1
Bǐbɛ́mɛ 3:6
MAWUXÓWÉMA
FONDC
Énɛ́ ɔ́, nyɔ̌nu ɔ́ mɔ ɖɔ atín ɔ́ nyɔ́ kpɔ́n, bɔ sínsɛ́n tɔn ná nyɔ́ ɖu. É mɔ ɖɔ nú è ɖu nǔgbó ɔ́, è nǎ ɖó nukúnnú mɔ jɛ nǔ mɛ. Énɛ́ ɔ́, é ba bó ɖu; asú tɔn ɖo akpá tɔn, bɔ é ná ɛ bɔ élɔ́ ɖu.
Vergelijk
Ontdek Bǐbɛ́mɛ 3:6
2
Bǐbɛ́mɛ 3:1
Lo ɔ́, dan wɛ nyí kanlin e sɛ́ hú gběkanlin e Mawu Mavɔmavɔ bló lɛ́ɛ bǐ é. Dan ɔ́ kanbyɔ́ nyɔ̌nu ɔ́ ɖɔ: “Mawu ɖɔ mi kún ɖó ná ɖu atínsínsɛ́n e ɖo jikpá ɔ́ mɛ lɛ́ɛ ɖěbǔ ó nǔgbó a?”
Ontdek Bǐbɛ́mɛ 3:1
3
Bǐbɛ́mɛ 3:15
Un ná bló bɔ hwi kpó nyɔ̌nu ɔ́ kpó ɔ́, mi ná nɔ́ mɔ miɖée gbɔ gbeɖé ǎ; kúnkan towe kpó kún tɔn kpó ɔ́, yě ná nɔ́ mɔ yěɖée gbɔ gbeɖé ǎ. Kúnkan tɔn ná nɔ́ nyínyɛ́ ta nú we, bɔ hwɛ ká ná nɔ́ gblé wǔ éyɛ́ tɔn dó afɔgbɛnnu.”
Ontdek Bǐbɛ́mɛ 3:15
4
Bǐbɛ́mɛ 3:16
Énɛ́ ɔ́ gúdo ɔ́, Mawu Mavɔmavɔ ɖɔ nú nyɔ̌nu ɔ́ ɖɔ: “Un ná bló bɔ a mɔ xo ɔ́, a nǎ nɔ́ mɔ wǔvɛ́ ɖésú; a yi ajidonu ɔ́, a nǎ mɔ wǔvɛ́; asú towe ná nɔ́ jló we, éyɛ́ ká ná ɖu gǎn ɖo jǐ towe.”
Ontdek Bǐbɛ́mɛ 3:16
5
Bǐbɛ́mɛ 3:19
A nǎ nɔ́ xwá dɛ̌n ɖo nukɔn cóbó ná nɔ́ mɔ nǔ ɖu. Mɔ̌ wɛ é ná nyí gbɔn nú we káká bɔ a nǎ yi kɔ́ e è dǒ bló we ná ɔ́ glɔ́. Nǔgbó ɔ́, kɔ́ wɛ a nyǐ, bó ka ná lɛ́ húzú kɔ́.”
Ontdek Bǐbɛ́mɛ 3:19
6
Bǐbɛ́mɛ 3:17
Mawu Mavɔmavɔ ká wá ɖɔ nú Adámu ɖɔ: “Ée a se asi towe xó, bó ɖu atín e sín sínsɛ́n un gbɛ́ ɖɔ hwi ní má ɖu ó ɔ́ wútu ɔ́, un ná dó nu ayǐkúngban ɔ́ ɖó hwi wú. A nǎ nɔ́ jɛ tagba ɖésú, cóbɔ ayǐkúngban ɔ́ ná nɔ́ ná we nǔɖuɖu ɖo gbɛzán towe lɛ́ɛ bǐ mɛ.
Ontdek Bǐbɛ́mɛ 3:17
7
Bǐbɛ́mɛ 3:11
Mawu Mavɔmavɔ ká kanbyɔ́ ɛ ɖɔ: “Mɛ̌ wɛ ɖɔ nú we ɖɔ a ɖo mɛ̌? Atín e sín sínsɛ́n un gbɛ́ nú we ɖɔ hwi ní má ɖu ó ɔ́, a ɖu wɛ a?”
Ontdek Bǐbɛ́mɛ 3:11
8
Bǐbɛ́mɛ 3:24
Ée Mawu Mavɔmavɔ nya gbɛtɔ́ sín jikpá ɔ́ mɛ ɔ́, é fɔ wɛnsagun susunɔ lɛ́ɛ ɖó jikpá Edɛ́ni tɔn ɔ́ sín zǎnzǎnhwe jí. Wɛnsagun lɛ́ɛ hɛn hwǐ, bó ɖo mimi wɛ, bɔ é nɔ́ ɖo myɔ kán wɛ, bó ɖo ali e yi atín e nɔ ná gbɛ mɛ ɔ́ kɔn ɔ́ cɔ́ wɛ.
Ontdek Bǐbɛ́mɛ 3:24
9
Bǐbɛ́mɛ 3:20
Súnnu ɔ́ ɖó nyǐkɔ n'i ɖɔ Ɛvu, ɖó é wɛ ná nyí gbɛtɔ́ lɛ́ɛ bǐ sín nɔ.
Ontdek Bǐbɛ́mɛ 3:20
Thuisscherm
Bijbel
Leesplannen
Video's