လံာ်မးသဲ 15
15
မိၢ်ပၢ်ဖံဖုလၢပျၢၤအလုၢ်အလၢ်
(မၢ်. ၇:၁-၁၃)
1ပှၤဖၤရံၤၡဲဒီးပှၤသ့တၢ်ဘူၣ်တၢ်ဘါအတၢ်သိၣ်တၢ်သီတဖၣ်, ဟဲလၢဝ့ၢ်ယရူၤၡလ့ၣ်ဆူယ့ၣ်ၡူးအအိၣ်ဒီးသံကွၢ်အီၤ, 2“ဘၣ်မနုၤလၢနပျဲၢ်နဘီၣ်တဖၣ်လုၣ်သ့ၣ်ခါပတာ် ပမိၢ်ပၢ်ဖံဖုလၢပျၢၤအလုၢ်အလၢ်တဖၣ်လဲၣ်. တချုးလၢအဝဲသ့ၣ်အီၣ်တၢ်အီၣ်န့ၣ်, အဝဲသ့ၣ်တသ့အစုဒ်တၢ်အလုၢ်အလၢ်အိၣ်ဝဲအသိးဘၣ်.”
3ယ့ၣ်ၡူးစံးဆၢအဝဲသ့ၣ်, “ဘၣ်မနုၤလၢသုလုၣ်သ့ၣ်ခါပတာ် ကစၢ်ယွၤအတၢ်မၤလိာ်ဒ်သိးသုကမၤထွဲဘၣ်သုတၢ်လုၢ်တၢ်လၢ် ဒၣ်ဝဲအခံန့ၣ်လဲၣ်. 4အဂ့ၢ်ဒ်အံၤ, ကစၢ်ယွၤမၤလိာ်ဝဲဒီးစံး, ‘ယူးယီၣ်နမိၢ်ဒီးနပၢ်တက့ၢ်. (ဟးထီၣ် ၂၀:၁၂), ဒီးကယဲၢ်ပှၤလၢအဆိၣ်အၢအမိၢ်မ့ၢ်ဂ့ၤ, အပၢ်မ့ၢ်ဂ့ၤန့ၣ်, မ်အဘၣ်တၢ်မၤသံအီၤတက့ၢ်.’ (ဟးထီၣ် ၂၁:၁၇) 5ဘၣ်ဆၣ်ဒီး, သုစံးလၢပှၤတဂၤလၢ်လၢ်လၢအအိၣ်ဒီးတၢ်တမံၤမံၤလၢ ကဟ့ၣ်မၤစၢၤအမိၢ်မ့ၢ်ဂ့ၤ, အပၢ်မ့ၢ်ဂ့ၤန့ၣ်, မ့ၢ်စံးဝဲလၢအလုၢ်ထီၣ်တ့ၢ်တၢ်န့ၣ်လၢယွၤလံဒီး, 6အလီၢ်တအိၣ်ဘၣ်လၢအကယူးယီၣ်အမိၢ်အပၢ်လၢၤဘၣ်န့ၣ်လီၤ. လၢကျဲဒ်အံၤ, သုမၤဟးဂီၤကွံာ်ယွၤအတၢ်မၤလိာ်, ဒ်သိးသုကမၤဘၣ်သုလုၢ်သုလၢ်ဒၣ်ဝဲန့ၣ်လီၤ. 7ပှၤပာ်မၤအသးဖိသ့ၣ်ဧၢ, တၢ်လၢဝံယၡါယၤစံးတ့ၢ်ဝဲလၢသုဂ့ၢ် န့ၣ်တီမးလီၤ. စံးဝဲ,
8‘ကစၢ်ယွၤစံးဝဲဒၣ်, ပှၤတကလုာ်အံၤ
ယူးယီၣ်ယၤလၢအထးခိၣ်
ဘၣ်ဆၣ်အသးန့ၣ်ယံၤမးဒီးယၤလီၤ.
9အဝဲသ့ၣ်အတၢ်ဘူၣ်ထီၣ်ဘါထီၣ်ယၤန့ၣ်
အဘျုးတအိၣ်ဘၣ်. အဂ့ၢ်ဒ်အံၤ,
အဝဲသ့ၣ်သိၣ်လီၤသီလီၤတၢ်သိၣ်တၢ်သီလၢ
ပှၤကညီဒုးအိၣ်ထီၣ်တဖၣ်,
ဒ်အမ့ၢ်ယတၢ်မၤလိာ်တဖၣ်အသိးအဃိလီၤ’ ”
(ၡါ. ၂၉:၁၃).
တၢ်လၢအမၤတကဆှီဘၣ်ပှၤကညီ
(မၢ်. ၇:၁၄-၂၃)
10ယ့ၣ်ၡူးကိးပှၤဂီၢ်မုၢ်ဆူအအိၣ်ဒီးစံးဘၣ်အဝဲသ့ၣ်, “ဒိကနၣ်ဒီးနၢ်ပၢၢ်တက့ၢ်. 11တၢ်လၢအလဲၤနုာ်ဆူပှၤအကိာ်ပူၤန့ၣ်, တမ့ၢ်ဘၣ်တၢ်လၢအမၤတကဆှီဘၣ်ပှၤကညီဘၣ်. မ့မ့ၢ်တၢ်လၢအဟဲထီၣ်လၢပှၤအကိာ်ပူၤန့ၣ်, မ့ၢ်တၢ်လၢအမၤတကဆှီဘၣ်ပှၤကညီန့ၣ်လီၤ.”
12တုၤနုၤတစု, အပျဲၢ်အဘီၣ်တဖၣ်ဟဲဆူအအိၣ်ဒီးစံးဘၣ်အီၤ, “တၢ်လၢနတဲတဖၣ်မၤဆါပှၤဖၤရံၤၡဲတဖၣ်အသးန့ၣ်, မ့ၢ်နသ့ၣ်ညါစ့ၢ်ကီးဧါ.”
13အဝဲစံးဆၢတၢ်ဒီးစံး, “ကယဲၢ်တၢ်မုၢ်တၢ်ဘိလၢယပၢ်လၢမူခိၣ်တဂၤ တသူၣ်လီၤဘၣ်ဝဲန့ၣ်, ကဘၣ်တၢ်ထဲးထီၣ်ကွံာ်အီၤလီၤ. 14ပျဲအဝဲသ့ၣ်အိၣ်ဒၣ်အတၢ်တက့ၢ်. အဝဲသ့ၣ်မ့ၢ်ပှၤဆှၢတၢ်လၢအမဲာ်ဘျီၣ်တဖၣ်လီၤ. ဒီးဖဲပှၤမဲာ်ဘျီၣ်ဆှၢပှၤမဲာ်ဘျီၣ်န့ၣ်, အဝဲသ့ၣ်ကလီၤတဲာ်နုာ်ဆူတၢ်ပူၤခံဂၤလၢာ်န့ၣ်လီၤ.”
15စီၤပ့းတရူးစံး, “တဲဘၣ်ပှၤလၢတၢ်ကတိၤဒိအံၤအခီ ပညီတက့ၢ်.”
16ယ့ၣ်ၡူးစံးဆၢဝဲ, “သုဝဲစ့ၢ်ကီးသုတနၢ်ပၢၢ်ဒံးဘၣ်ဧါ.
17တၢ်တမံၤလၢ်လၢ်လၢအလဲၤနုာ်ဆူပှၤအကိာ်ပူၤန့ၣ်, လဲၤခီဖျိပှၤအဟၢဖၢ, ဒီးဟးထီၣ်ကွံာ်လၢအနီၢ်ခိအပူၤန့ၣ်, မ့ၢ်သုတသ့ၣ်ညါဘၣ်ဧါ. 18ဘၣ်ဆၣ်တၢ်လၢအဟဲထီၣ်လၢပှၤအကိာ်ပူၤန့ၣ်, ဟဲထီၣ်လၢပှၤအသးကံၢ်ပူၤလီၤ. တၢ်န့ၣ်မ့ၢ်တၢ်လၢအမၤတကဆှီဘၣ်ပှၤကညီန့ၣ်လီၤ. 19အဂ့ၢ်ဒ်အံၤ, တၢ်ဆိကမိၣ်အအၢအသီလၢအဆှၢပှၤဆူတၢ်မၤသံပှၤ, တၢ်အဲၣ်ဘၢမါအဲၣ်ဘၢဝၤ, တၢ်မၤကမၣ်မုၣ်ကမၣ်ခွါ, တၢ်ဟုၣ်တၢ်ဘျၣ်တၢ်, တၢ်အုၣ်အသးကဘျံးကဘျၣ်, ဒီးတၢ်ဒုၣ်ဒွဲၣ်စံးအၢတၢ်တဖၣ်န့ၣ်, ဟဲထီၣ်ဒၣ်လၢပှၤကညီအသးကံၢ်ပူၤလီၤ. 20တၢ်တဖၣ်အံၤ, မ့ၢ်တၢ်လၢအမၤတကဆှီဘၣ်ပှၤကညီလီၤ. မ့မ့ၢ်, ပှၤအီၣ်တၢ်ဒီးအစုလၢအတဘၣ်တၢ်သ့အီၤန့ၣ်, တမၤတကဆှီဘၣ်ပှၤကညီဘၣ်.”
ပိာ်မုၣ်တဂၤအတၢ်နာ်
(မၢ်. ၇:၂၄-၃၀)
21ယ့ၣ်ၡူးဟးထီၣ်ဖဲန့ၣ်, ဒီးလဲၤဝဲဆူတၢ်လီၢ်လၢအအိၣ်ဘူးဒီးဝ့ၢ်ထါယၢၣ် ဒီးစံဒိၣ်တဖၣ်လီၤ. 22ဒီးပှၤကနၤဧၣ်မုၣ်တဂၤ, လၢအအိၣ်ဖဲတၢ်လီၢ်န့ၣ်ဟဲဆူအအိၣ်ဒီးကိးထီၣ်ဝဲ, “စီၤဒၤဝံးအဖိခွါ, ကစၢ်ဧၢ, သူၣ်ကညီၤသးကညီၤလၢ်ယၤတက့ၢ်. ယဖိမုၣ်န့ၣ် တၢ်နါဒိးအီၤဒီးဘၣ်တူၢ်ဝဲနးမးလီၤ.”
23ဘၣ်ဆၣ် ယ့ၣ်ၡူးတကတိၤဆၢအီၤနီတဘီဘၣ်. အပျဲၢ်အဘီၣ်တဖၣ်ဟဲဆူအအိၣ်ဒီးဃ့ကညးအီၤဒီးစံး, “မၢအက့ၤတက့ၢ်. အဂ့ၢ်ဒ်အံၤအဝဲဟးပိာ်ပခံဒီးကိးပသူထီၣ်ဝဲလၢပလီၢ်ခံလီၤ.”
24ယ့ၣ်ၡူးစံးဆၢတၢ်ဒီးစံး, “ယဘၣ်တၢ်ဆှၢလီၤဒၣ်ယၤဆူသိဖိလၢအလီၤမၢ်လၢအမ့ၢ် ပှၤအံၣ်စရ့လးဖိအဒူၣ်အထၢတဖၣ်အအိၣ်လီၤ.”
25ဘၣ်ဆၣ်ပိာ်မုၣ်န့ၣ် ဟဲဒီးတီၤလီၤကဒွံကျိာ်လၢအမဲာ်ညါဒီး စံး, “ကစၢ်ဧၢ, မၤစၢၤယၤတက့ၢ်.”
26ယ့ၣ်ၡူးစံးဆၢဝဲ, “တၢ်လၢဖိအတၢ်အီၣ်န့ၣ်တဂ့ၤဘၣ်တၢ်ဟံးန့ၢ်ဒီးကွံာ်လီၤအီၤဆူ ထွံၣ်အအိၣ်န့ၣ်ဘၣ်.”
27ပိာ်မုၣ်စံးဆၢတၢ်ဒီးစံး, “ကစၢ်ဧၢ, နတဲတၢ်န့ၣ်မ့ၢ်တီမးလီၤ. ဘၣ်ဆၣ်, တၢ်အီၣ်အဘျဲၣ်အစဲၢ်လၢအဟဲလီၤတဲာ်လၢ ကစၢ်အစီၢ်နီၤခိၣ်ဒၣ်လဲာ်န့ၣ်, ထွံၣ်အီၣ်ဘၣ်ဝဲလီၤ.”
28တုၤနုၤတစု, ယ့ၣ်ၡူးစံးဆၢအီၤ, “ပိာ်မုၣ်ဧၢ, နတၢ်နာ်အသဟီၣ်ဆူၣ်ဒိၣ်မးလီၤ. မ်တၢ်ကမၤအသးလၢနဂီၢ်, ဒ်နဆၢနဲအသိးန့ၣ်တက့ၢ်.” ဒီးအဖိမုၣ်န့ၣ်, ဘျါက့ၤဝဲတကတီၢ်ဃီန့ၣ်လီၤ.
ယ့ၣ်ၡူးမၤဘျါက့ၤပှၤအါဂၤ
29ယ့ၣ်ၡူးဟးထီၣ်ဝဲဖဲတၢ်လီၢ်န့ၣ်, ဒီးလဲၤတၢ်လၢပီၣ်လဲၣ်ကၤလံၤလါအနံၤလီၤ. လဲၤထီၣ်ဝဲဆူတၢ်လူၢ်တလူၢ်အဒီခိၣ်, ဒီးဆ့ၣ်နီၤဝဲဖဲန့ၣ်လီၤ. 30ဒီးပှၤဂီၢ်မုၢ်ဖးဒိၣ်ဟဲဆူအအိၣ်, ဟဲစိာ်ဃုာ်ဒီးပှၤအခီၣ်ဟးဂီၤ, ပှၤအစုကၢ်အခီၣ်ချံး, ပှၤအမဲာ်ဘျီၣ်, ပှၤအုးအးဒီးပှၤဘၣ်ဆူးဘၣ်ဆါအဂုၤအဂၤအါဂၤ, ဒီးပာ်လီၤဝဲလၢယ့ၣ်ၡူးအခီၣ်ထံး, ဒီးအဝဲဒၣ်မၤဘျါက့ၤအဝဲသ့ၣ်လီၤ. 31တုၤပှၤဂီၢ်မုၢ်တဖၣ်ထံၣ်ဘၣ်ပှၤအုးအးကတိၤထီၣ်တၢ်, ပှၤအစုကၢ်အခီၣ်ချံးတဖၣ်ဂ့ၤထီၣ်က့ၤ, ပှၤအခီၣ်ဟးဂီၤတဖၣ်ဟးထီၣ်က့ၤ, ဒီးပှၤအမဲာ်ဘျီၣ်ထံၣ်ထီၣ်က့ၤတၢ်ဒီး, ကမၢကမၣ်ဝဲ ဒီးစံးထီၣ်ပတြၢၤအံၣ်စရ့လးအကစၢ်ယွၤလီၤ.
ယ့ၣ်ၡူးလုၢ်အီၣ်ပှၤလွံၢ်ကထိ
(မၢ်. ၈:၁-၁၀)
32ယ့ၣ်ၡူးကိးန့ၢ်အပျဲၢ်အဘီၣ်တဖၣ်ဆူအအိၣ်ဒီးစံးဘၣ်အဝဲသ့ၣ်, “ယသးကညီၤဘၣ်ပှၤဂီၢ်မုၢ်တဖၣ်အံၤလီၤ. အဂ့ၢ်ဒ်အံၤ, အဝဲသ့ၣ်အိၣ်တ့ၢ်ဒီးယၤသၢနံၤလံ. ဒီးအခဲအံၤ အတၢ်အီၣ်တအိၣ်ဘၣ်နီတမံၤဘၣ်. ယတအဲၣ်ဒိးဒုးက့ၤအဝဲသ့ၣ်လၢ တၢ်သၣ်ဝံၤသၣ်စ့ၤအပူၤဘၣ်. ကလီၤဘှံးလီၤဘှါဘၣ်ဖုးလၢကျဲလီၤ.”
33အပျဲၢ်အဘီၣ်တဖၣ်စံးဘၣ်အီၤ, “ပကလဲၤမၤန့ၢ်ဘၣ်တၢ်အီၣ်တၢ်အီလၢ အကလၢဝဲလၢပကဒုးအီၣ်ပှၤဂီၢ်မုၢ်ဖးဒိၣ်အံၤအဂီၢ်, လၢပှၢ်မုၢ်ကနၢအံၤအပူၤဖဲလဲၣ်.”
34ယ့ၣ်ၡူးသံကွၢ်အဝဲသ့ၣ်, “သုကိၣ်အိၣ်ပှံၤဖျၢၣ်လဲၣ်.”
အဝဲသ့ၣ်စံးဆၢဝဲ, “ကိၣ်နွံဖျၢၣ်ဒီးညၣ်ဖိစှၤဘ့ၣ်လီၤ.”
35တုၤနုၤတစုယ့ၣ်ၡူးမၤလိာ်ပှၤဂီၢ်မုၢ်လၢကဆ့ၣ်နီၤလၢဟီၣ်ခိၣ်အလိၤလီၤ. 36အဝဲဟံးန့ၢ်ကိၣ်နွံဖျၢၣ်ဒီးညၣ်ဖိတဖၣ်န့ၣ်, စံးထီၣ်ပတြၢၤကစၢ်ယွၤအဘျုးအဖှိၣ်ဝံၤဒီးစိၢ်ဘျဲးဝဲ, ဒီးဟ့ၣ်လီၤဝဲအပျဲၢ်အဘီၣ်, ဒီးအပျဲၢ်အဘီၣ်တဖၣ်ဟ့ၣ်လီၤပှၤဂီၢ်မုၢ်တဖၣ်လီၤ. 37အဝဲသ့ၣ်ကိးဂၤဒဲးအီၣ်ဝဲဒီးဘျဲးအီၣ်ဘျဲးအီဝဲလီၤ. အပျဲၢ်အဘီၣ်တဖၣ်ထၢဖှိၣ်က့ၤတၢ်အဘျဲၣ်အစဲၢ်ပှဲၤကုနွံဒုလီၤ. 38လၢပိာ်မုၣ်ဒီးဖိသၣ်အမဲာ်ညါ, ပှၤပိာ်ခွါလၢအအီၣ်တၢ်ခဲလၢာ်အိၣ်ဝဲလွံၢ်ကထိဂၤလီၤ.
39ဒီးပျၢ်ကွံာ်ပှၤဂီၢ်မုၢ်တဖၣ်န့ၣ်ဒီး, လဲၤနုာ်ဆူချံပူၤဒီးလဲၤဆူကီၢ်မၤကဒၣ်အခိၣ်အဃၢၤန့ၣ်လီၤ.
Nu geselecteerd:
လံာ်မးသဲ 15: KSWC
Markering
Kopiëren
Vergelijk
Delen
Wil je jouw markerkingen op al je apparaten opslaan? Meld je aan of log in
Sgaw Karen Common Bible © Bible Society of Myanmar, 1992.
လံာ်မးသဲ 15
15
မိၢ်ပၢ်ဖံဖုလၢပျၢၤအလုၢ်အလၢ်
(မၢ်. ၇:၁-၁၃)
1ပှၤဖၤရံၤၡဲဒီးပှၤသ့တၢ်ဘူၣ်တၢ်ဘါအတၢ်သိၣ်တၢ်သီတဖၣ်, ဟဲလၢဝ့ၢ်ယရူၤၡလ့ၣ်ဆူယ့ၣ်ၡူးအအိၣ်ဒီးသံကွၢ်အီၤ, 2“ဘၣ်မနုၤလၢနပျဲၢ်နဘီၣ်တဖၣ်လုၣ်သ့ၣ်ခါပတာ် ပမိၢ်ပၢ်ဖံဖုလၢပျၢၤအလုၢ်အလၢ်တဖၣ်လဲၣ်. တချုးလၢအဝဲသ့ၣ်အီၣ်တၢ်အီၣ်န့ၣ်, အဝဲသ့ၣ်တသ့အစုဒ်တၢ်အလုၢ်အလၢ်အိၣ်ဝဲအသိးဘၣ်.”
3ယ့ၣ်ၡူးစံးဆၢအဝဲသ့ၣ်, “ဘၣ်မနုၤလၢသုလုၣ်သ့ၣ်ခါပတာ် ကစၢ်ယွၤအတၢ်မၤလိာ်ဒ်သိးသုကမၤထွဲဘၣ်သုတၢ်လုၢ်တၢ်လၢ် ဒၣ်ဝဲအခံန့ၣ်လဲၣ်. 4အဂ့ၢ်ဒ်အံၤ, ကစၢ်ယွၤမၤလိာ်ဝဲဒီးစံး, ‘ယူးယီၣ်နမိၢ်ဒီးနပၢ်တက့ၢ်. (ဟးထီၣ် ၂၀:၁၂), ဒီးကယဲၢ်ပှၤလၢအဆိၣ်အၢအမိၢ်မ့ၢ်ဂ့ၤ, အပၢ်မ့ၢ်ဂ့ၤန့ၣ်, မ်အဘၣ်တၢ်မၤသံအီၤတက့ၢ်.’ (ဟးထီၣ် ၂၁:၁၇) 5ဘၣ်ဆၣ်ဒီး, သုစံးလၢပှၤတဂၤလၢ်လၢ်လၢအအိၣ်ဒီးတၢ်တမံၤမံၤလၢ ကဟ့ၣ်မၤစၢၤအမိၢ်မ့ၢ်ဂ့ၤ, အပၢ်မ့ၢ်ဂ့ၤန့ၣ်, မ့ၢ်စံးဝဲလၢအလုၢ်ထီၣ်တ့ၢ်တၢ်န့ၣ်လၢယွၤလံဒီး, 6အလီၢ်တအိၣ်ဘၣ်လၢအကယူးယီၣ်အမိၢ်အပၢ်လၢၤဘၣ်န့ၣ်လီၤ. လၢကျဲဒ်အံၤ, သုမၤဟးဂီၤကွံာ်ယွၤအတၢ်မၤလိာ်, ဒ်သိးသုကမၤဘၣ်သုလုၢ်သုလၢ်ဒၣ်ဝဲန့ၣ်လီၤ. 7ပှၤပာ်မၤအသးဖိသ့ၣ်ဧၢ, တၢ်လၢဝံယၡါယၤစံးတ့ၢ်ဝဲလၢသုဂ့ၢ် န့ၣ်တီမးလီၤ. စံးဝဲ,
8‘ကစၢ်ယွၤစံးဝဲဒၣ်, ပှၤတကလုာ်အံၤ
ယူးယီၣ်ယၤလၢအထးခိၣ်
ဘၣ်ဆၣ်အသးန့ၣ်ယံၤမးဒီးယၤလီၤ.
9အဝဲသ့ၣ်အတၢ်ဘူၣ်ထီၣ်ဘါထီၣ်ယၤန့ၣ်
အဘျုးတအိၣ်ဘၣ်. အဂ့ၢ်ဒ်အံၤ,
အဝဲသ့ၣ်သိၣ်လီၤသီလီၤတၢ်သိၣ်တၢ်သီလၢ
ပှၤကညီဒုးအိၣ်ထီၣ်တဖၣ်,
ဒ်အမ့ၢ်ယတၢ်မၤလိာ်တဖၣ်အသိးအဃိလီၤ’ ”
(ၡါ. ၂၉:၁၃).
တၢ်လၢအမၤတကဆှီဘၣ်ပှၤကညီ
(မၢ်. ၇:၁၄-၂၃)
10ယ့ၣ်ၡူးကိးပှၤဂီၢ်မုၢ်ဆူအအိၣ်ဒီးစံးဘၣ်အဝဲသ့ၣ်, “ဒိကနၣ်ဒီးနၢ်ပၢၢ်တက့ၢ်. 11တၢ်လၢအလဲၤနုာ်ဆူပှၤအကိာ်ပူၤန့ၣ်, တမ့ၢ်ဘၣ်တၢ်လၢအမၤတကဆှီဘၣ်ပှၤကညီဘၣ်. မ့မ့ၢ်တၢ်လၢအဟဲထီၣ်လၢပှၤအကိာ်ပူၤန့ၣ်, မ့ၢ်တၢ်လၢအမၤတကဆှီဘၣ်ပှၤကညီန့ၣ်လီၤ.”
12တုၤနုၤတစု, အပျဲၢ်အဘီၣ်တဖၣ်ဟဲဆူအအိၣ်ဒီးစံးဘၣ်အီၤ, “တၢ်လၢနတဲတဖၣ်မၤဆါပှၤဖၤရံၤၡဲတဖၣ်အသးန့ၣ်, မ့ၢ်နသ့ၣ်ညါစ့ၢ်ကီးဧါ.”
13အဝဲစံးဆၢတၢ်ဒီးစံး, “ကယဲၢ်တၢ်မုၢ်တၢ်ဘိလၢယပၢ်လၢမူခိၣ်တဂၤ တသူၣ်လီၤဘၣ်ဝဲန့ၣ်, ကဘၣ်တၢ်ထဲးထီၣ်ကွံာ်အီၤလီၤ. 14ပျဲအဝဲသ့ၣ်အိၣ်ဒၣ်အတၢ်တက့ၢ်. အဝဲသ့ၣ်မ့ၢ်ပှၤဆှၢတၢ်လၢအမဲာ်ဘျီၣ်တဖၣ်လီၤ. ဒီးဖဲပှၤမဲာ်ဘျီၣ်ဆှၢပှၤမဲာ်ဘျီၣ်န့ၣ်, အဝဲသ့ၣ်ကလီၤတဲာ်နုာ်ဆူတၢ်ပူၤခံဂၤလၢာ်န့ၣ်လီၤ.”
15စီၤပ့းတရူးစံး, “တဲဘၣ်ပှၤလၢတၢ်ကတိၤဒိအံၤအခီ ပညီတက့ၢ်.”
16ယ့ၣ်ၡူးစံးဆၢဝဲ, “သုဝဲစ့ၢ်ကီးသုတနၢ်ပၢၢ်ဒံးဘၣ်ဧါ.
17တၢ်တမံၤလၢ်လၢ်လၢအလဲၤနုာ်ဆူပှၤအကိာ်ပူၤန့ၣ်, လဲၤခီဖျိပှၤအဟၢဖၢ, ဒီးဟးထီၣ်ကွံာ်လၢအနီၢ်ခိအပူၤန့ၣ်, မ့ၢ်သုတသ့ၣ်ညါဘၣ်ဧါ. 18ဘၣ်ဆၣ်တၢ်လၢအဟဲထီၣ်လၢပှၤအကိာ်ပူၤန့ၣ်, ဟဲထီၣ်လၢပှၤအသးကံၢ်ပူၤလီၤ. တၢ်န့ၣ်မ့ၢ်တၢ်လၢအမၤတကဆှီဘၣ်ပှၤကညီန့ၣ်လီၤ. 19အဂ့ၢ်ဒ်အံၤ, တၢ်ဆိကမိၣ်အအၢအသီလၢအဆှၢပှၤဆူတၢ်မၤသံပှၤ, တၢ်အဲၣ်ဘၢမါအဲၣ်ဘၢဝၤ, တၢ်မၤကမၣ်မုၣ်ကမၣ်ခွါ, တၢ်ဟုၣ်တၢ်ဘျၣ်တၢ်, တၢ်အုၣ်အသးကဘျံးကဘျၣ်, ဒီးတၢ်ဒုၣ်ဒွဲၣ်စံးအၢတၢ်တဖၣ်န့ၣ်, ဟဲထီၣ်ဒၣ်လၢပှၤကညီအသးကံၢ်ပူၤလီၤ. 20တၢ်တဖၣ်အံၤ, မ့ၢ်တၢ်လၢအမၤတကဆှီဘၣ်ပှၤကညီလီၤ. မ့မ့ၢ်, ပှၤအီၣ်တၢ်ဒီးအစုလၢအတဘၣ်တၢ်သ့အီၤန့ၣ်, တမၤတကဆှီဘၣ်ပှၤကညီဘၣ်.”
ပိာ်မုၣ်တဂၤအတၢ်နာ်
(မၢ်. ၇:၂၄-၃၀)
21ယ့ၣ်ၡူးဟးထီၣ်ဖဲန့ၣ်, ဒီးလဲၤဝဲဆူတၢ်လီၢ်လၢအအိၣ်ဘူးဒီးဝ့ၢ်ထါယၢၣ် ဒီးစံဒိၣ်တဖၣ်လီၤ. 22ဒီးပှၤကနၤဧၣ်မုၣ်တဂၤ, လၢအအိၣ်ဖဲတၢ်လီၢ်န့ၣ်ဟဲဆူအအိၣ်ဒီးကိးထီၣ်ဝဲ, “စီၤဒၤဝံးအဖိခွါ, ကစၢ်ဧၢ, သူၣ်ကညီၤသးကညီၤလၢ်ယၤတက့ၢ်. ယဖိမုၣ်န့ၣ် တၢ်နါဒိးအီၤဒီးဘၣ်တူၢ်ဝဲနးမးလီၤ.”
23ဘၣ်ဆၣ် ယ့ၣ်ၡူးတကတိၤဆၢအီၤနီတဘီဘၣ်. အပျဲၢ်အဘီၣ်တဖၣ်ဟဲဆူအအိၣ်ဒီးဃ့ကညးအီၤဒီးစံး, “မၢအက့ၤတက့ၢ်. အဂ့ၢ်ဒ်အံၤအဝဲဟးပိာ်ပခံဒီးကိးပသူထီၣ်ဝဲလၢပလီၢ်ခံလီၤ.”
24ယ့ၣ်ၡူးစံးဆၢတၢ်ဒီးစံး, “ယဘၣ်တၢ်ဆှၢလီၤဒၣ်ယၤဆူသိဖိလၢအလီၤမၢ်လၢအမ့ၢ် ပှၤအံၣ်စရ့လးဖိအဒူၣ်အထၢတဖၣ်အအိၣ်လီၤ.”
25ဘၣ်ဆၣ်ပိာ်မုၣ်န့ၣ် ဟဲဒီးတီၤလီၤကဒွံကျိာ်လၢအမဲာ်ညါဒီး စံး, “ကစၢ်ဧၢ, မၤစၢၤယၤတက့ၢ်.”
26ယ့ၣ်ၡူးစံးဆၢဝဲ, “တၢ်လၢဖိအတၢ်အီၣ်န့ၣ်တဂ့ၤဘၣ်တၢ်ဟံးန့ၢ်ဒီးကွံာ်လီၤအီၤဆူ ထွံၣ်အအိၣ်န့ၣ်ဘၣ်.”
27ပိာ်မုၣ်စံးဆၢတၢ်ဒီးစံး, “ကစၢ်ဧၢ, နတဲတၢ်န့ၣ်မ့ၢ်တီမးလီၤ. ဘၣ်ဆၣ်, တၢ်အီၣ်အဘျဲၣ်အစဲၢ်လၢအဟဲလီၤတဲာ်လၢ ကစၢ်အစီၢ်နီၤခိၣ်ဒၣ်လဲာ်န့ၣ်, ထွံၣ်အီၣ်ဘၣ်ဝဲလီၤ.”
28တုၤနုၤတစု, ယ့ၣ်ၡူးစံးဆၢအီၤ, “ပိာ်မုၣ်ဧၢ, နတၢ်နာ်အသဟီၣ်ဆူၣ်ဒိၣ်မးလီၤ. မ်တၢ်ကမၤအသးလၢနဂီၢ်, ဒ်နဆၢနဲအသိးန့ၣ်တက့ၢ်.” ဒီးအဖိမုၣ်န့ၣ်, ဘျါက့ၤဝဲတကတီၢ်ဃီန့ၣ်လီၤ.
ယ့ၣ်ၡူးမၤဘျါက့ၤပှၤအါဂၤ
29ယ့ၣ်ၡူးဟးထီၣ်ဝဲဖဲတၢ်လီၢ်န့ၣ်, ဒီးလဲၤတၢ်လၢပီၣ်လဲၣ်ကၤလံၤလါအနံၤလီၤ. လဲၤထီၣ်ဝဲဆူတၢ်လူၢ်တလူၢ်အဒီခိၣ်, ဒီးဆ့ၣ်နီၤဝဲဖဲန့ၣ်လီၤ. 30ဒီးပှၤဂီၢ်မုၢ်ဖးဒိၣ်ဟဲဆူအအိၣ်, ဟဲစိာ်ဃုာ်ဒီးပှၤအခီၣ်ဟးဂီၤ, ပှၤအစုကၢ်အခီၣ်ချံး, ပှၤအမဲာ်ဘျီၣ်, ပှၤအုးအးဒီးပှၤဘၣ်ဆူးဘၣ်ဆါအဂုၤအဂၤအါဂၤ, ဒီးပာ်လီၤဝဲလၢယ့ၣ်ၡူးအခီၣ်ထံး, ဒီးအဝဲဒၣ်မၤဘျါက့ၤအဝဲသ့ၣ်လီၤ. 31တုၤပှၤဂီၢ်မုၢ်တဖၣ်ထံၣ်ဘၣ်ပှၤအုးအးကတိၤထီၣ်တၢ်, ပှၤအစုကၢ်အခီၣ်ချံးတဖၣ်ဂ့ၤထီၣ်က့ၤ, ပှၤအခီၣ်ဟးဂီၤတဖၣ်ဟးထီၣ်က့ၤ, ဒီးပှၤအမဲာ်ဘျီၣ်ထံၣ်ထီၣ်က့ၤတၢ်ဒီး, ကမၢကမၣ်ဝဲ ဒီးစံးထီၣ်ပတြၢၤအံၣ်စရ့လးအကစၢ်ယွၤလီၤ.
ယ့ၣ်ၡူးလုၢ်အီၣ်ပှၤလွံၢ်ကထိ
(မၢ်. ၈:၁-၁၀)
32ယ့ၣ်ၡူးကိးန့ၢ်အပျဲၢ်အဘီၣ်တဖၣ်ဆူအအိၣ်ဒီးစံးဘၣ်အဝဲသ့ၣ်, “ယသးကညီၤဘၣ်ပှၤဂီၢ်မုၢ်တဖၣ်အံၤလီၤ. အဂ့ၢ်ဒ်အံၤ, အဝဲသ့ၣ်အိၣ်တ့ၢ်ဒီးယၤသၢနံၤလံ. ဒီးအခဲအံၤ အတၢ်အီၣ်တအိၣ်ဘၣ်နီတမံၤဘၣ်. ယတအဲၣ်ဒိးဒုးက့ၤအဝဲသ့ၣ်လၢ တၢ်သၣ်ဝံၤသၣ်စ့ၤအပူၤဘၣ်. ကလီၤဘှံးလီၤဘှါဘၣ်ဖုးလၢကျဲလီၤ.”
33အပျဲၢ်အဘီၣ်တဖၣ်စံးဘၣ်အီၤ, “ပကလဲၤမၤန့ၢ်ဘၣ်တၢ်အီၣ်တၢ်အီလၢ အကလၢဝဲလၢပကဒုးအီၣ်ပှၤဂီၢ်မုၢ်ဖးဒိၣ်အံၤအဂီၢ်, လၢပှၢ်မုၢ်ကနၢအံၤအပူၤဖဲလဲၣ်.”
34ယ့ၣ်ၡူးသံကွၢ်အဝဲသ့ၣ်, “သုကိၣ်အိၣ်ပှံၤဖျၢၣ်လဲၣ်.”
အဝဲသ့ၣ်စံးဆၢဝဲ, “ကိၣ်နွံဖျၢၣ်ဒီးညၣ်ဖိစှၤဘ့ၣ်လီၤ.”
35တုၤနုၤတစုယ့ၣ်ၡူးမၤလိာ်ပှၤဂီၢ်မုၢ်လၢကဆ့ၣ်နီၤလၢဟီၣ်ခိၣ်အလိၤလီၤ. 36အဝဲဟံးန့ၢ်ကိၣ်နွံဖျၢၣ်ဒီးညၣ်ဖိတဖၣ်န့ၣ်, စံးထီၣ်ပတြၢၤကစၢ်ယွၤအဘျုးအဖှိၣ်ဝံၤဒီးစိၢ်ဘျဲးဝဲ, ဒီးဟ့ၣ်လီၤဝဲအပျဲၢ်အဘီၣ်, ဒီးအပျဲၢ်အဘီၣ်တဖၣ်ဟ့ၣ်လီၤပှၤဂီၢ်မုၢ်တဖၣ်လီၤ. 37အဝဲသ့ၣ်ကိးဂၤဒဲးအီၣ်ဝဲဒီးဘျဲးအီၣ်ဘျဲးအီဝဲလီၤ. အပျဲၢ်အဘီၣ်တဖၣ်ထၢဖှိၣ်က့ၤတၢ်အဘျဲၣ်အစဲၢ်ပှဲၤကုနွံဒုလီၤ. 38လၢပိာ်မုၣ်ဒီးဖိသၣ်အမဲာ်ညါ, ပှၤပိာ်ခွါလၢအအီၣ်တၢ်ခဲလၢာ်အိၣ်ဝဲလွံၢ်ကထိဂၤလီၤ.
39ဒီးပျၢ်ကွံာ်ပှၤဂီၢ်မုၢ်တဖၣ်န့ၣ်ဒီး, လဲၤနုာ်ဆူချံပူၤဒီးလဲၤဆူကီၢ်မၤကဒၣ်အခိၣ်အဃၢၤန့ၣ်လီၤ.
Nu geselecteerd:
:
Markering
Kopiëren
Vergelijk
Delen
Wil je jouw markerkingen op al je apparaten opslaan? Meld je aan of log in
Sgaw Karen Common Bible © Bible Society of Myanmar, 1992.