Populaire Bijbelverzen uit Aj Filipos 2

Delen

Mit kubꞌ kybꞌinchiꞌn jun tiꞌ noq tuꞌnjo at tajbꞌin kyeꞌy, ex nya tukꞌa kynimsbꞌil kyibꞌa, qalaꞌ tukꞌa kymutxbꞌil kyibꞌa teyile junjun, ex tuꞌn kyximiꞌn kyiꞌjjo txqantl, qa nimxixtl kyoklin toj taqꞌin qMan Dios. Mix aꞌl jun kyeꞌ, tuꞌn tkubꞌ tbꞌinchin jun tiꞌ, noq tuꞌn tknetjo a te teku, qalaꞌ noq tuꞌn tel wenku te tkyaqilx.

Junxit tel kyximbꞌitza kykyaqila, ikyxjo tzeꞌnku te Crist, a Jesús

quꞌn ikyx t-xilin luꞌn: Me exla qa ax Diosjo, me mix jaw tiꞌne tibꞌ, tuꞌn tok toklin tzeꞌn te Dios, qalatziꞌn, bꞌeꞌx xkyij ttzaqpiꞌn toklin toj kyaꞌj, exsin s-ok tqꞌoꞌn tibꞌtz tzeꞌnkuj jun kyaqꞌnilxjal. Atzaj teꞌ s-ok te xjal, xkubꞌtzin tyekꞌin tmutxbꞌil tibꞌ, ex kubꞌ tnimin tMan, ex xi tqꞌoꞌn tibꞌ tuꞌn tkyim twutzjo cruz; ikytzin s-ele kyiꞌn xjaljo ttxꞌixew, nyakuj tzeꞌn jun aj il.

Ikytziꞌn, ate Dios ktzajil qꞌonte tumil tiꞌjjo wen, a kyaja, ex ktzajil qꞌonte mojbꞌil kyeꞌy, tuꞌn tjapin bꞌajjo lo kyuꞌn, tzeꞌnku taj qMan Dios.

Tuꞌn xkubꞌ tnimintz ikyjo, ma tzaj tqꞌoꞌn Dios nimxix toklin, ex ma tzꞌok qꞌoꞌn te tAjaw Tkyaqil, tukꞌa nimxixtl toklin tibꞌaj tkyaqilx. Tunpetziꞌn, bꞌin quꞌn, qa nimxix toklin tbꞌi Jesús. Ex tuꞌn ikyjo, noq twutz, kchi kꞌwele mejeye kꞌulil, a iteꞌ toj kyaꞌj, ikyqexjo a iteꞌ twutz txꞌotxꞌ, ex ikyqexjo tkyaqil kyimnin. Tuꞌnpetziꞌn, tkyaqilx tuꞌn tkubꞌ nabꞌlinte, ex tuꞌn tkubꞌ qꞌmante, qa oꞌkx Jesucrist, a tAjaw Tkyaqil, ok te nimsbꞌilte tbꞌi qMan Dios.

Kybꞌinchinkutziꞌn tkyaqilx tukꞌa tkyaqil kykꞌuꞌja, ex nya tuꞌn kyjaw chꞌotje, ex nya tuꞌn kyjaw yolbꞌiꞌn, tuꞌntzin ntiꞌ kyila kywutzxjal, a nya nimilqe ex bꞌinchil ilqe. Qalaꞌ chi okxita tkꞌwal qMan Dios, ex ntiꞌtla kytzꞌilila toj kychwinqila. Qalaꞌ chi okxa tzꞌaqle wen, tzeꞌnqe cheꞌw nchi qoptzꞌaje toj qnikyꞌin; ex ikyxqetzintla kyejiꞌy tukꞌaꞌ kybꞌinchbꞌin toj kynimbꞌila kyxoljo nya nimil, a toj qxopin iteꞌye

Atzin jaꞌlin, werman, ex nimx nqꞌaqꞌin nkꞌuꞌja kyiꞌja; ikytziꞌn tzeꞌnkuj in kubꞌ kynimiꞌn, tej nteꞌn kyukꞌiy, exsintla nimxixtl tuꞌn nkubꞌ kynimiꞌn jaꞌlin, a najchaq intiniꞌy kykꞌatza. Quꞌn tuꞌnjo ma chi kleta, kyqꞌonktzin tilil, tuꞌn tkubꞌ kyniminjiꞌy kolbꞌil kyeꞌy, me tukꞌa kymutxbꞌil kyibꞌa, ex tuꞌn tten tchewil qMan Dios kyiꞌja.