Populaire Bijbelverzen uit Mateo 20

Delen

Ja̱je pa'ye peosipi, mësarute cato. Ai jerepa pa'i pasi'i caquëpi yecohua'ire necaiquë pa'iye pa'iji. Cui'ne mësaru aquëpi du'ru aquë pasi'i caquë pani yecohua'ini necaiquëpi jo'yaë pa'iye pa'iji. Pa̱i Mamaquëje̱ pa'iohua'i pa'iye pa'iji. Ja̱ë je̱'quë daima'ë paji'i, yecohua'ipi necaija̱jë caquë. Coa ai jerepa necasi'i caquë daji'i, i̱ pa'iye do'ipi jai pa̱i de'oye pa'i ja̱'ñe necasi'i caquë.”

Ja̱je pa'ina, jeteyo'je pa'isicohua'ipi du'ru acohua'i pa'ija̱'cohua'i a'ë. Cui'ne du'ru acohua'ipi jeteyo'je pa'ija̱'cohua'i a'ë. Ja̱je pa'ina, jai pa̱i soisicohua'i pa'iyë. Pa'ijëta'are, sahuani jo'ya nesicohua'ipi a'ri ja'i pa̱i pa'iyë.”

Cajëna, Jesupi teaye pa'iohua'ire ñani oi patopi, ñaco ca̱na. Ja̱je patoquëna, i̱ti macapi tsoe ñacohua'i paë'ë. Pa'ijë Jesure tuë'ë.