ፓይዱዋ 25
25
እስራኤላቱ ፓኦራ ግያ ሳን ናጋራ ኦድኖ
1እስራኤላቱ ሺጽማ ግያ ሳን ዱንካኔዳ ዎደ፥ አሳይ ሞኣባ ቢታ ማቼቱዋና ሻርሙጹዋ ዶሜዳ። 2ሄ ማጫ አሳቱ ባረንቱ ጾሳቱዋ ያርሹዋ ማናዉ ኡንቱንታ ሾቤድኖ፤ ኡንቱንቱ ሚደ፥ ኡንቱንቱ ጾሳቶ ጎይኔድኖ። 3እስራኤላቱ ፓኦራ ባኣላ ግያ ኤቃ ካሌዳ ድራዉ፥ መና ጎዳ ሀንቁ ኡንቱንቱ ቦላን ኤጽ ከሴዳ። 4ያትና መና ጎዳይ ሙሳ፥ “መና ጎዳ ሀንቁ እስራኤልያፐ ዎራ ስማና ማላ፥ ሀ አሳ ካለያዋንታ ኡባ አፋደ፥ ሴታ ጋላስ መና ጎዳ ስንን ካቃ” ያጌዳ። 5ሙሴ እስራኤልያ ዳናቱዋ፥ “ፓኦራ ባኣላ ግያ ኤቃዉ ጎይኔዳ ህንተ አሳ ኡባ ህንተ ሁጲያን ሁጲያን ዎተ” ያጌዳ።
6ሙሴነ እስራኤልያ ማባራይ ኡባይ ጋከትያ ዱንካንያ ፐንግያን ዬክሽን፥ እስራኤላቱዋፐ እቱ ምድያማ ቢታ ምሽራቶ ኡንቱንቱ ስንና አደ፥ ባረ ጎልያ አሳኮ አሄዳ። 7ቄስያ አሮና ናኣ ኤልኣዛራ ናአይ ፒንሃስ ሄዋ በኤዳ ዎደ፥ ማባራ ግዶፐ ደንዲደ፥ ቶራ ባረ ኩሽያን ኦይቂደ፥ 8ሄ እስራኤልያ ብታንያ ካሊደ፥ ዱንካንያ ግዶ ገሌዳ። እስራኤልያ ብታንያነ ምሽራቶነ ላኡዋካ ቶራን ጫዲደ፥ ካን ከሴዳ። ሄዋዳን ሀንና፥ ቦሻይ እስራኤላቱዋፐ ቃረቴዳ፤ 9ሽን ሄ ቦሻን ሀይቄዳ አሳይ ላታማነ ኦይዱ ሻአ።
10ሄዋፐ ጉይያን፥ መና ጎዳይ ሙሳ ሀዋዳን ያጌዳ፤ 11“ቄስያ አሮና ናኣ ኤልኣዛራ ናአይ ፒንሃስ እስራኤልያ አሳ ግዶን ታን ታ ቦንቾ ምሸትያዋዳን ምሸቴዳ ድራዉ፥ ኡንቱንቱ ቦላ ታን ሀንቀቴዳ ሀንቁ ዶቼዳ፤ ታንካ ኡንቱንታ ታ ሀንቁዋን ይሳበይከ። 12ሄዋ ድራዉ፥ ታን ታ ሳሮተ ጫቁዋ አናና ጫቀትያዋ ፒንሃሳዉ ኔን ኦዳ። 13እ ባረ ጾሳ ቦንቾ ምሸቴዳ ግሻዉነ እስራኤልያ አሳዉ አቶ ጊሴዳ ድራዉ፥ እነ አ ዘረቱ መናዉ ቄሰ ግዳናዋ” ያጌዳ።
14ምድያማ ቢታ ምሽራትና ዎዳ እስራኤልያ ብታንያ ሱንይ ሳሉ ናኣ ዝምራ፤ ሳሉ ስሞና ዛራቱዋን እት ያራ ካፑዋ። 15ሀይቄዳ ምድያማ ቢታ ምሽራት ሱንይ ኮዝቦ፤ እ አዉ ጹር ምድያማቱ ያራ ካፑዋ።
16መና ጎዳይ ሙሳ ሀዋዳን ያጌዳ፤ 17“ምድያማ ቢታ አሳቱዋ ሞርክተ፤ ኡንቱንታ ዎተ። 18አያዉ ጎፐ፥ ኡንቱንቱ ህንተና ፓኦራን ጭሚደ፥ ህንተዉ ሞርከ ግዴድኖ፤ ቃይ ቦሻ ጋላስ ፓኦራን ዎዳ ምሽራት፥ ምድያማቱ ያራ ካፑዋ ናት ኮዝብ ጋሱዋን ኡንቱንቱ ህንተና ሞርኬድኖ” ያጌዳ።
Nu geselecteerd:
ፓይዱዋ 25: DFBE
Markering
Kopiëren
Vergelijk
Delen
Wil je jouw markerkingen op al je apparaten opslaan? Meld je aan of log in
The Word for the World Ethiopia
ፓይዱዋ 25
25
እስራኤላቱ ፓኦራ ግያ ሳን ናጋራ ኦድኖ
1እስራኤላቱ ሺጽማ ግያ ሳን ዱንካኔዳ ዎደ፥ አሳይ ሞኣባ ቢታ ማቼቱዋና ሻርሙጹዋ ዶሜዳ። 2ሄ ማጫ አሳቱ ባረንቱ ጾሳቱዋ ያርሹዋ ማናዉ ኡንቱንታ ሾቤድኖ፤ ኡንቱንቱ ሚደ፥ ኡንቱንቱ ጾሳቶ ጎይኔድኖ። 3እስራኤላቱ ፓኦራ ባኣላ ግያ ኤቃ ካሌዳ ድራዉ፥ መና ጎዳ ሀንቁ ኡንቱንቱ ቦላን ኤጽ ከሴዳ። 4ያትና መና ጎዳይ ሙሳ፥ “መና ጎዳ ሀንቁ እስራኤልያፐ ዎራ ስማና ማላ፥ ሀ አሳ ካለያዋንታ ኡባ አፋደ፥ ሴታ ጋላስ መና ጎዳ ስንን ካቃ” ያጌዳ። 5ሙሴ እስራኤልያ ዳናቱዋ፥ “ፓኦራ ባኣላ ግያ ኤቃዉ ጎይኔዳ ህንተ አሳ ኡባ ህንተ ሁጲያን ሁጲያን ዎተ” ያጌዳ።
6ሙሴነ እስራኤልያ ማባራይ ኡባይ ጋከትያ ዱንካንያ ፐንግያን ዬክሽን፥ እስራኤላቱዋፐ እቱ ምድያማ ቢታ ምሽራቶ ኡንቱንቱ ስንና አደ፥ ባረ ጎልያ አሳኮ አሄዳ። 7ቄስያ አሮና ናኣ ኤልኣዛራ ናአይ ፒንሃስ ሄዋ በኤዳ ዎደ፥ ማባራ ግዶፐ ደንዲደ፥ ቶራ ባረ ኩሽያን ኦይቂደ፥ 8ሄ እስራኤልያ ብታንያ ካሊደ፥ ዱንካንያ ግዶ ገሌዳ። እስራኤልያ ብታንያነ ምሽራቶነ ላኡዋካ ቶራን ጫዲደ፥ ካን ከሴዳ። ሄዋዳን ሀንና፥ ቦሻይ እስራኤላቱዋፐ ቃረቴዳ፤ 9ሽን ሄ ቦሻን ሀይቄዳ አሳይ ላታማነ ኦይዱ ሻአ።
10ሄዋፐ ጉይያን፥ መና ጎዳይ ሙሳ ሀዋዳን ያጌዳ፤ 11“ቄስያ አሮና ናኣ ኤልኣዛራ ናአይ ፒንሃስ እስራኤልያ አሳ ግዶን ታን ታ ቦንቾ ምሸትያዋዳን ምሸቴዳ ድራዉ፥ ኡንቱንቱ ቦላ ታን ሀንቀቴዳ ሀንቁ ዶቼዳ፤ ታንካ ኡንቱንታ ታ ሀንቁዋን ይሳበይከ። 12ሄዋ ድራዉ፥ ታን ታ ሳሮተ ጫቁዋ አናና ጫቀትያዋ ፒንሃሳዉ ኔን ኦዳ። 13እ ባረ ጾሳ ቦንቾ ምሸቴዳ ግሻዉነ እስራኤልያ አሳዉ አቶ ጊሴዳ ድራዉ፥ እነ አ ዘረቱ መናዉ ቄሰ ግዳናዋ” ያጌዳ።
14ምድያማ ቢታ ምሽራትና ዎዳ እስራኤልያ ብታንያ ሱንይ ሳሉ ናኣ ዝምራ፤ ሳሉ ስሞና ዛራቱዋን እት ያራ ካፑዋ። 15ሀይቄዳ ምድያማ ቢታ ምሽራት ሱንይ ኮዝቦ፤ እ አዉ ጹር ምድያማቱ ያራ ካፑዋ።
16መና ጎዳይ ሙሳ ሀዋዳን ያጌዳ፤ 17“ምድያማ ቢታ አሳቱዋ ሞርክተ፤ ኡንቱንታ ዎተ። 18አያዉ ጎፐ፥ ኡንቱንቱ ህንተና ፓኦራን ጭሚደ፥ ህንተዉ ሞርከ ግዴድኖ፤ ቃይ ቦሻ ጋላስ ፓኦራን ዎዳ ምሽራት፥ ምድያማቱ ያራ ካፑዋ ናት ኮዝብ ጋሱዋን ኡንቱንቱ ህንተና ሞርኬድኖ” ያጌዳ።
Nu geselecteerd:
:
Markering
Kopiëren
Vergelijk
Delen
Wil je jouw markerkingen op al je apparaten opslaan? Meld je aan of log in
The Word for the World Ethiopia