Populaire Bijbelverzen uit Salmos 19

Delen

Waˊ jäˉ hlëëhnˋ heˉ lluꜗ jmahꜗ baˊ, hiꜙ waˊ lluˈ läꜙkye̱ˉ hʉʉˊdsëˉ kinꜙ mahꜗ tɨh˜ hohꜘ hneˉ DSAˉJØ̱Ø̱Hˈ kya̱a̱nꜙ hi̱ˉ la̱a̱ꜗ läꜙko̱o̱ˉ ku̱u̱ˊ hlooˉ hi̱ˉ lä̱ä̱˜ jnäꜘ.

Juuˈ kihꜗ Dio laꜗ lluꜗ goˉte˜, heˉ jmeeꜙ dsaˉnøhꜗ dsëˉ jneˊ. Dsaˉläˉteꜗ baˊ läꜙjëꜙ madaꜚ kiyhꜗ, hiꜙ juuˈ kiyhꜗ jmeeꜙ dsaˉläˉkyʉʉh˜ dsaˉ hi̱ˉ saꜙ ngëëꜘ.

Läꜙjëꜙ heˉ jëëˉ jneˊ gyʉʉhˈ jmɨˉgyʉʉꜙ miˉjnääꜙ haˉ ko̱hꜘ saꜙ jø̱ø̱hˈ la̱a̱ꜗ Dio. Läꜙjëꜙ heˉja̱ˉ miˉjnääꜙ läꜙko̱o̱ˉ laꜗ taˊ heˉ gaꜙjmeeyꜘ.

Läꜙjëꜙ madaꜚ kiyhꜗ laꜗ lluꜗ goˉte˜, heˉ jmeeꜙ jë̱ë̱ˉ tuhˉdsëꜗ dsaˉ. Naˉjngɨɨˈ baˊ laˈ madaꜚ kiyhꜗ heˉ jmeeꜙ dsaˉläˉngëëꜘ dsaˉ.

Heˉ ga̱hꜙ jneˊ Dio, heˉ ja̱ˉ baˊ laˈ naˉjngɨɨˈ jnänˋ, hiꜙ jmeeꜙ cha̱a̱ˉ jneˊ tä̱ä̱ꜘ. Läꜙjëꜙ hihꜙ kiyhꜗ laꜗ juˈdsooꜘ jmahꜗ baˊ, hiꜙ kweeˉ baˊ laˈ lluꜗ kihꜗ läꜙjë̱ë̱ꜙ.