugek Jerusalem‑eghmiit ugpeqiita siivakepigtekagket. Elkegnekun tuyuqiit latat whaten igaqegkat:
“Whangkuta apostle‑enillu Elder‑enillu lataaqukut Gentile‑enun ugpeqaalgutemnnun Antioch‑melngughnun, Syria‑melngughnun, Cilicia‑melngughnunllu, quyakamsi!
Nagaquumaakut yumtanguq ilangita takulusi sameng pilusi seghleghyugtekaqiisillu kukragyugtekaqiisillu. Naqamllu whangkuta tawaten pisqumangitaput. Enkaam qerngaamta agghilluta nakmikagput Judas‑enkuk Silas‑enkuk maligutesqellukek piniqegkamnnun ugpeqaalgutemnnun Barnabas‑enkugnun Paul‑enkugnun, elpesinun pinaqelghiignun. Taakuk Barnabas‑enkuk Paul‑enkuk tuqusaghngiistek pikaaguk apalluqluku Ataneghput Jesus Christ‑a. Judas‑enkuk Silas‑enkuk kayaggnaqagput aapghwaaghesqelluki taakut ataasit latatkegkaput elpesinun. Agleghnalghiimllu Taghnegham, whangkutallu itagnaqamsi allulluki Jews‑et Liilightuusiit atuqenghisaghngaaghpesiki pisqelluki. Iwernga ukut Liilightuusat elpesinun atuqesugaput: Neghegpenasi neqmeng aghqutkegkameng kiyaghnengllaqanun, aawmeng, teghikusameng qemitkameng, nuqetutaqiteggullu sex‑kun seghleghqelleq. Maligtekufsiki taakut Liilightuusat taawa pinitun pillequsi.
Tawatenginaq lataamsi.”
Taagken taakut yuget aghulaqegkat Jerusalem‑emeng Antioch‑mun. Kaasameng qerngughlluki ugpeqat tuunegkiit latat. Atightughluki latat elngaatall quyateghllakat qayughllak ilutughlleghhiit. Judas‑enkuk Silas‑enkuk elkeklu uuknaliqistengulghiik, enkaam ungipaqiighaataghllakak ugpeqanun ugpellghit iknaqughtesqelluki. Tamaantelqinaghlutek aghulaqsukak. Enkaam ugpeqat aghulaqestekagket whaten pilukek, “Nekeggmellelgutek igleghalleghpetegni.” Taagken uteghniqak kayagtistemegnun Jerusalem‑emelngughnun. Iwernga Silas tamaansukaq. Taakuk Paul‑enkuk Barnabas‑enkuk Antioch‑metaaghaqak. Elkeklu maligullutek uglapiglleghhiinun ugpeqanun apeghtughikaklu ungipaqikaklu ungipaaneng Atanghem.

Tagtalmi Paul‑em pikaa Barnabas, “Takuughaqaaltegneki ungipaqivikegkapung Atanghem ungipaaneng, esghaghyaghtuultegneki natetulangi ugpeqaalgutepung.” Barnabas‑em kelqesukaa John Mark, iwernga Paul‑em kelqesugumangilkanga, qayughllak Pamphylia‑melluteng John Mark‑em unitkakek qepghaqaghteng taaqestegpenaan. Paul‑enkuk Barnabas‑enkuk aaghtiiraaghutkeghllagluku pelleghmun aghulaquutkak. Barnabas‑em kelqelluku Mark angyaghpagkun Cyprus‑mun pikaq. Enkaam Paul‑em aghulaqfagilgami nakmikegkaa Silas kelqennaluku. Taagken ugpeqat yughaatkellukek neghyukutkagket Ataneghmun aflengakesqellukek. Igleghtekak Syria‑kunllu Cilicia‑kunllu iknaqughsaamiita ugpeqat ugpellghit.

ਸੁਣੋ Acts 15