Populaire Bijbelverzen uit Aposel 5

Delen

Irkeb Pita beleŋ kadom yagoya huwarde wol heŋbe, “Neŋbe Al Kuruŋyen mere po gama irtek. Dende mere ma nurtek geb!

Irdeb al saba yird yird niŋ bada ma hamiŋ. Hugiŋeŋ gise haŋka Al Kuruŋyen ya balemde gor kuŋ mere igiŋ Yesube Mesaia yitiŋ goyen mere kawan po tagalde kuŋ hinhan. Irdeb almet yayaŋ wor gwahade po teŋ hinhan.

Irkeb Holi Spirityen saŋiŋde Pita beleŋ bebak teŋbe, “Ananaias, daniŋ geb Satanyen dufay po gama irde hora kurhanbe gigeŋ ge bana kerdeb tumŋaŋ gago po tawayhem yara teŋ Holi Spirit usi irha? Megeŋge goyen damu ma tikeyabe gere hinhin. Irde damu tike muruŋgem wor gere po. Niŋgeb hora go teŋ dufayger det kura ire yeŋbe gwaha irtek yara. Gega da beleŋ wor po girkeb dufay goyen forok yekeb mata buluŋ gogo taha? Usi taha gobe al ma usi yirha, Al Kuruŋ usi irha geb,” inyiŋ. Irkeb Ananaias gobe mere goyen nurdeb goyare po kamde katyiŋ. Irkeb al foŋeŋ kura gor hinhan gore waŋbe al hakwa go mala teŋ tukuŋ mete tiyamiŋ. Be, Ananaias beleŋ Holi Spirit usi irde goke muŋ po kamke kenamiŋ marya mere momoŋmiŋ nuramiŋ marya tumŋaŋ tulfut yeŋ kafura hamiŋ.

Niŋgeb gwahade goyen po aposel buda beleŋ mata teŋ haŋ gayenbe dufaymiŋde po teŋ haŋ kenem meteŋmiŋ gobe hubu hiyyeŋ. Munaŋ Al Kuruŋyen dufay gama irde teŋ haŋ kenem deŋ beleŋ, ‘Bada henaŋ,’ yinnayiŋ gega, epte ma meretiŋ nurnayiŋ. Moŋgo al buda gayen asogo yirhet usi teŋbe Al Kuruŋ asogo irnayiŋ geb. Goke teŋbe dinhem gago. Mel gayenbe okohom po yubul tike kunayiŋ,” yinyiŋ.