मती नाःआ कागद बदीरे
नाःआ कागद बदीरे
नाःआ कागद मती ञावीग होड़ ओजाःकेरा। हाँय मी होड़ एहूदा जइत होडे दोहोना। अरू ईसूरिकुःआ बारहगोटोंग मूक चेलाकू अते मी होड़े दोहोना अरू मूक चेला बड़ाँः अते मड़ंग मलगुजारी गोः होड़े दोहोना।
भगवान जुना नियमरे हजार बरिस मनाड़ंगरे अनँयगरिकुःआ होड़कू एचेरेय जबानतेरा हनाँयग सडावदार, इनीसू मसी हवे माःआन, एहूदाकू कता समझाव लगा मती नाःआ कागदे ओजाःतेरा। नाःआ नपाय सरवन एहूदाकू लगा एकला कोवान, मनदो जमा चउंदीसरिकुःआ होड़कू लगा इदा।
नाःआ कागदरे ईसू मसीराः जनमाः अरू बतिसमा अरू हाँयराः अंदजाव बदीरे ओजाःतो इदा। गलील छतररे ईसूराः परसार, चेड अरू होड़कू हसूतेय नपायतेडकुःआ हना सेवाराः बदीरे हों ओजाःतो इदा। अरू टुटीगरे ईसूराः कुरूसरे गुजुः अरू गोएगतो अते जियाव रिमुः बदीरे हों ओजाःतो इदा। नाःआ कागदरे जमा अते बगरा ईसू मसीराः चेडकूनराः बदीरे ओजाःतो इदा। हाँयराः चेडकून पाँच बंटारे हटिंग अवेयता
पहाड़राः चेड (पाठ 5 अते पाठ 7 वरी)
सेवा लगा चेड (पाठ 10)
सेरमो देस बदीरे कहड़ीकून (पाठ 13)
चेला बड़ाँःराः चेड (पाठ 18)
चउंदीस टुटीगगुः बदीरे चेड (पाठ 24 अरू पाठ 25)
बिसय सूची
नइड़-बाँस सूची अरू ईसूराः जनमाः 1:1–2:23
बतिसमा एमेयीग होड़ एहुनाराः सेवा 3:1-12
ईसूराः बतिसमा अरू अंदजाव 3:13–4:11
गलील छतररे ईसूराः सेवा 4:12–18:25
गलील अते एरुसलेम सहर वरी ईसूराः सेन 19:1–20:34
एरुसलेमरे टुटीग हपता 21:1–27:66
ईसूराः जियाव रिमुः अरू एचे ञिलुः 28:1-20
Nu geselecteerd:
मती नाःआ कागद बदीरे: kfp
Markering
Deel
Kopiëren
Wil je jouw markerkingen op al je apparaten opslaan? Meld je aan of log in
© (Active) Wycliffe Bible Translators, Inc. All rights reserved.