Populaire Bijbelverzen uit Isai 41

Delen

Agi lagi mandar ri! An nga ki sed’egiya. Agi mbud’ugi tagi hohoud’a d’i, kayam an nAlo magina, an nga ni siragiya, an nga ni mba á ndjunugiya, an nga ni ndjunugi kabon ma ndjuf ma kus ayîna.

Kayam an ni Ma didina Alo magi ma ni vagi abogi ma ndjufâ akulona, an nga ni dagiya: Agi lagi mandar ri! An nga ni mba á ndjunugiya.

Gola! Suma pet suma huruzi mi zal kagina, a mba mbut zulona, a mba mang ngeyo. Suma a nga tchi tuguyod’a ki sed’egina, a mba mbut ni vama hawana, a mba dap peyo.

agi suma an yagï avun dabid’a handagad’ina, an yagi yam andaga d’a deid’a, an dagi ala: Agi nazungeî mana, an managiya, an mba ni aragi woi d’uo d’a!

Suma a halagi huneîd’ina, agi mba halaziya, wani agi mba fazi d’i. Suma a nga durugi ayînina, a mba mbut ni vama hawa yak ma zlam nga d’uo na mi.

Agi Israel suma hi Jakob-ma, agi suma suma a gologi d’igi ndjuvul ma gorâ na na, agi suma suma a mired’egi kä d’igi ndjuvulâ na na, agi lagi mandar ri! An tan nga ni mba á ndjunugiya! An Ma didin ma tin tan irat vat kagi Israel-lîna, ni dala: An nga ni hle zla magid’a hur abonu.

Ma didina mi de kua ala: Agi Israel-lâ azungeî mana, agi suma hi Jakob ma an manama, agi andjafâ hi banana Abraham-ma

An mba ni gäluma yam yima ndingâ, an mba ni ge mbiyo ma laud’a angra ahuniyôna, an mba ni mbut hur fulâ apo d’a mbina, an mba ni mbut andaga d’a so d’a gangrasa yima djang mbina mi.

Suma hohoud’a ki suma houd’a a nga hal mbina, a nga fum mbi. Sinazi ti so abo vun ma sod’a. An Ma didina mba ni humuziya, an Alona hi Israel-lîna mba ni arazi woi d’i.

Ni nge ba, mi ndak vun ahle ndazina ge? Ni Ma mi yi andjaf suma kad’u tinda deina. Ni an Ma didin ma lahle ndazina avok deina, ni an ba, mba ni lahle suma kur atchogoi d’a danandina mi.

An mba ni pagu sedrena, agu kasiyana, agu mirtena kagu olifâ hur fulâ, an mba ni pagu siprena, agu pêna kagu buisâ ata yima gangrasâ, kayambala suma pet a gola, a we, a we woi tetet ala Ni an Ma didina ba, ni lahle ndazina kabonu, ni an Ma tin tan irat vat yam Israel-lîna ba, ni laziya.